41
1 ဒီးစိာ်ထီၣ်ယၤဆူနူၢ်ပူၤ, ဒီးထိၣ်တၢ်အဒူၣ်အထူၣ် လီၤ. အဒီၣ်ဃီၤမ့ၢ်ဃုပျၢ်လၢအဝဲတခီ, ဒီးအဒီၣ်ဃီၤ မ့ၢ်ဃုပျၢ်လၢအဝဲတခီလီၤ. အဝဲန့ၣ်မ့ၢ်ဟံၣ်အဒီၣ်ဃီၤ လီၤ.
2 ဒီးကျဲစၢၤအဒီၣ်ဃီၤန့ၣ်မ့ၢ်တဆံပျၢ်, ဒီးကျဲစၢၤ အဃၢၤမ့ၢ်ယဲၢ်ပျၢ်လၢအဝဲတခီ, ဒီးယဲၢ်ပျၢ်လၢအဝဲတ ခီလီၤ. ဒီးထိၣ်အထီလၢအပျၢ်လွံၢ်ဆံ, ဒီးအဒီၣ်ဃီၤခံ ဆံလီၤ.
3 ဒီးလဲၤနုာ်လၢညါ, ဒီးထိၣ်ကျဲစၢၤအဃၢၤခံ ပျၢ်,ဒီးကျဲစၢၤန့ၣ်ဃုပျၢ်,ဒီးကျဲစၢၤအဒီၣ်ဃီၤနွံၢ်ပျၢ်လီၤ.
4 ဒီးထိၣ်တၢ်အလီၢ်လၢအထီအပျၢ်ခံဆံ, ဒီးအဒီၣ်ဃီၤ လၢအပျၢ်ခံဆံလၢနူၢ်ပူၤ, ဒီးစံးဘၣ်ယၤ, အဝဲအံၤမ့ၢ် တၢ်အလီၢ်စီဆှံကတၢၢ်လီၤ.
5 ဒီးထိၣ်ဟံၣ်အဒူၣ်လၢဃုပျၢ်, ဒီးဒၢးဖိလၢအကပၤပူၤ တဒၢးတဒၢးန့ၣ်လၢလွံၢ်ပျၢ်စုာ်စုာ်ဝးတရံးဝဲ, ဝးတရံး ဟံၣ်တခီလၢ်လၢ်လီၤ.
6 ဒၢးဖိလၢအကပၤပူၤန့ၣ်အိၣ်ဝဲ, တဒၢးလၢတဒၢးအ ဖီခိၣ်သၢဆီဒီးတဆီဒီးတဆီအိၣ်ဝဲသၢဆံဖျၢၣ်လီၤ. ဒီး နုာ်ဝဲလၢဒူၣ်ဘၣ်ဃးဒီး ဟံၣ်လၢဒၢးဖိတဖၣ်လၢ တၢ် ကပၤဝးတရံးဝဲအဂီၢ် ဒ်သိးအကဘၣ်တံၢ်ဒီးအီၤလီၤ. ဘၣ်ဆၣ်ဒီးတစဲဘူးဒီးဟံၣ်အဒူၣ်ဘၣ်.
7 ဒီးဒၢးဖိတဖၣ်လၢ တၢ်အကပၤပူၤန့ၣ်လဲၤထီၣ်,ဒီးပ ဝံာ်အသးလီၤ. အဂ့ၢ်ဒ်အံၤ,ဟံၣ်အပဝံာ်ထီၣ်န့ၢ်ထီၣ်ဝဲ ဝးတရံးဟံၣ်လီၤ. မၤသးဒ်န့ၣ်ဒီးဟံၣ်လဲၢ်တက့ၢ်လၢ ထးခီ, ဒီးပှၤထီၣ်ဝဲလၢဒၢးလၢလာ်ခီတတီၤပၢၢ်လၢဒၢး လၢထးခီတတီၤလၢ ဒၢးအဘၢၣ်စၢၤတတီၤအသးကံၢ် ပူၤလီၤ.
8 ယထံၣ်ဘၣ်စ့ၢ်ကီးဟံၣ်အကစီၤထီၣ် ဝးတရံးဝဲလီၤ. ဒၢးတဖၣ်အကပၤပူၤအခီၣ်ထံးန့ၣ် မ့ၢ်နီၣ်ထိၣ်တစိၤ ဒီးဘိတုၤသိးသိးဃုပျၢ်လီၤ.
