14
1 လူၤတၢ်အဲၣ်တၢ်ကွံ, ဒီးဂဲၤလိာ်ဆၢန့ၢ်တၢ်ဟ့ၣ်ဘၣ် ဃးဒီးသူၣ်ဒီးသး, ဘၣ်ဆၣ်ဒီးအါတက့ၢ်လၢသုကက တိၤတၢ်လၢဝံအကျိာ်တက့ၢ်.
2 အဂ့ၢ်ဒ်အံၤ,ပှၤလၢအ ကတိၤတၢ်လၢတၢ်အပျ့ၤန့ၣ်, တကတိၤဘၣ်တၢ်လၢ ပှၤကညီဘၣ်, မ့ၢ်လၢယွၤလီၤ. အဂ့ၢ်ဒ်အံၤ,ပှၤကညီအ နၢ်တပၢၢ်ဘၣ်နီတဂၤဘၣ်. ဘၣ်ဆၣ်ဒီးလၢသးအပူၤ န့ၣ်မ့ၢ်အကတိၤတၢ်အဒီၣ်အယိာ်လီၤ.
3 မ့မ့ၢ်ပှၤလၢအ ကတိၤတၢ်လၢဝံအကျိာ်န့ၣ်, ကတိၤတၢ်လၢအမၤထီၣ် မၤထီပှၤကညီ, ဒီးတၢ်သဆၣ်ထီၣ်ပှၤအခံ, ဒီးတၢ်မၤ မုာ်ထီၣ်ပသးလီၤ.
4 ပှၤလၢအကတိၤတၢ်လၢ တၢ်အ ပျ့ၤန့ၣ်, မၤထီၣ်မၤထီအကစၢ်ဒၣ်ဝဲ, မ့မ့ၢ်ပှၤလၢအက တိၤတၢ်လၢဝံအကျိာ်န့ၣ်မၤထီၣ်မၤထီတၢ်အိၣ်ဖှိၣ်လီၤ.
5 ဒီးဘၣ်ယသးလၢ သုကတိၤတၢ်လၢတၢ်အပျ့ၤတဖၣ် ခဲလၢာ်, ဘၣ်ဆၣ်ဒီးအါတက့ၢ်လၢသုကတိၤတၢ်လၢ ဝံအကျိာ်လီၤ.အဂ့ၢ်ဒ်အံၤ, ပှၤလၢအကတိၤတၢ်လၢတၢ် အပျ့ၤတဖၣ်န့ၣ်, မ့ၢ်တကတိၤကျိးဘၣ်တၢ်အဆၢဒ်သိး တၢ်အိၣ်ဖှိၣ်ကဘၣ်ထီၣ်ဘၣ်ထီဝဲဒီး, ပှၤလၢအကတိၤ တၢ်လၢဝံအကျိာ်ဒိၣ်န့ၢ်အီၤတက့ၢ်လီၤ.
6 ဘၣ်ဆၣ်ဒီးခဲကနံၣ်အံၤ, ပုၢ်သ့ၣ်ဝဲၢ်သ့ၣ်ဧၢ,ယမ့ၢ်ဟဲ ကတိၤတၢ်လၢတၢ်အပျ့ၤတဖၣ်လၢသုကျါဒီး, ယက တိၤတၢ်မ့ၢ်တဖျါဘၣ်, မ့ၢ်တဒုးသ့ၣ်ညါဘၣ်တၢ်ဘၣ်,မ့ၢ်တကတိၤဘၣ်တၢ်လၢဝံအကျိာ်ဘၣ်, မ့ၢ်တသိၣ် လိဘၣ်တၢ်ဘၣ်ဒီး, ယကဒုးဘၣ်သုလၢတၢ်ဘျုးမနုၤ တမံၤလဲၣ်.
7 တၢ်လၢအတအိၣ်ဘၣ်ဒီးအသးသမူ,ပံ မ့ၢ်ဂ့ၤ, တနၢ်မ့ၢ်ဂ့ၤ,ဟ့ၣ်အသီၣ်ဒီးမ့ၢ်တနီၤဖးဘၣ်သီၣ် အဆၢဘၣ်ဒီး, အူတၢ်မ့ၢ်ဂ့ၤ,ဒ့တၢ်မ့ၢ်ဂ့ၤ,ပှၤနၢ်ပၢၢ်က သ့ဒ်လဲၣ်.
