3
1 ဒီးစံးဘၣ်ယၤ,ပှၤကညီဖိခွါဧၢ, အီၣ်တၢ်လၢနထံၣ် န့ၢ်တက့ၢ်, အီၣ်လံာ်အထူတထူအံၤ, ဒီးလဲၤကတိၤ တၢ်ဒီးအံၣ်စရ့လးအပှၤဟံၣ်ဖိတက့ၢ်.
2 ဒီးယအဲးထီၣ်ယထးခိၣ်, ဒီးအဝဲဒၣ်ဟ့ၣ်အီၣ်ယၤလၢ လံာ်အထူတထူန့ၣ်လီၤ.
3 ဒီးစံးဘၣ်ယၤ,ပှၤကညီဖိ ခွါဧၢ,အီၣ်တၢ်, ဒီးမၤပှဲၤနသအိပူၤဒီးလံာ်အထူတထူ အံၤလၢယဟ့ၣ်လီၤနၤတက့ၢ်. ဒီးယအီၣ်တၢ်,ဒီးဆၢဝဲ လၢယကိာ်ပူၤဒ်ကနဲစီအသိးန့ၣ်လီၤ.
4 ဒီးစံးဘၣ်ယၤ, ပှၤကညီဖိခွါဧၢ,လဲၤတၢ်,လဲၤဆူအံၣ် စရ့လးအပှၤဟံၣ်ဖိအအိၣ်, ဒီးကတိၤဒီးအီၤလၢယတၢ် ကတိၤတက့ၢ်.
5 အဂ့ၢ်ဒ်အံၤ,တၢ်တမၢလီၤဘၣ်နၤဆူ ပှၤလၢအပျ့ၤယိာ်, ဒီးကတိၤအကျိာ်ကီတကလုာ်ဘၣ်, မ့ၢ်ဆူအံၣ်စရ့လးအပှၤဟံၣ်ဖိအအိၣ်လီၤ.
6 တမ့ၢ်ဘၣ် ဆူပှၤအါကလုာ်လၢအပျ့ၤယိာ်, ဒီးအကတိၤတၢ်အ ကျိာ်ကီ, လၢနနၢ်ပၢၢ်တသ့ဘၣ်န့ၣ်ဘၣ်. မ့ၢ်မးယမ့ၢ် မၢလီၤနၤဆူအအိၣ်ဒီး, ကဒိကနၣ်နကလုၢ်လီၤ.
7 ဘၣ်ဆၣ်ဒီးအံၣ်စရ့လးအပှၤဟံၣ်ဖိ တကနၣ်ဘၣ်န ကလုၢ်ဘၣ်.အဂ့ၢ်ဒ်အံၤ, တကနၣ်ယကလုၢ်ဘၣ်. အ ဂ့ၢ်ဒ်အံၤ, အံၣ်စရ့လးအပှၤဟံၣ်ဖိခဲလၢာ်အမဲာ်ကဲၤ,ဒီး အသးကိၤလီၤ.
8 ကွၢ်ကွၢ်,ယပာ်ဆူၣ်နမဲာ်ထီဒါအမဲာ်, ဒီးနမဲာ်တူၢ်ခိၣ်ထီဒါအမဲာ်တူၢ်ခိၣ်လီၤ.
9 ပာ်နမဲာ်တူၢ် ခိၣ်ဒ်လၢၢ်စံၣ်တၢ်မျၢ်အသိး, ကိၤန့ၢ်လၢၢ်မ့ၣ်တက့ၢ် လီၤ. ပျံၤအီၤတဂ့ၤ,ဘၣ်ယိၣ်တၢ်လၢအမဲာ်အဃိတဂ့ၤ. အဂ့ၢ်ဒ်အံၤ,မ့ၢ်ပှၤဟံၣ်ဖိလၢအပူထီၣ်ဒၣ်တၢ်လီၤ.
10 ဒီးစံးဘၣ်ယၤ, ပှၤကညီဖိခွါဧၢ, ကယဲၢ်တၢ်ကတိၤ လၢယကတိၤဒီးနၤခဲလၢာ်န့ၣ် ဒိးလၢနသးကံၢ်ပူၤ,ဒီး ကနၣ်လၢနနၢ်တက့ၢ်.
