4
1 စဘိအၭလ့ၩထၪ့ဝ့ၫလၧဒိၩ့အတရၫ့တၭ, ဆၧၫ့နၩ့ ထီးနီၪတၭ, ယိခွါ,ၦဎွ့ၩန့ထဲၩ့ဆၧၥ့ၪလဂၩလၧစဘိ အၭချဲၩ့ဆၧလၧအဂဲးနီၪလ့ၩဖီၩ့ဝ့ၫတၭ, စဘိအၭစံၭ အဝ့ၫ,ၦလဂၩဧ့, ကၠၪထဲၩ့နၥၭဆၧၫ့နၩ့ထီးယီၩဘီၪ.
2 တၭအဝ့ၫဒၪကၠၪထဲၩ့အၥၭတၭ, ဆၧၫ့နၩ့ဝ့ၫလီၫ.- အ ဝ့ၫမၩန့ၦဆံၫဂၩ လၧၦၥုၪ့က့ၭၥၭၡါအကျၩတၭ, စံၭ ဝ့ၫဒၪ,ဆၧၫ့နၩ့ထီးယီၩဘီၪ. တၭအဝ့ၫၥံၪဆၧၫ့နၩ့ဝ့ၫ
3 ဒၪလီၫ.- တၭအဝ့ၫစံၭ ၦဎွ့ၩန့ထဲၩ့ဆၧၥ့ၪလဂၩနီၪ, နးနအိမံၫလၧအဂဲၫထဲၩ့ထဲၩ့ လၧမိအၭအခးဖၧၩ့နီၪမိ အၪ့ဆၫခွံၬဂၪ့ခိၪအဝၩ့ လၧအမွဲပထၧၫ့ဖုဝဲစအ့ၫလံမ
4 လ့ၭအဆၧလီၫ.- တၭယစံၭယမိချဲၩ့ဆၧလၧနနါဖၧၩ့ တၭ,စံၭ,ဎွ့ၩဆၧလၧၦခးဖိၪ, ဒဲယၡၩလဆၨၩအၥုၪ့ က့ၭၥၭၡါအမ့ၬယၫဆံၭ. အ့ၪနမိဎွ့ၩန့ထဲၩ့တၭ, ဎွ့ၩ န့ထဲၩ့ကဒၪဘီၪး အ့ၪမွဲနအ့ၪလဎွ့ၩန့ထဲၩ့ဘၪတၭ, လီၩဘၪယၧၩဘဲၫၥိၭယမိၥ့ၪယၫဆံၭ. အဂဲးဘဲၫယီၩ လၧနၧၩလဂၩအမ့ၬယၫနီၪ, ၦဎွ့ၩန့ထဲၩ့ဝ့ၫအီၪအ့ၬ. တၭယဝ့ၫဒၪယီၩ, ယအီၪလၧနလးခဲၫ့လီၫ. တၭအဝ့ၫ ဒၪစံၭဝ့ၫ, ယမိဎွ့ၩန့ထဲၩ့လီၫ.
5 တၭစဘိအၭစံၭဝ့ၫဒၪ, မုလနံၩလၧနဎွ့ၩန့ထဲၩ့ဂၪ့ခိၪ လဝၩ့လၧနးနအိမံၫ အစူၪဖၧၩ့နီၪ, နမိဘၪဎွ့ၩဆ့ၦမိ အၭဖိၪနးရုၥၭ, ၦၥံၫလဂၩအမၫ, ဘဲၫၥိၭနမိဒုၭဂဲထုၪ့
6 ၦၥံၫလဂၩအမံၩ့လၧဆၧန့ၥၫအဖၫ့ခိၪလီၫ.- တၭၦဎွ့ၩ န့ထဲၩ့ဆၧလဂၩနီၪစံၭဝ့ၫဒၪ, ယဎွ့ၩန့ထဲၩ့လၧယဂးဒၪ ယဝ့ၫၥ့ၪအ့ၬ. ယမိမၩဂၭဂီၩ့ဘၪခိၬယဆၧန့ၥၫဒၪယ ဝ့ၫလီၫ.ဎွ့ၩန့ထဲၩ့ဒၪနဝ့ၫ လၧယဎွ့ၩန့ထဲၩ့ဆၧၥ့ၪအ လးလၧနဂးဒၪနဝ့ၫဘီၪ. အဂဲးဘဲၫယီၩ ယဎွ့ၩန့ထဲၩ့ ၥ့ၪအ့ၬ.
