5
(ၥဎွၩ ၈:ၥ-၉).
1 ဘဲၫနီၪၥိၭကယဲဆၧမၩလၧ စစီလမၧၫ့မၩဝ့ၫလၧယ ဟိဝၩအဂံၪ့အဂးနီၪ ဂီၩ့ဝ့ၫဒၪထီးအလူၬလီၫ. စစီလ မၧၫ့ဂဲၫဆိၬန့ကယဲဆၧလဖၪ လၧအဖါစဒၫဝံၭအီၪက့ၪ လၧဆၧဆံၫ့ဎံၪအဂးနီၪ, ဒဲကျိၪၥံၪစ့ၩၥံၪ, ထီၫ့ၥံၪလွ့ၫ ၥံၪ,ဒဲဆၧဖိၪဆၧလံၩထီးအလူၬလဖၪတၭ, အီၪက့ၪဝ့ၫ လၧအဂံၪ့အဎၧၩ့အဎီအကျၩလီၫ.
2 ထီးနီၪလဖၧၫ့စစီလမၧၫ့ ကိၭကီၪ့အံၫစရ့လၭအၥုၪ့ က့ၭၥၭၡါလဖၪ, ဒဲအဒီၪ့ၥံၪအခိၪလဖၪ ထီးအလူၬ, လၧအမွဲအံၫစရ့လၭဖိၪအဖါလဖၪအခိၪၥံၪ, လၧယရု စလံၫ့အဖၧၩ့နီၪ, ဘဲၫၥိၭအမိဂဲၫဆိၬ ယဟိဝၩအဆၧ အုၩ့လၩ့အတလၫ လၧစဒၫဝံၭအဒိၩ့ဖၧၩ့နီၪ, လၧအမွဲ ဇံအိၫ့လီၫ.
3 အခိးမွဲအံၫစရ့လၭ အၡၩထီးအလူၬလဖၪအီၪကီၪ့ လၧစဎွၩအအီၪ လၧဆၧဘိၪ့ဖၧၩ့ လၧလၩနွ့ၫဘံၪ့လ
4 ဘံၪ့လီၫ.- တၭအံၫစရ့လၭအၥုၪ့က့ၭၥၭၡါလဖၪထီး အလူၬဂဲၫထီၩ့နီၪး ဒဲၦလံဝဲၫဖိၪလဖၪ မၩန့တလၫနီၪ
5 လီၫ.- အဝ့ၫဂဲၫထၪ့ဆိၬထၪ့တလၫနီၪး ဒဲဆၧအီၪကီၪ့ အတဲၩဆံၫ့ဎံၪ, ဒဲဖၧၩ့ၥံၪထွ့ၫၥံၪဆံၫ့ဎံၪ ထီးအလူၬၥံၪ လၧအအီၪဝ့ၫလၧတဲၩဆံၫ့ဎံၪအဖၧၩ့နီၪ, ဆၧနီၪလဖၪ
6 ၦလုဆၧၥံၪဒဲၦလံဝဲၫဖိၪၥံၪ ဂဲၫဆိၬထၪ့ဝ့ၫဒၪလီၫ.- တၭ စဎွၩစီလမၧၫ့, ဒဲအံၫစရ့လၭ အဆၧအီၪကီၪ့ထီးအလူၬ လၧအအီၪကီၪ့လၧအအီၪ လၧတလၫနီၪအမ့ၬယၫ,လု ထၪ့ၥိၪၥံၪဘ့ၪၥံၪဒဲချီဖၫၥံၪ, လၧအအၪဝ့ၫအၪအၪလ့ၬ
7 ထီးဆၧဝံထၪ့နၬထၪ့ၥ့ၪဝါအ့ၬ.- ၦလုဆၧလဖၪဂဲၫဆိၬ ယဟိဝၩအဆၧအုၩ့လၩ့အတလၫ ထီၩ့လၧအလးဒၪ ဝ့ၫအဖၧၩ့, လၧဂံၪ့အချဲၩ့ဆၧအလး, လၧလးဆံၫ့ဎံၪ ထုၬအဖၧၩ့လၧခ့ၫရူၬလဖၪ အဒံၭၥံၪအဖၫ့လၬနီၪလီၫ.
