5
1 ဒီးမုၢ်သၢနံၤတနံၤန့ၣ် တၢ်မၤအသးလၢ နီၢ်အ့ၤစတၢ် သိးထီၣ်နီၢ်ပၤမုၣ်အကူအသိး, ဒီးဆၢထၢၣ်ဝဲလၢစီၤပၤ အဟံၣ်အဂၢၤလၢညါတဂၢၤ သဃီၤဒီးစီၤပၤအဟံၣ်, ဒီး စီၤပၤဆ့ၣ်နီၤလၢဘီမုၢ်အလီၢ်ပစိာ် လၢဘီမုၢ်အဟံၣ်ပူၤ သဃီၤဒီးဟံၣ်အကျဲစၢၤန့ၣ်လီၤ.
2 ဒီးတုၤစီၤပၤထံၣ်ဘၣ် နီၢ်ပၤမုၣ်အ့ၤစတၢ် ဆၢထၢၣ် လၢဂၢၤပူၤန့ၣ်လီၤ. တၢ်မၤအသးလၢအဘၣ်ဘျုးဘၣ်ဖှိၣ် လၢအမဲာ်, ဒီးစီၤပၤယူာ်ထီၣ်နီၣ်ထိးထူလၢအအိၣ်ဝဲလၢ အစုပူၤဆူ နီၢ်အ့ၤစတၢ်အအိၣ်လီၤ. ဒီးနီၢ်အ့ၤစတၢ်သုး ဘူးအသး, ဒီးထိးနီၣ်ထိးအခိၣ်န့ၣ်လီၤ.
3 ဒီးစီၤပၤစံးဘၣ်အီၤ, ဘၣ်နသးလၢမနုၤတမံၤလဲၣ်, နီၢ် ပၤမုၣ်အ့ၤစတၢ်ဧၢ, ဒီးနဃ့တၢ်လၢမနုၤလဲၣ်. တၢ်က ဟ့ၣ်လီၤနၤတုၤအဖးဖီယဘီယမုၢ်လီၤ.
4 ဒီးနီၢ်အ့ၤစတၢ်စံးဝဲဒၣ်, မ့ၢ်ဂ့ၤဒီးစီၤပၤဒီးမ်စီၤပၤဒီးစီၤ ဟၤမၣ်ဟဲလၢမုၢ်မဆါတနံၤအံၤ ဆူတၢ်အီၣ်တၢ်အီအ ပူၤလၢယကတဲာ်ကတီၤလၢအဂီၢ်တက့ၢ်.
5 ဒီးစီၤပၤစံးဝဲဒၣ်, မၢစီၤဟၤမၣ်မၤတၢ်ချ့ချ့ဒ်သိးအက မၤတၢ် ဒ်နီၢ်အ့ၤစတၢ်စံးတ့ၢ်ဝဲအသိးန့ၣ်တက့ၢ်. ဒီးစီၤ ပၤ, ဒီးစီၤဟၤမၣ်ဟဲဝဲဆူတၢ်အီၣ်တၢ်အီအပူၤလၢနီၢ်အ့ၤ စတၢ်ကတဲာ်ကတီၤဝဲလီၤ.
6 ဒီးစီၤပၤစံးဘၣ်နီၢ်အ့ၤစတၢ် လၢတၢ်အီစပံးထံအပူၤ န့ၣ်နဃ့တၢ်လၢမနုၤတမံၤလဲၣ်. တၢ်ကဟ့ၣ်လီၤအီၤလၢ နၤလီၤ. ဒီးနဃ့ကညးတၢ်လၢမနုၤတမံၤလဲၣ်. တၢ်က မၤဝဲတုၤအဖးဖီယဘီယမုၢ်လီၤ.
7 ဒီးနီၢ်အ့ၤစတၢ်စံးဆၢတၢ်, ဒီးစံးဝဲဒၣ်,ယဃ့တၢ်,ဒီးဃ့ ကညးတၢ်န့ၣ်မ့ၢ်အအံၤ,
8 ယမ့ၢ်ဘၣ်ဘျုးဘၣ်ဖှိၣ်လၢစီၤ ပၤအမဲာ်ဒီး, ဟ့ၣ်တၢ်လၢယဃ့, ဒီးမၤတၢ်လၢယဃ့က ညးန့ၣ်မ့ၢ်ဂ့ၤဒီးစီၤပၤဒီး, မ်စီၤပၤ, ဒီးစီၤဟၤမၣ်ဟဲဆူတၢ် အီၣ်တၢ်အီအပူၤ လၢယကတဲာ်ကတီၤလၢအဂီၢ်တက့ၢ်. ဒီးခဲဂီၤတနံၤန့ၣ်ယကမၤဒ်စီၤပၤအကလုၢ်အသိးန့ၣ်လီၤ.