7 လၧၦဎွ့ၩန့ထဲၩ့ဆၧ, ဒဲအၪ့လဲၩထဲၩ့ဆၧအဂဲးအကၠီၪ့ လၧအံၫစရ့လၭအဖၧၩ့လၧဖျိၩ့နီၪ ဘဲၫၥိၭအမိမၩခၧၫ့ ဆၧထီးအလူၬနီၪ, ၦမၩဆၧယီၩး ၦလဂၩဘဲၪ့လၩ့အ ခၪ့ဖံၭလခီၫတၭ, ဖ့ၪလၫ့ဝ့ၫလၧအဝ့ၫလဂၩတၭ, အဝ့ၫ
8 နီၪမွဲဆၧထိးအၥၭ လၧအံၫစရ့လၭအကျၩလီၫ.- မၩ အၥၭဘဲၫနီၪၦဎွ့ၩန့ထဲၩ့ဆၧလဂၩစံၭစဘိအၭ, ဎွ့ၩန့ ထဲၩ့လၧနဂးဒၪနဝ့ၫဘီၪ. အခိးမွဲအဝ့ၫဒၪဘဲၪ့လၩ့ခွံၬ အခၪ့ဖံၭလခီၫလီၫ.
9 တၭစဘိအၭစံၭၦၥုၪ့က့ၭၥၭၡါၥံၪ, ဒဲၦခမျၧးထီးအ လူၬ,နၥံၪမွဲၦထိးအၥၭလၧမုဆၫလနံၩယီၩလၧယဎွ့ၩ န့ကယဲဆၧလၧအမွဲစအ့ၫလံမလ့ၭအဆၧ, ဒဲကယဲဆၧ လၧအမွဲစခံလအၧၫ့ဒဲစမၫလၧၫ့အဆၧ ထီးအလူၬလၧ
10 နးနအိမံၫအစူၪဖၧၩ့လီၫ.- တၭယဎွ့ၩဆ့ၦမိအၭဖိၪစ မၫလၧၫ့အမၫနးရုၥၭဘဲၫၥိၭ အမိကဲၪထၪ့ယမၫလၧယ မိဒုၭဂဲထုၪ့ၦၥံၫလဂၩအမံၩ့ လၧအဆၧန့ၥၫအဖၫ့ခိၪ, ဘဲၫၥိၭၦၥံၫလဂၩအမံၩ့ ထီးဘၪဆၧဖ့ၬထ့ၬခွံၬဝ့ၫလၧ အထၧၫ့ဖုဝဲအကျၩ, ဒဲဆၧအလးအတရၫ့နီၪလဂ့ၩ,န
11 ၥံၪမွဲၦထိးအၥၭလၧမုဆၫလနံၩယီၩလီၫ.- ၦခမျၧးဒဲၦ ၥုၪ့က့ၭၥၭၡါလၧအအီၪဝ့ၫလၧတရၫ့ဖၧၩ့နီၪစံၭဝ့ၫဒၪ, ပမွဲၦထိးအၥၭလီၫ. မွဲယွၩအီၪက့ၪၦမုၪလၧအဂဲၫနုၬ လၧနဂံၪ့ဖၧၩ့လဂၩ မၩအၥၭဘဲၫနးရၫခ့ၫလၭ ဒဲနးလံ အၫနံၫဂၩ လၧအမၩထၪ့ အံၫစရ့လၭ အဂံၪ့နီၪဆံၭ. တၭမွဲနမၩဆၧအဆီၪ့လၧအ့ဖၫတၫအဖၧၩ့ ဒဲနမံၩ့ဂၧၫ့
12 ထၪ့ၥၩလၩ့လၧဘ့ၭၥလံၫဟံၫ့အဖၧၩ့နီၪဆံၭ.- တၭမွဲ နဂံၪ့မၩအၥၭ ဘဲၫစဖၫရ့ၭနီၪ လၧနးတၫမၫ အီၪဖျဲၪန့ လၧစယုဒၫအဂးအဂံၪ့အၥိၭ လၧဆၧအချံၫအၥၪလၧ ယဟိဝၩ မိဖ့ၪလၫ့နၧၩ လၧၦမုၪၥၭဘၪ့ယီၩ အဖၧၩ့ ဆံၭ.
