21
1 ဒီးတုၤတၢ်မၤအသးလၢပဟးဖးဒီး ပှၤတဖၣ်န့ၣ်ဝံၤဒီး, ပဒိးထီၣ်ကဘီ, ဒီးပလဲၤစၢၢ်ဆၢဆူကိၣ်, ဒီးမုၢ်ဆ့ၣ်ထီၣ် တနံၤ, ဆူရဒူး, ဒီးပဟးထီၣ်ဖဲန့ၣ်ဆူဝ့ၢ်ပတါရါလီၤ.-
2 ဒီးပထံၣ်န့ၢ်ကဘီတဘ့ၣ် လၢအလဲၤခီဂာ်တၢ်ဆူဖံၤနံက့ၤဒီး, ပလဲၤထီၣ်ဆူအပူၤ, ဒီးပဟးထီၣ်ကွံာ်ဖဲန့ၣ်လီၤ.-
3 ဒီးကီးကူပြူးအိၣ်ဖျါထီၣ်, ဒီးပလဲၤသဒၣ်အီၤလၢပစုစ့ၣ် တခီ, ဒီးပလဲၤဆူစူၤရံ, ဒီးပထိးထီၣ်လၢစိၢ်လီၤ. အဂ့ၢ်ဒ် အံၤ, ပှၤဘၣ်ပာ်လီၤကွံာ် တၢ်ပဒၢးလၢကဘီပူၤဖဲန့ၣ် လီၤ.
4 ဒီးပဃုန့ၢ်အပျဲၢ်အဘီၣ်တဖၣ်န့ၣ်ဝံၤဒီး, ပအိၣ်ဖဲ န့ၣ်နွံသီလီၤ. ဒီးအဝဲသ့ၣ်တဖၣ်စံးဘၣ်စီၤပီလူးလၢသး န့ၣ်, လၢအသုတလဲၤထီၣ်ဆူဝ့ၢ်ယရူၤၡလ့ၣ်တဂ့ၤလီၤ.
5 ဒီးတုၤတၢ်မၤအသးလၢ အနံၤအသီတဖၣ်န့ၣ်ပှဲၤထီၣ် ဒီး, ပဟးထီၣ်ဒီးလဲၤတၢ်လီၤ. ဒီးပှၤခဲလၢာ်, ဒီးအဖိအမါ, ဒီးအဖိအလံၤသ့ၣ်တဖၣ် ဆှၢပှၤပၢၢ်လၢဝ့ၢ်အချၢ, ဒီးပ ချံးလီၤပခီၣ်လၢထံနံၤဒီးဘါထုကဖၣ်တၢ်လီၤ.
6 ဒီးပက တိၤဒိၣ်လိာ်ပသးဝံၤဒီး, ပလဲၤထီၣ်ဆူကဘီပူၤ, ဒီးအဝဲ သ့ၣ်က့ၤက့ၤဆူအဟံၣ်လီၤ.
7 ဒီးပလဲၤဒိးကဘီန့ၣ်ဒီး, ပဟဲလီၤလၢစိၢ် ပၢၢ်လၢပတ လ့းမဲ, ဒီးပကတိၤဒိၣ်ပဒီပုၢ်ဝဲၢ်ဖဲန့ၣ်, ဒီးပအိၣ်ဒီးအီၤတ နံၤလီၤ.
8 ဒီးမုၢ်ဆ့ၣ်ထီၣ်တနံၤန့ၣ်ပဟးထီၣ်, ဒီးပလဲၤ ပၢၢ်လၢကဲၤစါရံၤလီၤ. ဒီးပလဲၤနုာ်လၢပှၤစံၣ်တဲၤတဲလီၤ တၢ်သးခုအကစီၣ်, စီၤဖံလံးပူး, လၢအအိၣ်လၢပှၤနွံဂၤ န့ၣ်အကျါတဂၤ, အဟံၣ်, ဒီးပအိၣ်ဒီးအီၤလီၤ.
