18
1 ဒီးယွၤလီၣ်ဖျါထီၣ်အသးလၢအမဲာ်ညါဖဲ မးမရ့အ သ့ထိးဖၣ်လီၤ. ဒီးလၢမုၢ်ကိၢ်ထီၣ်န့ၣ် ဆ့ၣ်နီၣ်ဝဲလၢဒဲ အကျဲစၢၤ,
2 ဒီးကျ့ထီၣ်အမဲာ်, ဒီးကွၢ်ဝဲ, ဒီးကွၢ်ကွၢ်, ပှၤကညီသၢဂၤ ဆၢထၢၣ်လၢအဃၢၤလီၤ. ဒီးတုၤအ ထံၣ်ဘၣ်ဝဲဒီး, ဃ့ၢ်ထီၣ်ဝဲလၢဒဲအကျဲစၢၤဒ်သိးအကသ ဂၢၢ်ထီၣ်အီၤ, ဒီးတီၤလီၤကဒွံကျိာ်လၢဟီၣ်ခိၣ်,
3 ဒီးစံး ဝဲဒၣ်, ယကစၢ်ဧၢ, ယမ့ၢ်ဘၣ်ဘျုးလၢနမဲာ်ညါဒီး, လဲၤပူၤကွံာ်လၢ်လၢနကုၢ်နပှၤအအိၣ်တဂ့ၤ.
4 ပျဲပှၤဟဲ စိာ်ထံတစဲး, ဒီးသ့ကွံာ်သုခီၣ်ဒီးအိၣ်ဘှံးလၢ်လၢသ့ၣ် အဖီလာ်န့ၣ်တက့ၢ်.
5 ဒီးယကဟဲစိာ်ကိၣ်တကူာ်,ဒီး မၤမုာ်ထီၣ်က့ၤသုသးတက့ၢ်. လၢခံက့ၤဒီးသုကလဲၤ ဘၣ်ဒံးတၢ်လီၤ. အဂ့ၢ်ဒ်အံၤ, မ့ၢ်သုဟဲလံဆူသုကုၢ်သု ပှၤအအိၣ်လံလီၤ. ဒီးစံးဝဲဒၣ်, ဒ်န့ၣ်အသိးမၤဒ်နစံးတၢ် အသိးန့ၣ်တက့ၢ်.
6 ဒီးစီၤအၤဘြၤဟၣ်က့ၤချ့သဒံးဆူဒဲပူၤ, ဆူနီၢ်စၤရါအ အိၣ်, ဒီးစံးဝဲဒၣ်, ကတဲာ်ကတီၤန့ၢ်ကိၣ်ကမူၣ်သၢစ့ၤ အၤချ့ချ့, စံၢ်အီၤ, ဒီးမၤကိၣ်ဒီဘ့ၣ်တဖၣ်လၢဖၣ်ကပူၤ အဖီခိၣ်န့ၣ်တက့ၢ်.
7 ဒီးစီၤအၤဘြၤဟၣ်ဃ့ၢ်ဆူဂီၤဖံးတဖုအအိၣ်, ဒီးမၤန့ၢ် ဂီၤဖံးဖိလၢအညၣ်စၢ်, ဒီးဂ့ၤဝဲတဒု, ဒီးဟ့ၣ်လီၤလၢဖိၣ် သၣ်ခွါတဂၤ, ဒီးအဝဲဒၣ်ကတဲာ်ကတီၤအီၤချ့သဒံးလီၤ.
8 ဒီးဟံးန့ၢ်တၢ်နုၢ်ထံလီၤသကၤ, ဒီးတၢ်နုၢ်ထံ, ဒီးဂီၤ ဖံးဖိလၢအကတဲာ်ကတီၤတ့ၢ်န့ၣ်, ဒီးပာ်လီၤဝဲလၢအဝဲ သ့ၣ်အမဲာ်ညါ, ဒီးဆၢထၢၣ်အကစၢ်ဒၣ်ဝဲလၢအဃၢၤ လၢသ့ၣ်အဖီလာ်, ဒီးအဝဲသ့ၣ်အီၣ်တၢ်လီၤ.
