4
1 တၭစစၫမုၫအ့လၭ အလူလၩ့ဘၪ လၧအံၫစရ့လၭ ထီးအလူၬလီၫ. တၭအံၫစရ့လၭ လ့ၩထၫ့ဒၩၦဖလံ ၡၫဖိၪဘဲၫၥိၭအမိဒုၭဆၧလၧအဝ့ၫၥံၪတၭ, ၥုၪ့အတဲၩ ထီးအ့ၭဘနံဇၧၫအနဲၩ့ထံၭတၭ, ၦဖလံၡၫဖိၪ ၥုၪ့အ
2 တဲၩလၧအၫဖ့ၭအဖၧၩ့လီၫ.- တၭၦဖလံၡၫဖိၪတဲၩ့ဝဲၩ အၥၭဘဲၫၥိၭ အမိလ့ၩထၪ့ထၫ့ဒၩ အံၫစရ့လၭတၭ, ထီးအဒုၭၥုၭနီၪအံၫစရ့လၭ ဘၪဆၧဖ့ၬခွံၬဝ့ၫလၧၦဖ လံၡၫဖိၪအမ့ၬယၫတၭ, အဝ့ၫၥံၪဖ့ၬခွံၬဝ့ၫၦၡၩလံထီၫ့ ကၪယူၭလၧၦၥုၭမုအကျၩ လၧဆၧပျၩ့ဖၧၩ့လီၫ.
3 ထီးၦခမျၧးဂဲၫနုၬ လၧၦၥုၪ့တဲၩအလးဖၧၩ့တၭ, အံၫစရ့လၭအၡၩၥုၪ့က့ၭၥၭၡါလဖၪ စံၭဝ့ၫဒၪ, ဆၧ လၧမုဆၫလနံၩယီၩ, ယဟိဝၩဖ့ၬခွံၬပၧၩ လၧၦဖလံ ၡၫဖိၪအမ့ၬယၫနီၪ မွဲအဘၪဆၧနီၪလဲၪ. မွဲပမၩန့ၡီၩ့ ယဟိဝၩအဆၧအုၩ့လၩ့အတလၫ လၧပဂးလၧၡဲလိၫ အဖၧၩ့ဆံၭ. ထီးအဂဲၫနုၬဝ့ၫ လၧပကျၩတၭ, မိမၩ
4 ဖီၩ့မၩဖျ့ၭပၧၩ လၧပဒုၪပဒၩအစူၪဖၧၩ့လီၫ.- တၭၦခ မျၧးအၪ့မၧၫ့လၩ့ဆၧလၧ ၡဲလိၫဘဲၫၥိၭအမိဂဲၫထဲၩ့ဆိၬ ဆၧၥုၭမုခမျၧး အယဟိဝၩ အဆၧအုၩ့လၩ့အတလၫ လၧအအီၪလၧခ့ၫရူၬလဖၪနီၪလီၫ. တၭစအံလဲၫအဖိၪ ခွၫနံၫဂၩစဟီၭဖနံၫ, ဒဲစဖံနအၭအီၪဝ့ၫထီးနီၪအီၪလၧ ယွၩအဆၧအုၩ့လၩ့အတလၫနီၪလီၫ.
5 ထီးယဟိဝၩအဆၧအုၩ့လၩ့ အတလၫဂဲၫနုၬလၧၦ ၥုၪ့တဲၩအလးဖၧၩ့တၭ, ဆၧမၩအၥၭလၧအံၫစရ့လၭ ထီးအလူၬကိၭၡၭထၪ့ဖၭဒိၪ, ထီးဂၪ့ခိၪၥီၫထၪ့လီၫ.
