7
(ၥ ကွ့ၭ ၥ၇:ၥ-ၥ၅).
1 စဎွၩဆၧၫ့နၩ့ လၧအဂံၪ့ဖၧၩ့တၭ, ယဟိဝၩဒုၭအီၪ ပွံၭအဝ့ၫလၧအဒုၪအဒၩ အီၪဝၬဖီၩ့ဝ့ၫ ထီးအလူၬ
2 တၭး- ဆၧမၩအၥၭလၧစဎွၩစံၭမီၪစနၫၥၫ့, ယိခွါဘီၪ, ယအီၪလၧဂံၪ့ၥံၪ့ၡိၫအ့ရၭအဖၧၩ့, အ့ၪမွဲယဟိဝၩအ
3 တလၫအီၪဝ့ၫလၧကလကၫၥံၪအဖၧၩ့လခီၫလီၫ.- တၭ စနၫၥၫ့စံၭစဎွၩ, လ့ၩဘီၪ, မၩကယဲဆၧလၧအအီၪဝ့ၫ လၧနၥၭခံဖၧၩ့ဆံၭ. အဂဲးဘဲၫယီၩ ယဟိဝၩအီၪလၧ နၥိၭလီၫ.
4 လၧမုလနၩနီၪဆၧမၩအၥၭ လၧယဟိဝၩအလူလၩ့
5 ဘၪစနၫၥၫ့တၭ,စံၭဝ့ၫဒၪ,- လ့ၩလီၩဘၪယခ့ၫယၡၩ စဒၫဝံၭ,ယဟိဝၩစံၭဝ့ၫဘဲၫယီၩ, နမိၥုၪ့ယဂံၪ့လၧယမိ
6 အီၪလၧအဖၧၩ့ဆ့ဧၪ.- ခီၫလၧမုနံၩလၧယဒုၭဂဲၫထၪ့ ၦအံၫစရ့လၭဖိၪလၧအံဇံၭအဖၧၩ့ ထီၩ့လၩ့လၧမုဆၫ လနံၩယီၩ ယအီၪဘၪဒံၭလၧဂံၪ့ဖၧၩ့အ့ၬ. အ့ၪမွဲယ လ့ၩဆၧလၧတဲၩဖၧၩ့ ဒဲလၧတဲၩဆံၫ့ဎံၪ အဖၧၩ့လီၫ.
7 လၧကယဲဆၧအလးထီးယလ့ၩဆၧ လၧအံၫစရ့လၭဖိၪ ထီးအလူၬအၥိၭနီၪ, ယချဲၩ့ဆၧလၧအံၫစရ့လၭအၡၩ စ့ၩရၫ့ဆၧလဖၪ, လၧယမၪလူၬယိထဲၩ့ခွါထဲၩ့ယၡၩ ခမျၧးအံၫစရ့လၭတၭ, စံၭ,နၥံၪလၥုၪ့ထၪ့န့ဘၪယၧၩ
8 လၧဂံၪ့ၥံၪ့ၡိၫအ့ရ့ၭနီၪ, မွဲဘၪလဲၪနီၪဆ့ဧၪ.- တၭဘိၩ့ နဲၪ့ယီၩနမိဘၪစံၭ, ယခ့ၫယၡၩစဒၫဝံၭဘဲၫယီၩ, ဆၧ ၥုၭမုခမျၧးအယဟိဝၩ စံၭဘဲၫယီၩ, ယမၩန့ထၪ့ခွံၬ နၧၩလၧၥိၪအဖီၩ့ထီးနဖိၬၥိၪအခဲၫ့, ဘဲၫၥိၭနမိကဲၪထၪ့ ဆၧအခိၪလၧယၡၩခမျၧးအဖၫ့ခိၪ, လၧအံၫစရ့လၭအ
9 ဖၫ့ခိၪလီၫ.- တၭထီးနလ့ၩဆၧလစီၪ့လါလါနီၪယအီၪ လၧနၥိၭတၭ, ယဖ့ၬထ့ၬခွံၬနဒုၪနဒၩ ထီးအလူၬလၧ နမ့ၬယၫတၭ, ယအီၪက့ၪယူၭနမံၩ့လၧဆၧအဒိၪ, ဘဲၫ
10 ၦအဒိၪလၧဂၪ့ခိၪချိၫ့အမံၩ့အၥိၭယူၭ.- ယအီၪက့ၪ ယူၭဆၧအလးလၧယၡၩခမျၧး အံၫစရ့လၭအဂးယူၭ တၭ,ယၥုၪ့လၩ့ယူၭဝ့ၫဘဲၫၥိၭ အမိအီၪလၧအလးဒၪ ဝ့ၫတၭ, စဲၪ့လၧၩ့အ့ၬ, တၭၦအၧၩ့ဖိၪမိမၩၡၪ့မၩနၭ
11 ဘၪလၧၩ့အဝ့ၫၥံၪဘဲၫလၧ အခၪ့ထံၭအၥိၭအ့ၬ.- တၭ လၧမုလနံၩလၧယမၪလူၬ ၦစ့ၩရၫ့ဆၧလၧယၡၩခမျၧး အံၫစရ့လၭအဖၫ့ခိၪ, ဒဲဒုၭအီၪပွံၭနၧၩ လၧနဒုၪနဒၩ ထီးအလူၬယူၭတၭ, ယဟိဝၩစံၭနၧၩလၧအမိၥုၪ့န့နၧၩ
12 လၧဂံၪ့နးဖျိၪ့လီၫ.- တၭထီးမုနံၩဎွ့ၩထၪ့နီၪ, နမိမံၫလၧ နဖါလဖၪအၥိၭတၭ, ယမိအီၪက့ၪထၪ့နချံၫနၥၪလၧန လးခဲၫ့နီၪ, လၧအမိဂဲၫထၪ့လၧနဂူၭဖိၫ့ဖၧၩ့တၭ, ယမိ
13 ဒုၭအီၪဂုးအီၪခၧၫ့အဘၩ့အမုးနီၪလီၫ.- အဝ့ၫဒၪလဂၩ နီၪမိၥုၪ့ဂံၪ့နးဖျိၪ့လၧယမံၩ့အဂးတၭ, ယမိဒုၭအီၪဂုး ခၧၫ့အဘၩ့အမုးအလးဆီၩ့ဆီ လၩ့ဆိၩလၩ့ကၠၪလီၫ.
