32
(၂ဎွၩ ၥ၈းၥ၃-၃၇, ၥ၉းၥ၄-ၥ၉, ၃၅-၃၇, အဲၫ ၃၆းၥ-၂၂, ၃၇;၈-၃၈).
1 ဆၧလဖၪနီၪအလးခဲၫ့, လၧဆၧမၩဂုးထၪ့ခၧၫ့ထၪ့ ဝ့ၫတၭ,အစံရအၫအစဎွၩစနၭခရံၭဂဲၫဝ့ၫနီၪ, ဂဲၫနုၬလၧ ယုဒၫတၭ, ၥုၪ့တဲၩထၫ့ဒၩဒိၩ့အီၪလၧအခိၪဒၧၩ့လဖၪ နီၪတၭ,မိမၩန့ဝ့ၫလၧအဂးဒၪဝ့ၫလီၫ.
2 ထီးစဟ့ၭဇကဲအၫ ဒၪဘၪဝ့ၫလၧစနၭခရံၭဂဲၫဒဲအ
3 ဆၧကိၪ့အီၪလၧအမိဒုၭယရုစလံၫ့တၭ,- ကိၪ့လိၬအ ၥၭလၧအၦဒိၪဖၭဒိၪၥံၪ, ဒဲၦအဆီၪ့ၥံၪ ဘဲၫၥိၭအမိဆွံၫ ဘံၭထံၫထၪ့ဖျိၭလၧအအီၪဝ့ၫ လၧဒိၩ့အချိၫ့တၭ, အ
4 ဝ့ၫၥံၪမၩဆၧၩ့ဝ့ၫလီၫ.- တၭၦခမျၧးအီၪကိၩ့အီၪကီၪ့ တၭ,ဆွံၫဘံၭထၬထံၫထၪ့ဖျိၭထီးအလူၬ ဒဲထံၫချိၬလၧ အယွၩလၩ့ဝ့ၫလၧခးအၥၭခံဖၧၩ့တၭ, စံၭဝ့ၫဒၪ,ၦအစံရ အၫအစဎွၩမိဂဲၫတၭ ဒၪန့ထံၫအၪအၪလ့ၬနီၪ, မွဲဘၪ
5 လဲၪ.- အဝ့ၫဒၪမၩဆီၪ့ထၪ့အၥၭတၭ, မၩထဲၩ့ဆၧခိၪ ဒၧၩ့လၧအလၩ့ဎီးကိၭစီၪ့ဒ့ၭတၭ, မၩထၪ့ဝ့ၫထီၩ့လၧ တၨၭထီၫလဖၪဒဲဆၧခိၪဒၧၩ့ဂူၫဂၩ လၧခီၫ့တၭ,မၩထဲၩ့ မံလိၫလၧစဒၫဝံၭအဒိၩ့ဖၧၩ့တၭ, မၩကဲၪထၪ့ဖၩ့ၥံၪ
6 နၭၥံၪဒဲထၩ့ဖံၭအၪအၪလ့ၬလီၫ.- တၭအီၪက့ၪၦၥုၭဖိၪ အခိၪလဖၪလၧၦခမျၧးအဖၫ့ခိၪတၭ, ဒုၭအီၪကိၩ့အီၪ ကီၪ့ဝ့ၫလၧအအီၪ လၧဒိၩ့အတရၫ့အဖၧၩ့ၥၭ အဖၧၩ့
7 တၭ, ချဲၩ့ဆၧမုၬမုၬလၧအဝ့ၫၥံၪတၭ, စံၭဝ့ၫဒၪ,- အီၪ က့ၪဆီၪ့နၥံၪအဂဲးအဘၭတၭ, မၩဒူၩထၪ့နၥံၪအၥၭ ဆံၭ.ထီးၥၭမဲၪလဂ့ၩ, အၪ့ယိၪဆၧလၧအစံရအၫအ စဎွၩအကၠီၩ့ဒဲလၧၦခမျၧးထီးအလူၬ လၧအအီၪလၧ အဝ့ၫအၥိၭအကၠီၩ့လဂ့ၩး အဂဲးဘဲၫယီၩၦလၧအအီၪ
8 လၧပၥိၭယီၩအၪနဲၪ့ၦလၧ အအီၪလၧအဝ့ၫလီၫ.- ဆၧ ဖံၭဆၧယၪအစူၪဒူၪအီၪလၧအဝ့ၫဒၪလီၫ. အ့ၪမွဲယဟိ ဝၩပယွၩအီၪလၧပၥိၭ ဘဲၫၥိၭအမိမၩဆၧၩ့ပၧၩလၧ ဆၧဒုၭၥုၭလဖၪလီၫ. တၭၦခမျၧးဒိၭနဲၩ့အၥၭလၧယု ဒၫအစဎွၩဟ့ၭဇကဲအၫ အဆၧချဲၩ့လဖၪနီၪလီၫ.
