7
1 တၢ်အမံၤအသၣ်ဂ့ၤန့ၣ် ဂ့ၤန့ၢ်သိနၢမူလၢအလုၢ်ဒိၣ် ပှ့ၤဒိၣ်တက့ၢ်လီၤ.ဒီးပှၤသံဝဲအမုၢ်တနံၤန့ၣ်ဂ့ၤန့ၢ်အအိၣ် ဖျဲၣ်အမုၢ်တနံၤန့ၣ်တက့ၢ်လီၤ.
2 လဲၤတၢ်ဆူတၢ်သးအုး အဟံၣ်န့ၣ်ဂ့ၤန့ၢ်လဲၤတၢ်ဆူ တၢ်အီၣ်တၢ်အီအဟံၣ်တ က့ၢ်လီၤ.အဂ့ၢ်ဒ်အ့ၤ, အဝဲန့ၣ်မ့ၢ်ပှၤကညီခဲလၢာ်အက တၢၢ်, ဒီးပှၤမူဝဲန့ၣ်ကပာ်ဝဲလၢအသးလီၤ.
3 တၢ်သးအုး န့ၣ်ဂ့ၤန့ၢ်တၢ်နံၤတၢ်အ့န့ၣ်တက့ၢ်လီၤ. အဂ့ၢ်ဒ်အံၤ, ပ မဲာ်လီၤလီၤသပှၢ်န့ၣ်မၤဂ့ၤထီၣ်ပသးလီၤ.
4 ပှၤကူၣ်တၢ် သ့အသးအိၣ်ဝဲလၢတၢ်သးအုးအဟံၣ်ပူၤလီၤ.- မ့မ့ၢ်ပှၤ ဟးဂီၤဖိအသးအိၣ်ဝဲလၢတၢ်မုာ်လၤအဟံၣ်ပူၤလီၤ.
5 ပှၤ ကနၣ်ပှၤကူၣ်တၢ်သ့အသိၣ်ဃီၣ်တၢ်န့ၣ် ဂ့ၤန့ၢ်အကနၣ် ပှၤဟးဂီၤဖိအတၢ်သးဝံၣ်တက့ၢ်လီၤ.
6 အဂ့ၢ်ဒ်အံၤ, ဒ် တၤဆှုၣ်အသီၣ်လၢသပၢၤဖီလာ်အသိးန့ၣ် ပှၤဟးဂီၤဖိ နံၤဝဲန့ၣ်မ့ၢ်ဒ်န့ၣ်သိးလီၤ. အဝဲန့ၣ်မ့ၢ်စ့ၢ်ကီးတၢ်ကလီက လီလီၤ.
7 မ့ၢ်မးတၢ်မၤအၢမၤနးန့ၣ်မၤပျုၢ်ပှၤကူၣ်တၢ်သ့ လီၤ. ဒီးခိၣ်ဖးန့ၣ်ဒုးဟးဂီၤပှၤကညီအတၢ်သူၣ်ဖးသးဖး လီၤ.
8 တၢ်အကတၢၢ်န့ၣ် ဂ့ၤန့ၢ်တၢ်အခီၣ်ထံးတက့ၢ် လီၤ. တၢ်ဝံသးစူၤန့ၣ်ဂ့ၤန့ၢ်တၢ်ပာ်ထီၣ်ထီအသးတက့ၢ် လီၤ,
9 သးထီၣ်ချ့တဂ့ၤ, အဂ့ၢ်ဒ်အံၤ, တၢ်သးထီၣ်အိၣ်ဝဲ ဆိးဝဲလၢပှၤဟးဂီၤဖိအသးနါပှၢ်အပူၤလီၤ.
10 မုၢ်နံၤလၢ ပျၢၤဂ့ၤန့ၢ်မုၢ်နံၤခဲကနံၣ်အံၤမ့ၢ်အဘၣ်မနုၤလဲၣ်န့ၣ်စံးတ ဂ့ၤ.အဂ့ၢ်ဒ်အံၤ,နသံကွၢ်လၢတၢ်န့ၣ်အဂ့ၢ်တအိၣ်ဘၣ်ဒီး တၢ်ကူၣ်သ့ဘၣ်.