13 တၭစဘိအၭမၩန့နးရုၥၭတၭ, အဝ့ၫဒၪကဲၪထၪ့အ မၫလီၫ. လ့ၩနုၬဝ့ၫလၧအအီၪတၭ, ယဟိဝၩ ဒုၭဒၧၩ့
14 ထၪ့အဝ့ၫတၭ, အီၪဖျဲၪန့အဖိၪခွၫလီၫ.- ၦမုၪလဖၪစံၭ နးနအိမံၫ, မွဲယဟိဝၩဘၪဆၧစံၭထၪ့ အၪ့အူၭဆံၭ. ယဟိဝၩအီၪက့ၪလၩ့ထးနၧၩ လၧၦဎွ့ၩန့ထဲၩ့ ဆၧလ အီၪဘၪလၧမုဆၫလနံၩယီၩအ့ၬ. ဘဲၫၥိၭအမံၩ့မိဂၧၫ့
15 ထၪ့ၥၩလၩ့လၧအံၫစရ့လၭအဖၧၩ့နီၪလီၫ.- တၭမိကဲၪ ထၪ့ဆၧဒုၭမၧၫ့ထၪ့ထဲၩ့နၥၭလၧနဂး, ဒဲဆၧယိထဲၩ့ခွါ ထဲၩ့နၧၩလၧနခိၪဘွၩနီၪလီၫ. အဂဲးဘဲၫယီၩ နဒဲၪလၧ အအဲၪနၧၩလဂၩနီၪအီၪဖျဲၪန့ဝ့ၫတၭ, အဝ့ၫဒၪဂ့ၩနဲၪ့ဖိၪ
16 ခွၫနွ့ၫဂၩလၧနဂးလီၫ.- နးနအိမံၫမၩန့ဖိၪၥၪနီၪတၭ, အီၪက့ၪဝ့ၫလၧအၥၭနၫၡါတၭ, ကဲၪၦယိဖိၪၥၪလၧအ
17 ဂးလီၫ.- ၦမုၪလၧအနဲၩ့အဎီၩ့လဖၪနီၪ ဖျိၬဝ့ၫအမံၩ့ တၭ,စံၭဝ့ၫဒၪ, ဖိၪခွၫလဂၩအီၪဖျဲၪယူၭ, လၧနးနအိမံၫ အဂးယူၭတၭ, ဖျိၬဝ့ၫအမံၩ့လၧစအိဘ့ၭလီၫ. အဝ့ၫဒၪ မွဲစယ့ၭစံၫအဖါ, စဒၫဝံၭအဖါလီၫ. တၭအယီၩမွဲစဖၫရ့ၭအဆၨၩအဆၬ.
18-19 စဖၫရ့ၭ ထၪ့ဖိၪစဟ့ၭဇရၧၫ့တၭ, စဟ့ၭဇရၧၫ့နီၪ ထၪ့ဖိၪစရၫ့
20 တၭ,စရၫ့နီၪထၪ့ဖိၪစအမံနဒၭ.- တၭစအမံနဒၭနီၪ
21 ထၪ့ဖိၪစနၫၡိၫ့တၭ,စနၫၡိၫ့နီၪထၪ့ဖိၪစစၫလမၧၫ့.- တၭ စစၫလမၧၫ့နီၪထၪ့ဖိၪစဘိအၭတၭ,စဘိအၭနီၪထၪ့ဖိၪ
22 စအိဘ့ၭ.- စအိဘ့ၭနီၪထၪ့ဖိၪစယ့ၭစံၫတၭ, စယ့ၭစံၫ နီၪထၪ့ဖိၪစဒၫဝံၭလီၫ.