9 ဒီးစံးဘၣ်အီၤ, နမါနီၢ်စၤရါန့ၣ်မ့ၢ်အအိၣ်ဖဲလဲၣ်, ဒီး စံးဝဲဒၣ်, ကွၢ်ကွၢ်, အိၣ်ဝဲလၢဒဲပူၤလီၤ.
10 ဒီးစံးဝဲဒၣ်, တၢ်ဆၢက့ၤအကတီၢ်န့ၣ် ယကဟဲက့ၤဆူနအိၣ်သပှၢ် တၢၢ်, ဒီးကွၢ်ကွၢ်, နမါနီၢ်စၤရါကအိၣ်ဒီးအဖိခွါလီၤ. ဒီးနီၢ်စၤရါနၢ်ဟူဝဲ လၢဒဲအကျဲစၢၤအိၣ်ဝဲလၢ အချၢဃံ န့ၣ်လီၤ.
11 ဒီးစီၤအၤဘြၤဟၣ်ဒီးနီၢ်စၤရါအသးပှၢ်တ့ၢ်, လဲၤတ့ၢ် လၢနံၣ်တဖၣ်အကျါလီၤ. ဒီးတကဲထီၣ်လၢၤဘၣ်ဒီးနီၢ် စၤရါဒ်ပိာ်မုၣ်အလုၢ်အလၢ်အသိးန့ၣ်ဘၣ်.
12 ဒီးနီၢ်စၤ ရါနံၤဘၣ်ဝဲလၢအသးကံၢ်ပူၤ, ဒီးစံးဝဲဒၣ်, ယသးပှၢ် တ့ၢ်အလီၢ်ခံန့ၣ်ယကအိၣ်ဒီးတၢ်မုာ်လၤစ့ၢ်ကီးဧါ. ဒီး ယကစၢ်န့ၣ်သးပှၢ်တ့ၢ်လီၤ.
13 ဒီးယွၤစံးဘၣ်စီၤအၤဘြၤဟၣ်, နီၢ်စၤရါနံၤဝဲ, ဒီးစံး, ယသးပှၢ်တ့ၢ်, ဒီးယကဆံးစၢ်န့ၢ်ယဖိသပှၢ်တၢၢ်ဧါန့ၣ် ဘၣ်မနုၤလဲၣ်.
14 တၢ်ကီကဲၣ်ဆိးအိၣ်ဝဲဒီးယွၤတမံၤမံၤ ဧါ. တုၤအဆၢကတီၢ်ဘၣ်ဒီး, ယကဟဲက့ၤဆူနအိၣ် ဖဲတၢ်ဆၢက့ၤအကတီၢ်, ဒီးနီၢ်စၤရါကအိၣ်ဒီး အဖိခွါ လီၤ.
15 ဒီးနီၢ်စၤရါသမၢဝဲ, ဒီးစံးဝဲဒၣ်, ယတနံၤဘၣ်. မ့ၢ်အပျံၤတၢ်အဃိလီၤ. ဒီးစံးဝဲဒၣ်, တမ့ၢ်ဘၣ်, မ့ၢ်န နံၤလီၤ.
16 ဒီးပှၤကညီတဖၣ်န့ၣ်ဟးထီၣ်ဖဲန့ၣ်, ဒီးကွၢ်ဝဲဆူဝ့ၢ်စ ဒိၣ်, ဒီးစီၤအၤဘြၤဟၣ်လဲၤဒီးအီၤဒ်သိးကဆှၢအီၤလီၤ.
17 ဒီးယွၤစံးဝဲဒၣ်, တၢ်လၢယကမၤတၢ်အံၤ, ယကပာ် ခူသူၣ်လၢစီၤအၤဘြၤဟၣ်ဧါ.