11 တၢ်ကူၣ်သ့န့ၣ်ဂ့ၤထဲသိးဒီးတၢ်န့ၢ် သါ, ဒီးပှၤလၢအထံၣ်ဘၣ်မုၢ်ဧိၤလါဧိၤန့ၣ်န့ၢ်ဘျုးလၢ အီၤလီၤ.
12 အဂ့ၢ်ဒ်အံၤ, တၢ်ကူၣ်သ့မ့ၢ်တၢ်တဒီတၢ်,ဒီးစ့မ့ၢ်တၢ်တဒီတၢ်လီၤ. မ့မ့ၢ်တၢ်သ့ၣ်ညါမ့ၢ်အဂ့ၤကတၢၢ်လီၤ.အဂ့ၢ်ဒ်အံၤ,တၢ်ကူၣ်သ့ဟ့ၣ်လီၤတၢ်သးသမူလၢပှၤလၢအ အိၣ်ဝဲဒီးအီၤလီၤ.
13 ကွၢ်ယွၤအမၤတၢ်တက့ၢ်, အဂ့ၢ်ဒ် အံၤ, တၢ်လၢအမၤက့ၣ်န့ၣ် မ့ၢ်မတၤမၤဘျၢသ့တဂၤ လဲၣ်,-
14 လၢတၢ်ဘီၣ်ထီၣ်ညီထီၣ်အမုၢ်တနံၤန့ၣ်သးခုတ က့ၢ်, ဒီးလၢတၢ်အၢအမုၢ်တနံၤန့ၣ်ကွၢ်ဆိကမိၣ်တၢ်တ က့ၢ်. ဒီးယွၤပာ်တမံၤဒီးတမံၤသဃီၤလိာ်အသးဒ်သိးပှၤ ကညီအသုတထံၣ်န့ၢ် တၢ်လၢအဟဲလၢအလီၢ်ခံနီတ မံၤတဂ့ၤလီၤ.-
15 ကယဲၢ်တၢ်အံၤယထံၣ်လၢယတၢ်ကလီ ကလီအမုၢ်နံၤတဖၣ်န့ၣ်, ပှၤတီလၢအဟးဂီၤဝဲလၢအတၢ်တီအဃိန့ၣ်အိၣ်ဝဲလီၤ. ဒီးပှၤတတီဘၣ်လၢအမၤအါ ထီၣ် အမုၢ်နံၤတဖၣ်လၢ အတၢ်တတီတလိၤဘၣ်န့ၣ် အိၣ်ဝဲလီၤ.
16 ပာ်နသးတီကဲၣ်ဆိးတဂ့ၤ, ပာ်နသးကူၣ် တၢ်သ့ကဲၣ်ဆိးတဂ့ၤ, နကမၤဟးဂီၤလီၤနသး မ့ၢ်အ ဘၣ်မနုၤလဲၣ်.
17 ပာ်နသးတတီဘၣ်နးကဲၣ်ဆိးတဂ့ၤ. ဒီးကဲထီၣ်ပှၤ ဟးဂီၤဖိတဂ့ၤ. နဆၢနကတီၢ်တချုးဘၣ်ဒံးဘၣ်ဒီး, န ကသံန့ၣ်မ့ၢ်အဘၣ်မနုၤလဲၣ်.
18 ဂ့ၤလၢနဟံးဃာ်တၢ် အံၤ, ဒီးထုးက့ၤနစုလၢတၢ်န့ၣ်တဂ့ၤ.အဂ့ၢ်ဒ်အံၤ,ပှၤလၢ အပျံၤယွၤကဟဲထီၣ်ကွံာ်လၢအီၤခဲလၢာ်လီၤ.
19 တၢ်ကူၣ်သ့မၤဆူၣ်ထီၣ် ပှၤကူၣ်သ့န့ၣ်အါန့ၢ်ပှၤဆူၣ် ဆံဆဲၣ်ဂၤလၢ အအိၣ်ဝဲလၢဝ့ၢ်ပူၤတက့ၢ်လီၤ.
