8
1 ဒီးတၢ်မၤသံအီၤန့ၣ် စီၤစီလူး အၢၣ်လီၤအီလီၤဝဲလီၤ. ဒီးတၢ်လၢမုၢ်တနံၤန့ၣ်, တၢ်မၤအၢမၤနးတၢ်အိၣ်ဖှိၣ်လၢ ယရူၤၡလ့ၣ်အပူၤနးမး, ဒီးပှၤခဲလၢာ်လီၤပြံလီၤပြါလၢ ကီၢ်ယူဒၤ, ဒီးကီၢ်ၡၤမရံသကုၤဆးဒးလီၤ. တဟးဘၣ် ဝဲထဲပှၤတၢ်မၢဖိတဖၣ်ဧိၤလီၤ.
2 ဒီးပှၤယူးယီၣ်ယွၤတဖၣ်, လဲၤခူၣ်လီၤကွံာ်စီၤစတ့းဖၣ်, ဒီးဟီၣ်တၢ်ယၢၤတၢ်လၢအ ဃိဒိၣ်ဒိၣ်ကလဲာ်လီၤ.
3 ဒီးစီၤစီလူးတဂၤန့ၣ်, မၤဟးဂီၤ တၢ်အိၣ်ဖှိၣ်, ဒီးလဲၤနုာ်ဝဲတဟံၣ်စဲတဟံၣ်, ဒီးမိၤပှၤပိာ် မုၣ်ဒီးပှၤပိာ်ခွါ, ဒီးဟ့ၣ်လီၤကွံာ်အီၤဆူဃိာ်ပူၤလီၤ.
4 မၤသးဒ်န့ၣ်ဒီး ပှၤလၢအလီၤပြံလီၤပြါတဖၣ်, လဲၤစံၣ် တဲၤတဲလီၤတၢ်အကလုၢ်အကထါသကုၤဆးဒးလီၤ.
5 ဒီးစီၤဖံလံးပူး လဲၤလီၤဆူဝ့ၢ်ၡၤမရံအပူၤ, ဒီးစံၣ်တဲၤ တဲလီၤအဝဲသ့ၣ်လၢခရံာ်အဂ့ၢ်လီၤ.
6 ဒီးပှၤဂီၢ်မုၢ်နၢ်ဟူ တၢ်, ဒီးထံၣ်တၢ်လီၤလးလၢစီၤဖံလံးပူးမၤဝဲ, ဒီးဒိကနၣ် အကလုၢ်ကထါလၢအသးတဖျၢၣ်ဃီလီၤ. အဂ့ၢ်ဒ်အံၤ,
7 တၢ်နါအိၣ်လၢပှၤအါဂၤအလိၤ, ကိးပသူထီၣ်လၢအက လုၢ်ဖးဒိၣ်, ဒီးဟးထီၣ်ကွံာ်ဝဲလီၤ. ဒီးပှၤသံတခီပၤဒီးပှၤ အခီၣ်ဟးဂီၤသ့ၣ်တဖၣ်, ဘျါက့ၤဝဲအါဂၤလီၤ.
8 ဒီးတၢ် သးခုဖးဒိၣ်အိၣ်ဝဲလၢဝ့ၢ်တဖျၢၣ်န့ၣ်အပူၤလီၤ.
9 ဒီးလၢဝ့ၢ်ပူၤန့ၣ်, မတၤတဂၤလၢအမၤကဒါပမဲာ်လၢ သီ, အမံၤစီၤၡံမိၣ်, အိၣ်ဝဲတဂၤလီၤ. ဒီးစံးလီၤအသး လၢတၢ်အဒိၣ်တဂၤ, ဒီးမၤမၢမၣ် ပှၤၡၤမရံဖိတကလုာ် န့ၣ်လီၤ.
10 ပှၤခဲလၢာ်လၢအဆံးပၢၢ်လၢအဒိၣ်တဖၣ်ဒိက နၣ်အီၤ, ဒီးစံးဝဲဒၣ်, အဝဲတဂၤအံၤမ့ၢ်ယွၤအစိဒိၣ်အက မီၤဒိၣ်လီၤ.
11 မ့ၢ်အမၤကဒါအမဲာ်ဃဲးဃဲးတ့ၢ်, ဒီးမၤက တုၤပှၤအသးဒီး, အဝဲသ့ၣ်ဒိကနၣ်အီၤလီၤ.
