32
1 ဒီးလၢနံၣ်တဆံခံနံၣ်တနံၣ်, လါတဆံခံလါတလါ ထီၣ်တနံၤန့ၣ်တၢ်မၤအသးလၢ ကစၢ်ယွၤအကလုၢ် ဘၣ်ယၤ,ဒီးစံးဝဲဒၣ်,
2 ပှၤကညီဖိခွါဧၢ,မၤထါဟီၣ်တၢ် လၢအဲၤကူပတူးအစီၤပၤဖၤရိၤအဃိ, ဒီးစံးလၢအီၤ,န လီၤဂာ်ခ့ယုၢ်ဖိလၢပှၤကလုာ်တဖၣ်အကျါ, ဒီးနလီၤ ဂာ်သမၣ်လၢပီၣ်လဲၣ်အပူၤလီၤ. နဟဲဆူနထံမိၢ်ပှၢ်တ ဖၣ်အပူၤ,ဒီးနမၤဒုထီၣ်လံလၢနခီၣ်, ဒီးမၤတဆှံဘၣ် ထံမိၢ်ပှၢ်အထံလီၤ.
3 ကစၢ်ယွၤစံးဒ်အံၤ, ယကဟုးယပှာ်လၢနဖီခိၣ်လၢ ပှၤကလုာ်ဂီၢ်မုၢ်အကျါ, ဒီးကမိၤထီၣ်နၤလၢယပှာ်ပူၤ လီၤ.
4 ဒီးယကတ့ၢ်လီၤကွံာ်နၤလၢခိ, ဒီးယကကွံာ်တ့ၢ်ကွံာ် နၤလၢတၢ်ပျီပူၤ, ဒီးယကဒုးစီၢ်လီၤမူကပိာ်လိၤအထိၣ် ဧိၤလံၣ်ဧိၤလၢနဖီခိၣ်ခဲလၢာ်, ဒီးယကဒုးအီၣ်ဘျဲးအီၣ် ဟီၣ်ခိၣ်ဒီဘ့ၣ်ညါအဆၣ်ဖိကီၢ်ဖိလၢနၤလီၤ.
5 ဒီးယကပာ်လီၤနညၣ်လၢ ကစၢၢ်ကလိအလိၤ,ဒီးယ ကမၤပှဲၤကစၢၢ်ကဆူးဒီးနစိၣ်လီၤ.
6 ဒီးထံဧိၤကီၢ်ဧိၤလၢနဘျိၣ်လၢအပူၤန့ၣ် ယကဖှိၣ်အီၤ လၢနသွံၣ်ပၢၢ်လၢကစၢၢ်ကလိ, ဒီးထံကျိတဖၣ်ကပှဲၤ ဒီးနၤလီၤ.
7 ဒီးတုၤယမၤလီၤပံာ်နၤ, ဒီးယကလုၣ်ဘၢမူခိၣ်,ဒီးဒုး ခံးလီၤဆၣ်ဧိၤဖီဧိၤ, ယကမၤလီၤကဒုမုၢ်လၢတၢ်အၢၣ်, ဒီးလါတကပီၤထီၣ်ဘၣ်.
8 ကယဲၢ်တၢ်ကပီၤကယဲၢ်ကယူာ်လၢမူခိၣ်န့ၣ် ယက ဒုးခံးလီၤလၢနဖီခိၣ်, ဒီးဒုးခံးန့ၢ်နကီၢ်ဒီဘ့ၣ်ညါလီၤ, ကစၢ်ယွၤစံးဝဲဒၣ်.
9 တုၤယမၤဟးဂီၤနၤလၢ ပှၤကလုာ်တဖၣ်အကျါ,လၢ ကီၢ်တဖၣ်အပူၤလၢနတသ့ၣ်ညါဘၣ်အီၤဒီး, ယကမၤ ကိၢ်မၤဂီၤပှၤအါကလုာ်အသးလီၤ.
10 တုၤယဝံၢ်ဝၢ်နသးလၢအမဲာ်ညါဒီး, ယကဒုးကတုၤ ပှၤဂီၢ်မုၢ်အါပူၤအသးလၢနဃိ, ဒီးအစီၤပၤအသးကက တုၤဒိၣ်ဒိၣ်ကလဲာ်လၢနဃိလီၤ. ဒီးကကနိးတထံၣ် ဃီ, လၢအသးသမူဒၣ်ဝဲအဃိစုာ်စုာ်,ဖဲမုၢ်တနံၤလၢ နလီၤဃံၤလီၤ.
