6
1 ဖိသၣ်သ့ၣ်ဧၢ, စူၢ်သုမိၢ်သုပၢ်လၢကစၢ်အပူၤတက့ၢ်. အဂ့ၢ်ဒ်အံၤ,တၢ်န့ၣ်မ့ၢ်အတီအလိၤလီၤ.
2 ယူးယီၣ်နမိၢ် ဒီးနပၢ်တက့ၢ်. တၢ်န့ၣ် မ့ၢ်တၢ်မၤလိာ်အခီၣ်ထံးတဘီ လၢအအိၣ်ဒီးတၢ်စံးပာ်လီၤ.
3 ဒ်သိးနကဘီၣ်ထီၣ်ညီ ထီၣ်,ဒီးနသးကကၢကခိးလၢဟီၣ်ခိၣ်ချၢလီၤ.
4 ပၢ်သ့ၣ်ဧၢ,မၤဒိၣ်ထီၣ်သုဖိတဖၣ်အသးတဂ့ၤ. မ့မ့ၢ် လုၢ်အီၣ်အီၤလၢကစၢ်အတၢ်သိၣ်တၢ်သီ, ဒီးအတၢ်သိၣ် ဃီၣ်သီဃီၣ်အပူၤတက့ၢ်.
5 ကုၢ်သ့ၣ်ဧၢ, စူၢ်သုကစၢ်ဘၣ်ဃးဒီးဖံးဒီးညၣ်အံၤ,လၢ တၢ်ပျံၤ,ဒီးတၢ်ကနိး,လၢသုသးဒီဖျၢၣ်ညါ,ဒ်လၢခရံာ်အ သိးန့ၣ်တက့ၢ်.
6 တမ့ၢ်ဘၣ်ထဲလၢသုအိၣ်လၢအမဲာ်ညါ ဒ်ပှၤလၢအမၤတၢ်ဘၣ်ပှၤကညီအသးအသိးန့ၣ်ဘၣ်. မ့ၢ် ဒ်ခရံာ်အကုၢ်အသိးဒီး, မၤတၢ်ဘၣ်ယွၤအသးလၢသု သူၣ်ကံၢ်သးလဲ,
7 ဒီးမၤကုၢ်အတၢ်မၤလၢသးဂ့ၤ, တမ့ၢ် ဘၣ်ဒ်လၢပှၤကညီအဂီၢ်အသိးဘၣ်, မ့ၢ်ဒ်လၢကစၢ်အ ဂီၢ်အသိးန့ၣ်လီၤ.
8 အဂ့ၢ်ဒ်အံၤ,သုသ့ၣ်ညါလၢဖဲဒၣ်ပှၤ လၢအမၤတၢ်ဂ့ၤ, ပှၤကုၢ်ဖိမ့ၢ်ဂ့ၤ,ပှၤသဘျ့ဖိမ့ၢ်ဂ့ၤ,ကန့ၢ် ဘၣ်တၢ်လၢကစၢ်အစုပူၤ,ဒ်အမၤတၢ်အသိးလီၤ.
9 ဒီးကစၢ်သ့ၣ်ဧၢ, မၤအဝဲသ့ၣ်တဖၣ်ဒ်န့ၣ်အသိး,ဒီးက တိၤပျံၤတၢ်တဂ့ၤ. အဂ့ၢ်ဒ်အံၤ, သုသ့ၣ်ညါလၢသုကစၢ် ဒီးအဝဲသ့ၣ်အကစၢ်, အိၣ်စ့ၢ်ကီးလၢမူခိၣ်,ဒီးတကွၢ်မဲာ် ဘၣ်ပှၤကညီဘၣ်လီၤ.
10 တၢ်ကတိၤလၢခံကတၢၢ်, ယပုၢ်သ့ၣ်ဝဲၢ်သ့ၣ်ဧၢ,အိၣ် ဆူၣ်အိၣ်ချ့လၢကစၢ်အပူၤ, ဒီးလၢအဝဲဒၣ်အစိအကမီၤ အဂံၢ်အဘါအပူၤတက့ၢ်.
11 သိးထီၣ်ယွၤအစုကဝဲၤခဲ လၢာ်, ဒ်သိးသုတြီမုၣ်ကီၤလံၢ်အတၢ်လီတၢ်ဝ့ၤကသ့န့ၣ် တက့ၢ်.
12 အဂ့ၢ်ဒ်အံၤ,တမ့ၢ်ဘၣ်ပကနိဒီးတၢ်သွံၣ်ဒီးတၢ် ဖံးတၢ်ညၣ်ဘၣ်, မ့ၢ်လၢတၢ်အခိၣ်,ဒီးတၢ်အစိအကမီၤ, ဒီးအအံၤတဃၣ်အတၢ်ခံးအကစၢ်, တၢ်နါအိၣ်လၢမူခိၣ် အလီၢ်တဖၣ်လီၤ.
