11
1 ထီးနီၪလဖၧၫ့ၦအၫမၧၫ့ဖိၪ စနၫဟၭဂဲၫထၪ့ၥုၪ့တဲၩ ထၫ့ဒၩယၫဘ့ၭဂံလအၭတၭး ယၫဘ့ၭအၡၩ ထီးအ လူၬစံၭစနၫဟၭ, အုၩ့လၩ့ဆၧအုၩ့လၩ့လၧပၥိၭတၭ,
2 ပမိမၩနဆၧလီၫ.- တၭၦအၫမၧၫ့ဖိၪ စနၫဟၭနီၪစံၭ ဆၧၫ့ဝ့ၫ,လၧဆၧယီၩလမံၩ့အကၠီၩ့တၭ, ယမိအုၩ့လၩ့ လၧနၥံၪအၥိၭယမိအီၩ့ခွ့ၬထၪ့ခွံၬ နၥံၪအမ့ၬၥၪအထွ့ၪ လခီၫထီးအလူၬတၭ, အီၪက့ၪဝ့ၫလၧဆၧဒုၪဒွ့ၪလၧ အံၫစရ့ၭလၭထီးအလူၬအလီၩ့လီၫ.
3 တၭယၫဘ့ၭအၡၩ ၥုၪ့က့ၭၥၭၡါ စံၭအဝ့ၫဒၪ, ဖ့ၪ လၫ့ဒၪခလူၬပၧၩ နွ့ၫနံၩဘီၪ. တၭပမိအၪ့မၧၫ့လၩ့အ ၥီၫ့လဖၪလၧအံၫစရ့လၭအခးနဲၩ့ထံၭ ထီးအလူၬတၭ, ဆၧမၩဖီၩ့မၩဖျ့ၭပၧၩ အ့ၪလအီၪဘၪတၭ, ပမိဂဲၫထၪ့
4 လၧနအီၪလီၫ.- ထီးနီၪလဖၧၫ့ အၥီၫ့ၥံၪဂဲၫလၧဂံၭဘ အၫစီလူၫအအီၪတၭ, ချဲၩ့ဆၧနီၪလဖၪလၧၦခမျၧးအ နါဖၧၩ့တၭ,ၦခမျၧးထီးအလူၬ ထုၭထၪ့အလူတၭဂၪ့
5 ဝ့ၫလီၫ.- တၭယိခွါ, စစီလူၫဂဲၫဖိၬချီလဒီၪ့အခဲၫ့လၧ အဂဲၫထၪ့ခွံၬလၧမံၩ့လၬကျၩတၭ, စစီလူၫစံၭဝ့ၫဒၪ,ၦ ခမျၧးနီၪ,မွဲဘၪနီၫလၧအဂၪ့ဝ့ၫဘဲၫနီၪလဲၪ. တၭၦလီၩ
6 ဘၪဝ့ၫလၧယၫဘ့ၭအၡၩ အဆၧပရၧၫ့လဖၪလီၫ.- ထီး စစီလူၫနါဂၧၫ့ဆၧလဖၪနီၪတၭ, ယွၩအၥၭဂဲၫလၩ့ဘၪ လၧအလီၩ့တၭ အၥၭထၪ့ခဲၩထၪ့ဝ့ၫဒိၪဒိၪလ့ၬလီၫ.
7 အဝ့ၫဒၪမၩန့ချီဖၫလခိၪ, ဖ့ၬထ့ၬဝ့ၫလကုၭလကုၭတၭ, ဖ့ၪယူဝ့ၫလၧအံၫစရ့လၭအခးထီးအလူၬ လၧအၥီၫ့လ ဖၪအစူၪဖၧၩ့တၭ, စံၭဝ့ၫဒၪ, ၦလၧအလဂဲၫဖိၬဘၪစစီ လူၫအခဲၫ့ဒဲစစၫမုၫအ့လၭအခဲၫ့နီၪ, ဆၧမိမၩအချီဖၫ ဘဲၫနီၪအၥိၭလီၫ. တၭဆၧၥၭမဲၪ ယဟိဝၩလၩ့ဘၪ လၧၦခမျၧးအလီၩ့တၭ, အဝ့ၫၥံၪဂဲၫဝ့ၫ ဘဲၫၦလဂၩဎး အၥိၭနီၪလီၫ.