14 တၭယမိကဲၪထၪ့အဖါတၭ, အဝ့ၫဒၪနီၪမိကဲၪထၪ့ယဖိၪ ခွၫလီၫ. အ့ၪမၩဆၧဒဲၩဘၭတၭ, ယမိအၪ့ၥီၪ့ဝ့ၫလၧ ၦၡၩအနိၪဖျ့ၪ, ဒဲလၧၦၡၩအဖိၪအဆၧထးလဖၪလီၫ.
15 မွဲလါနၫ့တၭ, ယဆၧယၫ့ၥုၪ့ယၫ့ၥၭစဲၪ့ဒၪအဝ့ၫ, ဘဲၫ ယမၩန့ထၪ့ထဲၩ့ဝ့ၫလၧစစီလူၫ, ၦလၧယခွံၬၡိၭလၧန
16 မ့ၬယၫအၥိၭနီၪအ့ၬ.- တၭနဂံၪ့ဒဲနဘၩ့နမုးမိအီၪဂုး အီၪခၧၫ့အဆိၩအကၠၪ လၧနမ့ၬယၫတၭ, နလးဆီၩ့ဆီ
17 မိအီၪဂုးအီၪခၧၫ့အဆိၩဆိၩအကၠၪကၠၪလီၫ.- တၭဘဲၫ ဆၧချဲၩ့ထီးအလူၬအၥိၭနီၪ, ဒဲဘဲၫကယဲဆၧဒၪလၧ ယၫလခီၫအၥိၭနီၪ, စနၫၥၫ့ချဲၩ့ဆၧလၧစဒၫဝံၭဘဲၫနီၪ အၥိၭလီၫ.
(ၥကွ့ၭ ၥ၇:ၥ၆-၂၇).
18 စဎွၩဒၫဝံၭလ့ၩနုၬတၭ, ဆၧၫ့နၩ့လၧယဟိဝၩအမ့ၬ ယၫတၭစံၭဝ့ၫဒၪ, ယဟိဝၩဧ့, လၧနၥိၫ့ယူၭယၧၩခီး ဘိၩ့နဲၪ့ယီၩယမွဲပလၫလဂၩလဲၪ. ဒဲယဂံၪ့မွဲဆၧနီၪလ
19 မံၩ့လဲၪ.- တၭနချဲၩ့ဝဲၩယူၭဆၧနီၪလၧနခ့ၫနၡၩအဂံၪ့ အဂဲးအကၠီၪ့စူၩယၫလခီၫ ယံၬယံၬနီၪ, မွဲဆၧအဆံၭ လမံၩ့လၧနမ့ၬယၫဧၪ, ယဟိဝၩယွၩဧ့, အယီၩမွဲၦၡၩ
20 အထူၫအရူၫဆ့ဧၪ, ယဟိဝၩယွၩဧ့,- တၭစဒၫဝံၭမိစံၭ ဒံၭနၧၩလၧဆၧနီၪလမံၩ့လဲၪ. အဂဲးဘဲၫယီၩနဝ့ၫဒၪ,ယ
21 ဟိဝၩယွၩဧ့,နၥ့ၪယၫနခ့ၫနၡၩလီၫ.- လၧနလူနထၫအ ကၠီၩ့,ဒဲဘဲၫနၥၭဒၪနဝ့ၫအၥိၭနီၪ နမၩယူၭဆၧအဒိၪလ
22 ဖၪယီၩဘဲၫၥိၭနခ့ၫနၡၩမိၥ့ၪယၫဆၧလီၫ.- မၩအၥၭ ဘဲၫနီၪတၭ,နမွဲဆၧဒိၪ, ယဟိဝၩယွၩဧ့, ဘဲၫနၧၩအၥိၭ အီၪအ့ၬ. တၭဘဲၫကယဲဆၧလၧပနါဂၧၫ့လၧပနါအၥိၭ