11 အဂ့ၢ်ဒ်အံၤ, ကစၢ်ယွၤစံးဒ်အံၤ, ဘၤဘူၤလိၣ်အစီၤ ပၤအနးကဘၣ်နၤလီၤ.
12 ယကဒုးလီၤဃံၤနပှၤဂီၢ်မုၢ် လၢပှၤအဆူၣ်အနးတဖၣ်, ပှၤခဲလၢာ်န့ၣ်မ့ၢ်ပှၤမၤပျံၤ တၢ်လၢပှၤကလုာ်တဖၣ်အကျါ, ဒီးကမၤဟးဂီၤအဲၤ ကူပတူးအသးထီၣ်ထီ, ဒီးအပှၤဂီၢ်မုၢ်ကတုၤလၢ တၢ် ဟးဂီၤခဲလၢာ်လီၤ.
13 ဒီးယကမၤဟးဂီၤအဆၣ်ဖိကီၢ်ဖိအဒၢ လၢထံဖးဒိၣ် အဃၢၤ, ဒီးပှၤကညီအခီၣ်တမၤဒုထီၣ်လၢၤဘၣ်အီၤ ဘၣ်, ဒီးဆၣ်ဖိကီၢ်ဖိအဒၢအခီၣ်တယီၢ်လီၤလၢၤဘၣ် တၢ်လၢထံဖးဒိၣ်အကျါဘၣ်.
14 တုၤနုၤတစု ယကဒုးဆှံထီၣ်အထံတဖၣ်,ဒီးဒုးယွၤ လီၤအထံမိၢ်ပှၢ်အထံ ဒ်သိအသိးန့ၣ်, ကစၢ်ယွၤစံးဝဲ ဒၣ်,
15 ဖဲအကတီၢ်လၢယမၤသယုၢ်ကီၢ်အဲၤကူပတူး,ဒီး ကီၢ်အိၣ်ကလီလၢကယဲၢ်တၢ်လၢ အပှဲၤတ့ၢ်အီၤလၢအ ပူၤ, ဖဲအကတီၢ်လၢယကကျီကွံာ်ကယဲၢ်ပှၤလၢအအိၣ် အဆိးလၢအပူၤဒီး, ကသ့ၣ်ညါဝဲလၢယမ့ၢ်ယွၤလီၤ.
16 အဝဲအံၤမ့ၢ်ထါဟီၣ်တၢ်လၢ ပှၤကမၤဝဲလၢအဃိလီၤ. ပှၤကလုာ်အဖိမုၣ်တဖၣ်န့ၣ် ကမၤထါဟီၣ်တၢ်လၢ အဃိလီၤ. ကမၤထါဟီၣ်တၢ်လၢအဲၤကူပတူးအဃိ, ဒီးလၢအပှၤဂီၢ်မုၢ်အဃိလီၤ. ကစၢ်ယွၤစံးဝဲဒၣ်.
17 ဒီးလၢနံၣ်တဆံခံနံၣ်တနံၣ်, လါထီၣ်တဆံယဲၢ်နံၤ တနံၤန့ၣ်, တၢ်မၤအသးလၢကစၢ်ယွၤအကလုၢ်ဘၣ် ယၤ,ဒီးစံးဝဲဒၣ်,
18 ပှၤကညီဖိခွါဧၢ, ဟီၣ်လၢအဲၤကူပ တူးအပှၤဂီၢ်မုၢ်အဃိ, ဒီးတ့ၢ်လီၤကွံာ်အီၤ,အဝဲဒၣ်,ဒီး ပှၤကလုာ်တဖၣ်လၢ အမံၤဟူထီၣ်သါလီၤအဖိမုၣ်တ ဖၣ်ဆူဟီၣ်ခိၣ်လာ် ဆူပှၤလၢအလဲၤလီၤဆူတၢ်ပူၤအ အိၣ်န့ၣ်တက့ၢ်.
19 နဃံနလၤဒိၣ်န့ၢ်မတၤတဂၤလဲၣ်. ဟဲလီၤဒီးမံလီၤဒီး ပှၤလၢအတဒိးဘၣ်တၢ်ကူးတရံးတဖၣ်န့ၣ်တက့ၢ်.