12 ဘၣ်ဆၣ်ဒီး တုၤပှၤတဖၣ်န့ၣ်စူၢ်က့ၤနာ်က့ၤ စီၤဖံလံးပူးစံၣ်တဲၤတဲလီၤ ယွၤအဘီအမုၢ်ဒီး ယ့ၣ်ရှူးခရံာ်အမံၤအဂ့ၢ်န့ၣ်ဒီး, အဝဲ သ့ၣ်ဒိးဘျၢ*အသးဒီးမုၣ်ဒီးခွါလီၤ.
13 စီၤၡံမိၣ်အကစၢ်ဒၣ်ဝဲ, စူၢ်က့ၤနာ်က့ၤစ့ၢ်ကီး, ဒီးဒိး ဘျၢ*အသး, ဒီးအိၣ်ဝဲဒီးစီၤဖံလံးပူး, ဒီးကွၢ်တၢ်ပနီၣ် လီၤလး, ဒီးတၢ်လီၤလးဒိၣ်လၢအမၤအသး, ဒီးပာ်အ သးကမၢကမၣ်လီၤ.
14 ဒီးတုၤပှၤတၢ်မၢဖိလၢယရူၤၡလ့ၣ်အပူၤ, နၢ်ဟူလၢပှၤ ၡၤမရံဖိတူၢ်လိာ်ယွၤအကလုၢ်အကထါဒီး, မၢစီၤပ့းတ ရူးဒီးစီၤယိၤဟၣ်လဲၤဆူအအိၣ်လီၤ.
15 ဒီးအဝဲသ့ၣ်ဟဲလီၤ, ဒီးဘါထုကဖၣ်တၢ် လၢအဂီၢ်ဒ်သိးအကဒိးန့ၢ်သးစီဆှံ လီၤ.
16 အဂ့ၢ်ဒ်အံၤ, သးစီဆှံန့ၣ်တဟဲလီၤဒံးဘၣ်လၢအ လိၤနီတဂၤဘၣ်. ထဲအဒိးဘျၢ*အသးဆူကစၢ်ယ့ၣ်ရှူးအ မံၤအပူၤဧိၤလီၤ.
17 တုၤနုၤတစုပာ်အစုလၢပှၤတဖၣ်န့ၣ်အ လိၤဒီး, အဝဲသ့ၣ်ဒိးန့ၢ်သးစီဆှံလီၤ.
18 ဒီးတုၤစီၤၡံမိၣ်ထံၣ်ဝဲလၢ ပှၤတၢ်မၢဖိပာ်အစုလၢ ပှၤ အလိၤ, ဒီးတၢ်ဟ့ၣ်လီၤသးစီဆှံန့ၣ်သတးဒီး, ဟဲစိာ်စ့ ဆူအအိၣ်,
19 ဒီးစံးဝဲဒၣ်, ဟ့ၣ်လီၤစ့ၢ်ကီးယၤလၢတၢ်စိ တၢ်ကမီၤအံၤ, ဒ်သိးဖဲဒၣ်ပှၤလၢယပာ်ယစုလၢအလိၤ န့ၣ်, ကဒိးန့ၢ်သးစီဆှံတက့ၢ်.
20 ဒီးစီၤပ့းတရူးစံးဘၣ်အီၤ, မ်နစ့ဟးဂီၤဃုာ်ဒီးနၤတက့ၢ်. အဂ့ၢ်ဒ်အံၤ, နဆိကမိၣ် လၢယွၤအတၢ်ဟ့ၣ်န့ၣ်, ပှၤပှ့ၤန့ၢ်လၢစ့သ့လီၤ.
21 နတၢ် တနီၤဂ့ၤ, နဂီၢ်ဂ့ၤ, တအိၣ်ဘၣ်လၢတၢ်အံၤအပူၤဘၣ်. အဂ့ၢ်ဒ်အံၤ, နသူၣ်နသးတလိၤဘၣ်လၢယွၤအမဲာ်ညါ.-
22 မၤသးဒ်န့ၣ်ဒီး, လၢနတၢ်အၢတၢ်သီအံၤသ့ၣ်နီၣ်ပီၢ်ယၢ် လီၤက့ၤနသး, ဒီးဃ့ကညးယွၤတက့ၢ်. ဘၣ်တဘၣ်က မၤပူၤဖျဲးနသးအတၢ်ဆိကမိၣ်လီၤ.