11 ဒီးလဲၤတၢ်, လဲၤဆူပှၤကဲကုၢ် တဖၣ်,နပှၤဂီၢ်မုၢ်ဖိအအိၣ်, ဒီးကတိၤတၢ်ဒီးအီၤ,ဒီးက နၣ်တၢ်မ့ၢ်ဂ့ၤ,ဆိတ့ၢ်မ့ၢ်ဂ့ၤ,စံးဘၣ်အီၤ, ယွၤစံးဒ်အံၤတ က့ၢ်.
12 ဒီးသးန့ၣ်စိာ်ထီၣ်ယၤ, ဒီးယနၢ်ဟူတၢ်ဃ့ၢ်သဖှိဆူၣ် အသီၣ်လၢယချၢဃံ, ဒီးစံးဝဲဒၣ်,ယွၤအလၤကပီၤလၢ အလီၢ်ပူၤန့ၣ်မ်အဘၣ်တၢ်ဆိၣ်ဂ့ၤတက့ၢ်.
13 ယနၢ်ဟူ စ့ၢ်ကီးတၢ်သးအဒံးဆ့လၢ အထိးလိာ်အသးအသီၣ်, ဒီးလ့ၣ်အပၣ်လၢအဃၢၤအသီၣ်, တၢ်ဃ့ၢ်သဖှိဆူၣ် အသီၣ်လီၤ.
14 ဒီးသးန့ၣ်စိာ်ထီၣ်ယၤ,ဒီးထုးထီၣ်ယၤ, ဒီးယလဲၤတၢ်လၢယသးတမုာ်ဘၣ်, လၢယသးကိၢ် လီၤ. ဒီးယွၤအစုအိၣ်ဝဲဆူၣ်ဆူၣ်ကလဲာ်လၢယလိၤလီၤ.
15 ဒီးယဟဲဆူပှၤလၢအကဲကုၢ်လၢ တ့ၤလၤဘံးအပူၤ, လၢအအိၣ်ဝဲဆိးဝဲလၢထံမိၢ်ပှၢ်ကဘၢ်အနံၤ, ဒီးယအိၣ် ဖဲအဝဲသ့ၣ်အိၣ်ဝဲ, ဒီးယဆ့ၣ်နီၤအိၣ်လၢယသးကတုၤ လၢအကျါနွံနံၤလီၤ.
16 ဒီးလၢနွံနံၤအကတၢၢ်န့ၣ် တၢ်မၤအသးလၢယွၤအက လုၢ်ဘၣ်ယၤ, ဒီးစံးဝဲဒၣ်,
17 ပှၤကညီဖိခွါဧၢ,ယပာ်နၤ လၢပှၤပၢၤတၢ်ဖိလၢအံၣ်စရ့လး အပှၤဟံၣ်ဖိအဂီၢ်,ဒီး ကနၣ်တၢ်ကတိၤလၢယထးခိၣ်, ဒီးသိၣ်က့ၤအီၤလၢ ယကလုၢ်တက့ၢ်.
18 တုၤယစံးဘၣ်ပှၤတတီတလိၤန့ၣ်, သံဒီးနကသံလီၤ န့ၣ်, ဒီးနမ့ၢ်တသိၣ်က့ၤသီက့ၤဘၣ်အီၤ, ဒီးတကတိၤ ဘၣ်တၢ်ဒီးအီၤ ဒ်သိးပှၤတတီတလိၤကဃၣ်ကွံာ်အ သးလၢအကျဲတတီတလိၤဘၣ်ဒီးမူဝဲဒီး တၢ်လၢပှၤ တတီတလိၤန့ၣ်ကသံဝဲလၢအတၢ်အၢအပူၤလီၤ. ဘၣ် ဆၣ်ဒီးယကဃုအသွံၣ်လၢနစုပူၤလီၤ.
19 ဒီးနမ့ၢ်သိၣ်က့ၤပှၤတတီတလိၤဒီး, မ့ၢ်တဃၣ်ကွံာ် ဘၣ်အသးလၢတၢ်တတီတလိၤဘၣ်, ဒီးလၢအကျဲတ တီတလိၤဘၣ်ဒီး, ကသံဝဲလၢအတၢ်အၢအပူၤလီၤ. ဘၣ်ဆၣ်ဒီးနမၤပူၤမၤဖျဲးလံနသးလံလီၤ.
