29
1 ဒီးအအံၤမ့ၢ်တၢ်လၢ နဘၣ်မၤအီၤဒ်သိးနကမၤစီဆှံ ထီၣ်အီၤလၢအကမၤပှၤလုၢ်တၢ်အဒိၣ် အတၢ်လၢယဂီၢ် လီၤ. ဟံးန့ၢ်ဂီၤဖံးဖါဖိတဒု, ဒီးသိဖါလၢအလၢအပှဲၤ ခံဒု,
2 ဒီးကိၣ်ဒီဖျၢၣ်တအိၣ်ဘၣ်ဒီးကိၣ်မံၣ်ဘၣ်, ဒီး ကိၣ်ဘ့ၣ်ဘၣ်တအိၣ်ဘၣ်ဒီးကိၣ်မံၣ်ဘၣ်ဃါဃုာ်ဒီးသိ,ဒီးကိၣ်ဘ့ၣ်ဘၣ်ဘူသလါတအိၣ်ဘၣ်ဒီး ကိၣ်မံၣ်ဖှူအ သးဒီးသိန့ၣ်တက့ၢ်. နဘၣ်မၤအီၤလၢဘုကၠူၣ်အက မူၣ်လီၤ.
3 ဒီးနဘၣ်ဒၢနုာ်အီၤလၢနာ်တဖျၢၣ်ဃီအပူၤ, ဒီးဟဲစိာ် အီၤလၢနာ်ပူၤ, ဒီးဂီၤဖံးဖါတဒု, ဒီးသိဖါခံဒုန့ၣ်လီၤ.
4 ဒီးနဘၣ်ဒုးဟဲစီၤအၤဟရိၣ်ဒီးအဖိခွါတဖၣ် ဆူတၢ် အိၣ်ဖှိၣ်အဒဲအကျဲစၢၤ, ဒီးနဘၣ်သ့စီအီၤလၢထံလီၤ.
5 ဒီးနဘၣ်ဟံးန့ၢ်တၢ်အကူအသိးတဖၣ်န့ၣ်, ဒီးဒုးသိး စီၤအၤဟရိၣ်လၢဆ့, ဒီးအ့ဖိးအဆ့ထီ, ဒီးအ့ဖိး, ဒီး သဃိး, ဒီးဒုးကံၢ်အယီၢ်ဒ့ဒီးအယီၢ်တကိးကံၣ်ဃ့,
6 ဒီး ဖၢၣ်ထီၣ်ခိၣ်ဖၢၣ်, ဒီးပာ်ခိၣ်သလုးစီဆှံလၢခိၣ်ဖၢၣ်အ ဖီခိၣ်လီၤ.
7 ဒီးနဘၣ်ဟံးန့ၢ်သိဖှူတၢ်, ဒီးလူလီၤအီၤ လၢအခိၣ်ဒီးဖှူအီၤလီၤ. ဒီးနဘၣ်ဒုးဟဲအဖိခွါဒီး ဒုးသိးအီၤလၢဆ့တဖၣ်,
8 8
9 ဒီးနဘၣ်ဒုးကံၢ်အီၤလၢယီၢ်တကိး (စီၤအၤဟရိၣ်ဒီးအ ဖိခွါတဖၣ်) ဒီးဒုးဖၢၣ်အခိၣ်လၢခိၣ်ဖၢၣ်တဖၣ်လီၤ.ဒီး တၢ်မၤ ပှၤလုၢ်တၢ်အဒိၣ်အတၢ်န့ၣ်ကကဲထီၣ် အတၢ် လၢတၢ်အလုၢ်အလၢ်အထူအယိာ်လီၤ. ဒီးနဘၣ်ပာ်စီၤ အၤဟရိၣ်ဒီးအဖိခွါတဖၣ်လၢအတၢ်မၤအဂီၢ်လီၤ.
10 ဒီးနဘၣ်ဒုးဟဲဂီၤဖံးတဒုဆူ တၢ်အိၣ်ဖှိၣ်အဒဲအမဲာ် ညါ, ဒီးစီၤအၤဟရိၣ်ဒီးအဖိခွါတဖၣ်ဘၣ်ပာ်အစုလၢ ဂီၤဖံးန့ၣ်အခိၣ်လီၤ.
