3
1 တၢ်န့ၣ်တဖၣ်အလီၢ်ခံ စီၤပၤအဃၤၡဝ့ရိၣ်ပာ်ဒိၣ်ပာ် ထီပှၤအကၤကးဖိ စီၤဟးမဒၤသၤအဖိခွါစီၤဟၤမၣ်, ဒီး ပာ်ထီၣ်ထီအီၤ, ဒီးပာ်အလီၢ်ဆ့ၣ်နီၤလၢပဒိၣ်ဖးဒိၣ်လၢ အအိၣ်ဒီးအီၤခဲလၢာ်အဖီခိၣ်လီၤ.
2 ဒီးကယဲၢ်စီၤပၤအခ့အပှၤ လၢအအိၣ်ဝဲလၢ စီၤပၤအ ပဲတရီအပူၤခဲလၢာ်န့ၣ် သကူးလီၤအသးဒီးတီၤလီၤကဒွံ ကျိာ်, လၢစီၤဟၤမၣ်အမဲာ်ညါလီၤ. အဂ့ၢ်ဒ်အံၤ, စီၤပၤ မၤလိာ်တၢ်ဒ်န့ၣ်လၢအဂ့ၢ်အကျိၤလီၤ. မ့မ့ၢ်စီၤမၢ်ဒကဲၤ န့ၣ်တသကူးလီၤအသးဘၣ်, ဒီးတတီၤလီၤကဒွံကျိာ်လၢ အမဲာ်ညါဘၣ်.
3 ဒီးစီၤပၤအခ့အပှၤ လၢအအိၣ်ဝဲလၢစီၤပၤအပဲတရီအ ပူၤတဖၣ်စံးဘၣ်စီၤမၢ်ဒကဲၤ, နလုၣ်သ့ၣ်ခါပတာ်စီၤပၤ အတၢ်မၤလိာ်န့ၣ်မ့ၢ်အဘၣ်မနုၤလဲၣ်.
4 ဒီးတုၤအစံးဘၣ် အီၤတနံၤဘၣ်တနံၤ, ဒီးအဝဲဒၣ်တကနၣ်အကလုၢ်ဘၣ် ဒီး, တၢ်မၤအသးလၢအစံးဘၣ်စီၤဟၤမၣ်ဒ်သိး စီၤမၢ်ဒကဲၤအတၢ်န့ၣ် တအိၣ်ကျၢၤဧါကအိၣ်ကျၢၤလဲၣ်န့ၣ် ကထံၣ်ဘၣ်ဝဲလီၤ. အဂ့ၢ်ဒ်အံၤ, အဝဲဒၣ်စံးဘၣ်တ့ၢ်အဝဲ သ့ၣ်လၢအမ့ၢ်ပှၤယူဒၤဖိလီၤ.
5 ဒီးတုၤစီၤဟၤမၣ်ထံၣ်ဘၣ်ဝဲလၢ စီၤမၢ်ဒကဲၤတသကူး လီၤအသးဘၣ်, ဒီးတတီၤလီၤကဒွံကျိာ်ဘၣ်လၢအမဲာ် ညါဘၣ်ဒီး, စီၤဟၤမၣ်အသးထီၣ်ပှဲၤဆၢၣ်ကလာ်လီၤ.
6 ဒီးပာ်အစုထဲလၢစီၤမၢ်ဒကဲၤတဂၤဧိၤအလိၤန့ၣ် တပးကဲဘၣ်ဝဲဘၣ်. အဂ့ၢ်ဒ်အံၤ, ပှၤဒုးနဲၣ်အီၤလၢစီၤမၢ်ဒကဲၤ အပှၤတကလုာ်န့ၣ်လီၤ. ဒီးစီၤဟၤမၣ်ဃုမၤသံကယဲၢ်ပှၤယူဒၤဖိလၢအအိၣ်ဝဲလၢ စီၤအဃၤၡဝ့ရိၣ် အဘီအမုၢ်ဒီ ဘ့ၣ်ညါအပူၤခဲလၢာ်, စီၤမၢ်ဒကဲၤ အပှၤတကလုာ်န့ၣ်လီၤ.
7 လၢလါခီၣ်ထံးတလါ (အဝဲန့ၣ်မ့ၢ်လါနံစၣ်) လၢစီၤ ပၤအဃၤၡဝ့ရိၣ်အနံၣ်တဆံခံနံၣ်န့ၣ်ပှၤတ့ၢ်လီၤပူရး, ဒ် ပစံးတၢ်အသိး, ဖးတၢ်လၢစီၤဟၤမၣ်အမဲာ်ညါတနံၤဘၣ် တနံၤ, ဒီးတလါဘၣ်တလါတုၤလီၤလၢလါတဆံခံလါ တလါလၢအမ့ၢ်လါအးဒၢ်လီၤ.
8 ဒီးစီၤဟၤမၣ်စံးဘၣ် စီၤပၤအဃၤၡဝ့ရိၣ်, ပှၤတက လုာ်လီၤမုၢ်လီၤဖး, ဒီးအိၣ်ပြံပြါလၢပှၤဂီၢ်မုၢ်အကျါလၢန ဘီမုၢ်အကီၢ်ခဲလၢာ်အပူၤ, ဒီးအတၢ်သိၣ်တၢ်သီန့ၣ်လီၤ ဆီဒီးပှၤကလုာ်ခဲလၢာ်အတၢ်သိၣ်တၢ်သီ, ဒီးတတိၢ်န့ၢ် ဘၣ်စီၤပၤအတၢ်သိၣ်တၢ်သီဘၣ်, ဒီးစီၤပၤတကြၢးဒုးအိၣ် ဘှံးအီၤဘၣ်.