6 ၦဖလံၡၫဖိၪနါဂၧၫ့ ဆၧကိၭၡၭထၪ့အၥီၫတၭ, စံၭဝ့ၫ ဒၪ,ဆၧကိၭၡၭထၪ့ဖၭဒိၪ လၧၦဟံဘြူၫဖိၪၥုၪ့တဲၩအ လးဖၧၩ့နီၪ, မွဲဆၧနီၪလမံၩ့လဲၪ. တၭအဝ့ၫၥံၪၥ့ၪယၫ ဝ့ၫလၧယဟိဝၩအတလၫနီၪ ဂဲၫနုၬယူၭလၧဆၧၥုၪ့တဲၩ
7 အလးဖၧၩ့ယူၭလီၫ.- တၭၦဖလံၡၫဖိၪၥၭမဲၪဝ့ၫ, အ ဂဲးဘဲၫယီၩစံၭဝ့ၫဒၪ, ယွၩအတလၫ ဂဲၫနုၬယူၭလၧၦ ၥုၪ့တဲၩအလးဖၧၩ့ယူၭလီၫ. တၭအဝ့ၫၥံၪစံၭ, ပဝ့ၫဒၪ ယီၩပဘၪအၡၪ့လီၫ. အဂဲးဘဲၫယီၩ ဆၧနီၪလမံၩ့လၧ
8 အဝံခိၪအီၪအ့ၬ.- ပဘၪအၡၪ့ဖီၩၬ မွဲပလၫ မိမၩဖီၩ့ ဖျ့ၭပၧၩလၧယွၩဆီၪ့လဖၪနီၪ အစူၪဖၧၩ့လဲၪ. အဝ့ၫၥံၪ နီၪမွဲယွၩလၧအဖ့ၬခွံၬ ၦအံဇံၭဖိၪ လၧဆၧဒိၪထီးအ
9 လူၬလၧၡါမုနၧၫ့ဖၫနီၪလီၫ.- အီၪက့ၪဆီၪ့နၥံၪအဂဲးအ ဘၭတၭ, အီၪဘဲၫၦခွၫအၥိၭနီၪဘီၪ, ၦဖလံၡၫဖိၪၥံၪ ဧ့,နၥံၪမိကဲၪထၪ့ဘၪခိၬၦဟံဘြူၫဖိၪအဎီးအၡၩ,ဘဲၫ အဝ့ၫၥံၪကဲၪယူၭ နၥံၪအဎီးအၡၩ အၥိၭနီၪလီၫ. အီၪ ဘဲၫၦခွၫအၥိၭနီၪတၭ, ဒုၭၥုၭဘီၪၬ
10 ၦဖလံၡၫဖိၪဒုၭဆၧတၭ, အံၫစရ့လၭဘၪဆၧဖ့ၬခွံၬ ဝ့ၫတၭ, စဲၪ့ဖျိၭဝ့ၫလဂၩလၧအတဲၩဒၪဝ့ၫ, လဂၩလၧ အတဲၩဒၪဝ့ၫတၭ, ဆၧဖ့ၬၥံၫခွံၬနီၪ အီၪဝ့ၫဒိၪဒိၪလ့ၬ လီၫ.တၭၦခၪ့ၥုၭဖိၪလၩ့ထံၩဖါဝ့ၫ လၧအံၫစရ့လၭအ
11 ကျၩၥၧၫ့လၬလီၫ.- တၭယွၩအတလၫနီၪဘၪဆၧဖီၪ့ န့ဝ့ၫတၭ စအံလဲၫအဖိၪခွၫ စဟီၭဖနံၫ, ဒဲစဖံနအၭနီၪ ဘၪဆၧမၩၥံၫဝ့ၫနံၫဂၩလူၬလီၫ.
12 ၦဘံၪ့ယမံၫ့ဖိၪလဂၩစဲၪ့ထၪ့ခွံၬ လၧၦၥုၭမုအကျၩ တၭ, ထီၩ့လၧၡဲလိၫမုလနံၩဎး အီၪလၧအကီၩ့အၥိၭ ယၬခွံၬတၭ, ဂၪ့ခိၪအမုၬအီၪလၧ အခိၪဎွံၪ အဖၫ့ခိၪ
13 လီၫ.- ထီးအဂဲၫဝ့ၫတၭ, ယိခွါ, စအံလဲၫဆၧၫ့နၩ့ဝ့ၫ လၧလးဆၧၫ့နၩ့အဖၫ့ခိၪ လၧဖၧၩ့ၥၭအနဲၩ့ထံၭနီၪခိၭ ယိဆၧလီၫ. အဂဲးဘဲၫယီၩ အၥၭဝၭထိၬဝ့ၫလၧယွၩအ တလၫအကၠီၩ့လီၫ. ထီးၦလဂၩနီၪ ဂဲၫနုၬဒုၭနဲၪဆၧ လၧဒိၩ့ဖၧၩ့တၭ, ၦဒိၩ့ဖိၪထီးအလူၬကိၭၡၭထၪ့လီၫ.