8 ဒီးကွဲၤမ့ၢ်သီၣ်ကလီကလီဒီး, မ့ၢ်မတၤ ကကတီၤအသးလၢအကဒုးတၢ်တဂၤလဲၣ်.
9 ဒ်န့ၣ် အသိး, သုဝဲဒၣ်လၢတၢ်အပျ့ၤန့ၣ်,သုမ့ၢ်တကတိၤဘၣ် တၢ်ကတိၤလၢပှၤနၢ်ပၢၢ်ညီဘၣ်ဒီး, ပှၤသ့ၣ်ညါတၢ်လၢ သုကတိၤဝဲန့ၣ်, ကသ့ဒ်လဲၣ်. အဂ့ၢ်ဒ်အံၤ, သုကတိၤ တၢ်ဆူကလံၤအပူၤလီၤ.
10 တၢ်ကလုၢ်သီၣ်အိၣ်သ့ၣ်သ့ၣ်အါထဲအံၤလၢ ဟီၣ်ခိၣ် ချၢ, ဒီးအိၣ်ဒီးအခီပညီကိးမံၤဒဲးလီၤ..
11 မၤသးဒ်န့ၣ် ဒီးယနၢ်မ့ၢ်တသ့ၣ်ညါဘၣ် အတၢ်ကလုၢ်သီၣ်အစိအ ကမီၤဘၣ်ဒီး, ယကမ့ၢ်ပှၤတကလုာ်ဒၣ်လၢပှၤကတိၤ တၢ်အမဲာ်ညါ, ဒီးပှၤလၢအကတိၤတၢ်,ကမ့ၢ်ပှၤတကလုာ်ဒၣ်လၢယမဲာ်ညါလီၤ.
12 ဒ်န့ၣ်အသိး,သုဂဲၤလိာ်လၢ သုကန့ၢ်ဘၣ်တၢ်ဟ့ၣ်ဘၣ်ဃးဒီးသးန့ၣ်သတးဒီး, ဂဲၤ လိာ်အါတက့ၢ်တၢ်လၢ အကမၤထီၣ်မၤထီတၢ်အိၣ်ဖှိၣ် န့ၣ်တက့ၢ်.
13 မၤသးဒ်န့ၣ်ဒီးပှၤလၢ အကတိၤတၢ်လၢတၢ်အပျ့ၤတ ဖၣ်န့ၣ်, မ်အဘါထုကဖၣ်ဒ်သိးအကကတိၤကျိးတၢ် အဆၢတက့ၢ်.
14 အဂ့ၢ်ဒ်အံၤ, ယမ့ၢ်ဘါထုကဖၣ်တၢ် လၢတၢ်အပျ့ၤဒီး, ယသးဘါထုကဖၣ်တၢ်ဘၣ်ဆၣ်ဒီး ယသးလၢ အသ့ၣ်ညါနၢ်ပၢၢ်တၢ်န့ၣ်, အတၤသၣ်တ အိၣ်ဘၣ်.
15 မၤသးဒ်န့ၣ်ဒီးမ့ၢ်အမ့ၢ်မနုၤလဲၣ်.ယကဘါ ထုကဖၣ်တၢ်လၢယသး, ဒီးယကဘါထုကဖၣ်လၢယ သးလၢအသ့ၣ်ညါနၢ်ပၢၢ်တၢ်စ့ၢ်ကီးလီၤ. ယကသးဝံၣ် တၢ်လၢယသးန့ၣ်, ဒီးယကသးဝံၣ်တၢ်လၢယသးလၢ အသ့ၣ်ညါနၢ်ပၢၢ်တၢ်စ့ၢ်ကီးလီၤ.