9 မ့ၢ်ဂ့ၤဒီးစီၤပၤဒီး, မ်တၢ်ကွဲးအသးလၢ အကဘၣ်တၢ်မၤဟးဂီၤအီၤတက့ၢ်. ဒီးယကဟ့ၣ်စ့အ ကံကၢ်တကလးလၢပှၤလၢ အမၤတၢ်အံၤတဖၣ်အစုပူၤဒ် သိးအကဟဲစိာ်ဝဲဆူစီၤပၤအတၢ်ပာ်ဖှိၣ်အလီၢ်န့ၣ်လီၤ.
10 ဒီးစီၤပၤဘ့ၣ်ထီၣ်အပသံးလၢအစု, ဒီးဟ့ၣ်လီၤဝဲလၢ ပှၤအကၤကးဖိ, စီၤဟးမဒၤသၤအဖိခွါစီၤဟၤမၣ်, ပှၤ ယူဒၤဖိအဒုၣ်အဒါလီၤ.
11 ဒီးစီၤပၤစံးဝဲဒၣ်, စ့န့ၣ်တၢ်ဟ့ၣ်လီၤလံနၤ, ဒီးပှၤတ ကလုာ်စ့ၢ်ကီးဒ်သိးနကမၤအီၤဒ်အဂ့ၤလၢနမဲာ်လီၤ.
12 ဒီးလၢလါခီၣ်ထံးတလါထီၣ် တဆံသၢနံၤတနံၤန့ၣ်, ပှၤကိးန့ၢ်စီၤပၤအပှၤကွဲးလံာ်, ဒီးတၢ်ကွဲးအသးဒ်ကယဲၢ် တၢ်လၢစီၤဟၤမၣ်မၤလိာ် စီၤပၤအပဒိၣ်ဖးဒိၣ်, ဒီးပဒိၣ် လၢအအိၣ်ဝဲလၢကီၢ်တဘ့ၣ်တဘ့ၣ်အဖီခိၣ်, ဒီးလၢကီၢ် တဘ့ၣ် အပှၤဂီၢ်မုၢ်အပဒိၣ်ဖးဒိၣ်စုာ်စုာ်, ဒ်တၢ်ကွဲးအ သးအသိးန့ၣ် လၢပှၤတကလုာ်အတၢ်ကတိၤအကျိာ်, လၢပှၤတကလုာ်အတၢ်ကတိၤအကျိာ်လီၤ. ကွဲးအသး လၢစီၤပၤအဃၤၡဝ့ရိၣ်အမံၤ, ဒီးပှၤစဲဃာ်ဝဲလၢစီၤပၤအ တၢ်စဲဃၣ်ပနီၣ်န့ၣ်လီၤ.
13 ဒီးပှၤဟ့ၣ်ယုၢ်လံာ်လၢ ပှၤဃ့ၢ်တၢ်ဖိတဖၣ်အစုပူၤဆူ စီၤပၤအကီၢ်ခဲလၢာ်အပူၤ, ဒ်သိးပှၤကမၤဟးဂီၤ, ဒီးမၤ သံ, ဒီးမၤလၢာ်ပှၤယူဒၤဖိခဲလၢာ်ဒီးဒိၣ်ဒီးဆံး, ဒီးဖိဒံဖိ သၣ်, ဒီးပိာ်မုၣ်ပိာ်မၢၤလၢမုၢ်တနံၤဃီ, (အဝဲန့ၣ်မ့ၢ်လါ အးဒၢ်,) ဒီးဒ်သိးအကဂုာ်န့ၢ်အတၢ်ဖိတၢ်လံၤလီၤ.
14 လံာ်ကွဲးဆဲတၢ်တဘ့ၣ်န့ၣ် ဘၣ်ဟ့ၣ်ဝဲလၢ ကီၢ်ကိး ဘ့ၣ်ဒဲးအပူၤလၢတၢ်မၤလိာ်အဂီၢ်, ဒီးဘၣ်ဒုးနဲၣ်ဝဲလၢပှၤ တကလုာ်လၢ်လၢ် ဒ်သိးအကအိၣ်ကတဲာ်ကတီၤအသး လၢမုၢ်တနံၤန့ၣ်လီၤ.
15 စီၤပၤအတၢ်မၤလိာ်ဒုးမၤတၢ်ချ့ချ့, ဒီးပှၤဃ့ၢ်တၢ်ဖိတ ဖၣ်ဟးထီၣ်ဝဲလီၤ. ဒီးတၢ်ဟ့ၣ်လီၤတၢ်မၤလိာ်န့ၣ်လၢနူၢ် ရှူၡၣ်အပူၤလီၤ. ဒီးစီၤပၤ, ဒီးစီၤဟၤမၣ်ဆ့ၣ်နီၤဝဲ, ဒ်သိးအ ကအီၣ်တၢ်လီၤ. မ့မ့ၢ်ဝ့ၢ်ရှူၡၣ်ဖိအသူၣ်ကိၢ်အသးဂီၤလီၤ.