14
1 ဒီးတၢ်မၤအသးလၢအံၤကနံၤအပူၤ, အဝဲသ့ၣ်လဲၤနုာ် ဃုာ်ဆူပှၤယူဒၤဖိအဘူၣ်ဘျီၣ်ပူၤ, ဒီးစံၣ်တဲၤတဲလီၤတၢ် ဒ်အံၤဒ်နုၤတုၤပှၤယူဒၤဖိ, ဒီးဟ့းလ့ၣ်ဖိဂီၢ်မုၢ်ဖးဒိၣ်စူၢ်က့ၤ နာ်က့ၤဝဲလီၤ.
2 မ့မ့ၢ်ပှၤယူဒၤဖိလၢအတစူၢ်တနာ်ဘၣ်တ ဖၣ်န့ၣ်, သဆၣ်ထီၣ်ပှၤကလုာ်တဖၣ်အခံ, ဒီးဒုးအၢ ထီၣ်အဝဲသ့ၣ်အသး ထီဒါဒီပုၢ်ဝဲၢ်လီၤ.
3 မၤသးဒ်န့ၣ်ဒီး အိၣ်ဖဲန့ၣ်ယံာ်ယံာ်ဒီး, စံၣ်တဲၤတဲလီၤတၢ်လၢအသးခူ တလ့ၢ်လၢကစၢ်အပူၤ, ဒီးကစၢ်န့ၣ်ဟ့ၣ်လီၤတၢ်အပနီၣ် လီၤလး, ဒီးတၢ်လီၤလိၢ်လီၤလး မၤအသးလၢအဝဲသ့ၣ် အစုပူၤသတးဒီး, အုၣ်အသးလၢအဘျုးအဖှိၣ်အကလုၢ် အကထါအဂီၢ်လီၤ.
4 ဘၣ်ဆၣ်ဒီး ပှၤဂီၢ်မုၢ်လၢဝ့ၢ်ပူၤ လီၤမုၢ်လီၤဖးလိာ်အ သး, ဒီးတနီၤနီၤအိၣ်ဝဲလၢပှၤယူဒၤဖိအပူၤ, ဒီးတနီၤနီၤ အိၣ်ဝဲလၢပှၤတၢ်မၢဖိတဖၣ်အပူၤလီၤ.
5 ဒီးတုၤပှၤကလုာ် အဂၤတဖၣ်, ဒီးပှၤယူဒၤဖိအိၣ်ဒီးအပဒိၣ်ပပှၢ်, တပျူာ် တပျီၤဝဲ ဒ်သိးအကမၤအၢမၤသီအီၤဒီး ကကွံာ်အီၤလၢ လၢၢ်ဒီး,
6 သ့ၣ်ညါဝဲဒီးဃ့ၢ်ဆူလူၤကီၤနံအခူအဝ့ၢ်လူစ တြၤ, ဒီးဒ့ၢ်ဘ့ၤ, ဒီးကီၢ်အိၣ်ဝးတရံးဝဲန့ၣ်လီၤ.
7 ဒီးစံၣ် တဲၤတဲလီၤတၢ်သးခုအကစီၣ်ဖဲန့ၣ်လီၤ.
8 ဒီးလၢလူစတြၤန့ၣ်, ပိာ်ခွါလၢအခီၣ်တဆူၣ်ဘၣ်, ဒီး အခီၣ်ဟးဂီၤတ့ၢ်လၢ အမိၢ်အဟၢဖၢပူၤလံၤလံၤ, ဒီးတ ဟးဘၣ်နီတစုဘၣ်တဂၤန့ၣ်, ဆ့ၣ်နီၤဝဲလီၤ.
9 အဝဲဒၣ် ကနၣ်စီၤပီလူးကတိၤတၢ်ဒီး, အဝဲဒၣ်ကွၢ်ထံအီၤ, ဒီးထံၣ် ဝဲလၢအအိၣ်ဒီးတၢ်နာ်တုၤအဘျါက့ၤသ့သတးဒီး,
10 ကိး ထီၣ်ဝဲလၢအကလုၢ်ဖးဒိၣ်, ဂဲၤဆၢထၢၣ်ထူၣ်ကလာ်လၢ နခီၣ်တက့ၢ်. ဒီးအဝဲဒၣ်စံၣ်ထီၣ်ဒီးဟးဝဲလီၤ.