11 ဒီးနဘၣ်မၤသံဂီၤဖံးလၢယွၤအ မဲာ်ညါဖဲတၢ်အိၣ်ဖှိၣ်အဒဲအကျဲစၢၤလီၤ.
12 ဒီးနဘၣ်ဟံး န့ၢ်ဂီၤဖံးအသွံၣ်တနီၤ, ဒီးပာ်အီၤလၢတၢ်လုၢ်လီၢ်အနၢၤ လၢနစုမုၢ်, ဒီးလူလီၤကယဲၢ်သွံၣ်လၢအအိၣ်လီၤတဲာ် န့ၣ်လၢတၢ်လုၢ်လီၢ်အခီၣ်ထံးလီၤ.
13 ဒီးနဘၣ်ဟံးန့ၢ်သိအိၣ်လၢ အပှံာ်သလီအလိၤ, ဒီး တၢ်အိၣ်လၢအသူၣ်အလိၤ, ဒီးအကလ့ၢ်ခံဖျၢၣ်ဒီးသိ အိၣ်လၢအလိၤ, ဒီးဆိၣ်ကဲၤထီၣ်ကွံာ်အီၤလၢတၢ်လုၢ် လီၢ်အဖီခိၣ်န့ၣ်လီၤ.
14 မ့မ့ၢ်ဂီၤဖံးအညၣ်, ဒီးအဖံး, ဒီးအအ့ၣ်တဖၣ်န့ၣ်န ဘၣ်ဆူးထီၣ်ကွံာ်လၢမ့ၣ်အူလၢ ပှၤသူၣ်ဒဲအလီၢ်လၢခိ လီၤ. အဝဲန့ၣ်မ့ၢ်တၢ်ဒဲးဘးလီၤ.
15 ဒီးနဘၣ်ဟံးန့ၢ်သိဖါတဒု, ဒီးစီၤအၤဟရိၣ်ဒီးအဖိခွါ တဖၣ်ဘၣ်ပာ်အစုလၢသိဖါန့ၣ်အခိၣ်လီၤ.
16 ဒီးနဘၣ် မၤသံသိဖါတဒု, ဒီးနဘၣ်ဟံးန့ၢ်အသွံၣ်, ဒီးဖှံအီၤဝး တရံးလၢတၢ်လုၢ်လီၢ်အဖီခိၣ်,
17 ဒီးနဘၣ်ဒီၣ်တဲာ်သိဖါ တကူာ်တကူာ်, ဒီးသ့စီအပှံာ်, ဒီးအခီၣ်, ဒီးပာ်ဖှိၣ် ဒီးအကူာ်တဖၣ်, ဒီးအခိၣ်လီၤ.
18 ဒီးနဘၣ်ဆိၣ်ကဲၤ သိဖါန့ၣ်ဒီဒုညါလၢတၢ်လုၢ်လီၢ်အဖီခိၣ်လီၤ. မ့ၢ်ဝဲလၢ တၢ်လုၢ်မ့ၣ်အူလၢယွၤအဂီၢ်, မ့ၢ်ဝဲလၢတၢ်နၢမူ, တၢ် လုၢ်မ့ၣ်အူလၢယွၤအဂီၢ်လီၤ.
19 ဒီးနဘၣ်ဟံးန့ၢ်သိဖါအဝဲတဒုန့ၣ်, ဒီးစီၤအၤဟရိၣ် ဒီးအဖိခွါတဖၣ်ဘၣ်ပာ်အစုလၢသိဖါအခိၣ်လီၤ.
20 ဒီးန ဘၣ်မၤသံသိဖါ, ဒီးဟံးန့ၢ်အသွံၣ်, ဒီးပာ်လၢစီၤအၤဟ ရိၣ်အနၢ်ကုခိၣ်အထွဲ, ဒီးလၢအဖိခွါတဖၣ်အနၢ်ကုအ ခိၣ်အထွဲ, ဒီးလၢအစုမုၢ်ဒိၣ်အထွဲ, ဒီးလၢအခီၣ်မုၢ်ဒိၣ် အထွဲ, ဒီးဖှံသွံၣ်ဝးတရံးလၢတၢ်လုၢ်လီၢ်အဖီခိၣ်လီၤ.