16 မ့တမ့ၢ်ဒ်န့ၣ်ဒီး, န မ့ၢ်ဆိၣ်ဂ့ၤတၢ်လၢနသးဒီး, ပှၤလၢအအိၣ်လၢပှၤတသ့ ဘၣ်အလီၢ်တဖၣ်န့ၣ်, မ့ၢ်အနၢ်တပၢၢ်ဘၣ်နတၢ်ကတိၤ သတးဒီးကစံးအၤမ့ၣ်, လၢနစံးထီၣ်ပတြၢၤတၢ်အဘျုး န့ၣ်, သ့ဒ်လဲၣ်.
17 အဂ့ၢ်ဒ်အံၤ, နစံးထီၣ်ပတြၢၤတၢ်အ ဘျုးအဖှိၣ်ကစီဒီယၢာ်, ဘၣ်ဆၣ်ဒီး တမၤထီၣ်မၤထီ ဘၣ်ပှၤဂၤဘၣ်.
18 ယကတိၤတၢ်လၢ တၢ်အပျ့ၤတဖၣ်အါန့ၢ်သုခဲလၢာ် သတးဒီး, ယစံးထီၣ်ပတြၢၤယွၤလီၤ.
19 ဘၣ်ဆၣ်ဒီး လၢတၢ်အိၣ်ဖှိၣ်အပူၤယကတိၤတၢ်ကတိၤ ယဲၢ်ဘီလၢ ယသးလၢအသ့ၣ်ညါနၢ်ပၢၢ်တၢ်ဒ်သိး ယကသိၣ်လိ စ့ၢ်ကီးပှၤဂၤဒီး, ဘၣ်ယသးဒိၣ်န့ၢ်ယကတိၤလၢတၢ် အပျ့ၤလၢတၢ်ကတိၤအဘီတကလးန့ၣ်တက့ၢ်လီၤ.
20 ပုၢ်သ့ၣ်ဝဲၢ်သ့ၣ်ဧၢ, လၢသးလၢအသ့ၣ်ညါနၢ်ပၢၢ်တၢ် အပူၤန့ၣ်, သုတမ့ၢ်ဖိသၣ်တဂ့ၤ, မ့မ့ၢ်လၢသးလၢအ သးဟ့တၢ်အပူၤန့ၣ်, မ်သုမ့ၢ်ဖိသၣ်အီၣ်နုၢ်တက့ၢ်.မ့မ့ၢ် လၢသးလၢ အသ့ၣ်ညါနၢ်ပၢၢ်တၢ်အပူၤန့ၣ်, မ်သုကဲ လၢပှၤဒိၣ်တုာ်ခိၣ်ပှဲၤတက့ၢ်.
21 တၢ်ကွဲးအသးလၢတၢ်သိၣ်တၢ်သီအပူၤ,လၢပျ့ၤအဂၤတဖၣ်, ဒီးလၢပျုၤအဂုၤအဂၤ,ယကကတိၤတၢ်ဒီးပှၤဂီၢ်မုၢ်အံၤ,ဒီးဒ်န့ၣ်အသိးဒၣ်လဲာ်, တဒိကနၣ်ဘၣ်ယကလုၢ် ဘၣ်, ကစၢ်စံးဝဲဒၣ်.Ref 14.21 ၡါ. ၂၈း၁၁.
22 မၤသးဒ်န့ၣ်ဒီး တၢ်အပျ့ၤတဖၣ်မ့ၢ်လၢတၢ်ပနီၣ်အ ဂီၢ်, လၢပှၤနာ်တၢ်အဂီၢ်တမ့ၢ်ဘၣ်, မ့ၢ်လၢပှၤတစူၢ် တနာ်ဘၣ်တၢ်အဂီၢ်လီၤ. မ့မ့ၢ်တၢ်ကတိၤလၢဝံအကျိာ် န့ၣ်တမ့ၢ်ဘၣ်လၢ ပှၤတစူၢ်တနာ်ဘၣ်တၢ်အဂီၢ် ဘၣ် မ့ၢ်လၢပှၤနာ်တၢ်အဂီၢ်လီၤ.