23 အဂ့ၢ်ဒ်အံၤ, ယထံၣ် ဘၣ်လၢနအိၣ်လၢသဒံအခၣ်, ဒီးတၢ်တတီတလိၤဘၣ် အပျံၤစၢဃာ်အပူၤလီၤ.
24 ဒီးစီၤၡံမိၣ်ကတိၤဆၢတၢ်ဒီးစံးဝဲဒၣ်, ဃ့ဘါထုကဖၣ် လၢယဂီၢ်လၢယွၤ, ဒ်သိးတၢ်လၢသုစံးန့ၣ်, အသုတဟဲ ဘၣ်ယလိၤနီတမံၤတဂ့ၤန့ၣ်တက့ၢ်.
25 မၤသးဒ်န့ၣ်ဒီး, တုၤအဝဲသ့ၣ်တဖၣ်အုၣ်အသး, ဒီး စံၣ်တဲၤတဲလီၤယွၤအကလုၢ်အကထါဒီး, က့ၤထီၣ်က့ၤ ဝဲဆူယရူၤၡလ့ၣ်, ဒီးစံးဘၣ်တဲဘၣ်တၢ်သးခုအကစီၣ် လၢပှၤၡၤမရံဖိအသဝီအါပူၤလီၤ.
26 ဒီးယွၤအကလူးတဂၤ စံးဘၣ်စီၤဖံလံးပူး ဒီးစံးဝဲဒၣ်, ဂဲၤဆၢထၢၣ်ဒီး လဲၤဆူကလံၤထံး, ဆူကျဲလဲၤလၢယရူၤ ၡလ့ၣ်ဆူဂါစၤအပူၤန့ၣ်တက့ၢ်. တၢ်ဖဲန့ၣ် မ့ၢ်ပှၢ်မုၢ်က နၢလီၤ.
27 ဒီးဂဲၤဆၢထၢၣ်လဲၤဝဲလီၤ. ဒီးကွၢ်ကွၢ်, ပှၤအဲၤသံအီး ပးဖိ, ပှၤဒ့ဒံၣ်, ပဒိၣ်ဘၣ်ဃးဒီးအီၤအဲၤသံအီးပးအနီၢ်ပၤ မုၣ်, နီၢ်ကၣ်ဒါက့ၤ, လၢအပၢၤအတၢ်လုၢ်ဒိၣ်ပှ့ၤဒိၣ်ခဲ လၢာ်တဂၤ, လဲၤထီၣ်ဘါတၢ်လၢယရူၤၡလ့ၣ်အပူၤ, ဒီး က့ၤက့ၤဝဲလီၤ.
28 ဒီးဆ့ၣ်နီၤလၢလ့ၣ်ကဟၣ်အပူၤ, ဒီးဖး ဝံစီၤယၡါယၤအလံာ်လီၤ.
29 ဒီးသးန့ၣ်စံးဘၣ်စီၤဖံလံးပူး, လဲၤချုးန့ၢ်လ့ၣ်ကဟၣ် န့ၣ်တက့ၢ်.
30 ဒီးစီၤဖံလံးပူးဃ့ၢ်တုၤဝဲ, ဒီးနၢ်ဟူဝဲလၢအ ဖးဝံစီၤယၡါယၤအလံာ်, ဒီးစံးဝဲဒၣ်, တၢ်လၢနဖးန့ၣ်န နၢ်ပၢၢ်စ့ၢ်ကီးဧါ.
31 ဒီးစံးဝဲဒၣ်, ပှၤတဂၤဂၤမ့ၢ်တဒုးနဲၣ် ဘၣ်ယၤဒီး, ယနၢ်ပၢၢ်ကသ့ဒ်လဲၣ်. ဒီးဃ့ကညးစီၤဖံလံး ပူးဒ်သိးအကဟဲထီၣ်ဆ့ၣ်နီၤဒီးအီၤလီၤ.
32 ဒီးလံာ်တတီၤလၢအဖးဝဲန့ၣ်မ့ၢ်တၢ်အံၤ,ဒ်သိဘၣ်တၢ်မိၤအီၤဆူတၢ်မၤသံအီၤ,ဒီးဒ်သိဖိအိၣ်ဘှီၣ် လၢပှၤတံာ်အဆူၣ် အမဲာ်ညါအ သိးန့ၣ်,အဝဲဒၣ်တအဲးထီၣ်ဘၣ်အထးခိၣ်ဒ်န့ၣ်အသိးလီၤ.