9 ဒီးအဝဲ တဂၤန့ၣ်အဖိမုၣ်ကနီၤ လၢအကတိၤတၢ်လၢဝံအကျိာ် အိၣ်လွံၢ်ဂၤလီၤ.
10 ဒီးပအိၣ်ဖဲန့ၣ်အါနံၤအါသီ, ဒီးဝံတဂၤအမံၤမ့ၢ်စီၤအ ကၤဘူး, ဟဲလီၤလၢကီၢ်ယူဒၤလီၤ.
11 ဒီးအဝဲဒၣ်န့ၣ်ဟဲ ဆူပအိၣ်, ဒီးဟံးန့ၢ်စီၤပီလူးအယီၢ်တကိး, ဒီးစၢဃာ် အစုဒီးအခီၣ်ဒၣ်ဝဲ, ဒီးစံးဝဲဒၣ်, သးစီဆှံစံးဝဲဒ်အံၤ, ပှၤယူ ဒၤဖိအိၣ်လၢဝ့ၢ်ယရူၤၡလ့ၣ်အပူၤ, ကစၢဃာ်ယီၢ်တကိး အံၤအကစၢ်, ဒ်အံၤအသိး, ဒီးကဟ့ၣ်လီၤကွံာ်အီၤဆူ ပှၤကလုာ်တဖၣ်အစုပူၤလီၤ.
12 ဒီးတၢ်န့ၣ်တဖၣ်တုၤပနၢ် ဟူဒီး, ပဝဲဒၣ်, ဒီးပှၤဖဲန့ၣ်, ဃ့ကညးအီၤဒ်သိးအသုတ လဲၤထီၣ်ဆူယရူၤၡလ့ၣ်တဂ့ၤလီၤ.
13 တုၤနုၤတစုစီၤပီလူး စံးဆၢတၢ်ဒီးစံးဝဲဒၣ်, သုဟီၣ်, ဒီးမၤကၢ်မၤလီၤယသး ဘၣ်မနုၤလဲၣ်. အဂ့ၢ်ဒ်အံၤ, ဒ်သိးယကဘၣ်တၢ်စၢဃာ် လၢယရူၤၡလ့ၣ်အပူၤ, အခိၣ်တလိာ်ဒ်သိးယကဘၣ်သံ လၢကစၢ်ယ့ၣ်ရှူးအမံၤအဃိဒီး, ယအိၣ်ကတဲာ်ကတီၤ
14 ယသးလီၤ. ဒီးပသဆၣ်ထီၣ်အခံတန့ၢ်ဘၣ်ဒီး, ပဆိတ့ၢ် ဒီးပစံး, မ်တၢ်မၤအသးဖဲယွၤအသးန့ၣ်တက့ၢ်.
15 ဒီးအနံၤအသီတဖၣ်န့ၣ်ပူၤကွံာ်ဒီး, ပကတဲာ်ကတီၤပ တၢ်ဖိတၢ်လံၤဝံၤဒီးပလဲၤထီၣ်ဆူယရူၤၡလ့ၣ်လီၤ.
16 ဒီးပှၤ ကဲၤစါရံၤဖိအပျဲၢ်အဘီၣ်တနီၤနီၤလဲၤဃုာ်ဒီးပှၤ, ဒီးဆှၢ ပှၤဆူပှၤကူပြူးဖိအပျဲၢ်အဘီၣ်လီၢ်လံၤ စီၤမနါစိၣ်တဂၤ လၢပကအိၣ်တမှံၤလၢအအိၣ်လီၤ.
17 ဒီးတုၤပတုၤလၢယရူၤၡလ့ၣ်ဒီး, ပှၤဒီပုၢ်ဝဲၢ်အသူၣ်ခု အသးခု, ဒီးတူၢ်လိာ်ပှၤလီၤ.
18 ဒီးမုၢ်ဆ့ၣ်ထီၣ်တနံၤန့ၣ်, စီၤပီလူးလဲၤဒီးပှၤဆူ စီၤယၤကိာ်အအိၣ်, ဒီးပှၤသူၣ်က့ သးပှၢ်အိၣ်ဝဲလီၤ.
