19
1 ဒီးတၢ်မၤအသးလၢ စီၤအပီးလိၤအိၣ်လၢ ကရံၣ်သူး အဖၢမုၢ်ဒီး, စီၤပီလူးလဲၤခီဂာ်ထံဧိၤကီၢ်ဧိၤလၢထးခီ, ဒီး လဲၤပၢၢ်လၢအ့းဖ့းစူးလီၤ. ဒီးထံၣ်န့ၢ်အပျဲၢ်အဘီၣ်တနီၤ နီၤ,
2 ဒီးစံးဘၣ်အီၤ, ဖဲသုစူၢ်က့ၤနာ်က့ၤတၢ်န့ၣ်, သုဒိးန့ၢ် သးစီဆှံစ့ၢ်ကီးဧါ. ဒီးအဝဲသ့ၣ်စံးဘၣ်အီၤ, တဒိးန့ၢ်ဘၣ်. ဒီးသးစီဆှံအိၣ်န့ၣ်ပတနၢ်ဟူဘၣ်.
3 ဒီးအဝဲဒၣ်စံးဘၣ် အီၤ, မ့မ့ၢ်ဒ်န့ၣ်ဒီးမ့ၢ်သုဒိးဘျၢ*သုသးဆူမနုၤတမံၤအပူၤ လဲၣ်. ဒီးအဝဲသ့ၣ်စံးဝဲဒၣ်, ဆူစီၤယိၤဟၣ်အတၢ်ဘျၢ* အပူၤလီၤ.
4 ဒီးစီၤပီလူးစံးဝဲဒၣ်, မ့ၢ်မးစီၤယိၤဟၣ်ဘျၢ* တၢ်လၢတၢ်ဘျၢ*ဘၣ်ဃးဒီးတၢ်ပီၢ်ယၢ်လီၤက့ၤပသး, ဒီး စံးဘၣ်ပှၤဂီၢ်မုၢ်, လၢအဘၣ်စူၢ်က့ၤနာ်က့ၤပှၤဟဲလၢအ လီၢ်ခံတဂၤ, ဒ်ပစံးတၢ်အသိး, ယ့ၣ်ရှူး (ခရံာ်) လီၤ.
5 ဒီး အဝဲသ့ၣ်နၢ်ဟူတၢ်ဒီး, ဒိးဘျၢ*အသးဆူကစၢ်ယ့ၣ်ရှူးအ မံၤအပူၤလီၤ.
6 ဒီးစီၤပီလူးပာ်အစုလၢအလိၤဒီး, သးစီ ဆှံဟဲလီၤလၢအလိၤ, ဒီးအဝဲသ့ၣ်ကတိၤတၢ်လၢတၢ်အ ပျ့ၤတဖၣ်, ဒီးကတိၤတၢ်လၢဝံအကျိာ်လီၤ.
7 ဒီးပှၤက ညီခဲလၢာ်န့ၣ်အိၣ်တဆံခံဂၤဃၣ်ဃၣ်လၤ.
8 ဒီးလဲၤနုာ်ဝဲလၢဘူၣ်ဘျီၣ်ပူၤ, ဒီးတဲးလိာ်ဃိလိာ်, ဒီး သဆၣ်ထီၣ်ပှၤအခံလၢယွၤအဘီအမုၢ်အဂ့ၢ်, ဒီးကတိၤ တၢ်ခူတလ့ၢ်သၢလါညါလီၤ.
9 ဒီးတုၤပှၤတနီၤနီၤအသး ကိၤထီၣ်, ဒီးတစူၢ်တနာ်ဘၣ်တၢ်ဘၣ်, ဒီးစံးအၢကျဲန့ၣ် လၢပှၤဂီၢ်မုၢ်အမဲာ်ညါဒီး, ဟးဖးဝဲဒီးအီၤ, ဒီးဟံးထီၣ် ကွံာ်အပျဲၢ်အဘီၣ်လၢအကျါ, ဒီးတဲးလိာ်ဃိလိာ်လၢစီၤ တူၤရၣ်နူးသိၣ်လိတၢ်အဘျီၣ်ပူၤသ့သ့တနံၤလီၤ.