9 ဆၧနီၪအလးခဲၫ့ အစံရအၫအစဎွၩ စနၭခရံၭအၪ့ မၧၫ့လၩ့အခ့ၫအၡၩ လၧယရုစလံၫ့, (တၭအနၫ့ဆါ အီၪထၫ့ဒၩလၫခံၭ အီၪလၧအၥုၭမုခမျၧးထီးအလူၬ) လၧယုဒၫအစဎွၩဟ့ၭဇကဲအၫအအီၪ, ဒဲလၧယုဒၫထီး အလူၬလၧအအီၪလၧ ယရုစလံၫ့အဖၧၩ့အအီၪတၭစံၭ
10 ဝ့ၫဒၪ,- အစံရအၫအစဎွၩ စနၭခရံၭစံၭဝ့ၫဘဲၫယီၩ, လၧဆၧမိဝၩ့ထၬယရုစလံၫ့အဘိၩ့ဘၭနီၪ, နၥံၪမိအီၪ ဒၪနၥံၪအဆၧတၭ, ဒိၭနဲၩ့နၥံၪအၥၭလၧဆၧနီၪလမံၩ့
11 လဲၪ.- စဟ့ၭဇကဲအၫစံၭဝ့ၫ, ယဟိဝၩပယွၩမိမၩဖီၩ့ မၩဖျ့ၭပၧၩလၧအစံရအၫအစဎွၩ အစူၪဖၧၩ့တၭ, အၪ့ ယၫန့နၥံၪဘဲၫနၥံၪမိဖ့ၪလၫ့ နၥံၪအၥၭလၧနၥံၪမိၥံၫ လၧဆၧၥၭဝံလၩ့ဒိၩ ဒဲဆၧၥူၫအီၩနၥံၪအၥၭလၧထံၫ,
12 မွဲအ့ၬဧၪ.- ဆၧလၧစဟ့ၭဇကဲအၫလဂၩနီၪဆိၬထၪ့ ခွံၬအလးထၪ့ထီၫ ဒဲအဆၧလုလးတၭ, မၪလူၬယုဒၫ ဒဲယရုစလံၫ့တၭ, စံၭဝ့ၫဒၪ, နၥံၪမိဘၪဘိၪ့ထၪ့ဘၩ ထၪ့လၧဆၧလုအလးလစီၪ့ဎးအမ့ၬယၫတၭ, ဆူၭခဲၩ
13 ထၪ့ဆၧနၧၫ့မၧၫ့လၧအဖၫ့ခိၪနီၪ, မွဲအ့ၬဧၪ.- ဆၧလၧ ယၧၩဒဲယဖါလဖၪမၩၦခမျၧး ထီးအလူၬလၧခးလဖၪ အဖၧၩ့နီၪ,နၥံၪလၥ့ၪယၫဘၪဧၪ. ခးလဖၪနီၪအၡၩ ဆၨၩၥံၪအယွၩလဖၪ မၩဖီၩ့မၩဖျ့ၭအထံၫအခးလၧ
