22
1 ဂီၤဖံးတဒုဂ့ၤဂ့ၤ, သိတဒုဂ့ၤဂ့ၤ, ပှၤမ့ၢ်ဟုၣ်ဝဲ, ဒီးမၤ သံအီၤမ့ၢ်ဂ့ၤ, ဆါကွံာ်အီၤမ့ၢ်ဂ့ၤ, ဘၣ်ဟ့ၣ်က့ၤဂီၤဖံး ယဲၢ်ဒုလၢဂီၤဖံးတဒုအဂီၢ်, ဒီးသိလွံၢ်ဒုလၢသိတဒုအ ဂီၢ်လီၤ.
2 ပှၤဟုၣ်တၢ်မ့ၢ်ဘၣ်တၢ်ထံၣ်န့ၢ်အီၤလၢအဘၢၣ်ဖျိတၢ် အဖၢမုၢ်, ဒီးဘၣ်တၢ်ကျီကွံာ်အီၤဒီးသံဝဲဒီး, တၢ်သွံၣ် တအိၣ်ဘၣ်လၢအဃိဘၣ်.
3 မုၢ်မ့ၢ်ဟဲထီၣ်န့ၢ်အီၤဒီး, တၢ်သွံၣ်ကအိၣ်လၢအဃိလီၤ. ကြၢးဟ့ၣ်တၢ်ထဲသိးသိး လၢလၢပှဲၤပှဲၤလီၤ. အတၢ်မ့ၢ်တအိၣ်ဘၣ်ဒီး, ကဘၣ် တၢ်ဆါကွံာ်အီၤလၢအဟုၣ်တၢ်အဃိလီၤ.
4 တၢ်မ့ၢ်ထံၣ်န့ၢ်တၢ်လၢအဟုၣ်ဝဲသမူဒံးလၢအစုပူၤသ ပှၢ်တၢၢ်ဒီး, ဂီၤဖံးမ့ၢ်ဂ့ၤ, ကသ့ၣ်ယီၤမ့ၢ်ဂ့ၤ, သိမ့ၢ်ဂ့ၤ, ဘၣ်ဟ့ၣ်က့ၤတၢ်ခံစးလီၤ.
5 ပှၤမ့ၢ်ဒုးအီၣ်စံာ်လီၢ်မ့ၢ်ဂ့ၤ, စပံးလီၢ်မ့ၢ်ဂ့ၤ, ဒီးဒုးနုာ် အဆၣ်ဖိကီၢ်ဖိလၢအပူၤ, ဒီးဒုးအီၣ်ဝဲလၢပှၤဂၤအစံာ် လီၢ်ဒီး, လၢတၢ်ဂ့ၤကတၢၢ်လၢအစံာ်ဒၣ်ဝဲအပူၤ, ဒီး လၢတၢ်ဂ့ၤကတၢၢ်လၢ အစပံးလီၢ်ဒၣ်ဝဲအပူၤန့ၣ်ဘၣ် ဟ့ၣ်က့ၤလီၤ.
6 မ့ၣ်အူကဲၤထီၣ်ဒီးဘၣ်လၢတၤဆှုၣ်တၤမဲ, ဒီးဘုက ဒိၣ်ပာ်ဖှိၣ်တၢ်မ့ၢ်ဂ့ၤ, ဘုတကူးဒံးဘၣ်မ့ၢ်ဂ့ၤ, စံာ်မ့ၢ်ဂ့ၤ, မ့ၣ်အူမ့ၢ်အီၣ်ကွံာ်အီၤဒီး, ပှၤလၢအဆိၣ်ကဲၤမ့ၣ်အူတ ဂၤန့ၣ်, ကဘၣ်ဟ့ၣ်တၢ်ထဲသိးသိးလၢလၢပှဲၤပှဲၤလီၤ.
7 ပှၤမ့ၢ်ပာ်ဒီးပှၤလၢအဃၢၤ, စ့မ့ၢ်ဂ့ၤ, တၢ်ဖိတၢ်လံၤ မ့ၢ်ဂ့ၤ, ဒ်သိးအကကွၢ်အီၤ, ဒီးပှၤမ့ၢ်ဟုၣ်န့ၢ်အီၤလၢပှၤ တဂၤန့ၣ်အဟံၣ်ပူၤဒီး, တၢ်မ့ၢ်ထံၣ်န့ၢ်ပှၤဟုၣ်တၢ်တဂၤ န့ၣ်ဒီး, ဘၣ်ဟ့ၣ်က့ၤတၢ်ခံစးလီၤ.
8 တၢ်မ့ၢ်တထံၣ် န့ၢ်ဘၣ်ပှၤဟုၣ်တၢ်ဘၣ်ဒီး, ဟံၣ်ကစၢ်ဘၣ်ဟဲဆူယွၤ အအိၣ်, မ့ၢ်အတယူာ်ထီၣ်ဘၣ်အစုဆူပှၤလၢအဃၢၤ အတၢ်ဖိတၢ်လံၤဧါန့ၣ်အဂ့ၢ်လီၤ.
