16
1 ဒီးလဲၤဝဲဆူဒ့ၢ်ဘ့ၤ, ဒီးလူစတြၤလီၤ. ဒီးကွၢ်ကွၢ်, အ ပျဲၢ်အဘီၣ်အမံၤစီၤတံၤမသ့း, ပှၤယူဒၤမုၣ်လၢအစူၢ်က့ၤ နာ်က့ၤတၢ်တဂၤအဖိခွါ, အိၣ်ဝဲဖဲန့ၣ်လီၤ.
2 မ့မ့ၢ်အပၢ် မ့ၢ်ပှၤဟ့းလ့ၣ်ဖိလီၤ. ဒီးပှၤဒီပုၢ်ဝဲၢ်လၢလူစတြၤဒီးအံၤက နံၤအပူၤ, အုၣ်အသးလၢအဂီၢ်လီၤ.
3 ဘၣ်စီၤပီလူးအ သးလၢအဝဲဒၣ်ကလဲၤဒီးအီၤလီၤ. ဒီးမ့ၢ်ပှၤယူဒၤဖိအိၣ် လၢအလီၢ်တဖၣ်ဖဲန့ၣ်သ့ၣ်ညါခဲလၢာ်, လၢအပၢ်မ့ၢ်ပှၤ ဟ့းလ့ၣ်ဖိအဃိဒီး, ဟံးန့ၢ်အီၤဒီးကူးတရံးအီၤလီၤ.
4 ဒီးဖဲအလဲၤတၢ် တဝ့ၢ်ဘၣ်တဝ့ၢ်ဒီး, တၢ်သိၣ်တၢ်သီလၢပှၤတၢ်မၢဖိဒီးပှၤသူၣ်က့သးပှၢ် လၢယရူၤၡလ့ၣ်စံၣ်ညီၣ်ဝဲန့ၣ်ဒီး, ဟ့ၣ်လီၤဝဲဒ်သိးအကတိၢ်န့ၢ်ဖံးဃာ်လီၤ.-
5 မၤသးဒ်န့ၣ်ဒီးတၢ်အိၣ်ဖှိၣ်တဖၣ် ဂၢၢ်ထီၣ်ကျၢၤထီၣ်လၢ တၢ်စူၢ်တၢ်နာ်အပူၤ, ဒီးအါထီၣ်ဂီၢ်ထီၣ်ကိးမုၢ်နံၤမုၢ်နၤ ဒဲးလီၤ.
6 ဒီးလဲၤခီဂာ်ဖြူၤကံ, ဒီးကလၤတံအထံအကီၢ်ဒီး, ဒ် သိးအသုတစံၣ်တဲၤတဲလီၤတၢ်လၢအၤစံတဂ့ၤဒီး, သးစီ ဆှံန့ၣ်တြီအီၤလီၤ.
7 ဒီးလဲၤဆူမူၤစံဝံၤဒီး, ပာ်အသးလၢ အကလဲၤဆူဘံၤသူၤနံ, ဘၣ်ဆၣ်ဒီးယ့ၣ်ရှူးအသးတဒုး လဲၤဘၣ်အီၤဘၣ်.
8 ဒီးလဲၤပူၤကွံာ်လၢမူၤစံ, ဒီးလဲၤလီၤ ဆူတြိၤအါလီၤ.
9 ဒီးစီၤပီလူးထံၣ်တၢ်လၢညါခီလၢမုၢ်နၤ, ဒီးပှၤမၤက့း ဒနံဖိဆၢထၢၣ်ဃ့ကညးအီၤဒီးစံးဝဲဒၣ်, ဟဲခီဂာ်တၢ်ဆူ မၤက့းဒနံ, ဒီးမၤစၢၤပှၤတက့ၢ်.
10 ဒီးတုၤအထံၣ်တၢ်လၢ ညါခီဒီး, ပဆိကမိၣ်လၢကစၢ်ကိးက့ၤပှၤ, ဒ်သိးပကစံၣ် တဲၤတဲလီၤတၢ်သးခုအကစီၣ်လၢအဝဲသ့ၣ်, ဒီးပဃုလဲၤ တၢ်ဆူမၤက့းဒနံအပူၤတကီၢ်ခါလီၤ.
11 မၤသးဒ်န့ၣ်ဒီး, ပ ဟးထီၣ်လၢတြိၤအါ, ဒီးပလဲၤစၢၢ်ဆၢဆူစၤမသြါက့ၤ, ဒီးမုၢ်ဆ့ၣ်ထီၣ်တနံၤပလဲၤဆူနါပလံၣ်လီၤ.