20 မၤကဒီးတစုတုၤပှၤအတီအလိၤ ဃၣ်ကွံာ်အသးလၢ အတၢ်တီတၢ်လိၤ, ဒီးမၤတၢ်ဒဲးဘး,ဒီးယပာ်ခီၣ်ဘၣ် တိၢ်အလီၢ်လၢအမဲာ်ညါဒီး, ကသံဝဲလီၤ.မ့ၢ်နတသိၣ် က့ၤဘၣ်အီၤဒီး, ကသံဝဲလၢအတၢ်ဒဲးဘးအပူၤ, ဒီး အတၢ်တီတၢ်လိၤလၢအမၤဝဲန့ၣ် တၢ်တသ့ၣ်နီၣ်ထီၣ် က့ၤဘၣ်. ဘၣ်ဆၣ်ဒီးယကဃုအသွံၣ်လၢနစုပူၤလီၤ.
21 မ့ၢ်နာ်သက့ဒ်န့ၣ်ဒီးနမ့ၢ်သိၣ်က့ၤပှၤတီပှၤလိၤ, ဒ်သိး ပှၤတီပှၤလိၤအသုတမၤတၢ်ဒဲးဘးတဂ့ၤဒီး, ပှၤတီပှၤ လိၤန့ၣ်မ့ၢ်တမၤတၢ်ဒဲးဘးဒီး, မူဒီးကမူဝဲလီၤ. အဂ့ၢ် ဒ်အံၤ, ဒိးတၢ်သိၣ်က့ၤအီၤလီၤ. ဒီးနဲဒၣ်အံၤနမၤပူၤမၤ ဖျဲးနသးလီၤ.
22 ဒီးယွၤအစုအိၣ်ဝဲလၢယလိၤဖဲန့ၣ်, ဒီးစံးဘၣ်ယၤ,ဂဲၤ ဆၢထၢၣ်,လဲၤတၢ်ဆူတၢ်ပျီပူၤ, ဒီးယကကတိၤတၢ်ဒီး နၤဖဲန့ၣ်လီၤ.
23 ဒီးယဂဲၤဆၢထၢၣ်, ဒီးလဲၤဆူတၢ်ပျီပူၤ,ဒီးကွၢ်ကွၢ်, ယွၤအလၤကပီၤဆၢထၢၣ်ဖဲန့ၣ်, ဒ်တၢ်လၤကပီၤလၢ ယထံၣ်ဘၣ်လၢထံမိၢ်ပှၢ်ကဘၢ်အနံၤအသိးန့ၣ်, ဒီးယ လီၤဃံၤအီထီလာ်လီၤ.
24 ဒီးသးန့ၣ်ဟဲနုာ်ဝဲလၢယပူၤ, ဒီးပာ်ဆၢထၢၣ်ယၤ,ဒီး ကတိၤတၢ်ဒီးယၤ, ဒီးစံးဘၣ်ယၤ,လဲၤကးတံာ်ဃာ်န သးလၢနဟံၣ်ပူၤတက့ၢ်.
25 ဒီးနဲဒၣ်အံၤပှၤကညီဖိခွါဧၢ, ကွၢ်ကွၢ်, တၢ်ကပာ်ပျံၤစၢဃာ်လၢနလိၤ, ဒီးကစၢ ဃာ်နၤလၢအီၤ, ဒီးနတလဲၤထီၣ်ဘၣ်လၢပှၤတဖၣ်န့ၣ် အကျါဘၣ်.
26 ဒီးယကဒုးစဲဘူးနပျ့ၤဒိးနခၣ်ခိၣ်,ဒီးန ကအိၣ်တအုၣ်, ဒီးတကဲထီၣ်ဘၣ်ပှၤသိၣ်ဃီၣ်တၢ်လၢ အဂီၢ်ဘၣ်. အဂ့ၢ်ဒ်အံၤ,မ့ၢ်ဝဲလၢပှၤဟံၣ်ဖိလၢအပူထီၣ် ဒၣ်တၢ်လီၤ.
27 ဘၣ်ဆၣ်ဒီးတုၤယကတိၤတၢ်ဒီးနၤဒီး, ယကဒုးအဲး ထီၣ်နထးခိၣ်, ဒီးနကစံးဘၣ်အီၤ,ကစၢ်ယွၤစံးဒ်အံၤ, ပှၤလၢအကကနၣ်တၢ်န့ၣ် ကကနၣ်ဒၣ်ဝဲတက့ၢ်.ဒီး ပှၤလၢအဆိတ့ၢ်ဝဲန့ၣ်ကဆိတ့ၢ်ဒၣ်ဝဲတက့ၢ်.