9 ဒၢးလၢတၢ်အကပၤပူၤအဒူၣ်တဒူၣ်အတီၣ် လၢခိတ ခီမ့ၢ်ယဲၢ်ပျၢ်, အလီၢ်အိၣ်လီၤတဲာ်န့ၣ်မ့ၢ်ဒၢးဖိတဖၣ်လၢ ဟံၣ်အကပၤပူၤအလီၢ်လီၤ.
10 ဒီးလၢဒၢးအဘၢၣ်စၢၤအပျၢ်ခံဆံ အိၣ်ဝးတရံးဟံၣ် တခီလၢ်လၢ်လီၤ.
11 ဒီးဒၢးဖိလၢတၢ်အကပၤပူၤ အကျဲစၢၤဖျိထီၣ်ဝဲဆူတၢ် အလီၢ်လၢအအိၣ်လီၤတဲာ်, ကျဲစၢၤတဖျိန့ၣ်ဖျိဝဲဆူက လံၤစိးတခီ, ဒီးကျဲစၢၤတဖျိဒၣ်ဖျိဝဲဆူ ကလံၤထံးတ ခီလီၤ. ဒီးတၢ်အလီၢ်အိၣ်လီၤတဲာ်န့ၣ် လဲၢ်ဝဲယဲၢ်ပျၢ်ဝး တရံးဝဲလီၤ.
12 ဒီးဒၢးတဒၢးလၢတၢ်လီၤဖးအလီၢ်အမဲာ်ညါ, အဃၢၤ လၢမုာ်နုာ်တခီန့ၣ်အဒီၣ်ဃီၤမ့ၢ်အပျၢ်နွံဆံ, ဒီးဒၢးအ ဒူၣ်န့ၣ်အတီၣ်မ့ၢ်ယဲၢ်ပျၢ်ဝးတရံးဝဲ, ဒီးအထီမ့ၢ်အပျၢ် ခွံဆံလီၤ.
13 ဒီးထိၣ်ဟံၣ်အထီအပျၢ်တကယၤ, ဒီးတၢ်အလီၢ်လီၤ ဖးတပူၤ, ဒီးဒၢးန့ၣ်ဒီးအဒူၣ်တဖၣ်န့ၣ်အထီမ့ၢ်အပျၢ် တကယၤလီၤ.
14 ဒီးဟံၣ်အမဲာ်ညါအဒီၣ်ဃီၤန့ၣ်, ဒီးတၢ်အလီၢ်လီၤဖး တပူၤဆူမုၢ်ထီၣ်န့ၣ်မ့ၢ်အပျၢ်တကယၤလီၤ.
15 ဒီးထိၣ်ဒၢးတဒၢးန့ၣ်အထီလၢ တၢ်အလီၢ်လီၤဖးတ ပူၤအမဲာ်ညါ, ဒီးလၢအချၢဃံန့ၣ်,ဒီးအထူၣ်လၢအဝဲ တခီ, ဒီးလၢအဝဲတခီန့ၣ်, မ့ၢ်အပျၢ်တကယၤ,ဒီးနူၢ် လၢညါခီတဖျၢၣ်ဒီးတၢ်အဂၢၤအတၢ်ခိၣ်ဒုးထီၣ်အသး တဖၣ်,
16 ကျဲစၢၤအကျိၤထံးတဖၣ်, ဒီးတၢ်ထူၣ်ဖျိအံၣ်, ဒီးအထူၣ်လၢဝးတရံးသၢခီလီၤ. အိၣ်သဃီၤဒီးတြဲၤ, ကျဲစၢၤကျိၤထံးန့ၣ်စီၢ်နီၤခိၣ်သ့ၣ်အိၣ်ဝးတရံးဝဲ, လၢ ဟီၣ်ခိၣ်ပၢၢ်လၢတၢ်ထူၣ်ဖျိ, ဒီးတၢ်ထူၣ်ဖျိကျၢၢ်ဘၢအ အသးလၢအီၤလီၤ.
17 အိၣ်ဝဲလၢတၢ်အလီၢ်လၢကျဲစၢၤ အဖီခိၣ်ဒီးလၢ ဟံၣ်လၢညါခီတဖျၢၣ်ဒီးလၢခိ, ဒီးလၢ တၢ်ဒူၣ်အဃၢၤဝးတရံးဝဲလၢညါခီ, ဒီးလၢခိဒ်တၢ်ထိၣ် ဝဲအသိးန့ၣ်လီၤ.