11 ဒီးစီၤပီလူးမၤတၢ်န့ၣ် ပှၤဂီၢ်မုၢ်ထံၣ်ဝဲဒီး, ထုထီၣ်အ ကလုၢ်, ဒီးကတိၤတၢ်လၢပှၤလူၤကီၤနံအကျိာ်ဒီးစံးဝဲဒၣ်, ကစၢ်သ့ၣ်ပာ်လီၤဂာ်အသးလၢပှၤကညီဒီး, ဟဲလီၤဆူပ အိၣ်လီၤ.
12 ဒီးကိးက့ၤစီၤဘၢ်နါဘၤလၢစူ, ဒီးစီၤပီလူး လၢဟ့ၢ်မ့ၤလီၤ. အဂ့ၢ်ဒ်အံၤ, ကတိၤတၢ်အါတက့ၢ်လီၤ.-
13 ဒီးစူအိၣ်လၢ ဝ့ၢ်အမဲာ်ညါအပှၤလုၢ်တၢ်အဒိၣ်တဂၤ ဟဲ စိာ်ဂီၤဖံးဒီးဖီ, ဆူပဲတရီအခီၣ်ထံး, ဒီးသါကလုၢ်တၢ်ဒီး ပှၤဂီၢ်မုၢ်လီၤ.
14 ဒီးပှၤတၢ်မၢဖိစီၤဘၢ်နါဘၤဒီးစီၤပီလူးနၢ် ဟူဒီး, ဖှီအကူအသိး, ဒီးဃ့ၢ်သဖှိဆူပှၤဂီၢ်မုၢ်အအိၣ်, ဒီးကိးပသူထီၣ်,
15 ဒီးစံးဝဲဒၣ်, ပှၤကညီသ့ၣ်ဧၢ, တၢ်အံၤ တဖၣ်သုမၤဘၣ်မနုၤလဲၣ်. ပဝဲဒၣ်အံၤ, ပမ့ၢ်ပှၤကညီစ့ၢ် ကီးအိၣ်ဒီးအသူၣ်အသးဒ်သုဝဲသ့ၣ်အသိးလီၤ. ဒီးပစံၣ် တဲၤတဲလီၤသုလၢတၢ်သးခုကစီၣ် ဒ်သိးသုကကွံာ်တ့ၢ် ကွံာ်တၢ်ကလီကလီအံၤ, ဒီးဃၣ်ဃီၤသုသးဆူကစၢ်လၢ အမူလၢအတ့လီၤမူခိၣ်, ဒီးဟီၣ်ခိၣ်, ဒီးပီၣ်လဲၣ်, ဒီးက ယဲၢ်တၢ်အိၣ်လၢအပူၤတဂၤအအိၣ်လီၤ.
16 အဝဲဒၣ်လၢအ စိၤအဃၣ်ပူၤကွံာ်န့ၣ်, ပျဲလဲၤပှၤကိးအကလုာ်ဒဲးလၢအ ကျဲဒၣ်ဝဲလီၤ.
17 ဘၣ်ဆၣ်ဒီးမ့ၢ်အမၤဂ့ၤတၢ်, ဒီးမၢတၢ် ဟဲစူၤလီၤလၢမူခိၣ်, ဒီးဟ့ၣ်လီၤသုလၢတၤသူၣ်တၤသၣ် အကတီၢ်, ဒီးမၤပှဲၤသုသးလၢတၢ်အီၣ်တၢ်အီ, ဒီးတၢ် သူၣ်မုာ်သးမုာ်သတးဒီး, တၢ်အုၣ်အသးတအိၣ်ဘၣ်န့ၣ်, တပာ်လီၤတဲာ်အကစၢ်ဒၣ်ဝဲဘၣ်.
18 တၢ်န့ၣ်တဖၣ်စံးဘၣ်တဲဘၣ်နာ်သက့ဒီး, ဒ်သိးပှၤဂီၢ် မုၢ်သုတလုၢ်တၢ်လၢအီၤတဂ့ၤဒီး, တြီဝဲကီမးလီၤ.