19 ဒီးကတိၤဒိၣ်အဝဲသ့ၣ်ဝံၤဒီးစံၣ်တဲၤ တဲလီၤတၢ်တမံၤစဲတမံၤ တမံၤစဲတမံၤ, လၢယွၤမၤလၢ အစုပူၤလၢပှၤကလုာ်တဖၣ်အကျါလီၤ.
20 ဒီးအဝဲသ့ၣ်နၢ်ဟူတၢ်ဒီး စံးထီၣ်ပတြၢၤယွၤ, ဒီးစံး ဘၣ်အီၤ, ဒီပုၢ်ဝဲၢ်ဧၢ, ပှၤယူဒၤဖိလၢအစူၢ်က့ၤနာ်က့ၤတၢ် တဖၣ်အိၣ်ပှၤ ပှံၤကလးပှံၤကလးလဲၣ်န့ၣ်, နသ့ၣ်ညါ လီၤ. ဒီးအဝဲသ့ၣ်ခဲလၢာ်ဂဲၤလိာ်အသးလၢတၢ်သိၣ်တၢ် သီန့ၣ်လီၤ.
21 ဒီးနၢ်ဟူဝဲလၢနဂ့ၢ်လၢနသိၣ်က့ၤသီက့ၤပှၤ ယူဒၤဖိ, အိၣ်လၢပှၤကလုာ်တဖၣ်အကျါ, ဒ်သိးအကညိ ကွံာ်စီၤမိၤရှ့, ဒီးလၢနစံးဘၣ်အီၤ, ကူးတရံးသုဖိတဂ့ၤ, ဒီး လဲၤဒ်အလုၢ်အလၢ်အသိးတဂ့ၤန့ၣ်လီၤ.
22 မၤသးဒ်န့ၣ်ဒီး ပကမၤဒ်လဲၣ်. ပှၤဂီၢ်မုၢ်ကအိၣ်ဖှိၣ်ရိဖှိၣ်သပှၢ်တၢၢ်လီၤ. အဂ့ၢ်ဒ်အံၤ, ကနၢ်ဟူလၢနဟဲန့ၣ်လီၤ.
23 မၤသးဒ်န့ၣ်ဒီး, မၤဒ်ပစံးဘၣ်နၤအသိးတက့ၢ်. ပှၤလၢအဆိၣ်လီၤအသး အိၣ်ဒီးပှၤလွံၢ်ဂၤလီၤ.
24 အဝဲသ့ၣ်တဖၣ်န့ၣ်, ဟံးန့ၢ်ဒီးန ကစၢ်ဒၣ်နဲ, ဒီးမၤကဆှီနသးဒီးအီၤ, ဒီးလိးစ့လၢအဂီၢ်ဒ် သိးအကလူၤအခိၣ်တက့ၢ်. ဒီးပှၤခဲလၢာ်ကသ့ၣ်ညါလၢ တၢ်လၢအနၢ်ဟူလၢနဂ့ၢ်နကျိၤတဖၣ်န့ၣ်, တမ့ၢ်ဘၣ်တၢ် ဘၣ်. မ့မ့ၢ်နလဲၤတၢ်နကစၢ်ဒၣ်နဲကစီဒီ. ဒီးနတိၢ်တၢ် သိၣ်တၢ်သီလီၤ.
25 ဖဲအဘၣ်ဃးဒီးပှၤကလုာ်တဖၣ်လၢ အစူၢ်က့ၤနာ်က့ၤတဖၣ်န့ၣ်, ပကွဲးတၢ်ဒီးပစံၣ်ညီၣ်လၢအ တိၢ်တၢ်ဒ်အံၤအသိး အလီၢ်တအိၣ်ဘၣ်. မ့ၢ်ထဲလၢအ ဘၣ်ဟးဆှဲးတၢ်လုၢ်လၢတၢ်ဂီၤ, ဒီးတၢ်အသွံၣ်, ဒီးတၢ် စံၢ်သံ, ဒီးတၢ်မၤထွဲသးကလုာ်ကလိၤအခံန့ၣ်ဧိၤလီၤ.
