5
(ၥ ကွ့ၭ ၥၥ:ၥ-၉ ၥ၄:ၥ-၇).
1 ထီးနီၪလဖၧၫ့အံၫစရ့လၭအဒီၪ့လဖၪ ထီးအလူၬဂဲၫ လၧစဒၫဝံၭအအီၪ, လၧဟံဘြၧၫ့တၭ, ချဲၩ့ဆၧစံၭဝ့ၫ
2 ဒၪ,ယိခွါ,ပမွဲနဎွံၪဒဲနယၪလီၫ.- လၧထံၭလၧမီခိၬစစီ လူၫကဲၪစဎွၩလၧပဖၫ့ခိၪနီၪ, နမွဲၦလၧအလ့ၩၥိၫ့ထၪ့, ဒဲဂဲၫၥိၫ့နုၬအံၫစရ့လၭတၭ, ယဟိဝၩစံၭနၧၩ,နမိဘၪ ယိထဲၩ့ခွါထဲၩ့ယၡၩခမျၧးအံၫစရ့လၭတၭ, နမိကဲၪ
3 ထၪ့အံၫစရ့လၭအခိၪလီၫ.- အံၫစရ့လၭအၡၩၥုၪ့က့ၭ ၥၭၡါထီးအလူၬ ဂဲၫလၧစဎွၩအအီၪ လၧဟံဘြၧၫ့အ ဖၧၩ့တၭ, စဎွၩဒၫဝံၭအုၩ့လၩ့ဆၧလၧအဝ့ၫၥံၪလၧဟံ ဘြၧၫ့အဖၧၩ့လၧယဟိဝၩအမ့ၬယၫတၭ, အဝ့ၫၥံၪဂုၪ
4 စဒၫဝံၭလၧစဎွၩလၧအံၫစရ့လၭအဖၫ့ခိၪလီၫ.- လၧ စဒၫဝံၭကဲၪထၪ့ၥၫ့စဎွၩနီၪ အၥၭအီၪအနံၪ့ၥၧၫ့ဆံၫ
5 တၭ,ကဲၪထၪ့စဎွၩအနံၪ့လံဆံၫလီၫ.- လၧဟံဘြၧၫ့အ ဖၧၩ့အဝ့ၫဒၪကဲၪစဎွၩလၧယုဒၫအဖၫ့ခိၪ နွ့ၫနံၪ့ဒဲလၩ ဎူၫဘံၪ့တၭ, လၧယရုစလံၫ့အဖၧၩ့ အဝ့ၫဒၪကဲၪစဎွၩ လၧယုဒၫဒဲလၧအံၫစရ့လၭထီးအလူၬ အဖၫ့ခိၪၥၧၫ့ ဆံၫၥၧၫ့နံၪ့လီၫ.
6 စဎွၩဒဲအၡၩၥံၪလ့ၩထီၩ့လၧယရုစလံၫ့, လၧၦယ့ ဘုၫဖိၪ, ၦခးဖိၪအအီၪတၭ, အဝ့ၫၥံၪချဲၩ့ဆၧလၧစဒၫ ဝံၭတၭ,စံၭဝ့ၫဒၪ, နအ့ၪလဆိၬထၪ့ခွံၬဘၪၦမ့ၬဘျီၪ,ဒဲ ၦအခၪ့ဂၭဂီၩ့တၭ, နဂဲၫနုၬဘၪထီးယီၩအ့ၬ, (ဆီၫ့မီၪ့
7 ဝ့ၫလၧစဒၫဝံၭဂဲၫနုၬထီးနီၪၥ့ၪအ့ၬ.- မွဲလါနၫ့တၭစဒၫ ဝံၭမၩန့ဇံအိၫ့အထိၬလီၫ. အနီၪမွဲစဒၫဝံၭအဒိၩ့လီၫ.)
