16
1 ဒီးလၢတၢ်ထၢဖှိၣ်လၢ ပှၤစီဆှံတဖၣ်အဂီၢ်အဂ့ၢ်န့ၣ်, ဒ်ယမၤလိာ်တၢ်အိၣ်ဖှိၣ်တဖၣ် အိၣ်ဝဲလၢကလၤတံအ သိးန့ၣ်, မၤသုဝဲဒ်န့ၣ်သိးတက့ၢ်.
2 ဒီးတုၤယဟဲ,ဒ် သိးတၢ်ထၢဖှိၣ်အလီၢ်သုတအိၣ်တဂ့ၤဒီး, နွံနံၤအကျါ, မုၢ်ခီၣ်ထံးအနံၤ, မ်ပှၤပာ်ဖှိၣ်ပာ်တၢ်,လၢတၢ်ပာ်ဖှိၣ်အ လီၢ်, ဖဲအဒိးန့ၢ်ဘၣ်တၢ်ဘျုးတၢ်ဖှိၣ်အသိး,ကိးဂၤဒဲး တက့ၢ်.
3 ဒီးတုၤယဟဲဒီး, ဖဲဒၣ်ပှၤလၢသုအဲၣ်ဒိးတ ဖၣ်န့ၣ်, ယကမၢအလဲၤစိာ်သုဘျုးဒီး လံာ်တဖၣ်ဆူ ယရူၤၡလ့ၣ်လီၤ.
4 ဒီးအလီၢ်မ့ၢ်အိၣ်ဒီး, ယကလဲၤစ့ၢ် ကီး,ဒီးအဝဲသ့ၣ်ကလဲၤဒီးယၤလီၤ.
5 ဒီးတုၤယလဲၤခီဂာ်မၤက့းဒနံဒီး, ယကလဲၤဆူသုအိၣ် လီၤ. အဂ့ၢ်ဒ်အံၤ,ယကလဲၤခီဂာ်မၤက့းဒနံလီၤ.
6 ဒီး ဘၣ်တဘၣ်ယကအိၣ်ဒီးသု, ဒီးအိၣ်လၢတၢ်ဂိၢ်ခါ ဒီ ကတီၢ်ညါ, ဒ်သိးသုကဆှၢယၤဖဲယကလဲၤတၢ်တပူၤ ပူၤလီၤ.
7 အဂ့ၢ်ဒ်အံၤ,ခဲကနံၣ်အံၤ,ယသးတအိၣ်ဘၣ် လၢယကထံၣ်ဘၣ်သုလၢကျဲဘၣ်. ဘၣ်ဆၣ်ဒီး, မ့ၢ် ဘၣ်ကစၢ်အသးဒီး, ယမုၢ်လၢ်လၢယကအိၣ်ဒီးသုတ စိၢ်လီၤ.
8 ဘၣ်ဆၣ်ဒီးယကအိၣ်ဒံးလၢအ့းဖ့းစူး, တုၤ အဘၣ်ဘူၣ်ယဲၢ်ဆံအမုၢ်နံၤလီၤ.
9 အဂ့ၢ်ဒ်အံၤ,တြဲၤလၢ အဒိၣ်, ဒီးမၤတၢ်သ့န့ၣ်,အိၣ်အိးထီၣ်အသးလၢယဂီၢ် လံ. ဒီးပှၤဂ့ၢ်လိာ်ဘှီလိာ်တၢ်အိၣ်အါဂၤလီၤ.
10 ဒီးစီၤတံၤမသ့းမ့ၢ်ဟဲဒီး, ဒ်သိးအကအိၣ်ဒီးသုလၢပျံၤ တၢ်တအိၣ်ဘၣ်ဒီး,ကွၢ်သုဝဲတက့ၢ်. အဂ့ၢ်ဒ်အံၤ,အဝဲ ဒၣ်န့ၣ်မၤကစၢ်အတၢ်ဒ်ယၤအသိးလီၤ.
11 မၤသးဒ်န့ၣ် ဒီးမ်ပှၤသုတမၤအီၤတရီတပါနီၤတဂၤတဂ့ၤ. ဒီးမ်ပှၤ ဆှၢအီၤမုာ်မုာ်, ဒ်သိးအကဟဲဆူယအိၣ်တက့ၢ်. အဂ့ၢ် ဒ်အံၤ, ယကွၢ်လၢ်အကျဲလၢအကဟဲဒီးဒီပုၢ်ဝဲၢ်တဖၣ် န့ၣ်လီၤ.
