5
1 ယစၪ့ထၪ့ဒီၭယမ့ၬ, ဒဲယယိဆၧတၭ,ယိခွါ,လံၬအ
2 ထူၫလၧအယူၩဝ့ၫလထူၫလီၫ.- အဝ့ၫဒၪစံၭယၧၩ,မွဲ နဒၪဘၪဆၧနီၪလမံၩ့လဲၪ. ယစံၭဆၧၫ့,ယဒၪဘၪလံၬ လၧအယူၩဝ့ၫလထူၫလီၫ. အဖၭထီၫနီၪအဖျါနံၫဆံၫ,
3 ဒဲအဒၪ့ဎၩ့ဆံၫဖျါလီၫ.- တၭအဝ့ၫဒၪစံၭယၧၩ, အယီၩ မွဲဆၧဆိၪအၧၩ့ လၧအလ့ၩထၪ့ လၧခးထၧၫ့ဘံၪ့ယၫ အဖၧၩ့လီၫ. အဂဲးဘဲၫယီၩ ကယဲၦလၧအအၪ့ဂူၪဆၧ လဂၩလါလါနီၪ.ဆၧမၩဂၭဂီၩ့အဝ့ၫ လၧအယီၩလ ခီၫ,ဘဲၫအဝ့ၫနီၪအၥိၭ, ဒဲကယဲၦလၧအဆိၪလၩ့အၥၭ လဂၩလါလါနီၪ ဆၧမိမၩဂၭဂီၩ့အဝ့ၫလၧအနီၪလခီၫ
4 ဘဲၫအဝ့ၫနီၪအၥိၭလီၫ.- ဆၧၥုၭမုခမျၧးအယဟိဝၩ စံၭဝ့ၫဒၪ,ယမိဒုၭဂဲၫထၪ့အဝ့ၫတၭ, မိလ့ၩနုၬလၧၦလၧ အအၪ့ဂူၪဆၧအဂံၪ့ဖၧၩ့, ဒဲလၧၦလၧအဆိၪလၩ့အၥၭ လၧယမံၩ့အမ့ၬယၫလတီၩဘၪအဂံၪ့ဖၧၩ့တၭ, မိအီၪ ဝ့ၫလၧအဂံၪ့အၥၭခံဖၧၩ့, ဒဲမိအၪ့ခွံၬအဝ့ၫအီၪလၧအ ၥံၪ့ၥံၪ,ဒဲအလိးၥံၪလဲၫ့ၥံၪလီၫ.
5 အၥီၫ့လၧအချဲၩ့ဒုၪ့ယၧၩလဂၩနီၪ ဂဲၫထၪ့တၭ, စံၭ ယၧၩ,စၪ့ထၪ့လါနမ့ၬတၭ, ဆၧယီၩလၧအဂဲၫထၪ့မွဲနီၫ
6 လဲၪနီၫလဲၪနီၪ, ယိခွါ,ဆံၭ.- တၭယစံၭအယီၩမွဲဆၧနီၪ လမံၩ့လဲၪ. တၭအဝ့ၫဒၪစံၭဝ့ၫ, အယီၩမွဲအ့ဖၭလၧအ ဂဲၫထၪ့လီၫ. တၭစံၭဝ့ၫဒၪ, အဝ့ၫၥံၪဖျီၪဝ့ၫဘဲၫဆၧယီၩ
7 အၥိၭလၧခးထၧၫ့ဘံၪ့ယၫလီၫ.- တၭယိခွါ, ခံၫ့ၥၪၡၬ လလီၪ့ဒဲၦမုၪဆၧၫ့နၩ့လၧအ့ဖၭအဖၧၩ့နီၪ အီၪဝ့ၫလဂၩ
8 လီၫ.- တၭအဝ့ၫစံၭဝ့ၫ,အယီၩမွဲဆၧလတီၩလလီၩ့ဘၪ လီၫ. တၭမွဲအခွံၬလၩ့ခွံၬ ၦမုၪလၧအ့ဖၭ အၥၭကျၩ တၭ,ခွံၬခံၫ့ၥၪၡၬလလီၪ့လၧအ့ဖၭအခိၪအဖၫ့ခိၪလီၫ.
9 ထီးနီၪလဖၧၫ့ယစၪ့ထၪ့ယမ့ၬယယိဆၧတၭ, ယိခွါ, ၦမုၪနံၫဂၩဂဲၫထၪ့တၭ, လံၩအီၪဝ့ၫလၧအဒံၭလဖၪအ ဖၧၩ့လီၫ. အဂဲးဘဲၫယီၩ အီၪဝ့ၫလၧအဒံၭလဖၪဘဲၫ ထိၪဖၭဒိၪအဒံၭအၥိၭနီၪတၭ, အဝ့ၫၥံၪဆိၬထၪ့အ့ဖၭ
10 လၧမူၭခိၪဒဲဂၪ့ခိၪ အဘိၩ့ဆၧၩ့လီၫ.- ထီးနီၪလဖၧၫ့ ယစံၭအၥီၫ့ လၧအချဲၩ့ဒုၪ့ယၧၩလဂၩ, အဝ့ၫၥံၪယီၩ
11 ဆိၬထၪ့အ့ဖၭခီၫခီၫလဲၪ. တၭအဝ့ၫစံၭယၧၩ, ဘဲၫၥိၭ အမိမၩဂံၪ့လဖျိၪ့ လၧအဂးလၧခးၡဲနၫအဖၧၩ့လီၫ. မိအီၪဝ့ၫတၭ, ဆၧမိအီၪက့ၪအဝ့ၫထီးနီၪလၧအခၪ့ထံၭ ဒၪဝ့ၫအဖၫ့ခိၪနီၪလီၫ.