8 စဒၫဝံၭစံၭဝ့ၫလၧမုလနံၩနီၪ, ထီးဒၪၦလဂၩဂၩလၧ အထၪ့ဝ့ၫလၧထံၫကၠီၪ့တၭ, ဖ့ၬခွံၬၦယ့ဘုၫဖိၪ, ဒဲၦအ ခၪ့ဂၭဂီၩ့, ဒဲၦအမ့ၬဘျီၪလၧစဒၫဝံၭၥၭဂဲၫ့ဝ့ၫနီၪ, မွဲအ မိကဲၪထၪ့ဆၧအခိၪလီၫ. အဂဲးဘဲၫယီၩ ၦစံၭဝ့ၫလၧၦ မ့ၬဘျီၪ, ဒဲၦအခၪ့ဂၭဂီၩ့လဖၪနီၪ ဂဲၫနုၬဘၪလၧဂံၪ့ဖၧၩ့ အ့ၬ.
9 စဒၫဝံၭအီၪဝ့ၫလၧထိၬဖၧၩ့တၭ, ဖျိၬဝ့ၫအမံၩ့လၧစ ဒၫဝံၭအဒိၩ့လီၫ. စဒၫဝံၭၥုၪ့ထၪ့ဝၬဖီၩ့ဆၧ လၧမံလိၫ, ဒဲလၧအဖၧၩ့လခီၫလီၫ.
10 တၭစဒၫဝံၭလ့ၩဆၧ,ဒဲဒိၪထၪ့တၭ, ယဟိဝၩဆၧၥုၭ မုခမျၧးအယွၩအီၪလၧအၥိၭလီၫ.
11 တဲအၫအစဎွၩစဟဲရၫ့ အၪ့မၧၫ့လၩ့အၥီၫ့ၥံၪလၧစ ဒၫဝံၭအအီၪတၭ, ဖ့ၪယုၥံၪ့ၡိၫအ့ရ့ၭလဖၪ, ၦလဲၬၥမါ ၥံၪ,ဒဲၦပၠၫ့ၥမါၥံၪတၭ, အဝ့ၫၥံၪမၩထၪ့စဒၫဝံၭအဂံၪ့
12 လဖျိၪ့လီၫ.- တၭစဒၫဝံၭၥ့ၪယၫဝ့ၫလၧယဟိဝၩအီၪ က့ၪဂုးအီၪက့ၪခၧၫ့အဝ့ၫ လၧစဎွၩလၧအံၫစရ့လၭအ ဖၫ့ခိၪ,ဒဲလၧအအီၪက့ၪထၪ့ထီၫ အဘၩ့အမုးလၧအ ၡၩခမျၧးအံၫစရ့လၭအကၠီၩ့လီၫ.
13 လၧအဂဲၫထၪ့လၧဟံဘြၧၫ့အလးခဲၫ့နီၪ စဒၫဝံၭမၩ န့အၪထၪ့အၥံၪမၫ, ဒဲအမၫလဖၪ လၧယရုစလံၫ့အ ဖၧၩ့တၭ,ဖိၪမုၪၥံၪ, ဒဲဖိၪခွၫၥံၪ, အီၪဖျဲၪဒံၭလၧစဒၫဝံၭ
14 အဂးလီၫ.- တၭၦလၧအအီၪဖျဲၪ လၧအဂးလၧယရုစ လံၫ့အဖၧၩ့လဖၪအမံၩ့မွဲဘဲၫယီၩ, စၡၫ့မုၫအၫဒဲစၡိ
15 ဘၭ,ဒဲစနၫၥၫ့,ဒဲစစီလမၧၫ့,- စအံၭဘဟၫနီၪဆ့, ဒဲစ
16 အ့ၭလရှုအၫ,ဒဲစနံဖ့ၭ, ဒဲစယၫဖဲအၫ,- ဒဲစအံၫလံၭၡ မၫ,ဒဲစအံၫလဲအဒၫ, ဒဲစအံၫလံၭဖလ့ၭလီၫ.
(ၥကွ့ၭ ၥ၄;၈-ၥ၇).