26 တုၤနုၤတစု စီၤပီလူးဟံးန့ၢ်ပှၤတဖၣ်န့ၣ်, ဒီးလၢမုၢ် ဆ့ၣ်ထီၣ်တနံၤန့ၣ်, မၤကဆှီထီၣ်အသးဒီးအီၤဝံၤဒီး, လဲၤ နုာ်ဝဲဆူတၢ်လုၢ်အဟံၣ်ပူၤ, ဒီးစံးဘၣ်တဲဘၣ်လၢတၢ်က ဆှီအနံၤအသီကပှဲၤဝဲ, ဖဲတၢ်ကဟဲစိာ်တၢ်မၤဘူၣ်လၢအ ဂီၢ်တဂၤအဂီၢ်တဂၤအဂီၢ်န့ၣ်လီၤ.
27 ဒီးတုၤနွံသီန့ၣ်ကပှဲၤထီၣ်ဒီး, ပှၤယူဒၤဖိလၢအၤစံတ ဖၣ်, ထံၣ်အီၤလၢတၢ်လုၢ်အဟံၣ်ပူၤဒီး, ထိၣ်ဂဲၤထီၣ်ပှၤ ဂီၢ်မုၢ်ခဲလၢာ်, ဒီးပာ်အစုလၢစီၤပီလူးအလိၤ,
28 ဒီးကိးပ သူထီၣ်ဝဲ, ပှၤအံၣ်စရ့လးဖိသ့ၣ်ဧၢ, ဟဲမၤစၢၤတက့ၢ်. ပှၤတဂၤအံၤ မ့ၢ်ပှၤလၢအသိၣ်က့ၤသီက့ၤပှၤကညီခဲလၢာ် တပူၤလၢ်လၢ်, လၢတၢ်ထီဒါပှၤတကလုာ်အံၤ, ဒီးတၢ် သိၣ်တၢ်သီ, ဒီးတၢ်အလီၢ်အံၤလီၤ. ဒီးလၢန့ၣ်အမဲာ်ညါ ဟဲဆှၢပှၤဟ့းလ့ၣ်ဖိဆူတၢ်လုၢ်အဟံၣ်ပူၤ, ဒီးမၤဘၣ်အၢ တၢ်အလီၢ်စီဆှံလီၤ.
29 အဂ့ၢ်ဒ်အံၤ, အဝဲသ့ၣ်ထံၣ်တ့ၢ်ပှၤ အ့းဖ့းစူးဖိစီၤတြီဖံမူးအိၣ်ဒီးအီၤလၢဝ့ၢ်ပူၤ, ဒီးဆိကမိၣ်ဝဲ လၢစီၤပီလူးဟဲဆှၢအီၤဆူ တၢ်လုၢ်အဟံၣ်ပူၤလီၤ.
30 ဒီး တၢ်ဟူးတၢ်ဂဲၤအိၣ်ထီၣ်ဒီဝ့ၢ်ညါ, ဒီးပှၤဂီၢ်မုၢ်ဃ့ၢ်ဖှိၣ်ဒီး ဟံးဃာ်စီၤပီလူး, ဒီးထုးတြူာ်ထီၣ်အီၤလၢတၢ်လုၢ်အ ဟံၣ်ပူၤဆူခိ, ဒီးကးတံာ်ဃာ်တြဲၤတကီၢ်ခါလီၤ.
31 ဒီးဃုမၤသံအီၤအဖၢမုၢ်ဒီး, ပှၤသုးဖိတကထိအခိၣ် တဂၤနၢ်ဟူတၢ်အကစီၣ်, လၢယရူၤၡလ့ၣ်တၢထီၣ်တၢ လီၤဒီဝ့ၢ်ညါလီၤ.
32 ဒီးဟံးန့ၢ်ပှၤသုးဖိတဖၣ်, ဒီးသုးဖိ တကယၤအခိၣ်တကီၢ်ခါ, ဒီးဃ့ၢ်လီၤဝဲဆူအအိၣ်လီၤ. ဒီးတုၤအဝဲသ့ၣ်ထံၣ်ပှၤသုးဖိတကထိအခိၣ်ဒီး ပှၤသုးဖိ တဖၣ်ဒီး, တတီၢ်လၢၤဘၣ်စီၤပီလူးဘၣ်.