14 ထီးစအံလဲၫနါဂၧၫ့ ဆၧကိၭၡၭအၥီၫတၭ, စံၭဝ့ၫဒၪ, ဆၧတုၩ့ထၪ့တုၩ့လၩ့အၥီၫနီၪ မွဲဆၧနီၪလမံၩ့လဲၪ. ၦ
15 လဂၩနီၪဂဲၫချဲၫ့ချဲၫ့တၭ, လီၩဘၪစအံလဲၫလီၫ.- စအံ လဲၫအၥၭၡါယူၭခွံၫဆံၫဎိၭနံၪ့တၭ, အမ့ၬခံၭတၭ, ဒၪ
16 ဆၧၥ့ၪအ့ၬ.- ၦလဂၩနီၪစံၭစအံလဲၫ, ယမွဲၦလၧအဂဲၫ ထဲၩ့လၧၦၥုၭမုအကျၩတၭ, လၧမုဆၫလနံၩယီၩယ စဲၪ့ထၪ့ခွံၬလၧၦၥုၭမုအကျၩလီၫ. တၭအဝ့ၫဒၪအၪ့
17 စၪ့,ဆၧမၩအၥၭဘဲၫၥ့ၪလဲၪ, ယဖိၪခွၫဧ့,- ၦအၥီၫ့လ ဂၩနီၪ,လီၩဆၧၫ့ဆၧတၭ, စံၭဝ့ၫဒၪ, အံၫစရ့လၭစဲၪ့ ယူၭလၧၦဖလံၡၫဖိၪအမ့ၬယၫတၭ, ဆၧဖ့ၬခွံၬဖၭဒိၪ အီၪယူၭလၧၦခမျၧးအကျၩတၭ, နဖိၪခွၫစဟီၭဖနံၫ,ဒဲ စဖံနအၭနံၫဂၩနီၪ, ၥံၫဆ့ယူၭတၭ, ဆၧမၩန့ယူၭယွၩ
18 အတလၫယူၭလီၫ.- ထီးအစံၭယွၩအတလၫနီၪတၭ, ဆၧမၩအၥၭလၧအဝ့ၫဒၪလၩ့ထ့ၬခွံၬ လၧလးဆၧၫ့နၩ့ လၧအချိၫ့လခီၫထီးတရၫ့အနဲၩ့တၭ, အခိၬခါတၭ,ၥံၫ ဝ့ၫလီၫ. အဂဲးဘဲၫယီၩ အၥၭၡါယူၭတၭဎၧၫ့ဝ့ၫလီၫ. တၭအဝ့ၫဒၪစ့ၩရၫ့ယူၭ အံၫစရ့လၭအနံၪ့လံဆံၫလီၫ.
19 အဒဲၪစဖံနအၭအမၫလဂၩနီၪဒၧၩ့ထၪ့တၭ, အမုအ လၩလၩ့ဘူၭယူၭလီၫ. တၭထီးအနါဂၧၫ့ဆၧအပရၧၫ့ လဖၪလၧယွၩအတလၫ ဘၪဆၧအၪ့ဂူၬန့ဝ့ၫ, ဒဲအမံၩ့ ၡါခွၫ,ဒဲအဝၩၥံၫဝ့ၫတၭ, အဝ့ၫဒၪချံၭလၩ့အခၪ့တၭ, အီၪဖျဲၪဆၧလီၫ. အဂဲးဘဲၫယီၩ ဘၪဆၧဂူၭဆၫလီၫ.
20 လၩ့ဘူၭလၧအမိၥံၫနီၪ, ၦမုၪလဖၪလၧအဆၧၫ့ထုၪ့လၧ အနဲၩ့ထံၭနီၪ, စံၭအဝ့ၫ, ၥၭမဲၪလဂ့ၩ, အဂဲးဘဲၫယီၩ နအီၪဖျဲၪန့ယူၭ နဖိၪခွၫလဂၩလီၫ. မွဲလါနၫ့ အဝ့ၫချဲၩ့
21 ဆၧၫ့ဆၧအ့ၬး အီၪက့ၪဝ့ၫလၧအၥၭအ့ၬ.- တၭဖျိၬဝ့ၫ အမံၩ့လၧစအံၭကဘၧၭတၭ, စံၭဝ့ၫဒၪ,ဆၧလၩဖၩ့စဲၪ့ ဒၪယူၭအံၫစရ့လၭယူၭ, လၧဆၧမၩန့ယွၩအတလၫ
22 အကၠီၩ့,ဒဲလၧအမံၩ့ၡါခွၫ ဒဲအဝၩအကၠီၩ့လီၫ.- တၭ စံၭဝ့ၫဒၪ,ဆၧလၩဖၩ့စဲၪ့ဒၪယူၭ အံၫစရ့လၭယူၭ,ဆၧ အၪ့ဂူၬန့ယူၭယွၩအတလၫ အကၠီၩ့ယူၭလီၫ.