13
1 ဆၧနီၪအလးခဲၫ့ ဆၧမၩအၥၭ လၧစဒၫဝံၭအဖိၪခွၫ စအၭဘစလၧၫ့အီၪလၧအထၧၫ့ဖုဝဲမုၪလဂၩ လၧအခံး အဂၩ့ဂ့ၩ, အမံၩ့မွဲနးတၫမၫတၭ, စဒၫဝံၭအဖိၪခွၫစအၫ
2 မနၧၫ့အဲၪဝ့ၫလီၫ.- တၭစအၫမနၧၫ့အၥုၪ့ခိအၥၭဝီၩ ထီးအဆၫထၪ့ဝ့ၫလၧအထၧၫ့ဖုဝဲမုၪ နးတၫမၫအကၠီၩ့ လီၫ.အဂဲးဘဲၫယီၩမွဲၦမုၪနၩ့လဂၩတၭ, မၩဆၧလၧ အဝ့ၫလမံၩ့မံၩ့နီၪကၪလၧ စအၫမနၧၫ့အမ့ၬယၫလီၫ.
3 စအၫမနၧၫ့အီၪလၧအထံၩအၥိၭလဂၩ, အမံၩ့မွဲစယီန ဒၭ,စဒၫဝံၭအထၧၫ့ဖုဝဲ စၡံမအၫအဖိၪခွၫလီၫ. တၭ
4 စယီနဒၭနီၪ မွဲၦကိၪ့ဆၧၥ့ၪမၬလဂၩလီၫ.- တၭအဝ့ၫ ဒၪစံၭအဝ့ၫ စဎွၩအဖိၪခွၫနဝ့ၫဒၪယီၩ, နဎွ့လၩ့လနံၩ ဘၪလနံၩနီၪမွဲအဘၪ ဆၧနီၪလမံၩ့လဲၪ. နလီၩဘၪ ယၧၩအ့ၬဧၪ. တၭစအၫမနၧၫ့စံၭအဝ့ၫ, ယအဲၪယထၧၫ့ ဖုဝဲမုၪစအၭဘစလၧၫ့အထၧၫ့ဖုဝဲမုၪ နးတၫမၫနီၪ
5 လီၫ.- စယီနဒၭစံၭအဝ့ၫ, မံၫနၩ့လၧနလးမံၫဖၧၩ့တၭ, ကျဲၩ့မၩဆၫနၥၭ, ထီးနဖါဂဲၫအၪ့စၪ့နၧၩတၭ, စံၭအ ဝ့ၫ,ဒုၭဂဲၫလါယထၧၫ့ဖုဝဲမုၪနးတၫမၫ, လၧအမိဖ့ၪလၫ့ ယၧၩလၧဆၧအၪ့ ဒဲတဲၩ့ဝဲၩဆၧလၧယမ့ၬယၫဘဲၫၥိၭ
6 ယမိဒၪဘၪဆၧလၧအစူၪဖၧၩ့ဆံၭ.- စအၫမနၧၫ့မံၫနၩ့ ကျဲၩ့မၩဆၫအၥၭတၭ, ထီးစဎွၩဂဲၫယိဝ့ၫနီၪ စအၫမ နၧၫ့စံၭစဎွၩ, ဒုၭဂဲၫလါယထၧၫ့ဖုဝဲမုၪနးတၫမၫလၧအ မိမၩန့ယၧၩ လၧကိၪပၪပဲၪနံၫဘံၪ့ လၧယမ့ၬယၫဘဲၫ ၥိၭယမိအၪ့ဆၧလၧအစူၪဖၧၩ့နီၪဆံၭ.
7 ထီးနီၪလဖၧၫ့စဒၫဝံၭအၪ့မၧၫ့လၩ့ ဆၧလၧနးတၫမၫ အဂံၪ့တၭ, စံၭဝ့ၫဒၪ, လ့ၩလၧနထၧၫ့ဖုဝဲစအၫမနၧၫ့အ
8 ဂံၪ့တၭ,တဲၩ့ဝဲၩန့အဝ့ၫဒၪအဆၧအၪ့ဆံၭ.- အခိးမွဲနး တၫမၫလ့ၩဝ့ၫလၧအထၧၫ့ဖုဝဲ စအၫမနၧၫ့အဂံၪ့တၭ, အဝ့ၫဒၪမံၫနၩ့ဝ့ၫလီၫ. တၭအဝ့ၫဒၪ မၩန့ကိၪမုၬတၭ, ဘံၭဝ့ၫတၭမၩကိၪပၪပဲၪလၧအမ့ၬယၫတၭ, အၪ့ဎူကိၪ ပၪပဲၪၥံၪလီၫ.