8 အဂဲးဘဲၫယီၩ ခ့ၫရူၬလဖၪ ယၩ့ထၪ့အဒံၭၥံၪလၧတ လၫအလးအဖၫ့ခိၪတၭး ခ့ၫရူၬလဖၪချႃၬဘံၭတလၫ
9 နီၪဒဲအနိၪယိၭဘီၩ့လဖၪ လၧအဖၫ့ခိၪလီၫ.- တၭအဝ့ၫ ၥံၪထုၭထၪ့နိၪယိၭဘီၩ့လဖၪနီၪ, အခံၫထိၭၥံၪဖျီၪထၪ့ လၧတလၫအီၪလၧချဲၩ့ဆၧအလး အမ့ၬယၫး အ့ၪမွဲလၧ ခီၫ့နီၪဖျီၪထၪ့ဝ့ၫအ့ၬ. အီၪထီးနီၪထီးမုဆၫလနံၩယီၩ
10 လီၫ.- လၧတလၫဖၧၩ့နီၪဆၧအီၪန့ၫလိးပၪနံၫဘံၪ့လၧ စမိစ့ၭအီၪက့ၪလၩ့ဝ့ၫလၧ ဟိရ့ၭအဂၩ့ထံၭ, အလးလၧ ယဟိဝၩအုၩ့လၩ့လိၬအၥၭ လၧအံၫစရ့လၭဖိၪလဖၪ နီၪ,လၧအဝ့ၫၥံၪဂဲၫစဲၪ့ထၪ့ခွံၬ လၧအံဇံၭအဖၧၩ့တၭ, ဆၧဂူၫဂၩအီၪနးမံၩ့အ့ၬ.
11 တၭဆၧမၩအၥၭ လၧၦလုဆၧလဖၪ ဂဲၫစဲၪ့ထၪ့ခွံၬ လၧလးဆံၫ့ဎံၪအဖၧၩ့နီၪ, (အဂဲးဘဲၫယီၩ ကယဲၦလု ဆၧလဖၪလၧအအီၪဝ့ၫထီးအလူၬ ဘၪဆၧမၩဆံၫ့ဎံၪ
12 ဝ့ၫတၭ, အီၪခိၭလိၬအၥၭလဒီၪ့လဒီၪ့နီၪမွဲအ့ၬ.- ၦလံ ဝဲၫလဖၪဆ့လၧအမၩထၭခိၪနီၪ, ကယဲၦဘၪဆဲၫ့လၧစ အၫစၭ,လၧစဟံမၫ့, လၧစယ့ၭဒုၫၥၫ့, အီၪလၧအဝ့ၫၥံၪ အဖိၪခွၫၥံၪ,ဒဲအထၧၫ့ဖုဝဲလဖၪ, ကီၩ့ထၪ့ၥိၭထၪ့အ ၥၭလၧဆၧဘွၩဖျ့ၫလံၬကံၭ, အီၪလၧစံၩ့စံၩ့ၥံၪ, နါဒံၩ့ ၥံၪ,ၥၫ့ထီးၥံၪ, ဆၧၫ့ထုၪ့လၧဆၧလုအလးမုထၪ့လခီၫ, ဒဲၦလုဆၧလဖၪလယၩနံၫဆံၫ အီၪလၧအဝ့ၫၥံၪအၥိၭ
13 အူၪထၪ့ခွ့ၩလဖၪတၭ,) ဆၧမၩအၥၭထီးၦအူၪခွ့ၩ ၥံၪ,ဒဲၦမၩထၭခိၪၥံၪ ဘဲၫၦလဂၩဎးအၥိၭတၭ, မၩၥီၫ လမံၩ့ဎး လၧအစံၭထၪ့အၪ့အူၭယဟိဝၩ, ဒဲထီးအဝ့ၫ ၥံၪမၩၥီၫထၪ့အလူ, ဒဲခွ့ၩလဖၪ, ဒဲစံၩ့စံၩ့ၥံၪ,ဒဲဆၧလၧ အမၩၥီၫမုၬလဖၪနီၪ, ဒဲအၪ့အူၭထၪ့ယဟိဝၩ, အဂဲး ဘဲၫယီၩအဝ့ၫဒၪမွဲဆၧဂ့ၩး အဂဲးဘဲၫယီၩ အခိးအတၩ နီၪအီၪဝ့ၫအဆိၩဆိၩအကၠၪကၠၪတၭး ထီးနီၪလဖၧၫ့ ဂံၪ့လဖျိၪ့နီၪ ဎွ့ၩဝ့ၫလၧဆၧအုၪ့, ယဟိဝၩ အဂံၪ့ဒၪ
14 လ့ၬ,- အခိးမွဲၦလုဆၧလဖၪ, လၧဆၧအုၪ့အကၠီၩ့နီၪ, ဆၧၫ့ထုၪ့မၩအဆၧမၩလဖၪၥ့ၪဝါအ့ၬ, အဂဲးဘဲၫယီၩ ယဟိဝၩအလၩအဖၩ့ မၩဎွ့ၩထၪ့ယွၩအဂံၪ့လဖျိၪ့နီၪ လီၫ.