23 မၤသးဒ်န့ၣ်ဒီးတၢ်အိၣ်ဖှိၣ်ခဲလၢာ် မ့ၢ်အိၣ်ဖှိၣ်တပူၤ ဃီဒီး, ပှၤခဲလၢာ်မ့ၢ်ကတိၤတၢ်လၢတၢ်အပျ့ၤတဖၣ်ဒီး, ပှၤလၢအတသ့ဘၣ်မ့ၢ်ဂ့ၤ, ပှၤလၢအတစူၢ်တနာ်ဘၣ် မ့ၢ်ဂ့ၤ, မ့ၢ်ဟဲနုာ်ဒီး,ကစံးလၢသုမ့ၢ်ပှၤအပျုၢ်, တမ့ၢ် ဘၣ်ဧါ.
24 မ့မ့ၢ်ပှၤခဲလၢာ်မ့ၢ်ကတိၤတၢ်လၢဝံအကျိာ်, ဒီးပှၤလၢအတသ့ဘၣ်မ့ၢ်ဂ့ၤ, ပှၤလၢအတစူၢ်တနာ် ဘၣ်မ့ၢ်ဂ့ၤ, မ့ၢ်ဟဲနုာ်ဒီး,ကဘၣ်တၢ်သိၣ်ဃီၣ်အီၤလၢ ပှၤခဲလၢာ်, ဒီးကဘၣ်တၢ်စံၣ်ညီၣ်အီၤလၢပှၤခဲလၢာ်,-
25 ဒီးတၢ်ကထုးဖျါထီၣ်အသးအတၢ်ခူသူၣ်သတးဒီး, က ဆုးလီၤအခိၣ်ပိာ်လီၤအမဲာ်ဒီးဘါထီၣ်ယွၤ, ဒီးကအုၣ် အသးလၢယွၤအိၣ်လၢသုကျါနီၢ်နီၢ်လီၤ.
26 မၤသးဒ်န့ၣ်ဒီး, ပုၢ်သ့ၣ်ဝဲၢ်သ့ၣ်ဧၢ,မ့ၢ်ဒ်လဲၣ်.တုၤသု အိၣ်ဖှိၣ်ရိဖှိၣ်ဒီး, သုအိၣ်တဂၤတဂၤဒီးတၢ်သးဝံၣ်အိၣ် ဒီးတၢ်သိၣ်တၢ်သီ, အိၣ်ဒီးတၢ်အပျ့ၤ,အိၣ်ဒီးတၢ်လီၣ် ဖျါ, အိၣ်ဒီးတၢ်ကတိၤကျိးတၢ်အဆၢစုာ်စုာ်လီၤ. မ်ပှၤ မၤတၢ်ခဲလၢာ်လၢတၢ်မၤထီၣ်မၤထီအဂီၢ်တက့ၢ်.
27 ပှၤ မ့ၢ်ကတိၤတၢ်လၢတၢ်အပျ့ၤတဂၤဂၤဒီး, ဘၣ်ကတိၤ တၢ်ထဲခံဂၤသၢဂၤဧိၤ, ဒီးကတိၤတၢ်တဂၤဘၣ်တဂၤ, ဒီးမ်ပှၤတဂၤကတိၤကျိးတၢ်အဆၢတက့ၢ်.
28 ဒီးပှၤက တိၤကျိးတၢ်အဆၢမ့ၢ်တအိၣ်ဘၣ်ဒီး, မ်အအိၣ်ဘှီၣ် လၢ တၢ်အိၣ်ဖှိၣ်အပူၤတက့ၢ်. ဒီးမ်အကတိၤတၢ်လၢ အကစၢ်ဒၣ်ဝဲဒီးယွၤန့ၣ်တက့ၢ်.
29 ဒီးဝံတဖၣ်န့ၣ်, မ်အကတိၤတၢ်ခံဂၤမ့ၢ်ဂ့ၤ,သၢဂၤမ့ၢ်ဂ့ၤ, ဒီးအဂၤတဖၣ်ကစံၣ်ညီၣ်တၢ်အဆၢန့ၣ်တက့ၢ်.-
30 ဘၣ်ဆၣ်ဒီးတၢ်မ့ၢ်လီၣ်ဖျါထီၣ် တၢ်တမံၤမံၤလၢပှၤတ ဂၤဒၣ်လၢအဆ့ၣ်နီၤဖဲန့ၣ်ဒီး, ပှၤဂံၢ်ခိၣ်တဂၤ,မ်အအိၣ် ဘှီၣ်တက့ၢ်.