20 ကလီၤဃံၤဝဲလၢပှၤလၢအဘၣ် တၢ်မၤသံအီၤလၢနး တဖၣ်အကျါလီၤ. တၢ်ဟ့ၣ်လီၤတ့ၢ်နးဧိၤဘီဧိၤလီၤ.မိၤ ထီၣ်ကွံာ်အီၤဒီးအပှၤဂီၢ်မုၢ်ခဲလၢာ်န့ၣ်တက့ၢ်.
21 ပှၤအဆူၣ်ကတၢၢ်လၢ ပှၤအဆူၣ်အကျါန့ၣ်လၢပျၢၤ အသးကံၢ်ပူၤကကတိၤတၢ်ဒီးအီၤ, ဒီးပှၤလၢအမၤစၢၤ အီၤလီၤ. အဂ့ၢ်ဒ်အံၤ,လဲၤလီၤလံ,မံလီၤ,ဒီးတဒိးဘၣ် တၢ်ကူးတရံးဘၣ်, ဘၣ်တၢ်မၤသံအီၤလၢနးလီၤ.
22 အၤရှူၢ်ဒီးအတၢ်အိၣ်ဖှိၣ်ခဲလၢာ်အိၣ်ဝဲဖဲန့ၣ်လီၤ. အ တၢ်သွၣ်ခိၣ်အိၣ်ဝးတရံးအီၤ, ဘၣ်တၢ်မၤသံအီၤခဲ လၢာ်,လီၤဃံၤဝဲလၢနးဧိၤဘီဧိၤလီၤ.
23 အတၢ်သွၣ်ခိၣ်အိၣ်ဝဲလၢတၢ်ပူၤအခံဒး, ဒီးအတၢ် အိၣ်ဖှိၣ်ဝးတရံးဝဲအတၢ်သွၣ်ခိၣ်ပူၤလီၤ. ဘၣ်တၢ်မၤ သံအီၤခဲလၢာ်, လီၤဃံၤဝဲလၢနးဧိၤဘီဧိၤ,ပှၤလၢအမၤ ပျံၤတၢ်လၢကီၢ်မူအပူၤန့ၣ်လီၤ.
24 ဧ့ၤလၣ်ဒီးအပှၤဂီၢ်မုၢ်ခဲလၢာ် အိၣ်ဝးတရံးဝဲလၢအ တၢ်သွၣ်ခိၣ်ပူၤ, ဘၣ်တၢ်မၤသံအီၤခဲလၢာ်,လီၤဃံၤဝဲ လၢနးဧိၤဘီဧိၤ, တဒိးဘၣ်တၢ်ကူးတရံးဘၣ်ဒီး,လဲၤ လီၤဝဲဆူဟီၣ်ခိၣ်လာ်, ပှၤလၢအမၤပျံၤတၢ်လၢကီၢ်မူ အပူၤလီၤ,ဒီးတူၢ်လံအတၢ်မဲာ်ဆှးဒီးပှၤလၢ အလဲၤလီၤ ဆူတၢ်ပူၤန့ၣ်လီၤ.
25 ပှၤပာ်လီၤန့ၢ်အီၤလၢအလီၢ်မံ အိၣ်ဒီးအပှၤဂီၢ်မုၢ်ခဲ လၢာ်လၢပှၤဘၣ်တၢ်မၤသံအီၤအကျါ, အတၢ်သွၣ်ခိၣ် ပူၤတဖၣ်အိၣ်ဝးတရံးအီၤလီၤ. တဒိးဘၣ်တၢ်ကူးတ ရံးနီတဂၤဘၣ်ဒီး, ဘၣ်တၢ်မၤသံအီၤလီၤ.မၤပျံၤတၢ် လၢကီၢ်မူအပူၤဘၣ်ဆၣ်ဒီး, တူၢ်လံအတၢ်မဲာ်ဆှးဒ်ပှၤ လၢအလဲၤလီၤတ့ၢ်ဆူတၢ်ပူၤအသိးလီၤ. တၢ်ပာ်လီၤ အီၤလၢပှၤလၢအဘၣ်တၢ်မၤသံအီၤအကျါလီၤ.
