2
1 ယစၪ့ထၪ့ဒီၭယမ့ၬ, ဒဲယယိဆၧတၭ,ယိခွါ,ၦၡၩ
2 အီၪလၧနိၪထိၪဖျံၩလၧအစူၪဖၧၩ့လီၫ.- တၭ,ယစံၭ, နမိလ့ၩခီၫခီၫလဲၪ. တၭအဝ့ၫဒၪစံၭယၧၩ, ယမိလ့ၩ ထိၪယရုစလံၫ့လီၫ. အဒၪ့ဎၩ့မွဲဆံၭအၪလဲၪ. ဒဲအဖၭ
3 ထီၫမွဲဆံၭအၪလဲၪနီၪဘဲၫၥိၭယမိဒၪဘၪလီၫ.- ယိခွါ, အၥီၫ့လၧအချဲၩ့ဒုၪ့ယၧၩ စဲၪ့ထၪ့ဝ့ၫတၭ,အၥီၫ့အဂူၫ
4 ဂၩလဂၩဂဲၫထၪ့ဒၪခီၩ့အဝ့ၫလီၫ.- တၭအဝ့ၫစံၭၦလ ဂၩနီၪ,စဲၪ့တလဲးဘီၪ, ချဲၩ့ဆၧလၧၦဖိၪၥၪခွၫလဂၩနီၪ တၭ,စံၭ,ၦၡၩမိအီၪဝ့ၫလၧယရုစလံၫ့အဖၧၩ့, ဒဲလၧ ခီၫ့ဆ့းအဂဲးဘဲၫယီၩ ၦၡၩဒဲဆၧဖိၪဆၧဎါအဒိၩ့ခမျၧး
5 အီၪလၧအကျၩလီၫ.- ယဟိဝၩစံၭဘဲၫယီၩ, ယဝ့ၫဒၪ ယီၩယမိကဲၪထၪ့အခိၪဒၧၩ့မ့ၪဝၬဖီၩ့ဝ့ၫတၭ, ယမိကဲၪ ထၪ့ဆၧဖၩ့လၧအၥၭခံဖၧၩ့လီၫ.
6 ဂဲၫဘီၪၬ ဂဲၫဘီၪၬ စဲၪ့ထၪ့ခွံၬ လၧခးလၧမုဖၩလခီၫ တၭ,ယဟိဝၩစံၭဝ့ၫဒၪ. အဂဲးဘဲၫယီၩယမၩလၩ့ပြံၩ လၩ့ပၩနၥံၪဘဲၫမူၭခိၪအလံၩလံခီၫအၥိၭနီၪ, ယဟိဝၩ
7 စံၭဝ့ၫဒၪ.- ဂဲၫဘီၪၬ မၩဖီၩ့မၩဖျ့ၭနနၫ့ဆါဆံၭ. ဇံအိၫ့ လၧအအီၪဝ့ၫ လၧဘၭဘလၧၫ့အဖိၪမုၪလဂၩအၥိၭဧ့.
8 အဂဲးဘဲၫယီၩ ဆၧၥုၭမုခမျၧးအယဟိဝၩ စံၭဘဲၫယီၩ, လၧဆၧလၩဖၩ့အလးခဲၫ့နီၪ အၪ့မၧၫ့လၩ့န့ယၧၩလၧ ၦဆၨၩလဖၪလၧအမၩန့ဆီၪ့နၥံၪအအီၪလီၫ. အ့ၪမွဲၦ လၧအထိၭဘၪနၥံၪနီၪထိၭဘၪ အဝ့ၫဒၪအမ့ၬၡၩလီၫ.
9 အဂဲးဘဲၫယီၩ,ယိခွါ, ယမိထိၪဝၭယစူၪခိၪလၧအမ့ၬ ယၫတၭ,အဝ့ၫၥံၪမိကဲၪထၪ့ဆၧအၪ့ဂူၬဆီၪ့ လၧအဎီး အၡၩအဂးလီၫ. တၭနၥံၪမိၥ့ၪယၫလၧဆၧၥုၭမုခမျၧး အယဟိဝၩအၪ့မၧၫ့လၩ့န့ယၧၩလီၫ.
10 ၥံၫကျံၩဆၧတၭ, ၥၭထိၬဆံၭ. ဇံအိၫ့ အဖိၪမုၪဧ့, အဂဲးဘဲၫယီၩ, ယိခွါ,ယဂဲၫတၭ, ယမိအီၪလၧနကျၩ
11 ယဟိဝၩစံၭဝ့ၫဒၪ.- ၦအၪဆၨၩ မိမၩဘုၭထၬအၥၭ လၧယဟိဝၩ လၧမုလနံၩနီၪတၭ, မိကဲၪထၪ့ ယၡၩ ခမျၧးတၭ, ယမိအီၪလၧနကျၩတၭ,နမိၥ့ၪယၫလၧဆၧ ၥုၭမုခမျၧးအယဟိဝၩအၪ့မၧၫ့လၩ့န့ယၧၩ လၧနအီၪ
12 လီၫ.- ယဟိဝၩမိမၩန့ယုဒၫ လၧခးဆံၫ့ဎံၪအဖၧၩ့လၧ အဂးဒၪဝ့ၫတၭ,မိမုၬလၩဒီၭအၥၭ လၧယရုစလံၫ့လီၫ.
13 ဆၧယၪထီးအလူၬၥံၪဧ့, အီၪလၩ့မါပံၭလၧယဟိဝၩ အမ့ၬယၫဆံၭ, အဂဲးဘဲၫယီၩ, ထိၪဂဲၩအၥၭလၧအ အီၪအလးဆံၫ့ဎံၪအဖၧၩ့လီၫ.