31 အဂ့ၢ်ဒ်အံၤ, ဒ်သိးပှၤခဲလၢာ်ကဘၣ်တၢ် သိၣ်က့ၤသီက့ၤအီၤဒီး တၢ်မၤမုာ်ထီၣ်အသးဒီး,သုက တိၤတၢ်တဂၤဒီးတဂၤလၢဝံအကျိာ်သ့လီၤ.ဒီးဝံအသးအိၣ်လၢဝံအဖီလာ်လီၤ.
32 ,
33 အဂ့ၢ်ဒ်အံၤ, ယွၤတဘၣ်ဃးဘၣ်ဒီး တၢ်တၢထီၣ်တၢလီၤဘၣ်. မ့ၢ် အဘၣ်ဃးဒီးတၢ်ဃူတၢ်ဖိး, ဒ်လၢပှၤစီဆှံအတၢ်အိၣ် ဖှိၣ်ခဲလၢာ်အပူၤအသိးန့ၣ်လီၤ.
34 မ်သုပိာ်မုၣ်သ့ၣ်တဖၣ်အိၣ်ဘှီၣ် လၢတၢ်အိၣ်ဖှိၣ်တ ဖၣ်အပူၤတက့ၢ်. အဂ့ၢ်ဒ်အံၤ, တၢ်တဒုးကတိၤဘၣ် အီၤဘၣ်. မ့မ့ၢ်ဘၣ်အိၣ်လၢတၢ်အဖီလာ်, ဒ်တၢ်သိၣ် တၢ်သီစံးစ့ၢ်ကီးဝဲအသိးန့ၣ်လီၤ.
35 ဒီးမ့ၢ်မိၣ်မၤလိအ သးလၢတၢ်တမံၤမံၤဒီး, မ်အသံကွၢ်အဝၤဒၣ်ဝဲလၢဟံၣ် ပူၤတက့ၢ်. အဂ့ၢ်ဒ်အံၤ,ပိာ်မုၣ်ကတိၤတၢ်လၢတၢ်အိၣ် ဖှိၣ်အပူၤ, မ့ၢ်တၢ်မဲာ်ဆှးလီၤ.
36 မ့ၢ်ဒ်လဲၣ်, မ့ၢ်ယွၤအကလုၢ်အကထါဟဲထီၣ်လၢသု အိၣ်ဧါ.မ့ၢ်အဟဲထဲဆူသုအိၣ်ဧါ.
37 ပှၤတဂၤဂၤမ့ၢ်ဆိ ကမိၣ်လီၤအသးလၢအမ့ၢ်ဝံမ့ၢ်ဂ့ၤ, လၢအဘၣ်ဃးဒီး သးမ့ၢ်ဂ့ၤ, မ်အအၢၣ်လီၤအီလီၤလၢတၢ်လၢယကွဲးန့ၢ် သု, မ့ၢ်ကစၢ်အတၢ်မၤလိာ်န့ၣ်တက့ၢ်.
38 ဘၣ်ဆၣ်ဒီး ပှၤတဂၤဂၤမ့ၢ်တသ့ၣ်ညါဘၣ်ဒီး, ကအိၣ်ဒၣ်ဝဲလၢတၢ် တသ့ၣ်ညါဘၣ်တက့ၢ်.
39 မၤသးဒ်န့ၣ်ဒီး, ပုၢ်သ့ၣ်ဝဲၢ် သ့ၣ်ဧၢ, ဂဲၤလိာ်ဆၢကတိၤတၢ်လၢဝံအကျိာ်တက့ၢ်. ဒီးတြီကတိၤတၢ်လၢတၢ်အပျ့ၤတဖၣ်တဂ့ၤ.
40 တၢ်ခဲ လၢာ်န့ၣ်, မ်ပှၤမၤဂ့ၤဂ့ၤဘၣ်ဘၣ်,တဂ့ၢ်တဂ့ၢ်တက့ၢ်.