18 ဒီးစီၤအၤဘြၤဟၣ်ကကဲ ထီၣ် ပှၤတကလုာ်ဖးဒိၣ်ဒီးဆူၣ်ဝဲ, ဒီးကယဲၢ်ပှၤကညီ လၢဟီၣ်ခိၣ်ချၢန့ၣ်ကဘၣ်တၢ်ဆိၣ်ဂ့ၤလၢအပူၤ ကိးက လုာ်ဒဲးလီၤ.
19 အဂ့ၢ်ဒ်အံၤ, ယသ့ၣ်ညါအီၤလၢအက မၤလိာ်အဖိအလံၤ, ဒီးအပှၤဟံၣ်ဖိလၢအလီၢ်ခံန့ၣ်လီၤ. ဒီးအဝဲသ့ၣ်ကပိာ်ယွၤအကျဲ ဒ်သိးအကမၤတၢ်တီတၢ် လိၤ, ဒီးတၢ်စံၣ်ညီၣ်, ဒ်သိးယွၤကဒုးလီၤဘၣ်တၢ်လၢ စီၤအၤဘြၤဟၣ်အလိၤလၢအစံးပာ်လၢအဂ့ၢ်လီၤ.
20 ဒီးယွၤစံးဝဲဒၣ်, မ့ၢ်စဒိၣ်ဒီးဂမိရၤအကိးတၢ်ဒိၣ်ဝဲအါ ဝဲဒီး, အတၢ်ဒဲးဘးယိာ်မး,
21 သတးဒီးယကလဲၤလီၤ, ဒီးမ့ၢ်အမၤဝဲတုၤအလၢာ် ဖဲဒၣ်တၢ်ကိးလၢအဟဲဆူယ အိၣ်အသိးဧါန့ၣ်ယကကွၢ်, ဒီးမ့တမ့ၢ်ဘၣ်ဒီး, ယက သ့ၣ်ညါလီၤ.
22 ဒီးပှၤကညီတဖၣ်န့ၣ် ဃၣ်ဒူၣ်ချၢအသးဖဲန့ၣ်, ဒီးလဲၤ ဝဲဆူစဒိၣ်လီၤ. မ့မ့ၢ်စီၤအၤဘြၤဟၣ်န့ၣ် ဆၢထၢၣ်ဒံး လၢယွၤအမဲာ်ညါလီၤ.
23 ဒီးစီၤအၤဘြၤဟၣ်သုးဘူးအသး ဒီးစံးဝဲဒၣ်, နကမၤဟးဂီၤပှၤတီပှၤလိၤစ့ၢ်ကီးဒီး ပှၤတတီတလိၤန့ၣ်ဧါ.-
24 ဘၣ်တဘၣ်ပှၤတီပှၤလိၤယဲၢ်ဆံကအိၣ်ဝဲလၢဝ့ၢ်ပူၤလီၤ. နကမၤဟးဂီၤစ့ၢ်ကီး ဒီးတပျၢ်ဘၣ်အလီၢ်န့ၣ်လၢပှၤတီ ပှၤလိၤယဲၢ်ဆံလၢအအိၣ်လၢအပူၤအဃိဘၣ်ဧါ.
25 မ်န သုတမၤဒ်န့ၣ်တဂ့ၤ. မၤသံပှၤအတီအလိၤ ဒီးပှၤတတီ တလိၤ, ဒီးပာ်ပှၤအတီအလိၤဒ်ပှၤတတီတလိၤအသိး န့ၣ်, မ်တၢ်သုတမၤအသးဒ်န့ၣ်ဒီးနၤတဂ့ၤ. ပှၤလၢအ စံၣ်ညီၣ်ဟီၣ်ခိၣ်ဒီဘ့ၣ်ညါတဂၤန့ၣ် ကမၤတၢ်တီတၢ် လိၤတမ့ၢ်ဘၣ်ဧါ.