21 ဒီးနဘၣ်ဟံးန့ၢ်သွံၣ်လၢအအိၣ်လၢ တၢ်လုၢ်လီၢ်အ ဖီခိၣ်တနီၤ, ဒီးတၢ်သိဖှူတနီၤ, ဒီးဖှံတၢ်လၢစီၤအၤဟ ရိၣ်အလိၤ, ဒီးလၢအကူအသိးအလိၤ, ဒီးလၢအဖိခွါ တဖၣ်အလိၤ, ဒီးလၢအဖိခွါတဖၣ်အကူအသိးအလိၤ အိၣ်ဒီးအီၤ, ဒီးကစီဆှံထီၣ်, အဝဲဒၣ်, ဒီးအကူအသိး, ဒီးအဖိခွါတဖၣ်, ဒီးအဖိခွါတဖၣ်အကူအသိးအိၣ်ဒီး အီၤလီၤ.
22 ဒီးနဘၣ်ဟံးန့ၢ်သိဖါအသိ, ဒီးအမဲၢ်ဘီၣ်, ဒီးသိလၢအပှံာ်သလီအလိၤ, ဒီးတၢ်အိၣ်လၢအသူၣ်အလိၤ, ဒီးအကလ့ၢ်ခံဖျၢၣ်, ဒီးသိအိၣ်လၢအလိၤ, ဒီးအခီၣ်ဒုၣ်ထွဲ, (အဂ့ၢ်ဒ်အံၤ, မ့ၢ်တၢ်ပာ်စီဆှံတၢ်အသိဖါတဒု),-
23 ဒီးကိၣ်တဖျၢၣ်, ဒီးကိၣ်ဃါဃုာ်ဒီးသိတဘ့ၣ်, ဒီးကိၣ် ဘူသလါတဘ့ၣ်လၢနာ်ပူၤလၢအအိၣ် ဒီးကိၣ်တအိၣ် ဘၣ်ဒီးကိၣ်မံၣ်ဘၣ်လၢယွၤအမဲာ်ညါလီၤ.
24 ဒီးနဘၣ်ပာ်တၢ်ခဲလၢာ်လၢစီၤအၤဟရိၣ်အစုပူၤ, ဒီး အဖိခွါတဖၣ်အစုပူၤ, ဒီးနဘၣ်ဝၢ်ဃီၤအီၤလၢတၢ်ဝၢ် လၢယွၤအမဲာ်ညါလီၤ.
25 ဒီးနဘၣ်ဟံးန့ၢ်အီၤလၢအစုပူၤ, ဒီးဆိၣ်ကဲၤကွံာ်အီၤ လၢတၢ်လုၢ်လီၢ်အဖီခိၣ်လၢတၢ်လုၢ်မ့ၣ်အူ, လၢတၢ်နၢ မူလၢယွၤအမဲာ်ညါ, တၢ်လုၢ်လၢမ့ၣ်အူလၢယွၤအဂီၢ် လီၤ.
26 ဒီးနဘၣ်ဟံးန့ၢ်သိဖါအသးနါပှၢ် လၢအဘၣ်ဃးဒီး တၢ်ပာ်စီၤအၤဟရိၣ်လၢအတၢ်မၤအဂီၢ်, ဒီးဝၢ်ဃီၤအီၤ လၢတၢ်ဝၢ်လၢယွၤအမဲာ်ညါ, ဒီးကကဲထီၣ်ဝဲလၢနဂီၢ် လီၤ.
27 ဒီးနဘၣ်ပာ်စီဆှံတၢ်ဝၢ်အသးနါပှၢ်, ဒီးတၢ်ဝံၢ်အခီၣ် ဒုၣ်လၢအဘၣ်တၢ်ဝၢ်ဃီၤအီၤ, ဒီးလၢအဘၣ် တၢ်ဝံၢ် ထီၣ်ဝံၢ်လီၤလၢသိဖါဘၣ်ဃးဒီး တၢ်ပာ်စီၤအၤဟရိၣ် ဒီးအဖိခွါတဖၣ်လၢအတၢ်မၤအဂီၢ်လီၤ.