14 ယစူၪဖၧၩ့ဆ့ဧၪ.- ဘဲၫၥိၭနၥံၪအယွၩမိမၩဖီၩ့မၩဖျ့ၭ နၥံၪလၧယစူၪဖၧၩ့မိၥ့ၪတၭ, ၦဆၨၩလၧယဖါမၩဂၭ ဂီၩ့ခွံၬဝ့ၫလဖၪအယွၩ ထီးအလူၬအကျၩနီၪ, မွဲပလၫ မၩဖီၩ့ မၩဖျ့ၭ အၡၩခမျၧး လၧယစူၪဖၧၩ့ ၥ့ၪလဂၩ
15 လဲၪ.- တၭဘိၩ့နဲၪ့ယီၩ ဒုၭအၪ့လီၫန့နၥံၪအၥၭလၧစ ဟ့ၭဇကဲအၫလဂ့ၩး တၭဒုၭအၪ့ယၫန့နၥံၪအၥၭလၧ အဝ့ၫဘဲၫနီၪအၥိၭလဂ့ၩ. နဲၩအဝ့ၫလဂ့ၩ, အဂဲးဘဲၫ ယီၩၦလဆၨၩအယွၩမွဲဂ့ၩ, ၦလခီၫဘၩ့မုးဖိၪအယွၩ မွဲဂ့ၩ,မၩဖီၩ့မၩဖျ့ၭအၡၩခမျၧး လၧယစူၪဖၧၩ့ဒဲလၧ ယဖါၥံၪအစူၪဖၧၩ့နီၪၥ့ၪနးဂၩအ့ၬ. နၥံၪအယွၩမိမၩ
16 ဖီၩ့မၩဖျ့ၭနၥံၪ လၧယစူၪဖၧၩ့လၩလါဆ့အ့ၬ.- တၭအ ခ့ၫအၡၩချဲၩ့ဒံၭဆၧထၫ့ဒၩ ယဟိဝၩယွၩ, ဒဲထၫ့ဒၩအ ခ့ၫအၡၩစဟ့ၭဇကဲအၫနီၪလီၫ.
17 အဝ့ၫဒၪကွ့ၭလံၬလဘံၪ့ဆ့ လၧအဒုၪဒွ့ၪယဟိဝၩ အံၫစရ့လၭအယွၩ, ချဲၩ့ဆၧထၫ့ဒၩဝ့ၫတၭ, စံၭဝ့ၫဒၪ, ဘဲၫခးလဖၪအဆၨၩၥံၪအယွၩလဖၪ လမၩဖီၩ့ဖျ့ၭဘၪ အၡၩခမျၧးလၧယစူၪဖၧၩ့အၥိၭနီၪ, စဟ့ၭဇကဲအၫ အယွၩမိမၩဖီၩ့မၩဖျ့ၭအၡၩခမျၧး လၧယစူၪဖၧၩ့ဆ့
18 အ့ၬ.- ထီးနီၪလဖၧၫ့အဝ့ၫၥံၪ ကိၭထၪ့ဆၧလၧအလူဖၭ ဒိၪလၧယုဒၫအလၨ လၧၦခမျၧးအမ့ၬယၫ လၧဒိၩ့ခိၪ
19 ဒၧၩ့အဖၫ့ခိၪဘဲၫၥိၭအမိမၩန့ဒိၩ့လီၫ.- တၭချဲၩ့ဆၧ ထၫ့ဒၩယရုစလံၫ့အယွၩ ဘဲၫလၧဂၪ့ခိၪအၡၩခမျၧးအ ယွၩလဖၪလၧၦမၩကဲၪထၪ့ဝ့ၫ လၧအစူၪအၥိၭနီၪလီၫ.