17 အ့ၪမွဲထီးၦဖလံၡၫဖိၪနါဂၧၫ့ဝ့ၫ လၧၦဂုၪစဒၫဝံၭလၧ စဎွၩလၧအံၫစရ့လၭအဖၫ့ခိၪတၭ, ၦဖလံၡၫဖိၪထီး အလူၬဂဲၫအၪ့ဎၬစဒၫဝံၭတၭ, စဒၫဝံၭနါဂၧၫ့ဝ့ၫတၭ,
18 လ့ၩထၪ့ဝ့ၫလၧထိၬဖၧၩ့လီၫ.- ၦဖလံၡၫဖိၪဂဲၫဆ့တၭ, အီၪပၩလၩ့အၥၭ လၧခိၪလီၩ့ဆူၭရ့ၭဖအံၫ့အဖၧၩ့
19 လီၫ.- စဒၫဝံၭအၪ့စၪ့ဆၧလၧယဟိဝၩတၭ, စံၭဝ့ၫဒၪ, ယမိဘၪလ့ၩထၪ့လၧၦဖလံၡၫဖိၪအအီၪနီၪဧၪ. နမိဖ့ၪ လၫ့ခွံၬအဝ့ၫၥံၪလၧယစူၪဖၧၩ့ဆ့ဧၪ. တၭယဟိဝၩစံၭ စဒၫဝံၭလ့ၩထၪ့ဆံၭ. အဂဲးဘဲၫယီၩယမိဖ့ၪလၫ့ခွံၬတ
20 ၡါၦဖလံၡၫဖိၪလၧနစူၪဖၧၩ့လီၫ.- စဒၫဝံၭဂဲၫဝ့ၫလၧ ဘၫအလၭပ့ရဇံၫ့တၭ, စဒၫဝံၭဖ့ၬခွံၬအဝ့ၫၥံၪထီးနီၪ တၭ,စံၭဝ့ၫဒၪ, ယဟိဝၩဘုၪ့ဖိးဆၧလၧယမ့ၬယၫလၧ အဒုၪအဒၩအဖၫ့ခိၪ, ဘဲၫထံၫဘုၪ့ဖိးဆၧအၥိၭနီၪလီၫ. မၩအၥၭဘဲၫနီၪတၭဆၧအလးနီၪ ဖျိၬဝ့ၫအမံၩ့ဘၫအ
21 လၭပံရဇံၫ့လီၫ.- အဝ့ၫၥံၪစဲၪ့ဒၪခွံၬ အဆၧဂၩ့လဖၪ ထီးနီၪတၭ, စဒၫဝံၭဒဲအၡၩလဖၪနီၪ ဆူၭထၪ့ခွံၬဝ့ၫ လၧမ့ၪလီၫ.
22 ၦဖလံၡၫဖိၪဂဲၫထၪ့ဒီၭလဖၧၫ့တၭ, အီၪပၩလၩ့အ
23 ၥၭလၧခိၪလီၩ့ဆူၭ ရ့ၭဖအံၫ့အဖၧၩ့လီၫ.- ထီးစဒၫဝံၭ အၪ့စၪ့ယဟိဝၩတၭ, အဝ့ၫဒၪစံၭ, နလ့ၩထၪ့ဘၪအ့ၬ. လ့ၩဎဲၪ့လၧအဝ့ၫၥံၪအချိၫ့လခီၫတၭ, ဂဲၫထၪ့လၧအဝ့ၫ
24 ၥံၪအဖၫ့ခိၪဆဲၫဎၩ့လၧၥံၪ့ထိဆၪလဖၪနီၪဆံၭ.- တၭ ဆၧမိမၩအၥၭထီးနနါဂၧၫ့ဆၧအၥီၫ လၧၥံၪ့ထိဆၪၥံၪ အခံၫနီၪတၭ, နမိဘၪထိၪဂဲၩနၥၭလီၫ. အဂဲးဘဲၫယီၩ ထီးနီၪလဖၧၫ့ယဟိဝၩမိလ့ၩဆၧ လၧနမ့ၬယၫဘဲၫၥိၭ
25 အမိဖ့ၬခွံၬၦဖလံၡၫ အၥုၭမုခမျၧးနီၪလီၫ.- တၭစဒၫ ဝံၭမၩဝ့ၫဘဲၫယဟိဝၩ မၪလူၬဝ့ၫအၥိၭနီၪတၭ, ဖ့ၬခွံၬ ၦဖလံၡၫဖိၪ လၧဂံဘၫ ဖိးလၧနဂဲၫနုၬ လၧဂၫဇၧၫနီၪ လီၫ.