12 ဒီးပဟးဖဲ န့ၣ်ဆူဖံလံးပံးလၢအမ့ၢ်မၤက့းဒနံတတီၤန့ၣ် အဝ့ၢ်မိၢ်ပှၢ်, ဒီးပှၤတကလုာ်ဒၣ် ဟဲအိၣ်ဝဲဆိးဝဲလၢအပူၤလီၤ. ဒီးပ အိၣ်လၢဝ့ၢ်ပူၤန့ၣ်အနံၤအသီတနီၤနီၤလီၤ.
13 ဒီးလၢမုၢ်အိၣ်ဘှံးအနံၤန့ၣ်, ပဟးထီၣ်ဆူဝ့ၢ်အချၢလၢ ထံနံၤဖဲပဆိကမိၣ်လၢ ပှၤပာ်တၢ်ဘါထုကဖၣ်အလီၢ်, ဒီး ပဆ့ၣ်နီၤဒီးစံၣ်တဲၤတဲလီၤတၢ်လၢ ပှၤပိာ်မုၣ်လၢအအိၣ် ဖှိၣ်ရိဖှိၣ်တဖၣ်လီၤ.
14 ဒီးပှၤလၢအဆါ တၢ်လုးတကုာ်, ဝ့ၢ်သူၤအတံရၤဖိ, ပိာ်မုၣ်, အမံၤနီၢ်လူၤဒံ, လၢအဘါယွၤတဂၤ, နၢ်ဟူ တၢ်ဒီး, ယွၤအိးထီၣ်အသူၣ်အသးဒ်သိးအကတူၢ်လိာ် တၢ်လၢစီၤပီလူးစံးဘၣ်တဲဘၣ်ဝဲတဖၣ်န့ၣ်လီၤ.
15 ဒီးတုၤ အဝဲဒၣ်, ဒီးအဟံၣ်ဖိတဖၣ်ဒိးဘျၢ*အသးဒီး, ဃ့ကညး က့ၤပှၤဒီးစံးဝဲဒၣ်, ယဲဒၣ်အံၤ, သုမ့ၢ်ပာ်ယၤလၢပှၤစူၢ် က့ၤနာ်က့ၤကစၢ်နီၢ်နီၢ်ဒီး, ဟဲအိၣ်ဟဲဆိးလၢယဟံၣ်ပူၤ တက့ၢ်. ဒီးကညးဆူၣ်န့ၢ်ပှၤလီၤ.
16 ဒီးတၢ်မၤအသးလၢ ပလဲၤဆူတၢ်ဘါထုကဖၣ်အလီၢ် အဖၢမုၢ်ဒီး, ပှၤလၢတၢ်နါပံသိၣ်အိၣ်လၢအလိၤ, ကုၢ်ပိာ် မုၣ်တဂၤ, သဂၢၢ်ပှၤလီၤ. အဝဲဒၣ်ကတိၤတၢ်လၢတၢ်နါ ဝံအကျိာ်သတးဒီး, အကစၢ်တဖၣ်န့ၢ်ဘၣ် တၢ်အါမး လီၤ.
17 အဝဲန့ၣ်ပိာ်စီၤပီလူးအခံ, ဒီးပခံ, ဒီးကိးပသူ ထီၣ်ဒီးစံးဝဲဒၣ်, အဝဲသ့ၣ်တဖၣ်အံၤ မ့ၢ်တၢ်ထီကတၢၢ် ယွၤအခ့အပှၤ, လၢအစံၣ်တဲၤတဲလီၤပှၤလၢ တၢ်အုၣ် က့ၤခီၣ်က့ၤအကျဲလီၤ.
18 ဒီးမၤဝဲဒ်န့ၣ်အါနံၤအါသီ, ဒီးစီၤပီလူးအသးကိၢ်ထီၣ်, ဒီးဃၣ်ဃီၤအသးဒီး စံးဘၣ်တၢ်နါ, ယမၤလိာ်နၤလၢ ယ့ၣ်ရှူးခရံာ်အမံၤ, လၢနကဟးထီၣ်ကွံာ်လၢပှၤအံၤအ လိၤလီၤ. ဒီးဟးထီၣ်ကွံာ်တဘျီဃီဖဲန့ၣ်လီၤ.