9 တၭမၩန့ဆၧပၪပဲၪနီၪ, ဂါလၩ့န့ဝ့ၫလၧအမ့ၬယၫး မွဲလါနၫ့ဘိၩစအၫမနၧၫ့ မိအၪ့ဘၪအၥၭအ့ၬ. တၭစံၭ ဝ့ၫဒၪ,မွဲၦခွၫၥံၪစဲၪ့ထၪ့ခွံၬ လၧယအီၪထီးအလူၬဆံၭ. တၭၦခွၫၥံၪစဲၪ့ထၪ့ခွံၬ လၧအအီၪ ကိၭဂၩဒ့ၭလီၫ.
10 စအၫမနၧၫ့စံၭနးတၫမၫ, ဂဲၫဆိၬဆၧအၪ့လၧဒူၭဖၧၩ့ တၭ,ယမိအၪ့ဆၧလၧနစူၪဖၧၩ့လီၫ. တၭနးတၫမၫမၩ န့ကိၪပၪပဲၪ လၧအမၩယူၭတၭ, ဂဲၫဆိၬဝ့ၫ လၧအဒူၭ
11 ဖၧၩ့လၧအထၧၫ့ဖုဝဲ စအၫမနၧၫ့အအီၪလီၫ.- ထီးအ ဂဲၫဆိၬဝ့ၫဘဲၫၥိၭ အမိအၪ့ဘၪတၭ, အဝ့ၫဒၪဖီၪ့န့ဝ့ၫ တၭ,စံၭအဝ့ၫဂဲၫမံၫဎုၬလၧယၧၩဆံၭ, ယထၧၫ့ဖုဝဲမုၪ
12 ဧ့,- တၭၦမုၪစံၭဆၧၫ့ဝ့ၫ,မွဲအ့ၬ, ယထၧၫ့ဖုဝဲခွၫဧ့,ထီး ဆၪ့လၩ့ယၧၩလဂ့ၩ, အဂဲးဘဲၫယီၩ မၩဆၧဘဲၫနီၪ လၧအံၫစရ့လၭအဖၧၩ့ဂ့ၩအ့ၬ. မၩၦဂၭဂီၩ့ဖိၪအဆၧ
13 မၩလမံၩ့ယီၩလဂ့ၩ.- တၭယဝ့ၫဒၪယမိဒုၭစဲၪ့ထၪ့ခွံၬ ယဆၧမ့ၬမဲဘဲၫၥ့ၪလဲၪ. တၭနဝ့ၫဒၪ နမိကဲၪထၪ့ဘဲၫ ၦဂၭဂီၩ့ဖိၪလဂၩ အၥိၭလၧအံၫစရ့လၭ အဖၧၩ့လီၫ. တၭဘိၩ့နဲၪ့ယီၩ ချဲၩ့ဆၧလၧစဎွၩဆံၭ. အဂဲးဘဲၫယီၩ အဝ့ၫမိပဒၩ့ယၧၩလၧနၧၩအ့ၬ.
14 မွဲလါနၫ့ဘိၩအဝ့ၫခိၭနၪအလူအၥၭအီၪအ့ၬ. အ့ၪမွဲ လၧအဆီၪ့နဲၪ့အဝ့ၫဒၪအကၠီၩ့တၭ, ဆၪ့လၩ့ဆီၪ့ဝ့ၫ
15 တၭ,မံၫဎုၬဝ့ၫလီၫ.- ထီးနီၪလဖၧၫ့စအၫမနၧၫ့ၥၭဂဲၫ့ အဝ့ၫဒိၪဒိၪလ့ၬ ထီးဆၧၥၭဂဲၫ့ လၧအၥၭဂဲၫ့ဝ့ၫနီၪဒိၪ နဲၪ့ဆၧအဲၪလၧအအဲၪယူၭဝ့ၫနီၪလီၫ. တၭစအၫမနၧၫ့ စံၭအဝ့ၫး ဂဲထုၪ့စဲၪ့ထၪ့ခွံၬဘီၪ. တၭအဝ့ၫနီၪ စံၭဝ့ၫ, အလးအီၪအ့ၬ.