19 ဒီးပှၤယူဒၤဖိ ဟဲလၢအၣ်တံၤအီာ်ဒီးအံၤကနံၤ, ဒီးသ ဆၣ်ထီၣ် ပှၤဂီၢ်မုၢ်အခံသတးဒီး, ပှၤကွံာ်စီၤပီလူးလၢ လၢၢ်, ဒီးဆိကမိၣ်ဝဲလၢအသံလံ, ဒီးမိၤတြူာ်ထီၣ်ကွံာ် အီၤဆူဝ့ၢ်အချၢန့ၣ်လီၤ.
20 ဘၣ်ဆၣ်ဒီးအပျဲၢ်အဘီၣ်အိၣ် ဝးတရံးအီၤအဖၢမုၢ်ဒီး, ဂဲၤဆၢထၢၣ်ဝဲ, ဒီးက့ၤနုာ်က့ၤ ဆူဝ့ၢ်ပူၤလီၤ. ဒီးမုၢ်ဆ့ၣ်ထီၣ်တနံၤန့ၣ်, ဟးထီၣ်ဒီးစီၤဘၢ် နါဘၤ, ဆူဒ့ၢ်ဘ့ၤလီၤ.
21 ဒီးစံၣ်တဲၤတဲလီၤတၢ်သးခုအ ကစီၣ်လၢဝ့ၢ်ပူၤန့ၣ်, ဒီးဒုးကဲထီၣ်ပှၤအါဂၤလၢအပျဲၢ်အ ဘီၣ်ဝံၤဒီး, က့ၤထီၣ်ဝဲဆူလူစတြၤ, ဒီးအံၤကနံၤ, ဒီးအၣ် တံၤအီာ်လီၤ.
22 ဒီးမၤဂၢၢ်ထီၣ်ကျၢၤထီၣ်အပျဲၢ်အဘီၣ်အ သးဒီးသဆၣ်ထီၣ်အခံဒ်သိး အကအိၣ်ဝဲဆိးဝဲလၢတၢ် နာ်အပူၤ, ဒီးလၢပဘၣ်ဖှီၣ်ဘၣ်နးအါမံၤဒီးပလဲၤနုာ်ဆူ ယွၤအဘီအမုၢ်အပူၤန့ၣ်လီၤ.
23 ဒီးပာ်ထီၣ်ပှၤသူၣ်က့သးပှၢ်တဖၣ် လၢအဂီၢ်လၢတၢ် အိၣ်ဖှိၣ်တပူၤလၢ်လၢ်ဝံၤဒီး, ဘါထုကဖၣ်တၢ်, ဒီးဒုၣ် တၢ်အီၣ်တၢ်အီ, ဒီးအးလီၤအီၤလၢကစၢ်လၢအဝဲသ့ၣ်နာ် အီၤအစုပူၤလီၤ.
24 ဒီးလဲၤခီဂာ်ကွံာ်ပံၤစံၤဒံ, ဒီးလဲၤဆူ ပၣ်ဖူၤလံလီၤ.
25 ဒီးစံၣ်တဲၤတဲလီၤတၢ်အကလုၢ်အကထါ လၢပ့ၢ်က့ၤဝံၤဒီး, လဲၤလီၤဝဲဆူအးတါလံၤလီၤ.
26 ဒီးဒိး ထီၣ်ကဘီဖဲန့ၣ်, ဒီးက့ၤက့ၤဝဲဆူအၣ်တံၤအီာ်ဖဲပှၤဟ့ၣ် တ့ၢ်အီၤဆူယွၤအဘျုးအဖှိၣ်, ဒ်သိးအကမၤတၢ်လၢအ မၤလၢထီၣ်ပှဲၤထီၣ်န့ၣ်လီၤ.
27 ဒီးတုၤအတုၤဝဲဒီး, ဒုးအိၣ်ဖှိၣ်ရိဖှိၣ် တၢ်အိၣ်ဖှိၣ်, ဒီး စံၣ်တဲၤတဲလီၤတၢ်ဖဲဒၣ်ယွၤမၤလၢအစုပူၤတဖၣ်, ဒီးလၢ အအိးထီၣ်တၢ်စူၢ်တၢ်နာ်အတြဲၤလၢ ပှၤကလုာ်တဖၣ် အဂီၢ်န့ၣ်လီၤ.
28 ဒီးအိၣ်ဝဲဒီးအပျဲၢ်အဘီၣ်ဖဲန့ၣ်ယံာ်ယံာ် လီၤ.