26 ဒီးယွၤစံးဝဲဒၣ်, ယမ့ၢ်ထံၣ်န့ၢ်ပှၤအတီအလိၤယဲၢ်ဆံ လၢဝ့ၢ်စဒိၣ်အပူၤဒီး, ယကပျၢ်အလီၢ်ဒီဘ့ၣ်ညါလၢအ ဃိလီၤ.
27 ဒီးစီၤအၤဘြၤဟၣ်စံးဆၢတၢ်, ဒီးစံးဝဲဒၣ်, ကွၢ်ကွၢ်, ယပာ်ယသးလၢ ယကကတိၤတၢ်ဒီးကစၢ်, ဒီးယမ့ၢ် ဟီၣ်ခိၣ်အကမူၣ်ဒီးဖၣ်ဆါယဲလီၤ.
28 ဘၣ်တဘၣ်ပှၤအ တီအလိၤယဲၢ်ဆံန့ၣ်ကစှၤလီၤယဲၢ်ဂၤလီၤ. နကမၤဟး ဂီၤဝ့ၢ်ဒီဖျၢၣ်ညါလၢယဲၢ်ဂၤအဃိဧါ. ဒီးစံးဝဲဒၣ်, ယမ့ၢ် ထံၣ်န့ၢ်လွံၢ်ဆံယဲၢ်ဂၤဖဲန့ၣ်ဒီး,ယတမၤဟးဂီၤဘၣ်လီၤ.
29 ဒီးကတိၤတၢ်ဒီးအီၤကဒီးတစု ဒီးစံးဝဲဒၣ်, ဘၣ်တ ဘၣ်တၢ်ကထံၣ်န့ၢ်ပှၤလွံၢ်ဆံဖဲန့ၣ်လီၤ. ဒီးစံးဝဲဒၣ်,ယ တမၤဘၣ်လၢပှၤလွံၢ်ဆံအဃိဘၣ်လီၤ.
30 ဒီးစံးဝဲဒၣ်, မ်ကစၢ်အသးသုတထီၣ်တဂ့ၤ. ဒီးယ ကကတိၤတၢ်လီၤ. ဘၣ်တဘၣ် တၢ်ကထံၣ်န့ၢ်ပှၤသၢ ဆံဖဲန့ၣ်လီၤ. ဒီးစံးဝဲဒၣ်, ယမ့ၢ်ထံၣ်န့ၢ်ပှၤသၢဆံဖဲန့ၣ် ဒီး, ယတမၤဘၣ်လီၤ.
31 ဒီးစံးဝဲဒၣ်, ကွၢ်ကွၢ်, ယပာ်ယသးလၢယကကတိၤ တၢ်ဒီးကစၢ်လီၤ. ဘၣ်တဘၣ်တၢ်ကထံၣ်န့ၢ်ပှၤခံဆံဖဲ န့ၣ်လီၤ. ဒီးစံးဝဲဒၣ်, ယတမၤဟးဂီၤဘၣ်လၢပှၤခံဆံ အဃိဘၣ်လီၤ.
32 ဒီးစံးဝဲဒၣ်, မ်ကစၢ်သုတသးထီၣ်တဂ့ၤ. ဒီးယက ကတိၤတၢ်ထဲအအံၤတဘျီဧိၤလီၤ. ဘၣ်တဘၣ်တၢ်က ထံၣ်န့ၢ်ပှၤဆံဆဲၣ်ဂၤဖဲန့ၣ်လီၤ. ဒီးစံးဝဲဒၣ်, ယတမၤ ဟးဂီၤဘၣ်လၢပှၤဆံဆဲၣ်ဂၤအဃိဘၣ်လီၤ.
33 ဒီးတုၤယွၤကတိၤလိာ်အသး ဒီးစီၤအၤဘြၤဟၣ်ဝံၤ ဒီး, လဲၤတၢ်တကီၢ်ခါလီၤ. ဒီးစီၤအၤဘြၤဟၣ်က့ၤက့ၤ ဝဲဆူအလီၢ်လီၤ.