9 ဒီးလၢမုၢ်တနံၤန့ၣ်စီၤဟၤမၣ်ဟးထီၣ်ဒီး အသူၣ်ခုအ သးခု, ဒီးအသူၣ်မုာ်အသးမုာ်လီၤ. ဒီးတုၤစီၤဟၤမၣ်ထံၣ် ဘၣ်စီၤမၢ်ဒကဲၤလၢ စီၤပၤအပဲတရီအပူၤ လၢအတဂဲၤ ဆၢထၢၣ်ဘၣ်, ဒီးတသုးဘၣ်အသးလၢအဂီၢ်ဘၣ်ဒီး, အ သးထီၣ်ဘၣ်စီၤမၢ်ဒကဲၤပှဲၤဆၢၣ်ကလာ်လီၤ.
10 ဘၣ်ဆၣ် ဒီးစီၤဟၤမၣ်ကီၤအသး, ဒီးတုၤအဟဲဆူအဟံၣ်ဒီး, မၢ လီၤတၢ်, ဒီးကိးန့ၢ်ပှၤလၢအအဲၣ်အီၤတဖၣ်, ဒီးအမါနီၢ် စ့ရ့ၣ်လီၤ.
11 ဒီးစီၤဟၤမၣ် စံးဘၣ်အီၤလၢအထူးအတီၤ, အလၤက ပီၤ, ဒီးလၢအဖိအလံၤအါဂၤ, ဒီးလၢကယဲၢ်တၢ်လၢစီၤ ပၤပာ်ဒိၣ်ပာ်ထီအီၤ, ဒီးလၢအပာ်အီၤဒိၣ်န့ၢ် စီၤပၤအပ ဒိၣ်ဖးဒိၣ်, ဒီးအခ့အပှၤတဖၣ်န့ၣ်အဂ့ၢ်အကျိၤလီၤ.
12 ဒီးစီၤဟၤမၣ်စံးဝဲဒၣ်, မ့ၢ်မးနီၢ်ပၤမုၣ်အ့ၤစတၢ် တဒုးဟဲနုာ်ဘၣ်ဒီးစီၤပၤဆူတၢ်အီၣ်တၢ်အီလၢ အကတဲာ်က တီၤဝဲအပူၤနီတဂၤဘၣ်. ဒုးဟဲနုာ်ထဲယၤတဂၤဧိၤလီၤ. ခဲဂီၤတနံၤတၢ်ကိးန့ၢ်စ့ၢ်ကီးယၤဆူအအိၣ်ဒီးစီၤပၤလီၤ.
13 ဘၣ်ဆၣ်ဒီး ကယဲၢ်တၢ်အဆၢအကတီၢ်လၢယထံၣ် ဘၣ်ပှၤယူဒၤဖိစီၤမၢ်ဒကဲၤ ဆ့ၣ်နီၤလၢစီၤပၤအပဲတရီအ ပူၤန့ၣ်အဖၢမုၢ်ဒီး, တၢ်ခဲလၢာ်န့ၣ်တမ့ၢ်ဘၣ်တၢ်ဘၣ်ဒီး ယၤဘၣ်.
14 ဒီးအမါနီၢ်စ့ရ့ၣ် ဒီးပှၤလၢအအဲၣ်အီၤခဲလၢာ် စံးဘၣ် အီၤ, မ်ပှၤသူၣ်ထီၣ်သ့ၣ်တကျီာ်အထီအပျၢ်ယဲၢ်ဆံ, ဒီး ခဲဂီၤတနံၤန့ၣ်စံးဘၣ်စီၤပၤ ဒ်သိးပှၤကဘျးထီၣ် စီၤမၢ်ဒ ကဲၤလၢအလိၤ, ဒီးလဲၤဒီးစီၤပၤဆူတၢ်အီၣ်တၢ်အီအပူၤဒီး နသူၣ်ခုနသးခုတက့ၢ်. ဒီးတၢ်တမံၤန့ၣ်ဂ့ၤဝဲလၢစီၤဟၤ မၣ်အမဲာ်, ဒီးမၢပှၤသူၣ်ထီၣ်သ့ၣ်တကျီၣ်န့ၣ်လီၤ.