33 တုၤနုၤတစု ပှၤသုးဖိတကထိအခိၣ်ဟဲဘူးဒီးဟံးဃာ်အီၤ, ဒီးမၤလိာ် ဝဲဒ်သိးပှၤကစၢဃာ်အီၤဒီးထးသွဲခံဘိလီၤ. ဒီးသံကွၢ်ဝဲ လၢအမ့ၢ်မတၤလဲၣ်, ဒီးမၤတ့ၢ်မနုၤလဲၣ်န့ၣ်လီၤ.
34 ဒီးပှၤ တနီၤနီၤကိးထီၣ်တမံၤ, ဒီးတနီၤနီၤတမံၤဒၣ်, လၢပှၤဂီၢ် မုၢ်အကျါ, ဒီးတၢ်သီၣ်ကလာ်နးနးကလဲာ်, ဒီးသ့ၣ်ညါ တၢ်နီၢ်နီၢ်တသ့ဘၣ်ဒီး, မၤလိာ်ဝဲဒ်သိးပှၤကဆှၢထီၣ်အီၤ ဆူပှၤသုးဖိအဟံၣ်ပူၤလီၤ.
35 ဒီးပှၤဂီၢ်မုၢ်တနံးထီၣ်နးနး ကလဲာ်ဒီး, တုၤအတုၤလၢဃီတၢၢ်ထံးဒီး, ပှၤသုးဖိစိာ် ထီၣ်အီၤလီၤ.
36 အဂ့ၢ်ဒ်အံၤ, ပှၤကညီဂီၢ်မုၢ်ပိာ်ထီၣ်အခံ, ဒီးကိးပသူထီၣ်ဝဲ, မၤထီၣ်ကွံာ်အီၤတက့ၢ်.
37 ဒီးစီၤပီလူး ကဘၣ်တၢ်မိၤအီၤဆူ ပှၤသုးဖိအဟံၣ်ပူၤ အဖၢမုၢ်ဒီး, စံးဘၣ်ပှၤသုးဖိတကထိအခိၣ်, ယကတိၤ တၢ်ဒီးနၤသ့စ့ၢ်ကီးဧါ. ဒီးစံးဝဲဒၣ်, နကတိၤဟ့းလ့ၣ်အ ကျိာ်ဘၣ်ကသ့ဧါ.
38 နမ့ၢ်ပှၤအဲၤကူပတူးဖိတဂၤလၢအ မၤတၢထီၣ်တၢလီၤတၢ်လၢသီ, ဒီးဆှၢထီၣ်တမျာ်လွံၢ် ကထိဆူပှၢ်မုၢ်ကနၢ, တမ့ၢ်ဘၣ်ဧါ.
39 ဒီးစီၤပီလူးစံးဝဲဒၣ်, ယဲဒၣ်အံၤယမ့ၢ်ပှၤယူဒၤဖိဘၣ်ဃးဒီးတၢ်စူး, လၢကံၤလံၤ ကံအပူၤ, ဝ့ၢ်လၢအမံၤတဟူသၣ်တဖျါအပှၤဝ့ၢ်ဖိန့ၣ်တ မ့ၢ်ဘၣ်. ဒီးယဃ့ကညးနၤလၢနကဒုးကတိၤယၤလၢပှၤ ဂီၢ်မုၢ်လီၤ.
40 ဒီးတုၤအဒုးကတိၤအီၤဒီး, စီၤပီလူးဆၢထၢၣ် လၢဃီတၢၢ်လိၤ, ဒီးဝံၢ်ဝၢ်အစုဆူပှၤဂီၢ်မုၢ်အအိၣ်, ဒီးတၢ်အိၣ်ဘှီၣ်ကလာ်ဒိၣ်မးဒီး, ကတိၤတၢ်လၢဧ့ၤဘြံၤအကလုၢ်,ဒီးစံးဝဲဒၣ်,-