10 ဒီးမၤ ဝဲဒ်န့ၣ်ခံနံၣ်ညါသတးဒီး, ပှၤအိၣ်လၢအၤစံ, ပှၤယူဒၤ ဖိမ့ၢ်ဂ့ၤ, ပှၤဟ့းလ့ၣ်ဖိမ့ၢ်ဂ့ၤ, နၢ်ဟူဘၣ်ကစၢ်ယ့ၣ်ရှူးအ ကလုၢ်အကထါခဲလၢာ်လီၤ.
11 ဒီးယွၤမၤတၢ်လီၤလးလီၤ ဆီဒၣ်တၢ်တဖၣ်လၢစီၤပီလူးအစုပူၤ,
12 တုၤဒၣ်လဲာ်တၢ် စှၢၤမ့ၢ်ဂ့ၤ, တၢ်ယီၢ်တကိးမ့ၢ်ဂ့ၤ, ပှၤလဲၤစိာ်လၢအလိၤ ဆူပှၤဘၣ်ဆူးဘၣ်ဆါအအိၣ်ဒီးမၤဘျါက့ၤအီၤ, ဒီးတၢ် နါဟးထီၣ်ကွံာ်လၢအလိၤလီၤ.
13 ဒီးပှၤယူဒၤဖိတနီၤနီၤ လၢအဟးဝ့ၤဝီၤ ဒုးဆိၣ်တၢ်, သါကကိးထီၣ်ကစၢ်ယ့ၣ်ရှူးအမံၤ လၢပှၤတၢ်နါအိၣ်လၢ အလိၤအဖီခိၣ်, ဒီးစံးဝဲဒၣ်, ပဒုးဆိၣ်သုလၢပှၤလၢစီၤပီ လူးစံၣ်တဲၤတဲလီၤအီၤ, ယ့ၣ်ရှူးအမဲာ်ညါလီၤ.
14 ဒီးပှၤ လုၢ်တၢ်အခိၣ်, ပှၤယူဒၤဖိစီၤစက့းဝၤ, အဖိခွါမၤဝဲဒ်န့ၣ် နွံဂၤလီၤ.
15 ဒီးတၢ်နါကတိၤဆၢတၢ်ဒီးစံးဝဲဒၣ်, ယ့ၣ်ရှူး ယသ့ၣ်ညါ, ဒီးစီၤပီလူးယသ့ၣ်ညါလီၤ. မ့မ့ၢ်သုဝဲသ့ၣ် အံၤသုမ့ၢ်မတၤတဖၣ်လဲၣ်.
16 ဒီးပှၤလၢတၢ်နါအိၣ်လၢအ လိၤ, စံၣ်ပှီၤလၢအဖီခိၣ်, ဒီးမၤနၢၤအီၤ, ဒီးအဂံၢ်အဘါ ဆူၣ်န့ၢ်အဝဲသ့ၣ်လီၤ. ဒီးအဝဲသ့ၣ်အိၣ်ဘ့ၣ်ဆ့, အိၣ်ဒီး အပူၤလီၢ်ဒီး, ဃ့ၢ်ထီၣ်ကွံာ်လၢဟံၣ်အဝဲန့ၣ်အပူၤလီၤ.-
17 ဒီးတၢ်မၤအသးန့ၣ်, ပှၤယူဒၤဖိဒီးပှၤဟ့းလ့ၣ်ဖိ, အိၣ်ဝဲ ဆိးဝဲလၢအ့းဖ့းစူၤအပူၤသ့ၣ်ညါဝဲခဲလၢာ်, ဒီးတၢ်ပျံၤတၢ် ဖုးဘၣ်ပှၤခဲလၢာ်, ဒီးပာ်ဒိၣ်ပာ်ထီ ကစၢ်ယ့ၣ်ရှူးအမံၤ လီၤ.