33 လၢတၢ်ဆီၣ်လီၤအသးအပူၤန့ၣ်, တၢ်ထုးကွံာ်အတၢ် စံၣ်ညီၣ်, ဒီးမ့ၢ်မတၤကတဲဖျါထီၣ် အစၢၤအသွဲၣ်တ ဂၤလဲၣ်.အဂ့ၢ်ဒ်အံၤ, တၢ်ထုးကွံာ်အသးသမူလၢ ဟီၣ်ခိၣ်ချၢ လီၤ.Ref 8.33 ၡါ. ၅၃း၇
34 ဒီးပှၤဒ့ဒံၣ်ဖိန့ၣ် ကတိၤဆၢစီၤဖံလံးပူးဒီးစံးဝဲဒၣ်, ယ စံးနၤ, မ့ၢ်ဝံကတိၤတၢ်အံၤလၢမတၤတဂၤအဂ့ၢ်လဲၣ်. လၢ အကစၢ်ဒၣ်ဝဲအဂ့ၢ်, လၢပှၤဂၤအဂ့ၢ်လဲၣ်.
35 ဒီးစီၤဖံလံး ပူးအဲးထီၣ်အထးခိၣ်, ဒီးမၤထီၣ်အခီၣ်ထံးလၢတၢ်ကွဲးအ သးတတီၤအံၤ, ဒီးစံၣ်တဲၤတဲလီၤအီၤလၢယ့ၣ်ရှူးအဂ့ၢ်အ ကျိၤလီၤ.
36 ဒီးလဲၤတၢ်လၢကျဲအဖၢမုၢ်ဒီး, တုၤဝဲလၢထံ တပူၤ, ဒီးပှၤဒ့ဒံၣ်ဖိစံးဝဲဒၣ်, ကွၢ်ကွၢ်, ထံအိၣ်ဝဲလီၤ. ဒ်သိးယသုတဒိးဘျၢ*ယသးတဂ့ၤဒီး, မ့ၢ်မနုၤတြီၤယၤ တမံၤလဲၣ်.
37 (ဒီးစီၤဖံလံးပူးစံးဝဲဒၣ်, နမ့ၢ်စူၢ်က့ၤနာ်က့ၤ လၢနသးဒီဖျၢၣ်ညါဒီး, ဂ့ၤဒိးနၤလီၤ. ဒီးအဝဲဒၣ်ကတိၤ ဆၢတၢ်ဒီးစံးဝဲဒၣ်, ယနာ်လၢယ့ၣ်ရှူးခရံာ်န့ၣ် မ့ၢ်ယွၤ အဖိခွါလီၤ.)
38 ဒီးမၤလိာ်ဝဲဒ်သိး လ့ၣ်ကဟၣ်ကအိၣ် ကတီၢ်လီၤ. ဒီးစီၤဖံလံးပူး, ဒီးပှၤဒ့ဒံၣ်ဖိ, လဲၤလီၤဆူ ထံကျါခံဂၤလၢာ်, ဒီးအဝဲဒၣ်ဘျၢ*အီၤလီၤ.
39 ဒီးတုၤအ ဟဲက့ၤထီၣ်လၢထံကျါဒီး, ယွၤအသးန့ၣ် ထုးကွံာ်စီၤဖံ လံးပူး, ဒီးပှၤဒ့ဒံၣ်ဖိန့ၣ်တထံၣ်လၢၤဘၣ်အီၤဘၣ်. အဂ့ၢ် ဒ်အံၤ, အသူၣ်ခုအသးခုဒီး, လဲၤဒၣ်တၢ်လၢအကျဲလီၤ.-
40 မ့မ့ၢ်တၢ်ထံၣ်န့ၢ်စီၤဖံလံးပူးလၢအးစဒိာ်လီၤ. ဒီးလဲၤခီဂာ် ဝဲ, ဒီးစံၣ်တဲၤတဲလီၤတၢ်လၢကိးခူကိးဝ့ၢ်အပူၤ, တုၤအ ပၢၢ်လၢကဲၤစါရံၤလီၤ.