16 ဆၧအၧၩ့လၧနနၫ့ထၪ့ခွံၬယၧၩယီၩ ဒိၪနဲၪ့ဆၧဂူၫ ဂၩလမံၩ့ လၧနမၩယၧၩဒံၭလီၫ. တၭခိၭနၪအလူနီၪ
17 အၥၭအီၪအ့ၬ.- တၭကိၭန့အခ့ၫအၡၩလဂၩ လၧအ မၩအခ့ၫအၡၩအဆၧတၭ, စံၭဝ့ၫဒၪ, နၫ့ထၪ့ခွံၬၦလ ဂၩယီၩလၧယအီၪတၭ, ဆ့ၭထၬတရၫ့ လၧအဝ့ၫဒၪအ
18 လးခဲၫ့ဆံၭ.- တၭၦမုၪနီၪၥိၭအဆဲၫ့ကံၪကဲၩ့လီၫ. အ ဂဲးဘဲၫယီၩ စဎွၩအဖိၪမုၪအမုၪနၩ့ၥံၪ ၥိၭဆဲၫ့ဘဲၫနီၪ လီၫ. တၭအခ့ၫအၡၩ ဒုၭစဲၪ့ထၪ့ခွံၬဝ့ၫ လၧခီၫ့တၭ, ဆ့ၭထၬတရၫ့လၧအဝ့ၫဒၪအလးခဲၫ့လီၫ.
19 နးတၫမၫအီၪက့ၪထၪ့ဖံၫ့ချၪ လၧအခိၪဎွံၪတၭ, ၡၫ့ အဆဲၫ့ကံၪကဲၩ့လၧအၥိၭဝ့ၫနီၪ, အီၪက့ၪအစူၪလၧအ ခိၪဎွံၪတၭ, ထဲၩ့လခီၫဂၪ့လခီၫလီၫ.
20 တၭအထၧၫ့ဖုဝဲ စအၭဘစလၧၫ့စံၭအဝ့ၫ, မွဲနထၧၫ့ဖု ဝဲစအၫမနၧၫ့အီၪယူၭလၧနၥိၭဆ့ဧၪ. မွဲလါနၫ့ဘိၩ့နဲၪ့ ယီၩ,အီၪလၩ့မါပံၭဘီၪ, ယထၧၫ့ဖုဝဲမုၪဧ့း အဝ့ၫဒၪ ထၧၫ့ဖုဝဲလၧနၧၩတၭ, အီၪက့ၪဆၧလမံၩ့နီၪလၧဆၧနး မံၩ့လဂ့ၩ, ဧီၪး အခိးမွဲနးတၫမၫအီၪလၧအထၧၫ့ဖုဝဲစ အၭဘစလၧၫ့အဂံၪ့ဖၧၩ့လီၫ.
21 အ့ၪမွဲစဎွၩနါဂၧၫ့ဆၧလဖၪနီၪ ထီးအလူၬတၭ,အ ၥၭထၪ့ဒိၪမၬလီၫ.
22 တၭလၧဆၧအၧၩ့မွဲဂ့ၩ, လၧဆၧဂ့ၩမွဲဂ့ၩ, စအၭဘ စလၧၫ့ချဲၩ့ဆၧ လၧအထၧၫ့ဖုဝဲစအၫမနၧၫ့နီၪ နးမံၩ့ အ့ၬ.အဂဲးဘဲၫယီၩ စအၭဘစလၧၫ့ၥၭဂဲၫ့စအၫမနၧၫ့ လၧအဆၪ့လၩ့အထၧၫ့ဖုဝဲမုၪ နးတၫမၫအကၠီၩ့လီၫ.
23 တၭမုနံၩလဖၪနံၫနံၪ့ဖီၩ့ခွံၬနီၪ ဆၧမၩအၥၭလၧစအၭ ဘစလၧၫ့အီၪလၧၦထံၬၥိၪအဆီၪ့ လၧဘၫအလၭဟၫ ဇီၫအဖၧၩ့, လၧအအီၪဝ့ၫလၧအံဖြံၫ့အဖၧၩ့တၭ, စအၭ ဘစလၧၫ့ကိၭန့စဎွၩအဖိၪခွၫလဖၪ ကိၭဂၩဒ့ၭလီၫ.