18 ဒီးပှၤလၢအစူၢ်က့ၤနာ်က့ၤတဖၣ်, ဟဲဒီးအၢၣ်လီၤ အီလီၤ, ဒီးစံးဖျါထီၣ်အတၢ်မၤ, အါဂၤလီၤ.
19 ဒီးပှၤလၢ အစုာ်တၢ်ကၢ်တၢ်, အါဂၤ, ဟဲစိာ်ပာ်ဖှိၣ်အလံာ်အလဲၢ်, ဒီးဆူးထီၣ်ကွံာ်အီၤလၢ ပှၤခဲလၢာ်အမဲာ်ညါလီၤ. ဒီးဂံၢ် ထီၣ်ဝဲအပှ့ၤ, ဒီးထံၣ်န့ၢ်လၢအမ့ၢ်စ့ယဲၢ်ကလးလီၤ.
20 ဒ်န့ၣ် အသိးယွၤအကလုၢ်အကထါ ဒိၣ်ထီၣ်ဝဲဒိၣ်ဒိၣ်ကလဲာ် ဒီးမၤနၢၤတၢ်လီၤ.
21 ဒီးတၢ်န့ၣ်တဖၣ် မၤအသးဝံၤဒီး, စီၤပီလူးပာ်အသး လၢအကလဲၤခီဂာ်မၤက့းဒနံ, ဒီးအဃါယၤဝံၤဒီး, က လဲၤဆူယရူၤၡလ့ၣ်, ဒီးစံးဝဲဒၣ်, ယလဲၤအိၣ်ဖဲန့ၣ်အလီၢ် ခံဒီး, ယဘၣ်ထံၣ်ရိမ့ၤစ့ၢ်ကီးလီၤ.
22 ဒီးမၢပှၤလၢအမၤ အတၢ်, စီၤတံၤမသ့းဒီးစီၤအ့ရၤစတူး, ခံဂၤလဲၤဆူမၤက့း ဒနံ, ဒီးအကစၢ်ဒၣ်ဝဲအိၣ်ဒံးလၢအၤစံအပူၤတစိၢ်တလီၢ် လီၤ.
23 အဆၢကတီၢ်ဖဲန့ၣ်ဃၣ်ဃၣ်, တၢ်ကိၢ်တၢ်ဂီၤ တဆံး တစှၤဘၣ်လၢကျဲန့ၣ်အဃိအိၣ်ထီၣ်လီၤ.
24 အဂ့ၢ်ဒ်အံၤ, ပှၤပိာ်စ့ စီၤဒ့ၤမ့ၤတြံလၢအမၤတၢ်လုၢ်ဟံၣ်စ့လၢ နီၢ်အၢ် တ့းမံၤကစၢ်မုၣ်အဂီၢ်န့ၣ်, ဒုးအိၣ်ထီၣ်ပှၤတ့တၢ်န့ၣ်အ စုလီၢ်အခီၣ်ခိၣ်တဆံးတစှၤဘၣ်လီၤ.
25 အဝဲဒၣ်န့ၣ်ကိး ဖှိၣ်ပှၤမၤတၢ်ဒ်န့ၣ်သိးတဖၣ်, ဒီးစံးဝဲဒၣ်, ပှၤကညီသ့ၣ် ဧၢ, မ့ၢ်တၢ်မၤအံၤသတးဒီး, ပန့ၢ်ဘၣ်ပတၢ်ထူးပတၢ် တီၤန့ၣ်, သုသ့ၣ်ညါထံသုဝဲလီၤ.
26 ဒီးသုထံၣ်, ဒီးသုနၢ် ဟူလၢစီၤပီလူးတဂၤအံၤ, သဆၣ်ထီၣ်ပှၤအခံ, ဒီးဒုး ဃၣ်ကဒါပှၤအါဂၤ, တမ့ၢ်ဘၣ်ထဲအ့းဖ့းစူးအပူၤဧိၤဘၣ်. မ့ၢ်လၢအၤစံဘူးဒီးခဲလၢာ်, ဒီးစံးဝဲလၢကစၢ်တဖၣ်လၢ ပှၤမၤအီၤလၢအစုန့ၣ်, တမ့ၢ်ဘၣ်ကစၢ်ဘၣ်လီၤ.