28 ဒီးကကဲထီၣ် စီၤအၤဟရိၣ်ဒီးအဖိခွါတဖၣ်အတၢ်, လၢတၢ်အလုၢ်အ လၢ်လီၤစိၤလီၤထီလၢပှၤအံၣ်စရ့လးဖိန့ၣ်လီၤ. အဂ့ၢ်ဒ် အံၤ, မ့ၢ်တၢ်ဝံၢ်လီၤ. ဒီးကကဲထီၣ်တၢ်ဝံၢ်လၢပှၤအံၣ်စ ရ့လးဖိလၢ အတၢ်လုၢ်မၤဃူမၤဖိးအပူၤ အတၢ်ဝံၢ်လၢ ယွၤအဂီၢ်လီၤ.
29 ဒီးစီၤအၤဟရိၣ်အကူအသိးစီဆှံ လၢအလီၢ်ခံန့ၣ်က ကဲထီၣ်အဖိခွါတဖၣ်အတၢ်, ဒ်သိးအကဘၣ်တၢ်ဖှူအီၤ လၢအပူၤ, ဒီးဒ်သိးတၢ်ကပာ်အီၤ လၢအတၢ်မၤအဂီၢ် လၢအပူၤလီၤ.
30 ဒီးအဖိခွါလၢအကဲထီၣ် ပှၤလုၢ်တၢ်အဒိၣ် လၢအ လီၢ်တဂၤန့ၣ်, တုၤအဟဲနုာ်လၢတၢ်အိၣ်ဖှိၣ်အဒဲပူၤဒ် သိးအကမၤတၢ်အခ့အပှၤအတၢ်လၢ တၢ်အလီၢ်စီဆှံ အပူၤဒီး, ဘၣ်သိးဝဲနွံနံၤလီၤ.
31 ဒီးနဘၣ်ဟံးန့ၢ်သိဖါဘၣ်ဃးဒီး တၢ်ပာ်လၢအတၢ် မၤအဂီၢ်, ဒီးချီအညၣ်လၢအလီၢ်စီဆှံတပူၤပူၤလီၤ.
32 ဒီးစီၤအၤဟရိၣ်ဒီး အဖိခွါတဖၣ် ဘၣ်အီၣ်သိဖါအ ညၣ်, ဒီးကိၣ်အိၣ်ဝဲလၢနာ်ပူၤလၢတၢ်အိၣ်ဖှိၣ်အဒဲကျဲ စၢၤဂီၤထံးလီၤ.
33 ဒီးဘၣ်အီၣ်တၢ်လၢအမၤပူၤဖျဲးတၢ်ဒ် သိးအကပာ်အီၤ လၢအတၢ်မၤအဂီၢ်, ဒီးမၤစီဆှံအီၤ လီၤ. မ့မ့ၢ်ပှၤတခီဘီမုၢ်ဖိတဘၣ်အီၣ်ဘၣ်. အဂ့ၢ်ဒ်အံၤ, မ့ၢ်တၢ်စီဆှံလီၤ.
34 ဒီးတၢ်ညၣ်ဘၣ်ဃးဒီးတၢ်ပာ်လၢ အတၢ်မၤအဂီၢ်မ့ၢ် ဂ့ၤ, ကိၣ်မ့ၢ်ဂ့ၤ, မ့ၢ်အိၣ်လီၤတဲာ်တနီၤ တုၤမုၢ်ဆ့ၣ် ထီၣ်န့ၣ်ဒီး, နဘၣ်ဆူးထီၣ်ကွံာ်အီၤလၢမ့ၣ်အူလီၤ. ပှၤ တဘၣ်အီၣ်ဘၣ်အီၤဘၣ်. မ့ၢ်တၢ်စီဆှံအဂ့ၢ်လီၤ.
35 ဒီးနဘၣ်မၤ စီၤအၤဟရိၣ်ဒီးအဖိခွါတဖၣ် ဒ်ကယဲၢ် တၢ်လၢယမၤလိာ်နၤအသိးန့ၣ်လီၤ. ဒီးနဘၣ်ပာ်အီၤ လၢအတၢ်မၤအဂီၢ်နွံနံၤလီၤ.