8 အဝ့ၫဒၪဝံထၪ့နၬထၪ့ဝ့ၫ လၧဘံဇ့ၭအဖၧၩ့တၭ,ၦ အံၫစရ့လၭဖိၪအီၪဝ့ၫၥၧၫ့ကုၬ, ဒဲၦယုဒၫအၡၩအီၪဝ့ၫ
9 ၥၧၫ့လၬလီၫ.- တၭအဝ့ၫၥံၪနီၪစံၭအၥီၫ့လဖၪလၧအဂဲၫ ဝ့ၫနီၪ,နမိဘၪစံၭယၫဘ့ၭဂံလအၭအၡၩဘဲၫယီၩ, ကဲ ဂီၩခိၬထီးမုခိလၩ့တၭ, နၥံၪမိအီၪလၧဆၧမၩဖီၩ့မၩ ဖျ့ၭဆၧလီၫ. တၭအၥီၫ့လဖၪနီၪ ဂဲၫထဲၩ့ဝ့ၫတၭ, ဒုၭ နဲၪဝ့ၫလၧယၫဘ့ၭအၡၩတၭ, အဝ့ၫၥံၪၥုၪ့ထိၬၥၭထိၬ
10 ဝ့ၫလီၫ.- မၩအၥၭဘဲၫနီၪတၭ, ယၫဘ့ၭအၡၩ စံၭဝ့ၫ ဒၪ,ကဲဂီၩခိၬပမိဂဲၫထၪ့လၧနၥံၪအအီၪတၭ, နၥံၪမိမၩ
11 ပၧၩဘဲၫအဘၪနၥံၪအၥၭအၥိၭလီၫ.- တၭဆၧဖၩ့ထၪ့ လနံၩနီၪ, ဆၧမၩအၥၭလၧစစီလူၫအီၪက့ၪၦခမျၧးၥၧၫ့ ဒီၪ့တၭ, လၧၦခိၭဆၧလၧမုဂီၩအထီနီၪ အဝ့ၫၥံၪလ့ၩ နုၬလၧၦၥုၭမုအကျၩတၭ, ဖ့ၬခွံၬၦအၫမၧၫ့ဖိၪၥံၪထီး ဆၧခိထၪ့တၭ, ၦလၧအအီၪလၩ့ထးနီၪ လၩ့ပံၩလၩ့ ပၩတၭ,ၦအအီၪလၩ့ထးဝ့ၫနံၫဂၩ လစီၪ့ဎးနးစီၪ့အ့ၬ.
12 တၭၦခမျၧးစံၭစစၫမုၫအ့လၭ, ၦလၧအစံၭ,မွဲစစီ လူၫမိကဲၪစဎွၩလၧပဖၫ့ခိၪဆ့ဧၪနီၪ, မွဲပလၫလဂၩလဲၪ. ဖ့ၪလၫ့ပၧၩလၧၦလဖၪနီၪတၭ, ပမိမၩၥံၫအဝ့ၫၥံၪလီၫ.
13 တၭစစီလူၫစံၭဝ့ၫဒၪ, ဆၧလၧမုဆၫလနံၩယီၩ,ၦမိ ဘၪဆၧမၩၥံၫဝ့ၫနးဂၩအ့ၬ အဂဲးဘဲၫယီၩ လၧမုဆၫ လနံၩယီၩယဟိဝၩမၩဖီၩ့မၩဖျ့ၭ ဆၧလၧအံၫစရ့လၭ အဖၧၩ့လီၫ.
14 စစၫမုၫအ့လၭစံၭၦခမျၧး, ဂဲၫဘီၪ,လ့ၩၡီၩ့လၧဂံလ ဂၫလၭတၭ, မၩၥၫ့ထၪ့ၡီၩ့ဘၩ့ၥံၪမုးၥံၪထီးနီၪဆံၭ.
15 ၦခမျၧးၥံၪထီးအလူၬ လ့ၩဝ့ၫလၧဂံလဂၫလၭတၭ,အီၪ က့ၪစစီလူၫလၧစဎွၩထီးနီၪ လၧယဟိဝၩအမ့ၬယၫ, လၧဂံလဂၫလၭအဖၧၩ့တၭ, အဝ့ၫၥံၪလုထၪ့ဆၧလုမၩ ဘၪလိၬအိၭလိၬထီးနီၪ လၧယဟိဝၩ အမ့ၬယၫတၭ, စစီလူၫဒဲအံၫစရ့လၭ အၡၩထီးအလူၬၥုၪ့ထိၬၥၭထိၬ ထီးနီၪဒိၪမၬလီၫ.