24 တၭစအၭဘစလၧၫ့ဂဲၫလၧစဎွၩအအီၪတၭ, စံၭဝ့ၫဒၪ, ယိခွါ,နခ့ၫနၡၩအီၪလၧ ၦထံၬၥိၪအဆီၪ့လဖၪလီၫ. မွဲ စဎွၩဒဲအခ့ၫအၡၩ လ့ၩလါလၧနခ့ၫနၡၩအၥိၭဆံၭ.
25 စဎွၩစံၭစအၭဘစလၧၫ့, မွဲအ့ၬ. ယဖိၪခွၫဧ့, မွဲပထီး လ့ၩၡီၩ့ထီးအလူၬ ဘိၩ့နဲၪ့ယီၩလဂ့ၩ, ပမိကဲၪထၪ့ဘၪ ခိၬဆၧဎၧၫ့လၧနဂးလီၫ. တၭအဝ့ၫဒၪအၪ့ယၫဆီၪ့ဝ့ၫ လီၫ.မွဲလါနၫ့လ့ၩဝ့ၫအၥၭအီၪအ့ၬ. အ့ၪမွဲဆိၪဂ့ၩဝ့ၫ
26 ဒၪလီၫ.- ထီးနီၪလဖၧၫ့စအၭဘစလၧၫ့ စံၭဝ့ၫဒၪ, အ့ၪ လမွဲဘၪတၭ ဒုၭလ့ၩလါယထၧၫ့ဖုဝဲ စအၫမနၧၫ့လၧ ပၥိၭနီၪဘီၪ. တၭစဎွၩစံၭဝ့ၫ, အဝ့ၫဒၪမိလ့ၩလၧနၥိၭ
27 နီၪမွဲဘၪလဲၪ.- စအၭဘစလၧၫ့ အၪ့ယၫဆီၪ့ဝ့ၫတၭ, အဝ့ၫဒၪဖျါခွံၬစအၫမနၧၫ့ ဒဲစဎွၩအဖိၪခွၫ ထီးအလူၬ
28 လၧအဝ့ၫအၥိၭလီၫ.- စအၭဘစလၧၫ့ မၪလူၬအခ့ၫအ ၡၩတၭ, စံၭဝ့ၫဒၪ, ထီးစအၫမနၧၫ့ အၥၭမုၬဝ့ၫလၧစ ဘံၭထံၫတၭ, ယိနဲၪ့ဆံၭ, ထီးယအ့ၪစံၭနၥံၪဖ့ၬစအၫ မနၧၫ့နီၪတၭ, ထီးနီၪလဖၧၫ့ မၩၥံၫအဝ့ၫဒၪဆံၭ, ထီး ၥၭမဲၪဆၧလဂ့ၩ, ယမၪလူၬနၥံၪမွဲအ့ၬဧၪ. အီၪက့ၪဒူၩ နၥံၪအၥၭတၭ, ကဲၪထၪ့ၦဂဲးဆီၪ့ အဖိၪခွၫၥံၪဆံၭ.
29 တၭစအၭဘစလၧၫ့ အခ့ၫအၡၩ မၩစအၫမနၧၫ့ ဘဲၫစ အၭဘစလၧၫ့ မၪလူၬဝ့ၫအၥိၭနီၪလီၫ. ထီးနီၪလဖၧၫ့ စဎွၩအဖိၪခွၫၥံၪဂဲထုၪ့ကိၭဂၩဒ့ၭတၭ, ထူၬထၪ့အက ၥ့ၪယီၩ့လဂၩဘၪလဂၩတၭ စဲၪ့ဖျိၭဝ့ၫကိၭဂၩဒ့ၭလီၫ.