36 ဒီးနဘၣ်လုၢ်တၢ်ဒဲးဘး ဂီၤဖံးဖါတဒုကိးနံၤဒဲးလၢ တၢ်မၤပူၤဖျဲၤတၢ်အဂီၢ်, ဒီး တုၤနမၤတၢ်ပူၤဖျဲးလၢတၢ်လုၢ်လီၢ်အဖီခိၣ်ဒီး, နဘၣ် မၤကဆှီအီၤ,ဒီးနဘၣ်ဖှူအီၤဒ်သိးနကမၤစီဆှံအီၤလီၤ.-
37 နွံနံၤန့ၣ်နဘၣ်မၤအတၢ်ပူၤဖျဲးတၢ်လၢ တၢ်လုၢ်လီၢ်အဖီ ခိၣ်, ဒီးမၤစီဆှံအီၤ, ဒီးကကဲထီၣ် တၢ်လုၢ်လီၢ်စီဆှံ လီၤ. ကယဲၢ်တၢ်လၢအထိးတၢ်လုၢ်လီၢ်တမံၤလၢ်လၢ် န့ၣ်ဘၣ်စီဆှံဝဲလီၤ.
38 ဒီးအအံၤမ့ၢ်တၢ်လၢ နဘၣ်လုၢ်ထီၣ်လၢတၢ်လုၢ်လီၢ် အဖီခိၣ်, သိဖိတနံၣ်ဖိခံဒု, တနံၤအဂီၢ်ခံဒု, တနံၤအ ဂီၢ်ခံဒုတထံၣ်ဃီလီၤ.
39 သိဖိတဒုန့ၣ် နဘၣ်လုၢ်လၢမုၢ်ဂီၤ, ဒီးသိဖိအဝဲတဒု န့ၣ်နဘၣ်လုၢ်လၢမုၢ်ဟါလီၤ.
40 ဒီးကိၣ်ကမူၣ်တဧ့းစ ရိၣ်ဃါဃုာ်အသးဒီးသိတိၢ်အသး တဟံၣ်လွံၢ်ပူတပူ, ဒီးစပံးထံ တဟံၣ်လွံၢ်ပူတပူ လၢတၢ်လုၢ်အီအဂီၢ်န့ၣ် ဘၣ်အိၣ်ဝဲဒီးသိဖိတဒုလီၤ.
41 ဒီးသိဖိခံဒုတဒု နဘၣ်လုၢ်လၢမုၢ်ဟါ, ဒီးနဘၣ်မၤအီၤဒ်တၢ်မၤဘူၣ်ကိၣ်လၢမုၢ်ဂီၤအသိး, ဒီးဒ်တၢ်လုၢ်အီအသိး, လၢတၢ်နၢမူ, တၢ်လုၢ်မ့ၣ်အူလၢယွၤအဂီၢ်လီၤ.-
42 မ့ၢ်တၢ်လုၢ်မ့ၣ်အူတထံၣ်ဃီ လၢသုစၢၤသုသွဲၣ်အစိၤစိၤ, လၢတၢ်အိၣ်ဖှိၣ်အဒဲကျဲစၢၤဂီၤထံးလၢယွၤအမဲာ်ညါ, ဖဲ ယကဟဲသဂၢၢ်သု, ဒ်သိးယကကတိၤတၢ်ဒီးနၤလီၤ.
43 ဒီးယကဟဲသဂၢၢ်ပှၤအံၣ်စရ့လးဖိဖဲန့ၣ်, ဒီးတၢ်ကစီ ဆှံထီၣ်လၢ ယလၤကပီၤလီၤ.
44 ဒီးယကမၤစီဆှံထီၣ် တၢ်အိၣ်ဖှိၣ်အဒဲ, ဒီးတၢ်လုၢ်အလီၢ်, ဒီးယကမၤစီဆှံ ထီၣ်စီၤအၤဟရိၣ်ဒီး အဖိခွါတဖၣ်, ဒ်သိးအကမၤပှၤ လုၢ်တၢ်အဒိၣ်အတၢ်လၢယဂီၢ်လီၤ.
45 ဒီးယကအိၣ်ကဆိးလၢ ပှၤအံၣ်စရ့လးဖိအကျါ, ဒီး ယကကဲထီၣ်အကစၢ်လီၤ.
46 ဒီးကသ့ၣ်ညါဝဲလၢယမ့ၢ် ယွၤ, အကစၢ်လၢအဒုးဟးထီၣ်ကွံာ်အီၤ လၢကီၢ်အဲၤ ကူပတူးအပူၤ, ဒ်သိးယကအိၣ်ကဆိး လၢအကျါန့ၣ် လီၤ. ယဲဒၣ်အံၤယမ့ၢ်ယွၤ, အကစၢ်လီၤ.