11
1 ဒီးသးန့ၣ်စိာ်ထီၣ်ယၤ, ဒီးဆှၢယၤဆူယွၤအဟံၣ်အ ပဲတရီတဖျိလၢမုၢ်ထီၣ်လၢအဒိးအသးဆူမုၢ်ထီၣ်တခီ, ဒီးကွၢ်ကွၢ်, ပှၤကညီခံဆံယဲၢ်ဂၤအိၣ်ဝဲလၢပဲတရီအ ကျဲစၢၤ, ဒီးယထံၣ်ပှၤဂီၢ်မုၢ်အပဒိၣ်ဖးဒိၣ်စီၤဧၤစူၢ်အဖိ ခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတ ယၤလၢအကျါလီၤ.
2 ဒီးအဝဲဒၣ်စံးဘၣ်ယၤ,ပှၤကညီ ဖိခွါဧၢ, ပှၤကညီတဖၣ်အံၤမ့ၢ်ပှၤလၢအကူၣ်တၢ်မၤ အၢ,ဒီးကူၣ်စၢၤတၢ်အၢလၢဝ့ၢ်ပူၤအံၤ,
3 လၢအစံး,အ ကတီၢ်တဘၣ်ဘူးဒံးလၢပကမၤဟံၣ်ဘၣ်, ဝ့ၢ်အံၤမ့ၢ် သပၢၤတဖျၢၣ်ဒီးပဝဲဒၣ်အံၤပမ့ၢ်တၢ်ညၣ်လီၤ.
4 မၤသး ဒ်န့ၣ်ဒီးကတိၤတၢ်လၢဝံအကျိာ်ထီဒါအီၤ, ပှၤကညီဖိ ခွါဧၢ,ကတိၤတၢ်လၢဝံအကျိာ်တက့ၢ်.
5 ဒီးယွၤအသးလီၤဘၣ်ယၤဒီးစံးလၢယၤ, စံး,ယွၤစံးဒ် အံၤ,အံၣ်စရ့လးအပှၤဟံၣ်ဖိသ့ၣ်ဧၢ, သုစံးတ့ၢ်ဒ်န့ၣ် လီၤ. အဂ့ၢ်ဒ်အံၤ,တၢ်လိၣ်ထီၣ်လၢသုသးကံၢ်ပူၤအံၤ ယသ့ၣ်ညါယဲလီၤ.
6 သုမၤအါထီၣ်သုပှၤဘၣ်တၢ်မၤ သံအီၤလၢဝ့ၢ်ပူၤအံၤ, ဒီးသုမၤပှဲၤအကျဲဧိၤကပူၤဧိၤလၢ ပှၤဘၣ်တၢ်မၤသံအီၤလီၤ.
7 မၤသးဒ်န့ၣ်ဒီးကစၢ်ယွၤ စံးဒ်အံၤ, သုပှၤဘၣ်တၢ်မၤသံအီၤလၢသုပာ်လီၤလၢ အသးကံၢ်ပူၤန့ၣ်မ့ၢ်တၢ်ညၣ်, ဒီးဝ့ၢ်အံၤမ့ၢ်သပၢၤတ ဖျၢၣ်လီၤ. ဘၣ်ဆၣ်ဒီးယကဒုးဟးထီၣ်သုလၢအသး ကံၢ်ပူၤလီၤ.
8 သုပျံၤတ့ၢ်နးဧိၤဘီဧိၤ, ဒီးယကဒုးဟဲဘၣ်သုလၢနး ဧိၤဘီဧိၤလီၤ,ကစၢ်ယွၤစံးဝဲဒၣ်.
9 ဒီးယကဒုးဟးထီၣ် သုလၢအသးကံၢ်ပူၤ, ဒီးဟ့ၣ်လီၤကွံာ်သုဆူပှၤတခီဘီ မုၢ်ဖိအစုပူၤ, ဒီးမၤတၢ်စံၣ်ညီၣ်သုလီၤ.