18 ဒီးတၢ်တ့ခ့ရူာ်တဖၣ်, ဒီးသ့ၣ်စူၣ်ပလိၣ်တဖၣ်, ဒီး သ့ၣ်စူၣ်ပလိၣ်တထူၣ်အိၣ်ဝဲလၢ ခ့ရူာ်ခံဂၤအဘၢၣ် စၢၤ,
19 ဒီးခ့ရူာ်တဂၤအိၣ်ဒီးအမဲာ်ခံခီ,ဒီးပှၤကညီအမဲာ် ဒိးအမဲာ်ဆူသ့ၣ်စူၣ်ပလိၣ်လၢတခီ, ဒီးခ့ယုၢ်တလိၤအ မဲာ်ဒိးအမဲာ်လၢတခီဒၣ်လီၤ. တၢ်မၤအသးလၢဟံၣ်ဒီ ဖျၢၣ်ညါဝးတရံးဝဲဒ်န့ၣ်သိးလီၤ.
20 လၢဟီၣ်ခိၣ်ပၢၢ်လၢ ကျဲစၢၤအဖီခိၣ်န့ၣ် ခ့ရူာ်တဖၣ်, ဒီးသ့ၣ်စူၣ်ပလိၣ်တ ဖၣ်တ့အသး, ဒီးလၢနူၢ်အဒူၣ်လိၤစ့ၢ်ကီးလီၤ.
21 နူၢ်အ ထူၣ်တဖၣ်မ့ၢ်အိၣ်ဒီး အနၢၣ်လွံၢ်နၢၣ်, ဒီးတၢ်စီဆှံအ လီၢ်ဖျါဝဲဒ်န့ၣ်သိးလီၤ.
22 တၢ်လုၢ်လီၢ်သ့ၣ်န့ၣ်အကစီၤထီၣ်မ့ၢ်သၢပျၢ်, ဒီးအ ထီမ့ၢ်ခံပျၢ်, ဒီးအနၢၣ်တဖၣ်,ဒီးအခီၣ်ထံးန့ၣ်,ဒီးအဒူၣ် တဖၣ်န့ၣ်မ့ၢ်သ့ၣ်လီၤ. ဒီးအဝဲဒၣ်စံးဘၣ်ယၤ,အဝဲအံၤ မ့ၢ်စီၢ်နီၤခိၣ်လၢအအိၣ်လၢ ယွၤအမဲာ်ညါလီၤ.
23 ဒီး နူၢ်န့ၣ်ဒီးတၢ်အလီၢ်စီဆှံအိၣ်ဝဲဒီးပဲတရီခံပူၤ,
24 ဒီးပဲတ ရီတဖၣ်အိၣ်ဝဲဒီးအလၣ်ခံခီစုာ်စုာ်, အလၣ်ခံခီလၢအ တရံးအသးလီၤ. ပဲတရီတဘ့ၣ်အိၣ်ဝဲဒီးအလၣ်ခံခီ, ဒီးပဲတရီတဘ့ၣ်ဒၣ်အိၣ်ဝဲဒီးအလၣ်ခံခီလီၤ.
25 ဒီးခ့ရူာ်တဖၣ် ဒီးသ့ၣ်စူၣ်ပလိၣ်တဖၣ်တ့အသးလၢ အလိၤ, လၢနူၢ်အပဲတရီလိၤဒၣ်လဲာ်, ဒ်တၢ်လၢအ အိၣ်လၢဒူၣ်အလိၤအသိးန့ၣ်လီၤ. ဒီးကျဲစၢၤကျိၤထံး သ့ၣ်အိၣ်ဝဲလၢ တၢ်ခိၣ်ဒုးထီၣ်အသးအမဲာ်ညါလၢခိ လီၤ.
26 ဒီးသ့ၣ်စူၣ်ပလိၣ်အိၣ်ဝဲလၢတၢ်ထူၣ်ဖျိအံၣ်လၢ အဝဲတခီဒီးလၢအဝဲတခီ, အိၣ်ဝဲလၢတၢ်ခိၣ်ဒုးထီၣ်အ သးအကပၤလိၤ, ဒီးဟံၣ်အဒၢးဖိလၢအကပၤပူၤအ လိၤ, ဒီးလၢကျဲစၢၤကျိၤထံးတဖၣ်အလိၤလီၤ.