30 အဝ့ၫၥံၪအီၪလၧဖၧၩ့ၥၭအဘိၩ့ဘၭနီၪ, ဆၧမၩအ ၥၭလၧဆၧပရၧၫ့ဂဲၫလၧစဒၫဝံၭအအီၪတၭ, စံၭဝ့ၫဒၪ, စအၭဘစလၧၫ့မၩၥံၫယူၭစဎွၩအဖိၪခွၫၥံၪ ထီးအလူၬ
31 ယူၭ.အီၪလၩ့ထးနးဂၩအ့ၬ.- ထီးနီၪလဖၧၫ့စဎွၩဂဲ ထုၪ့တၭ,ၡၫ့အကီၩ့အၥိၭ ဒဲမံၫနၩ့လၧဂၪ့ခိၪတၭ,အခ့ၫ အၡၩဆၧၫ့ထုၪ့လၧအနဲၩ့ထံၭ ထီးအလူၬအီၪလၧအ
32 ဝ့ၫၥံၪအကီၩ့အၥိၭယၬဝ့ၫဆ့လီၫ.- စဒၫဝံၭအထၧၫ့ဖု ဝဲစၡံမအၫအဖိၪခွၫ စယီနဒၭချဲၩ့ဆၧတၭ, စံၭဝ့ၫဒၪ, မွဲယကဆါထီးစံၭ လၧဆၧမၩၥံၫၦဖိၪၥၪခွၫ, စဎွၩအ ဖိၪခွၫထီးအလူၬနီၪလဂ့ၩ, အဂဲးဘဲၫယီၩ ၥံၫဝ့ၫန့ၫစ အၫမနၧၫ့လဂၩလီၫ. အဂဲးဘဲၫယီၩ ဆၧနီၪအီၪဝ့ၫလၧ စအၭဘစလၧၫ့အနိၭလၧအကိၪ့ဝဲၩဝ့ၫ, ခီၫဒၪမုလနံၩ လၧအဝ့ၫဒၪဆၪ့လၩ့အထၧၫ့ဖုဝဲမုၪ နးတၫမၫနီၪလီၫ.
33 မၩအၥၭဘဲၫနီၪတၭ, ဘိၩ့နဲၪ့ယီၩ, မွဲယကဆါစဎွၩ ထီးအီၪက့ၪဆၧလမံၩ့ယီၩ လၧအၥၭခံဖၧၩ့တၭ, စံၭ လၧစဎွၩအဖိၪခွၫ ထီးအလူၬ ၥံၫယူၭနီၪလဂ့ၩ. အဂဲး
34 ဘဲၫယီၩ ၥံၫဝ့ၫန့ၫစအၫမနၧၫ့လဂၩနီၪလီၫ.- အ့ၪမွဲစ အၭဘစလၧၫ့နီၪ စဲၪ့ဖျိၭဝ့ၫဒၪလီၫ. တၭၦဖိၪၥၪခွၫလ ဂၩလၧအခိၭဆၧနီၪ ကျဲၪ့ထၪ့အမ့ၬတၭ, ယိဝ့ၫ, ယိခွါ, ၦခမျၧးဖၭဒိၪဂဲၫဝ့ၫလၧ အချိၫ့လခီၫလၧခိၪလီၩ့အဖၩ
35 လီၫ.- တၭစယီနဒၭစံၭစဎွၩ,ယိခွါ, စဎွၩအဖိၪခွၫလဖၪ ဂဲၫဝ့ၫ, ဘဲၫနခ့ၫနၡၩစံၭဆၧအၥိၭနီၪ, ဆၧမၩအၥၭဘဲၫ
36 နီၪလီၫ.- ထီးအချဲၩ့ဆၧဂီၩ့တၭ, ယိခွါ,စဎွၩအဖိၪခွၫ လဖၪဂဲၫတၭ, အဝ့ၫၥံၪထုၭထၪ့အလူတၭ, ဂၪ့ခံးဂၪ့ၡၭ ဝ့ၫ,ဒဲစဎွၩဆ့, ဒဲအခ့ၫအၡၩထီးအလူၬ ဂၪ့ဝ့ၫနၭနၭ လ့ၬလီၫ.
37 တၭစအၭဘစလၧၫ့စဲၪ့ဖျိၭတၭး လ့ၩဝ့ၫလၧဂ့ၭၡၧၫ အစဎွၩစအၫမဟၧၭအဖိၪခွၫ စတၫလမ့ၫအအီၪလီၫ. တၭစဒၫဝံၭ အၥၭလမုၬဘၪ လၧအဖိၪခွၫ အကၠီၩ့နီၪ ကိၭမုနံၩမုနၩဒ့ၭလီၫ.
38 စအၭဘစလၧၫ့စဲၪ့ဖျိၭတၭ, လ့ၩဝ့ၫလၧဂ့ၭၡၧၫတၭ, အီၪထီးနီၪၥၧၫ့နံၪ့လီၫ.
39 တၭစဒၫဝံၭဆိၫ့လ့ၩလၧ စအၭဘစလၧၫ့အအီၪလီၫ. အဂဲးဘဲၫယီၩ အၥၭမုၬထၪ့ထဲၩ့လၧ စအၫမနၧၫ့အကၠီၩ့ တၭ,အဂဲးဘဲၫယီၩ အဝ့ၫဒၪၥံၫယူၭဝ့ၫယူၭ.