23 နီၪအ့ၪလမွဲဘၪနၧၩယွၩအီၪအ့ၬ.- တၭၦလဆၨၩလၧ ဂၪ့ခိၪချိၫ့လၩ့ဂၬနၡၩခမျၧး, အံၫစရ့လၭလၧယွၩလ့ၩ ဎွ့ၩန့ထဲၩ့လၧအၡၩလဆၨၩ လၧအဂးဒၪဝ့ၫ, ဘဲၫၥိၭ အမိမၩကဲၪထၪ့အမံၩ့တၭ, ဘဲၫၥိၭအမိမၩဆၧအဒိၪ လဖၪ,ဒဲဆၧၥၭမဲၪအလးလဖၪလၧအဝ့ၫၥံၪအဂး, လၧ နခးအဂး,လၧနၡၩခမျၧးအမ့ၬယၫ လၧနဎွ့ၩန့ထဲၩ့လၧ နဂးလၧအံဇံၭ, လၧၦဆၨၩလဖၪ, ဒဲအဝ့ၫၥံၪအယွၩ
24 လဖၪနီၪမွဲဆၧနီၪလဆၨၩလဲၪ.- အဂဲးဘဲၫယီၩနအီၪ က့ၪဂုးအီၪက့ၪခၧၫ့ယူၭ နၡၩခမျၧးအံၫစရ့လၭလၧန ဂးၦၡၩလဆၨၩအဆိၩဆိၩအကၠၪကၠၪ လၧနဂးတၭ, နဝ့ၫဒၪယဟိဝၩဧ့, နကဲၪထၪ့ယူၭအဝ့ၫၥံၪအယွၩယူၭ.
25 တၭဘိၩ့နဲၪ့ယီၩယဟိဝၩယွၩဧ့, ဆၧချဲၩ့လၧနချဲၩ့ဆၧ လၧနခ့ၫနၡၩအဂဲးအကၠီၪ့ ဒဲလၧအဂံၪ့အဂဲးအကၠီၪ့နီၪ, မၩဂုးမၩခၧၫ့အဝ့ၫလၩ့ဆိၩလၩ့ကၠၪတၭ, မၩဆၧဘဲၫန
26 ချဲၩ့ယူၭအၥိၭနီၪဆံၭ.- တၭမွဲဆၧအီၪက့ၪဒိၪနမံၩ့အ ဆိၩအကၠၪ,စံၭဝ့ၫ, ဆၧၥုၭမုခမျၧးအယဟိဝၩ, မွဲအံၫ စရ့လၭအယွၩတၭ, မွဲနခ့ၫနၡၩစဒၫဝံၭ အဂံၪ့အီၪဂုး
27 အီၪခၧၫ့လၧနမ့ၬယၫဆံၭ.- အဂဲးဘဲၫယီၩနဝ့ၫဒၪဆၧ ၥုၭမုခမျၧးအယဟိဝၩ အံၫစရ့လၭအယွၩဧ့, နနဲၪဖျီၪ ဆၧလၧနခ့ၫနၡၩအနါဖၧၩ့တၭ, နစံၭယမိၥုၪ့န့နၧၩလၧ ဂံၪ့လဖျိၪ့လီၫ. မၩအၥၭဘဲၫနီၪတၭ, နခ့ၫနၡၩဒၪန့ဆၧ လၧအၥၭခံဖၧၩ့ဘဲၫၥိၭ အမိဘၩဆိၪဖၪဆၧဘၩဆိၪဖၪ ယီၩလၧနၧၩလီၫ.
28 ဘိၩ့နဲၪ့ယီၩ,ယဟိဝၩယွၩဧ့, နမွဲယွၩလဂၩနီၪတၭ, နလူမွဲဆၧအမွဲအတီၩတၭ, နစံၭဝဲၩဆၧဂ့ၩယီၩလၧန
29 ခ့ၫနၡၩလီၫ.- တၭဘိၩ့နဲၪ့ယီၩမွဲအဘၪနၥၭတၭဆိၪ ဂ့ၩလါနခ့ၫနၡၩအဂံၪ့ ဘဲၫၥိၭအမိအီၪဝ့ၫလၧနမ့ၬယၫ အဆိၩအကၠၪဆံၭ. အဂဲးဘဲၫယီၩ နဝ့ၫဒၪယဟိဝၩ ယွၩဧ့,နချဲၩ့ယူၭဆၧယူၭတၭ, မွဲနခ့ၫနၡၩ အဂံၪ့ဘၪ ဆၧဆိၪဂ့ၩ, လၧနဆၧဆိၪဂ့ၩလၩ့ဆိၩလၩ့ကၠၪဆံၭ.