26 မ့ၤၡး, ဒီးတူၤဘလး, ဒီးအပှၤဂီၢ်မုၢ်ခဲလၢာ်အိၣ်ဝဲဖဲ န့ၣ်,အတၢ်သွၣ်ခိၣ်ပူၤတဖၣ်အိၣ်ဝးတရံးအီၤ, ခဲလၢာ် တဒိးဘၣ်တၢ်ကူးတရံး, မၤပျံၤတၢ်လၢကီၢ်မူအပူၤဘၣ် ဆၣ်ဒီး, ဘၣ်တၢ်မၤသံအီၤလၢနးဧိၤဘီဧိၤလီၤ.
27 မၤပျံၤတၢ်လၢကီၢ်မူအပူၤဘၣ်ဆၣ်ဒီး ကမံလီၤဒီးပှၤ အဆူၣ်လၢအတဒိးဘၣ်တၢ်ကူးတရံးတဖၣ် လၢအ လီၤဃံၤဝဲလၢအကျါ လၢအလဲၤလီၤဆူပျၢၤပူၤအိၣ်ဒီး အဒုးတၢ်အစုကဝဲၤ, တၢ်ပာ်အနးလၢအခိၣ်ဖီလာ်,ဒီး အတၢ်အၢတၢ်သီအိၣ်ဝဲလၢ အဃံအကွဲအဖီခိၣ်န့ၣ် တမ့ၢ်ဘၣ်ဧါ.
28 ဒီးနဲဒၣ်, နကကၢ်လီၤကွံာ်လၢပှၤတဒိးဘၣ်တၢ်ကူး တရံးအကျါ, ဒီးကမံလီၤဒီးပှၤလၢအဘၣ်တၢ်မၤသံ အီၤလၢနးဧီၤဘီဧိၤလီၤ.
29 အဒိၣ်အိၣ်ဖဲန့ၣ်ဒီးအစီၤပၤတဖၣ်, ဒီးအပဒိၣ်ဖးဒိၣ် တဖၣ်အိၣ်ဝဲဒီးအဂံၢ်ဆူၣ်အဘါဆူၣ်ခဲလၢာ်န့ၣ် မံလီၤ ဒီးပှၤလၢအဘၣ်တၢ်မၤသံအီၤလၢ နးဧိၤဘီဧိၤန့ၣ်လီၤ. မံလီၤဝဲဒီးပှၤတဒိးဘၣ်တၢ်ကူးတရံး ဒီးပှၤလၢအလဲၤ လီၤတ့ၢ်ဆူတၢ်ပူၤလီၤ.
30 ကလံၤစိးအပဒိၣ်ဖးဒိၣ်အိၣ်ဖဲန့ၣ်, အဝဲသ့ၣ်ခဲလၢာ် ဒီးပှၤစံဒိၣ်ဖိခဲလၢာ် လၢအလဲၤလီၤဆူပှၤဘၣ်တၢ်မၤ သံအီၤလီၤ. လၢအတၢ်မၤပျံၤတၢ်လၢအမၤဝဲ,လၢအစိ အကမီၤအဃိ, အဝဲသ့ၣ်မဲာ်ဆှးလီၤ.တဒိးဘၣ်တၢ်ကူး တရံးဒီး, မံလီၤဝဲအိၣ်ဒီးပှၤလၢအဘၣ်တၢ်မၤသံအီၤ လၢနးဧိၤဘီဧိၤ, ဒီးတူၢ်အတၢ်မဲာ်ဆှးဒီးပှၤလၢအလဲၤ လီၤဆူတၢ်ပူၤအပူၤလီၤ.
31 ဖၤရိၤကထံၣ်ဘၣ်အီၤ, ဒီးကမၤမုာ်ထီၣ်က့ၤအသး လၢအပှၤဂီၢ်မုၢ်ခဲလၢာ်အဃိ, ဖၤရိၤဒီးအသုးမုၢ်လၢအ ဘၣ်တၢ်မၤသံအီၤလၢနးဧိၤဘီဧိၤခဲလၢာ်လီၤ. ကစၢ် ယွၤစံးဝဲဒၣ်.
32 ယဟ့ၣ်အတၢ်မၤပျံၤလၢကီၢ်မူအပူၤ, ဒီးတၢ်ကပာ် လီၤအီၤလၢပှၤတဒိးဘၣ် တၢ်ကူးတရံးအကျါ,အိၣ်ဒီး ပှၤလၢအဘၣ်တၢ်မၤသံအီၤလၢနးဧိၤဘီဧိၤ, ဖၤရိၤဒီး အပှၤဂီၢ်မုၢ်ခဲလၢာ်လီၤ,ကစၢ်ယွၤစံးဝဲဒၣ်.