9 လၢကယဲၢ်တၢ်မၤကမၣ်တၢ်အဂ့ၢ်, လၢဂီၤဖံးအဃိမ့ၢ် ဂ့ၤ, လၢကသ့ၣ်ယီၤအဃိမ့ၢ်ဂ့ၤ, လၢသိအဃိမ့ၢ်ဂ့ၤ, လၢ တၢ်ကူတၢ်သိးအဃိမ့ၢ်ဂ့ၤ, လၢကယဲၢ်တၢ်လၢအဟါ မၢ်လၢပှၤစံးလၢသါတၢ်အဃိမ့ၢ်ဂ့ၤ, ပှၤခံဂၤအကွီၢ်ဘၣ် ဟဲဆူယွၤအအိၣ်လီၤ. ပှၤလၢယွၤကစံၣ်ညီၣ်ဃၣ်အီၤ တဂၤန့ၣ် ဘၣ်ဟ့ၣ်က့ၤပှၤလၢအဃၢၤလၢတၢ်ခံစးလီၤ.
10 ကသ့ၣ်ယီၤမ့ၢ်ဂ့ၤ, ဂီၤဖံးမ့ၢ်ဂ့ၤ, သိမ့ၢ်ဂ့ၤ, ဖဲဒၣ်ဆၣ်ဖိကီၢ်ဖိတဒုဒုမ့ၢ်ဂ့ၤ, ပှၤမ့ၢ်ပာ်လၢပှၤလၢအဃၢၤအစုပူၤဒ်သိးအကကွၢ်အီၤဒီး, သံဝဲမ့ၢ်ဂ့ၤ, ဘၣ်ထံးမ့ၢ်ဂ့ၤ, တၢ်ဖီၣ်န့ၢ်အီၤမ့ၢ်ဂ့ၤ, ပှၤမ့ၢ်တထံၣ်ဘၣ်နီတဂၤဘၣ်ဒီး,-
11 တၢ်ဆိၣ်ဘၣ်ဃးဒီးယွၤကအိၣ်လၢ ပှၤခံဂၤအဘၢၣ်စၢၤ လၢအတယူာ်ထီၣ်ဘၣ်အစုဆူ ပှၤလၢအဃၢၤအတၢ်ဖိ တၢ်လံၤဘၣ်, ဒီးအကစၢ်ဘၣ်တူၢ်လိာ်ဝဲ, ဒီးအဝဲတဂၤ န့ၣ်တဘၣ်ဟ့ၣ်က့ၤတၢ်လၢအဂီၢ်ဘၣ်.
12 တၢ်မ့ၢ်ဟုၣ် န့ၢ်အီၤသပှၢ်တၢၢ်ဒီး, ဘၣ်ဟ့ၣ်တၢ်ထဲသိးသိး, လၢ အကစၢ်န့ၣ်လီၤ.
13 မ့ၢ်ဘၣ်ယာ်ကွံာ်ဝဲသပှၢ်တၢၢ်ဒီး,မ် အဟဲစိာ်အစိၣ်လၢတၢ်အုၣ်အသးအဂီၢ်တက့ၢ်. ဒီးတ ဘၣ်ဟ့ၣ်က့ၤတၢ်လၢအဘၣ်ယာ်အဃိဘၣ်.
14 ဒီးပှၤမ့ၢ်လိၢ်တၢ်လၢပှၤလၢအဃၢၤဒီး, ဘၣ်ထံးမ့ၢ် ဂ့ၤ, သံဝဲမ့ၢ်ဂ့ၤ, အကစၢ်တအိၣ်ဘၣ်ဒီးအီၤဘၣ်ဒီး, ဘၣ်ဟ့ၣ်က့ၤတၢ်ထဲသိးသိးလၢလၢပှဲၤပှဲၤလီၤ.
15 မ့မ့ၢ်အ ကစၢ်မ့ၢ်အိၣ်ဒီးအီၤဒီး, တဘၣ်ဟ့ၣ်က့ၤတၢ်လၢအဂီၢ် ဘၣ်. မ့ၢ်တၢ်ဒိးလဲအသးဒီး, ဟဲဝဲလၢအဘူးအလဲအ ဂီၢ်လီၤ.
16 ဒီးပှၤမ့ၢ်ကလံာ်ပိာ်မုၣ်လိၣ်ဘိလၢအတဘၣ်တၢ်အဲၣ် တီအီၤတဂၤ, ဒီးမံဃုာ်ဒီးအီၤဒီး, အဝဲဒၣ်ဘၣ်ပှ့ၤအီၤ လၢအမါအဂီၢ်သပှၢ်တၢၢ်လီၤ.
17 ဒ်သိးအကဟ့ၣ်အီၤ လၢအမါန့ၣ်အပၢ်မ့ၢ်ဂ့ၢ်လိာ်ဝဲသပှၢ်တၢၢ်ဒီး, ဘၣ်လိး စ့လီၤတယၢၢ်ပှဲၤသိးသိးဒီးပိာ်မုၣ်လိၣ်ဘိအပူၤန့ၣ်လီၤ.