20 တၭလၧဆၧနီၪအကၠီၩ့ စဎွၩဟ့ၭဇကဲအၫ, ဒဲစအၫ မူၭအဖိၪခွၫမီၪစအဲၫစ့ယၫ ဘၩဆိၪဖၪဆၧတၭ, ကိၭ
21 ထၪ့ဆၧလၧမူၭခိၪလီၫ.- တၭယဟိဝၩအၪ့မၧၫ့လၩ့အ ၥီၫ့လဂၩလၧအဒၪ့ထ့ၬခွံၬ ၦအဒိၪအဆီၪ့ထီးအလူၬ,ဒဲ ၦအခိၪလဖၪ, ဒဲၦဒိၪဖၭဒိၪလၧအစံရအၫ အစဎွၩအ ၡၩၥုၪ့တဲၩအလးဖၧၩ့လီၫ. တၭအဝ့ၫဒၪထဲၩ့ကဒၩ ထဲၩ့ဝ့ၫလၧအခးဒၪဝ့ၫ အီၪလၧအမ့ၬမဲလီၫ. ထီၩ့ဝ့ၫ လၧအယွၩအဂံၪ့တၭ, ၦလၧအမွဲအဖိၪလၩ့ထံးလၩ့
22 ဆ့ၭနီၪမၩၥံၫအဝ့ၫလၧနၭထီးနီၪလီၫ.- တၭယဟိဝၩ မၩဖီၩ့မၩဖျ့ၭ စဟ့ၭဇကဲအၫ, ဒဲၦအီၪဝ့ၫလၧယရုစ လံၫ့အဖၧၩ့လၧအစံရအၫအစဎွၩ စနၭခရံၭအစူၪဖၧၩ့, ဒဲလၧၦထီးအလူၬအစူၪဖၧၩ့တၭ, ၥိၫ့အဝ့ၫၥံၪလၧအ
23 အီၪဝၬဖီၩ့ဝ့ၫကိၭစီၪ့ဒ့ၭလီၫ.- တၭၦအၪဂၩဂဲၫဆိၬ ဆၧမၩဘိၪ့လၧယဟိဝၩအအီၪ လၧယရုစလံၫ့,ဒဲလၬ ဆီၪ့ၥံၪလၧယုဒၫ အစဎွၩ ဟ့ၭဇကဲအၫအအီၪလီၫ. လၧဆၧမၩအၥၭဘဲၫနီၪအလးခဲၫ့တၭ, အဝ့ၫဒၪဒိၪထၪ့ ဝ့ၫလၧၦကိၭဆၨၩဒ့ၭအမ့ၬယၫလီၫ.
(၂ဎွၩ ၂ဝးၥ-၃, ၥ၂-ၥ၉, အဲၫ ၃၈းၥ-၃, ၃၉းၥ-၈).
24 ဆၧလၧမုနံၩလဖၪနီၪ စဟ့ၭဇကဲအၫဆၫထၪ့ထီးအ မိၥံၫဝ့ၫလီၫ. ဘၩဆိၪဖၪယဟိဝၩတၭ, အဆၧချဲၩ့ဒုၪ့
25 အဝ့ၫတၭ, ဖ့ၪလၫ့ဝ့ၫလၧဆၧမၩနဲၪ့လီၫ.- အ့ၪမွဲစဟ့ၭ ဇကဲအၫဖ့ၪလၫ့ကၪဆၧဘဲၫယီၩ ဆၧအခိးအတၩလၧ အဘၪဝ့ၫအၥိၭနီၪအ့ၬ. အဂဲးဘဲၫယီၩ အၥၭအီၪက့ၪ ထၪ့ထီၫအၥၭလီၫ. မၩအၥၭဘဲၫနီၪတၭ ဆၧၥၭထၪ့
26 ဘၪအဝ့ၫတၭ, ဘၪဆ့ယုဒၫ,ဒဲယရုစလံၫ့လီၫ.- မွဲလါ နၫ့ဘဲၫနီၪတၭစဟ့ၭဇကဲအၫ ဆၪ့လၩ့အၥၭလၧအၥၭ ထၪ့ထီၫအကၠီၩ့နီၪ, (အဝ့ၫဒၪဒဲၦအီၪဝ့ၫလၧယရုစလံၫ့ အဖၧၩ့,) တၭယဟိဝၩအဆၧၥၭထၪ့ဘၪဝ့ၫလၧစဟ့ၭ ဇကဲအၫအမုနံၩအဖၧၩ့နီၪအ့ၬ.