19 ဒီးပိာ်မုၣ် အကစၢ်တဖၣ်သ့ၣ်ညါဝဲလၢ အမုၢ်လၢ်န့ၢ် တၢ်အလီၢ်တအိၣ်လၢၤဘၣ်ဒီး, ဟံးဃာ်စီၤပီလူးဒီးစီၤစံ လၤ, ဒီးမိၤအီၤဆူဖၠါပူၤ, ဆူပဒိၣ်တဖၣ်အအိၣ်လီၤ.
20 ဒီး ဆှၢအီၤဆူကီၢ်ပဒိၣ်တဖၣ်အအိၣ်ဝံၤဒီး, စံးဝဲဒၣ်, ပှၤက ညီတဖၣ်အံၤ, မ့ၢ်ပှၤယူဒၤဖိ, ဒီးမၤတံာ်တာ်ပဝ့ၢ်အံၤဒိၣ် မး,
21 ဒီးသိၣ်လိတၢ်အလုၢ်အလၢ်လၢ ပှၤရိမ့ၤဖိပဝဲဒၣ် အံၤ, ပတူၢ်လိာ်ဒီးတိၢ်န့ၢ်တတီဘၣ်လီၤ.
22 ဒီးပှၤဂီၢ်မုၢ်ဂဲၤဆၢထၢၣ်ထီဒါအီၤ, ဒီးပဒိၣ်တဖၣ်ထုး ဖှီကွံာ်အကူအသိး, ဒီးမၤလိာ်ပှၤကတီၢ်အီၤလီၤ.
23 ဒီး တီၢ်ဝဲအါဘီဝံၤဒီး ဒၢနုာ်အီၤလၢဃိာ်ပူၤ, ဒီးမၤလိာ်ပှၤ ဃိာ်ဒိၣ် ဒ်သိးအကပၢၤအီၤဧ့ၢ်ကျၢၤလီၤ.
24 အဝဲဒၣ်ဘၣ် တၢ်မၤလိာ်အီၤဒ်န့ၣ်ဒီး, ဒၢနုာ်အီၤလၢဃိာ်ပူၤလၢညါတ တီၤ, ဒီးသိးဃာ်အခီၣ်လၢသိးအပူၤလီၤ.
25 ဒီးလၢဖးဖီ မုၢ်န့ၣ် စီၤပီလူးဒီးစီၤစံလၤဘါထုကဖၣ်တၢ်, ဒီးသးဝံၣ် သးဆၢယွၤ, ဒီးပှၤဃိာ်ဖိကနၣ်ဝဲလီၤ.
26 ဒီးဟီၣ်ခိၣ်ဟူး ဝးဝဲသတူၢ်ကလာ်ဒိၣ်မး တုၤဃိာ်အခီၣ်ထံးဟူးဝးဝဲ, ဒီး တြဲၤခဲလၢာ်အိးထီၣ်အသးတကီၢ်ခါ, ဒီးပှၤခဲလၢာ်အပျံၤ လီၤဃ့ၣ်ဝဲလီၤ.
27 ဒီးပှၤဃိာ်ဒိၣ်ဖုသံနီၣ်ထီၣ်, ဒီးထံၣ်ဝဲ လၢဃိာ်အတြဲၤအိၣ်အိးထီၣ်အသး, ဒီးဆိကမိၣ်လၢပှၤ ဃိာ်ဖိဃ့ၢ်ကွံာ်သတးဒီး, ဘီၣ်ထီၣ်နးဒ်သိးအကမၤသံ လီၤအသးလီၤ.
28 ဒီးစီၤပီလူးကိးထီၣ်လၢအကလုၢ်ဖးဒိၣ် ဒီးစံးဝဲဒၣ်, မၤအၢလီၤနသးနီတမံၤတဂ့ၤ, အဂ့ၢ်ဒ်အံၤ, ပအိၣ်ဖဲအံၤခဲလၢာ်လီၤ.
29 ဒီးအဝဲဒၣ်ဃ့တၢ်ကပီၤတဖၣ်, ဒီးဃ့ၢ်နုာ်ကနိးကစုာ်, ဒီးထိၣ်လီၤပှီၤအသးလၢစီၤပီလူး ဒီးစီၤစံလၤအမဲာ်ညါ,
30 ဒီးဆှၢထီၣ်အီၤဆူခိဒီးစံးဝဲဒၣ်, ကစၢ်သ့ၣ်ဧၢ, ဒ်သိးယကတုၤလၢ တၢ်အုၣ်က့ၤခီၣ်က့ၤ ယၤဒီး, ယဘၣ်မၤမနုၤလဲၣ်.