27 ဒီးတ မ့ၢ်ဘၣ်ထဲပမၤတၢ်အံၤ ကဘၣ်တၢ်ဒုၣ်ဒွဲၣ်အီၤသ့ၣ်သ့ၣ် ဘၣ်. မ့ၢ်ကစၢ်မုၣ်ဖးဒိၣ် နီၢ်အၢ်တ့းမံၤ အတၢ်လုၢ်အ ဟံၣ်, လၢပှၤအၤစံဖိ, ဒီးပှၤဟီၣ်ခိၣ်ဖိခဲလၢာ်ဘါအီၤန့ၣ်, တၢ်ကပာ်လၢအတဂိာ်တသီၣ်ဘၣ်တၢ်, ဒီးကမၤဟးဂီၤ အလၤကပီၤလီၤ.
28 ဒီးတုၤအနၢ်ဟူဝဲဒီး, အသးဒိၣ်ထီၣ်သရူၤကလာ်, ဒီး ကိးပသူထီၣ်ဒီးစံးဝဲဒၣ်, ပှၤအ့းဖ့းစူးဖိ အနီၢ်အၢ်တ့းမံၤ အံၤ, မ့ၢ်အဒိၣ်မးလီၤ.
29 ဒီးဝ့ၢ်န့ၣ်ပှဲၤဒီးတၢ်တၢထီၣ်တၢ လီၤဒီဝ့ၢ်ညါ, ဒီးဟံးဃာ်ပှၤလၢအလဲၤဃုာ်ဒီးစီၤပီလူး, ပှၤမၤက့းဒနံဖိစီၤကါယူး, ဒီးစီၤအရံစတၢ်ဃူး, ဒီးဃ့ၢ် နုာ်ဝဲတသဖှိဃီဆူဘျီၣ်ကွၢ်ကီတၢ်အပူၤလီၤ.
30 ဒီးတုၤစီၤ ပီလူးသါကလဲၤနုာ်လၢပှၤဂီၢ်မုၢ်အကျါဒီး, အပျဲၢ်အဘီၣ် တဒုးလဲၤနုာ်ဘၣ်အီၤဘၣ်.
31 ဒီးအတံၤအသကိး,ကီၢ်အၤ စံအခိၣ်တနီၤနီၤတလိအကလုၢ်, ဒီးဃ့ကညးအီၤလၢအ သုတလဲၤနုာ်လၢဘျီၣ်ကွၢ်ကီတၢ်အပူၤတဂ့ၤလီၤ.
32 မၤသးဒ်န့ၣ်ဒီး, ပှၤတနီၤနီၤကိးထီၣ်တမံၤ, ဒီးအဂၤ တနီၤနီၤတမံၤဒၣ်လီၤ. အဂ့ၢ်ဒ်အံၤ, ပှၤအိၣ်ဖှိၣ်ရိဖှိၣ်တ ဖၣ်တၢထီၣ်တၢလီၤ, ဒီးအိၣ်ဖှိၣ်ရိဖှိၣ်လၢမနုၤအဂ့ၢ်လဲၣ် န့ၣ်ပှၤအါတက့ၢ်တသ့ၣ်ညါဘၣ်.
33 ဒီးထုးထီၣ်စီၤအလ့း စၣ်ဒြူးလၢပှၤဂီၢ်မုၢ်အကျါ, ဒီးပှၤယူဒၤဖိဆီၣ်ထီၣ်အီၤဆူ ညါလီၤ. ဒီးစီၤအလ့းစၣ်ဒြူးသါကကတိၤပူၤဖျဲးတၢ်, ဒီး ဝံၢ်ဝၢ်အစုလီၤ.