27 စဟ့ၭဇကဲအၫ အီၪဝ့ၫလၧဆၧလူဒိၪဎွ့ၩဒိၪ,ဒဲဆၧ လၩဆၧဖၩ့အၪအၪလ့ၬတၭ မၩဆၧအီၪက့ၪကီၪ့အ လးလၧစ့ၩအဂး, ဒဲလၧထီၫ့အဂး, ဒဲလၧလိးဂ့ၩအဂး, ဒဲဆၧနၧၫ့မၧၫ့အဂး ဒဲလၧအထၩ့ဖံၭၥံၪအဂး, ဒဲလၧဆၧ အဎၧၩ့အဎီလၧဆၧလၧ အဘၪၦအၥၭထီးအလူၬအ
28 ဂး,- ဆၧအီၪက့ၪကီၪ့အလးဆ့, လၧဘုၪၥံၪဂူၫၥံၪ,ဒဲစ ဘံၭထံၫ, ဒဲၥိၪအဆၧအၪထၪ့အဂး, ဒဲတၩ့ခူၬၥံၪလၧ ဆၧဖိၪဆၧဎါအဒိၩ့လဒီၪ့ ဒဲလဒီၪ့အဂး, ဒဲဖီၩ့ၥံၪလၧ
29 အၥိၪၥံၪဘ့ၪၥံၪအဂးလီၫ.- တၭအဝ့ၫမၩဒိၩ့ၥံၪလၧအ ဂး,ဒဲဆၧဖိၪဆၧလံၩ, ၥိၪၥံၪဘ့ၪၥံၪချီၥံၪအၪအၪလ့ၬ လီၫ. အဂဲးဘဲၫယီၩယွၩဖ့ၪလၫ့ဝ့ၫလၧ အစူၪလးအခၪ့ ခိၪအၪအၪလ့ၬလီၫ.
30 အဝ့ၫဒၪ, မွဲစဟ့ၭဇကဲအၫလၧအမၩဘံၭထၬဂဲဟၫ့ အထံၫကၠီၪ့လၧထၭလခီၫလကၠီၪ့တၭ, ဒုၭယွၩလၩ့ဝ့ၫ လၧစဒၫဝံၭအဒိၩ့မုနုၬလခီၫလီၫ. တၭစဟ့ၭဇကဲအၫ ဘီၪထၪ့ယီၫထၪ့ဝ့ၫ လၧအဆၧမၩ ထီးအလူၬအဖၧၩ့
31 လီၫ.- အ့ၪမွဲဆၧလၧအဘၪဆဲၫ့ လၧဘၭဘလၧၫ့အၦ ဒိၪဖၭဒိၪအၡၩချဲၩ့ဆၧလဖၪ လၧဆၧအၪ့မၧၫ့လၩ့ဝ့ၫ လၧအအီၪဘဲၫၥိၭအမိအၪ့စၪ့ဆၧလၧ ဆၧလၩ့လၭမၩ အၥၭလၧခးဖၧၩ့အဂဲးအကၠီၪ့နီၪ, ယွၩစဲၪ့ဒၪအဝ့ၫ ဘဲၫ ၥိၭအမိမၩခွါဝ့ၫ, ဒဲအမိၥ့ၪယၫ ကယဲဆၧလၧအအီၪ လၧအၥၭခံဖၧၩ့နီၪလီၫ.
(၂ဎွၩ ၂ဝ;၂ဝ-၂ၥ).
32 တၭဆၧအီၪလၩ့ထး ဘၪဆဲၫ့လၧစဟ့ၭဇကဲအၫ,ဒဲ အဂ့ၩအဘွၩနီၪ,ယိခွါ, ကွ့ၭအၥၭလၧစအၫမူၭအဖိၪ ခွၫစအဲၫစ့ယၫလၧအဒၪဆၧ လၧယၫလခီၫအဖၧၩ့ဒဲလၧ
33 ယုဒၫ,ဒဲအံၫစရ့လၭအစဎွၩအလံၬဖၧၩ့လီၫ.- စဟ့ၭ ဇကဲအၫမံၫဝ့ၫလၧအဖါၥံၪအၥိၭတၭ, ၦခုၪ့လၩ့ဘၧၩ့ ခွံၬဝ့ၫလၧစဒၫဝံၭအဖိၪခွၫၥံၪ အဆၧၥွၪခိၪအဂ့ၩထုၬ အဖၧၩ့တၭ, ယုဒၫ, ဒဲၦအီၪဝ့ၫလၧယရုစလံၫ့အဖၧၩ့ ထီးအလူၬမၩလၩမၩဖၩ့ဝ့ၫ လၧအၥံၫဝ့ၫအထီလီၫ. တၭအဖိၪခွၫစမနၭစ့ၫ ကဲၪထၪ့စဎွၩလၧအလးလီၫ.