13 မၤသးဒ်န့ၣ်ဒီး, ဟံးန့ၢ်ယွၤအစုကဝဲၤ ခဲလၢာ်, ဒ်သိးသုဆၢထၢၣ်လၢမုၢ်နံၤအအၢန့ၣ်ကသ့,ဒီး ဒ်သိးသုမၤတၢ်ခဲလၢာ်ဝံၤဒီး,သုကဆၢထၢၣ်တက့ၢ်.-
14 မၤသးဒ်န့ၣ်ဒီး, ကံၢ်တူာ်သုယီၢ်ဒ့ဒီးတၢ်မ့ၢ်တၢ်တီ, ဒီး သိးထီၣ်တၢ်တီတၢ်လိၤအသဃိး,
15 ဒီးဖျီၣ်သုခီၣ်ဒီးတၢ် သးခုအကစီၣ် ဘၣ်ဃးဒီးတၢ်ဃူတၢ်ဖိးအတၢ်ကတဲာ် ကတီၤ,ဒီးဆၢထၢၣ်တက့ၢ်.
16 လၢတၢ်ခဲလၢာ်အဖီခိၣ် န့ၣ်, ဒ်သိးသုမၤလီၤပံာ်မုၣ်ကီၤလံၢ်အပျၢ်မ့ၣ်အူခဲလၢာ် လၢအီၤကသ့ဒီး,ဟံးထီၣ်တၢ်နာ်အကတီၤတက့ၢ်.
17 ဒီး ကုာ်ထီၣ်တၢ်အုၣ်က့ၤခီၣ်က့ၤအခိၣ်ကုာ်သုး, ဒီးဟံးထီၣ် သးအနးလၢအမ့ၢ်ယွၤအကလုၢ်အကထါတက့ၢ်.
18 ဘါ ထုကဖၣ်တၢ်လၢကယဲၢ်တၢ်ဘါထုကဖၣ်, ဒီးတၢ်ဃ့က ညးကိးအကတီၢ်ဒဲး, လၢသုသူၣ်ကံၢ်သးလဲ, ဒီးဆိးသီ သပှၢ်ပှၢ်လၢတၢ်န့ၣ်အဂ့ၢ်, ဒီးဘါထုကဖၣ်န့ၢ်ပှၤစီဆှံခဲ လၢာ်အဂီၢ်,
19 ဒီးယဂီၢ်,ဒ်သိးတၢ်ကဟ့ၣ်ယအဲးထီၣ်ယ ထးခိၣ်အိၣ်ဒီးယသးခူတလ့ၢ်, ဒ်သိးယကမၤဖျါထီၣ် တၢ်သးခုအကစီၣ်အတၢ်ခူသူၣ်,
20 လၢယမ့ၢ်အကလူး တဂၤလၢအဘၣ်တၢ်စၢဃာ်, ဒ်သိးယကစံၣ်တဲၤတဲလီၤ အီၤခူတလ့ၢ်, ဒ်ယဂ့ၤ စံၣ်တဲၤတဲလီၤတၢ်အသိးန့ၣ်တ က့ၢ်.
21 ဘၣ်ဆၣ်ဒီးဒ်သိး သုကသ့ၣ်ညါစ့ၢ်ကီး တၢ်လၢအ ဘၣ်ဃးဒီးယၤ, တၢ်လၢယမၤန့ၣ်ဒီး, ဒီပုၢ်ဝဲၢ်လၢတၢ် အဲၣ်အီၤ, ဒီးတၢ်အခ့အပှၤလၢအကလုၢ်တီလၢကစၢ်အ ပူၤ, စီၤတူဃံၤကူးတဂၤန့ၣ်,ကဘိးဘၣ်သ့ၣ်ညါသုလၢ တၢ်ခဲလၢာ်လီၤ.
22 ဒ်သိးသုကသ့ၣ်ညါတၢ်ဘၣ်ဃးဒီး ယၤ, ဒ်သိးအကမၤမုာ်ထီၣ်က့ၤသုသးဒီး, ယမၢအလဲၤ ဆူသုအိၣ်လၢတၢ်န့ၣ်အဃိလီၤ.
23 မ်တၢ်ဃူတၢ်ဖိးဒီးတၢ်အဲၣ်တၢ်ကွံ အိၣ်ဒီးတၢ်နာ်ဟဲ လၢပၢ်ယွၤ, ဒီးကစၢ်ယ့ၣ်ရှူးခရံာ်န့ၣ်,ဘၣ်ပဒီပုၢ်ဝဲၢ်န့ၣ် တက့ၢ်.
24 ပှၤလၢအအဲၣ်ပကစၢ်ယ့ၣ်ရှူး ခရံာ်လၢအသူၣ်ကံၢ်သး လဲခဲလၢာ်န့ၣ်, မ်တၢ်ဘျုးတၢ်ဖှိၣ်ကအိၣ်ဒီးအီၤတက့ၢ်.