20 ပှၤအ တီလၢအမၤတၢ်ဂ့ၤ, ဒီးတမၤဘၣ်တၢ်ဒဲးဘးဘၣ်န့ၣ်တ အိၣ်ဘၣ်လၢဟီၣ်ခိၣ်ချၢနီတဂၤဘၣ်.
21 ဒီးပာ်နသးလၢ ကယဲၢ်တၢ်ကတိၤလၢပှၤကတိၤဝဲန့ၣ်တဂ့ၤ. နကနၢ်ဟူ ဘၣ်ဖုးနခ့နပှၤဆိၣ်အၢနၤလီၤ.
22 အဂ့ၢ်ဒ်အံၤ, နသးဒၣ်နဲ သ့ၣ်ညါဝဲအါဘျီလၢနဆိၣ်အၢတ့ၢ်ပှၤဂၤလီၤ.
23 တၢ်ခဲလၢာ်အံၤယမၤကွၢ်လံလၢတၢ်ကူၣ်သ့လံ.ယစံးတ့ၢ်, ယကကူၣ်တၢ်သ့ဘၣ်ဆၣ်ဒီးအိၣ်ယံၤဒီးယၤလီၤ.-
24 တၢ်လၢအအိၣ်ဝဲလၢအယံၤန့ၣ်, ဒီးယိာ်ယိာ်ကလဲၣ်န့ၣ် မ့ၢ်မတၤထံၣ်န့ၢ်သ့တဂၤလဲၣ်.
25 ယပာ်ယသးလၢယက သ့ၣ်ညါ, ဒီးဃုန့ၢ်, ဒီးချုန့ၢ်တၢ်ကူၣ်သ့, ဒီးတၢ်ကူၣ်တၢ် ဆး, ဒီးလၢယကသ့ၣ်ညါလၢတၢ်အၢမ့ၢ်ပှၤဟးဂီၤဖိအ တၢ်, ဒီးပှၤဟးဂီၤဖိအတၢ်မ့ၢ်တၢ်ပျုၢ်လီၤ.
26 ဒီးပိာ်မုၣ်လၢ အသးမ့ၢ်ပှၤဧိၤစၤဧိၤ, ဒီးတၢ်ပျံၤသကွီၤ, လၢအစုမ့ၢ်ပျံၤ န့ၣ်ယထံၣ်န့ၢ်လၢအအၢန့ၢ်တၢ်သံတက့ၢ်လီၤ. ပှၤလၢ အဘၣ်ယွၤအသးန့ၣ်ကပူၤကဖျဲးဒီးအီၤလီၤ. မ့မ့ၢ်အက ဖီၣ်န့ၢ်ပှၤတၢ်ဒဲးဘးဖိလီၤ.
27 ကွၢ်ကွၢ်, ပှၤစံၣ်တဲၤတဲလီၤ တၢ်စံးဝဲဒၣ်, ယမၤကွၢ်တမံၤဘၣ်တမံၤဒ်သိးကသ့ၣ်ညါ တၢ်သတးဒီး, ယထံၣ်န့ၢ်တၢ်အံၤ,
28 တၢ်လၢယသးဃုဒံး ဝဲဒီးတထံၣ်န့ၢ်ဘၣ်န့ၣ်မ့ၢ်အအံၤ, ယထံၣ်န့ၢ်ပိာ်ခွါတဂၤ လၢပှၤကထိအကျါလီၤ. မ့မ့ၢ်လၢပှၤခဲလၢာ်န့ၣ်အကျါ ယတထံၣ်န့ၢ်ဘၣ်ပိာ်မုၣ်တဂၤဘၣ်.
29 ကွၢ်ကွၢ်, ယထံၣ် န့ၢ်ထဲတၢ်အံၤတမံၤ, ယွၤတ့လီၤပှၤကညီလိၤဝဲလီၤ.ဒီးအ ဝဲသ့ၣ်တဖၣ်န့ၣ်ဃုကူၣ်တၢ်အါမံၤလီၤ.