34 ဘၣ်ဆၣ်ဒီးတုၤအသ့ၣ်ညါလၢအမ့ၢ်ပှၤ ယူဒၤဖိဒီး, အဝဲသ့ၣ်ခဲလၢာ်ကိးပသူထီၣ်လၢအကလုၢ် သီၣ်တသီၣ်ဃီ, ခံနၣ်ရံၣ်ဃၣ်ဃၣ်, ပှၤအ့းဖ့းစူးဖိအနီၢ် အၢ်တ့းမံၤအံၤ, မ့ၢ်အဒိၣ်မးလီၤ.
35 ဒီးဝ့ၢ်အပှၤကွဲးလံာ်တဂၤ, မၢပှၤဂီၢ်မုၢ်အိၣ်ဘှီၣ်ကလာ် ဒီးစံးဝဲဒၣ်, အ့းဖ့းစူးဖိသ့ၣ်ဧၢ, ပှၤတသ့ၣ်ညါဘၣ်လၢ ဝ့ၢ်အ့းဖ့းစူးဖိကွၢ်က့ၤ တၢ်ဒိၣ်နီၢ်အၢ်တ့းမံၤ အတၢ်လုၢ် ဟံၣ်, ဒီးတၢ်ဂီၤလၢအဟဲလီၤတဲာ်လၢကစၢ်စူအအိၣ်န့ၣ်, မ့ၢ်မတၤတဂၤလဲၣ်.
36 မၤသးဒ်န့ၣ်ဒီးတၢ်န့ၣ်တဖၣ်ပှၤဂ့ၢ် လိာ်ဘှီလိာ်တသ့ဘၣ်သတးဒီး, ဂ့ၤအိၣ်ဘှီၣ်ကလာ်သု ဝဲ, ဒီးတၢ်ပလီၢ်ပသးတအိၣ်ဘၣ်ဒီး, တဂ့ၤမၤဘၣ်တၢ် နီတမံၤဘၣ်.
37 အဂ့ၢ်ဒ်အံၤ, ပှၤလၢအတဟုၣ်ဘၣ်တၢ် ဘၣ်ဃးဒီးကစၢ်တဖၣ်အဟံၣ်, ဒီးတဒုၣ်ဒွဲၣ်ဘၣ်သုက စၢ်မုၣ်ဘၣ်န့ၣ်သုမိၤန့ၢ်ဖဲအံၤလီၤ.
38 မၤသးဒ်န့ၣ်ဒီး, စီၤ ဒ့ၤမ့ၤတြံ, ဒီးပှၤမၤတၢ်ဖိအိၣ်ဒီးအီၤတဖၣ်န့ၣ်, မ့ၢ်သါ ကပာ်တၢ်ကမၣ်လၢပှၤတဂၤဂၤအလိၤဒီး, လိာ်ကွီၢ်အ မုၢ်နံၤတဖၣ်အိၣ်, ဒီးအကီၢ်အပဒိၣ်တဖၣ် အိၣ်ဝဲလီၤ. ပှၤကလိာ်လိာ်အသးဒၣ်ဝဲတက့ၢ်.
39 ဒီးသုမ့ၢ်ဃ့တၢ်လၢ တၢ်အဂုၤအဂၤတမံၤမံၤဒီး, ကဘၣ်တၢ်စံၣ်ညီၣ်ဝဲလၢတၢ် တၢ်အိၣ်ဖှိၣ်ရိဖှိၣ်တီတီလိၤလိၤအပူၤန့ၣ်လီၤ.
40 အဂ့ၢ်ဒ် အံၤ, တၢ်တၢထီၣ်တၢလီၤအအံၤတနံၤအံၤအဂ့ၢ်အကျိၤ, ပကဘၣ်သံကွၢ်သံဒိးသ့ၣ်သ့ၣ်, ဒီးတၢ်အိၣ်ဖှိၣ်ရိဖှိၣ်အံၤ အဂ့ၢ်န့ၣ်, ပစံးဆၢတၢ်တသ့ဘၣ်.
41 ဒီးစံးတၢ်ဒ်န့ၣ်ဝံၤ ဒီး, ပျၢ်ပှၤအိၣ်ဖှိၣ်တဖၣ်လီၤ.