8
1 မွဲနမၩလါနၥၭဘဲၫယထၧၫ့ဖုဝဲခွၫ, လၧအအၪ့ဆူၭ ယမိအနူအၥိၭနီၪဘီၪၬ ယအ့ၪဒၪဘၪနၧၩလၧခီၫ့တၭ,ယ
2 မိအဲၪဂါနၧၩ,မွဲမၬ,ဆၧမိဒုၪဒွ့ၪယၧၩနးမံၩ့အ့ၬ.- ယမိ မီၩ့နၧၩ,ဒဲၥိၫ့ထၪ့နၧၩလၧယမိအဂံၪ့ဖၧၩ့တၭ, နမိၥီၪ့ ထဲၩ့ၥၫ့ထဲၩ့ယၧၩ, ယမိဒုၭအီၩနၧၩလၧစဘံၭထံၫလဲၩ
3 ဎုၬလၧဆၧၡုး ဒဲၥလဲၩၥၪအထံၫလီၫ.- အစူၪစ့ၪမိအီၪ လၧယခိၪဎွံၪအဖၫ့လၬ, ဒဲအစူၪထွ့ၪမိဖိၭဂိၫ့ယၧၩလီၫ.
4 ယရုစလံၫ့အဖိၪမုၪၥံၪဧ့, ယဒုၭဆိၪလၩ့နၥံၪအၥၭ, ဘဲၫၥိၭနၥံၪထီးထိၪဂဲထုၪ့လဂ့ၩ, ဒဲထီးအ့ၪလဘၪဒံၭ ဘၪအၥၭနီၪ, ထီးဒုၭနၪ့ထၪ့ထဲၩ့ယၥၭဘီၩ့လဂ့ၩ.
5 ၦလၧအဂဲၫစဲၪ့ထၪ့ခွံၬ လၧၡါမုနၧၫ့ဖၫနီၪ, ဒိၭနဲၩ့ အၥၭလၧၦလၧအအဲၪဝ့ၫလဂၩနီၪအလီၩ့, မွဲပလၫလ ဂၩလဲၪ. ယထိၪဂဲၩနၧၩလၧပရၨၭဆၧၫ့ထံၭအဖၫ့လၬး နမိအီၪဖျဲၪန့နၧၩထီးနီၪ, ၦလၧအအီၪဖျဲၪန့နၧၩလဂၩ
6 ဆီၫ့အီၪန့နၧၩထီးနီၪလီၫ.- အီၪက့ၪယၧၩလၧနၥၭအ လီၩ့ဘဲၫဆၧစဲၩနဲၪ့ထၬအၥိၭ, ဘဲၫဆၧစဲၩနဲၪ့ထၬလၧ နစူၪဒူၪအလီၩ့အၥိၭး အဂဲးဘဲၫယီၩဆၧအဲၪနီၪဆီၪ့ဘဲၫ ဆၧၥံၫအၥိၭ, ဆၧၥၭကဲၪ့အၧၩ့ဘဲၫဖျႃဖၧၩ့အၥိၭး အ မ့ၪလၪလဖၪမွဲမ့ၪအၪ့ဆၧအလၪ, ယွၩအမ့ၪလၪလီၫ.
7 ထံၫအၪအၪလ့ၬနီၪမၩလၩ့ဖံၭခွံၬဆၧအဲၪၥံၪအ့ၬ, ထံၫ လုၬဘံၭဆၧနီၪ မၩလၩ့ဘၧၩ့ခွံၬၥ့ၪဆ့အ့ၬး ၦၡၩအ့ၪ ဖ့ၪလၫ့ဂံၪ့အဆၧဖိၪဆၧလံၩ ထီးအလူၬလၧဆၧအဲၪအ ဂးလါနၫ့တၭ, ၦအီၪက့ၪဝ့ၫလၧဆၧနးမံၩ့အ့ၬ.
8 ပအီၪလၧၦထၧၫ့ဝဲမုၪအဆံၭလဂၩတၭ, အနူအီၪ အ့ၬး ထီးအဘၪမုနံၩ လၧၦမိချဲၩ့ဆၧလၧအဂဲးနီၪမွဲပမိ မၩလၧပထၧၫ့ဖုဝဲမုၪနီၪအဂး လၧဆၧနီၪလမံၩ့လဲၪ.
9 အ့ၪမွဲဆၧခိၪဒၧၩ့တၭ, ပမိမၩထၪ့နီးစ့ၩ လၧအလီၩ့ တၭး အ့ၪမွဲတရၫ့နီၪ ပမိဝၩ့ထၬဝ့ၫလၧၥံၪ့ၡိၫအ့ရ့ၭအ ၥံၪ့ပၪလဖၪလီၫ.
10 ယမွဲခိၪဒၧၩ့တၭ, ယနူၥံၪမၩအၥၭဘဲၫထိၬထီၫလဖၪ အၥိၭနီၪး မၩအၥၭဘဲၫနီၪတၭ, ယအီၪလၧအဝ့ၫနီၪ အမ့ၬၥၪဖၧၩ့ ဘဲၫၦလၧအဒၪန့ဆၧအခိးအတၩအၥိၭ
11 လီၫ.- စစီလမၧၫ့အီၪလၧစဘံၭအလး လၧဘၫအလၭ ဟၫမၧၫ့တၭ, ဖ့ၪလၫ့အစဘံၭလးလၧၦပၧၩ့ဆၧအစူၪ ဖၧၩ့တၭး လၧဆၧၥၪနီၪအဂး, ဘၪဂဲၫဆိၬစ့ၩလဂၩလ
12 ထီၫ့,လဂၩလထီၫ့နီၪလီၫ.- ယစဘံၭလး,လၧအမွဲယ ဆၧနီၪ, အီၪလၧယမ့ၬယၫတၭ, နဝ့ၫဒၪ, စစီလမၧၫ့ဧ့, လထီၫ့နီၪမွဲနဆၧ, ဒဲနံၫယၩနီၪမွဲၦလၧအပၧၩ့ဆၧၥၪ နီၪအဆၧလီၫ.
13 ၦလၧအအီၪဝ့ၫလၧကျိၭဖၧၩ့, နဝ့ၫဒၪလဂၩဧ့,ၦ ထၧၫ့ထံၩထၧၫ့ၥိၭလဖၪနီၪ မိခိၭနၪနလူတၭး ဒုၭနါဂၧၫ့ ယၧၩဆ့ဘီၪ.
14 ၦလၧယအဲၪဝ့ၫလဂၩဧ့, မၩချဲၫ့ချဲၫ့ဘီၪး အီၪနဝ့ၫ ဘဲၫခံၫဘၩ့, ဒဲထရဲဖိၪအၥိၭ လၧဆၧနၧၫ့မၧၫ့အခိၪလီၩ့ အလီၩ့နီၪဆံၭ.