10 သုကလီၤဃံၤလၢနးဧိၤဘီဧိၤ, ယကစံၣ်ညီၣ်သုလၢ အံၣ်စရ့လးအကီၢ်အဃၢၤ, ဒီးသုကသ့ၣ်ညါလၢယမ့ၢ် ယွၤလီၤ.
11 ဝ့ၢ်အံၤတကဲထီၣ်ဘၣ်သုသပၢၤဘၣ်,ဒီးသု တကဲထီၣ်ဘၣ်တၢ်ညၣ်လၢအပူၤဘၣ်. ယကစံၣ်ညီၣ် သုလၢအံၣ်စရ့လးအကီၢ်အဃၢၤလီၤ.
12 ဒီးသုကသ့ၣ် ညါလၢယမ့ၢ်ယွၤလီၤ. အဂ့ၢ်ဒ်အံၤ,သုတလဲၤဘၣ်လၢ ယတၢ်သိၣ်တၢ်သီအပူၤဘၣ်, ဒီးတမၤဘၣ်ယတၢ်စံၣ် ညီၣ်ဘၣ်. မ့ၢ်သုမၤတၢ်ဒ်ပှၤကလုာ်တဖၣ်လၢ အအိၣ် ဝးတရံးသုအလုၢ်အလၢ်အသိးန့ၣ်လီၤ.
13 ဒီးတုၤယကတိၤလၢဝံအကျိာ်ဒီး, တၢ်မၤအသးလၢ စီၤဘနါယၤအဖိခွါစီၤပလၤတယၤသံဝဲလီၤ. တုၤနုၤ တစုယထိၣ်လီၤဃံၤအီထီလာ်ယသး, ဒီးယကိးထီၣ် လၢယကလုၢ်ဖးဒိၣ်, ဒီးယစံး,ကစၢ်ယွၤဧၢ, နကမၤ လၢာ်အံၣ်စရ့လးအပှၤအိၣ်လီၤတဲာ်န့ၣ် လၢာ်စီဖ့က လ့ၤစ့ၢ်ကီးဧါ.ဒီးယွၤအကလုၢ်ဘၣ်ယၤဒီးစံးဝဲဒၣ်,
14-15 ပှၤကညီ ဖိခွါဧၢ, နဒီပုၢ်ဝဲၢ်,နဒီပုၢ်ဝဲၢ်ဒၣ်လဲာ်,ပှၤကညီလၢနဘူး နတံၢ်အကျါ, ဒီးအံၣ်စရ့လးအပှၤဟံၣ်ဖိခဲလၢာ်န့ၣ်မ့ၢ် ပှၤလၢယရူၤၡလ့ၣ်ဖိစံးဘၣ်အီၤ, လဲၤယံၤဒီးယွၤတက့ၢ်. အဂ့ၢ်ဒ်အံၤ, တၢ်ဟ့ၣ်ပှၤလၢထံဧိၤကီၢ်ဧိၤအံၤ ဒ်သိးပ ကန့ၢ်ဘၣ်အီၤလီၤ.
16 မၤသးဒ်န့ၣ်ဒီးစံး, ကစၢ်ယွၤစံးဒ်အံၤ,ယဟီထီၣ်ကွံာ် အီၤလၢအယံၤလၢ ပှၤကလုာ်တဖၣ်အကျါဘၣ်ဆၣ်, ယကမၤလီၤပြံလီၤပြါအီၤလၢ ကီၢ်တဖၣ်အကျါဘၣ် ဆၣ်ဒီး, ယကကဲထီၣ်တၢ်အလီၢ်စီဆှံတစိၢ်ဖိလၢအ ဂီၢ်, လၢကီၢ်တဖၣ်အပူၤဖဲအဟဲဝဲန့ၣ်လီၤ.