12 ဒီးလၢဒီပုၢ်ဝဲၢ်, စီၤအပီးလိၤအဂ့ၢ်န့ၣ်,ယသဆၣ်ထီၣ် အခံအါမးလၢ အကလဲၤဒီးဒီပုၢ်ဝဲၢ်သ့ၣ်ဆူသုအိၣ်လီၤ. ဒီးခဲကနံၣ်အံၤ, တၢ်တမိၣ်လဲၤဘၣ်အသးလ့ၤတက့ၤ ဘၣ်. ဘၣ်ဆၣ်ဒီးကလဲၤဝဲလၢအကတီၢ်လၢအဂ့ၤအ ဘၣ်န့ၣ်လီၤ.
13 ဆိးသီတက့ၢ်, အိၣ်စံာ်အိၣ်ကျၢၤလၢတၢ်နာ်အပူၤတ က့ၢ်. မၤသုသးဒ်ပိာ်ခွါအသိးန့ၣ်တက့ၢ်. အိၣ်ဆူၣ်တ က့ၢ်.
14 မၤသုတၢ်ခဲလၢာ်လၢတၢ်အဲၣ်တၢ်ကွံအပူၤတ က့ၢ်.
15 ဒီးစီၤစတ့းဖနၣ်အဟံၣ်ဖိန့ၣ်, သုသ့ၣ်ညါအီၤလၢအ မ့ၢ်တၤသၣ်ဆိလၢအဃါယၤအပူၤ, ဒီးလၢအဟ့ၣ်လီၤ အသးလၢ တၢ်မၤစၢၤပှၤစီဆှံတဖၣ်န့ၣ်လီၤ.
16 ဒီးပုၢ် သ့ၣ်ဝဲၢ်သ့ၣ်ဧၢ, ယဃ့ကညးသု,ဒ်သိးသုကစူၢ်ပှၤဒ်န့ၣ် အသိး, ဒီးကယဲၢ်ပှၤလၢအမၤဃုာ်ဒီးပှၤ, ဒီးမၤတၢ်သ ပှၢ်ပှၢ်န့ၣ်လီၤ.
17 ဒီးစီၤစတ့းဖနၣ်,ဒီးစီၤဖူာ်တူၤနါတူး, ဒီးစီၤအဃကူး ဟဲတုၤဝဲဒီး, ယသးခုလီၤ.အဂ့ၢ်ဒ်အံၤ,သုတၢ်တလၢတ ပှဲၤဘၣ်န့ၣ်, အဝဲသ့ၣ်မၤလၢထီၣ်ပှဲၤထီၣ်လီၤ.
18 အဂ့ၢ် ဒ်အံၤ, မၤမုာ်ထီၣ်ယသးဒီးသုသးလီၤ. မၤသးဒ်န့ၣ် ဒီး,ပှၤဒ်န့ၣ်အသိးတူၢ်လိာ်အီၤတက့ၢ်.
19 တၢ်အိၣ်ဖှိၣ်အိၣ်လၢအၤစံတဖၣ်, ကတိၤဒိၣ်သုလီၤ. စီၤအကူလၤ,ဒီးနီၢ်ပြံးစကံလၤ, ဒီးတၢ်အိၣ်ဖှိၣ်အိၣ်ဝဲ လၢအဟံၣ်ပူၤန့ၣ်, ကတိၤဒိၣ်သုလၢအအါ,လၢကစၢ် အပူၤလီၤ.
20 ဒီပုၢ်ဝဲၢ်ခဲလၢာ်ကတိၤဒိၣ်သုလီၤ. ကတိၤ ဒိၣ်လိာ်သုသးလၢတၢ်နၢမူစီဆှံတက့ၢ်.
21 ယၤစီၤပီလူးကွဲးတၢ်လၢယစုဒၣ်ယဲ, ဒီးကတိၤဒိၣ် တၢ်လီၤ.
22 ပှၤမ့ၢ်တအဲၣ်ဘၣ် ကစၢ်ယ့ၣ်ရှူးခရံာ်တဂၤဂၤဒီး, မ် အဘၣ်တၢ်ဆိၣ်အၢတက့ၢ်. ကစၢ်ဟဲဝဲလီၤ.
23 ကစၢ်ယ့ၣ်ရှူး အဘျုးအဖှိၣ်န့ၣ်, မ်အအိၣ်ဒီး သုတ က့ၢ်.
24 ယတၢ်အဲၣ်တၢ်ကွံ, မ်အအိၣ်ဒီးသုခဲလၢာ်,လၢ ယ့ၣ်ရှူးခရံာ်အပူၤတက့ၢ်. [အၤမ့ၣ်] .