31 ဒီးအဝဲသ့ၣ်စံးဘၣ်အီၤ, စူၢ်က့ၤနာ်က့ၤကစၢ်ယ့ၣ်ရှူးခရံာ်တက့ၢ်. ဒီးနကတုၤလၢ တၢ်အုၣ်က့ၤခီၣ်က့ၤနဲ, ဒီးနပှၤဟံၣ်ဖိလီၤ.
32 ဒီးစံၣ်တဲၤ တဲလီၤကစၢ်အကလုၢ်အကထါလၢအီၤ, ဒီးလၢပှၤအိၣ် လၢအဟံၣ်ပူၤခဲလၢာ်လီၤ.
33 ဒီးလၢမုၢ်နၤ တနၣ်ရံၣ်ဃီဖဲန့ၣ်, အဝဲဒၣ်ဟံးန့ၢ်အီၤ, ဒီးသ့ကွံာ်အပူၤလီၢ်တဖၣ်လီၤ. ဒီးအကစၢ်ဒၣ်ဝဲ, ဒီးအ ပှၤခဲလၢာ်ဒိးဘျၢ*အသးတကီၢ်ခါလီၤ.
34 ဒီးတုၤအဝဲဒၣ် ဆှၢက့ၤအီၤဆူအဟံၣ်ပူၤဒီး, ပာ်တၢ်အီၣ်တၢ်အီလၢအ မဲာ်ညါ, ဒီးစူၢ်က့ၤနာ်က့ၤယွၤ, ဒီးသူၣ်ခုသးခုဒီးအဟံၣ် ဖိခဲလၢာ်လီၤ.
35 ဒီးတုၤမုၢ်ဆ့ၣ်ထီၣ်ဒီး, ပဒိၣ်တဖၣ်န့ၣ်မၢအပှၤစိာ်နီၣ် တီၢ်ဖိတဖၣ်, လဲၤစံးဘၣ်တဲဘၣ်ဝဲ, ပျၢ်ကွံာ်ပှၤကညီတ ဖၣ်န့ၣ်တက့ၢ်.
36 ဒီးအတၢ်ကတိၤတဖၣ်န့ၣ်, ပှၤဃိာ် ဒိၣ်စံးဘၣ်စီၤပီလူး, ပဒိၣ်တဖၣ်န့ၣ် မၢပှၤဟဲပျၢ်ကွံာ်သု လီၤ. မၤသးဒ်န့ၣ်ဒီးဟးထီၣ်, ဒီးလဲၤတၢ်မုာ်မုာ်တက့ၢ်.
37 ဘၣ်ဆၣ်ဒီးစီၤပီလူးစံးဘၣ်အီၤ, ပှၤရိမ့ၤဖိပဝဲဒၣ်အံၤ တဘၣ်ဘၣ် တၢ်စံၣ်ညီၣ်ဃၣ်ဘၣ်ဒီး, အဝဲသ့ၣ်တီၢ်ပှၤ အိၣ်ဖျါ, ဒီးဒၢနုာ်ပှၤလၢဃိာ်ပူၤလီၤ. ဒီးခဲကနံၣ်အံၤ, ကဟီထီၣ်ကွံာ်ပှၤကစုဒုဧါ. ဒ်န့ၣ်တမ့ၢ်ဘၣ်. မ်အဟဲ လၢအကစၢ်ဒၣ်ဝဲ, ဒီးဆှၢထီၣ်ပှၤတက့ၢ်.
38 ဒီးတၢ်ကတိၤတဖၣ်န့ၣ်, ပှၤစိာ်နီၣ်တီၢ်ဖိစံးဘၣ်ပဒိၣ် တဖၣ်လီၤ. ဒီးနၢ်ဟူဝဲလၢပှၤတဖၣ်န့ၣ် မ့ၢ်ပှၤရိမ့ၤဖိဒီး, သူၣ်ပျံၤသးပျံၤဝဲတကူၢ်သ့ၣ်လီၤ.
39 ဒီးဟဲဃ့ကညးအီၤ, ဒီးဆှၢထီၣ်အီၤ, ဒီးဃ့ဝဲဒ်သိးအကဟးထီၣ်ကွံာ်လၢဝ့ၢ် ပူၤလီၤ.
40 ဒီးအဝဲသ့ၣ်ဟးထီၣ်လၢဃိာ်ပူၤ, ဒီးလဲၤဆူ နီၢ်လူၤဒံ အအိၣ်, ဒီးတုၤအထံၣ်ဘၣ်ပှၤဒီပုၢ်ဝဲၢ်ဒီး, သဆၣ်ထီၣ် အခံဒီးဟးထီၣ်ဝဲလီၤ.