17 မၤသးဒ် န့ၣ်ဒီးစံး, ယွၤစံးဒ်အံၤ, ယကထၢဖှိၣ်သုလၢပှၤဂီၢ်မုၢ် အကျါ, ဒီးဒုးအိၣ်ဖှိၣ်သုလၢကီၢ်တဖၣ် ဖဲသုအိၣ်ပြံ အိၣ်ပြါလၢအပူၤ, ဒီးယကဟ့ၣ်လီၤသုလၢကီၢ်အံၣ်စ ရ့လးလီၤ.
18 ဒီးအဝဲသ့ၣ်ကဟဲဖဲန့ၣ်,ဒီးကဟံးထီၣ်ကွံာ် ကယဲၢ်အတၢ်သးဟ့အလီၢ်, ဒီးကယဲၢ်တၢ်သးဘၣ်အၢ အလီၢ်ဖဲန့ၣ်ခဲလၢာ်လီၤ.
19 ဒီးယကဟ့ၣ်လီၤအီၤလၢအသးတဖျၢၣ်ဃီ, ဒီးယက ဒၢနုာ်အသူၣ်သီအသးသီလၢအပူၤ, ဒီးယကထုးထီၣ် ကွံာ်အသးလၢၢ်လၢအပူၤ, ဒီးယကဟ့ၣ်လီၤအီၤလၢအ သးညၣ်,
20 ဒ်သိးအကလဲၤတၢ်လၢယတၢ်သိၣ်တၢ်သီ အပူၤ, ဒီးတိၢ်န့ၢ်ယတၢ်စံၣ်ညီၣ်,ဒီးမၤအီၤ,ဒီးကကဲထီၣ် ယပှၤဂီၢ်မုၢ်, ဒီးယကကဲထီၣ်အကစၢ်လီၤ.
21 မ့မ့ၢ်ပှၤ လၢအသးလဲၤတၢ်ဖဲဒၣ်အတၢ်သးဟ့အလီၢ်, ဒီးအတၢ် သးဘၣ်အၢအလီၢ်တဖၣ်အသိးန့ၣ် ယကဟ့ၣ်ကၣ်အ ကျဲလၢအခိၣ်ဒၣ်ဝဲအဖီခိၣ်လီၤ. ကစၢ်ယွၤစံးဝဲဒၣ်.
22 တုၤနုၤတဘျီခ့ရူာ်တဖၣ်ယူာ်ထီၣ်အဒံးဆ့, ဒီးလ့ၣ် ကဟၣ်အပၣ်အိၣ်ဝဲလၢအဃၢၤ, ဒီးအံၣ်စရ့လးအက စၢ်အလၤကပီၤအိၣ်ဝဲလၢအဖီခိၣ်လီၤ.
23 ဒီးယွၤအလၤ ကပီၤထီၣ်ဝဲလၢဝ့ၢ်အသးကံၢ်ပူၤ, ဒီးဆၢထၢၣ်လၢက စၢၢ်လိၤလၢအအိၣ်ဝဲလၢဝ့ၢ်လၢမုၢ်ထီၣ်တခီလီၤ.
24 ဒီးသးန့ၣ်ဟံးထီၣ်ယၤ, ဒီးစိာ်ယၤလၢယွၤအသးလၢ တၢ်ထံၣ်တၢ်လၢညါခီ ဆူကီၢ်က့ၤစ့းအပူၤ, ဆူပှၤကဲ ကုၢ်တဖၣ်အအိၣ်လီၤ. ဒီးတၢ်ထံၣ်လၢညါခီလၢယ ထံၣ်ဘၣ်ဝဲန့ၣ်ဟးထီၣ်ကွံာ်ဝဲလၢယအိၣ်လီၤ.
25 တုၤနုၤတဘျီယကတိၤတၢ်ဒီးပှၤ ကဲကုၢ်လၢကယဲၢ် တၢ်လၢယွၤဒုးနဲၣ်ယၤအဂ့ၢ်အကျိၤလီၤ.