18 ပိာ်မုၣ်လၢအမၤကဒါပမဲာ်န့ၣ် ဒုးမူအီၤတဂ့ၤ.
19 ဖဲဒၣ်ပှၤလၢအမံဃုာ်ဒီးဆၣ်ဖိကီၢ်ဖိတဂၤလၢ်လၢ်န့ၣ် ကဘၣ်တၢ်မၤသံအီၤသပှၢ်တၢၢ်လီၤ.
20 ပှၤလၢအလုၢ်တၢ်လၢ ကစၢ်တဂၤဂၤ လၢအတမ့ၢ် ဘၣ်ယွၤတဂၤန့ၣ်, ကဘၣ်တၢ်မၤဟးဂီၤကွံာ်အီၤသပှၢ် တၢၢ်လီၤ.
21 ပှၤတခီဘီမုၢ်ဖိန့ၣ်, မၤအၢမၤသီအီၤတဂ့ၤ. မၤအၢ မၤနးအီၤတဂ့ၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤလီၤ.
22 ပှၤမုၣ်ကမဲမ့ၢ်ဂ့ၤ, ပှၤဖိၣ်ဃဲမ့ၢ်ဂ့ၤ, မၤနးမၤဖှီၣ်အီၤ တဂ့ၤ.
23 နမ့ၢ်မၤနးမၤဖှီၣ်အီၤတမံၤမံၤ, ဒီးမ့ၢ်ကိးထီၣ် ယၤတစဲးဧိၤဒီး, ယကဒိကနၣ် အကိးထီၣ်တၢ်သပှၢ် တၢၢ်လီၤ.-
24 ဒီးယသးထီၣ်ကကဲၤထီၣ်, ဒီးယကမၤသံသုလၢနး, ဒီးသုမါကကဲထီၣ်မုၣ်ကမဲ, ဒီးသုဖိကကဲထီၣ်ဖိၣ်ဃဲ န့ၣ်လီၤ.
25 နမ့ၢ်ဒုးလိၢ်စ့လၢယပှၤဂီၢ်မုၢ်, ပှၤဖှီၣ်ဖိအိၣ်ဒီးနၤဒီး, ကဲထီၣ်လၢအဂီၢ်ဒ်ပှၤလၢအဟံးန့ၢ်စ့အအ့ၣ်တဂ့ၤ. ပာ် စ့အအ့ၣ်လၢအလိၤတဂ့ၤ.
26 နမ့ၢ်ဟံးကီၤဃာ်ပှၤလၢနဃၢၤအယၣ်ဒီး, တုၤမုၢ်လီၤ နုာ်ဒီး, နဘၣ်ဟ့ၣ်က့ၤအီၤလီၤ.
27 အဂ့ၢ်ဒ်အံၤ, တၢ် လုးဘၢအသးန့ၣ်မ့ၢ်ထဲအဝဲန့ၣ်ဧိၤလီၤ. မ့ၢ်အကူအသိး လၢအဖံးအဂီၢ်လီၤ. ကမံလၢမနုၤတမံၤလဲၣ်. ဒီးတုၤ အကိးထီၣ်ယၤဒီး, တၢ်ကမၤအသးလၢယကဒိကနၣ် လီၤ. အဂ့ၢ်ဒ်အံၤ, ယဲဒၣ်အံၤယဟ့ၣ်ဘျုးဟ့ၣ်ဖှိၣ်လီၤ.
28 ဒုၣ်ဒွဲၣ်ကစၢ်တဂ့ၤ. ဆိၣ်အၢနပှၤဂီၢ်မုၢ် အပဒိၣ်တ ဂ့ၤ.
29 ဒ်သိးနကမၤဘူၣ်တၢ်လၢ နတၤသၣ်မံအဃိအတၢ်လၢတၢ်ပှဲၤဒီးလၢနစပံးထံနသိအဆိန့ၣ်ဒီး, သုးနံၤသုးသီတဂ့ၤ. နဖိခွါဝဲၢ်ကိတဂၤန့ၣ် နဘၣ်ဟ့ၣ်ယၤလီၤ.-
30 ဒ်န့ၣ်အသိး နဘၣ်မၤဒီးနဂီၤဖံးဒီးနသိတဖၣ်လီၤ.နွံနံၤ ကအိၣ်ဒီးအမိၢ်, ဒီးဃိးနံၤတနံၤန့ၣ်နဘၣ်ဟ့ၣ်အီၤလၢ ယၤလီၤ.
31 ဒီးသုဘၣ်ကဲထီၣ်ပှၤစီဆှံလၢယဂီၢ်လီၤ. တၢ်ညၣ်လၢ ဆၣ်ဖိကီၢ်ဖိအ့ၣ်ဖှီအီၤန့ၣ်အီၣ်တဂ့ၤ. ကွံာ်တ့ၢ်ကွံာ်အီၤ ဆူထွံၣ်အအိၣ်တက့ၢ်.