25
(၂ဎွၩ ၥ၄;၂-၆).
1 လၧစအၫမဇဲအၫ ကဲၪၥၫ့စဎွၩနီၪ အၥၭအီၪနံၫဆံၫ ယဲနံၪ့တၭ, ကဲၪစဎွၩလၧယရုစလံၫ့အဖၧၩ့နံၫဆံၫခွံၫ နံၪ့လီၫ. အမိအမံၩ့မွဲနးယဟိအၭဒၫ့ လၧယရုစလံၫ့နီၪ
2 လီၫ.- စဎွၩမၩဆၧဂ့ၩလၧယဟိဝၩ အမ့ၬယၫလါနၫ့
3 တၭ,မၩဝ့ၫလၧအၥၭ ထၧၫ့ဖျိၪ့ယၫဆ့အ့ၬ.- ထီးအ ဘၩ့အမုးအီၪဂုးအီၪခၧၫ့ လၧအစူၪဖၧၩ့တၭ, ဆၧမၩ အၥၭလၧအမၩၥံၫအခ့ၫအၡၩလဖၪ လၧအမၩၥံၫအ
4 ဖါနီၪလီၫ.- မၩၥံၫအဝ့ၫၥံၪအဖိၪလဖၪနီၪအ့ၬ. ဘဲၫ ဆၧကွ့ၭအၥၭလၧစမိစ့ၭ အဆၧၥီၪ့ဆၧၥၫ့အဖၧၩ့အ ၥိၭ,ထီးယဟိဝၩမၪလူၬဆၧစံၭဝ့ၫဒၪ, ဖါလဖၪဘၪၥံၫ လၧဖိၪလဖၪအကၠီၩ့အ့ၬ, ဖိၪလဖၪနီၪဘၪၥံၫလၧဖါအ ကၠီၩ့ဆ့အ့ၬ. အ့ၪမွဲၦၡၩမိဘၪၥံၫလဂၩဘၪလဂၩလ ဂၩဘၪလဂၩ လၧအဆၧဒဲၩဘၭဒၪဝ့ၫအကၠီၩ့နီၪဆုၬ ဆုၬလီၫ.
(၂ဎွၩ ၥ၄;၇).
5 စအၫမဇဲအၫဒုၭအီၪကီၪ့ယုဒၫတၭ, အီၪက့ၪၦအ ထီၫ့ၥံၪအခိၪလဖၪ, ဒဲၦအယၩၥံၪအခိၪလဖၪ, ဘဲၫအ ဝ့ၫၥံၪအဖါလဖၪအဂံၪ့အၥိၭနီၪ, လၧယုဒၫဒဲဘံၪ့ယမံၫ့ ထီးအလူၬအကျၩတၭ, ဝံထၪ့နၬထၪ့ ၦလၧအၥၭအီၪ အနံၪ့နံၫဆံၫ, ဒဲနံၫဆံၫအဖၫ့ခိၪတၭ, ဒၪန့ၦရွံန့ဖိၪၥၧၫ့ ကုၬလၧအလ့ၩဒုၭၥုၭၥ့ၪ, ဖီၪ့ထၬဖၩ့ၥံၪဒဲထၩ့ဖံၭၥံၪၥ့ၪ
6 လီၫ.- အဝ့ၫအၪ့လံၩ့ၦအဆီၪ့, ဒဲအၥၭဒူၩလၧအံၫစရ့ လၭအကျၩလကုၬလၧ စ့ၩအကံကၫလယၩအဂးလီၫ.
7 အ့ၪမွဲယွၩအၡၩလဂၩဂဲၫလၧအအီၪတၭ, စံၭဝ့ၫဒၪ, စဎွၩဧ့, ဒုၭလ့ၩအံၫစရ့လၭအၡၩၥုၭမုလၧနၥိၭလဂ့ၩ, အဂဲးဘဲၫယီၩ ယဟိဝၩအီၪလၧအံၫစရ့လၭ, အံဖြံၫ့ဖိၪ
8 ထီးအလူၬအၥိၭနီၪအ့ၬ.- အ့ၪနမိလ့ၩတၭ, လ့ၩဘီၪ, နမိဆီၪ့ထၪ့လၧဒုၭဆၧအဂးလါနၫ့ ယွၩမိဒုၭလၩ့ထံၩ ဖါနၧၩလၧနဒုၪနဒၩၥံၪအမ့ၬယၫလီၫ. အဂဲးဘဲၫယီၩ ယွၩအီၪဝ့ၫလၧအစီၩ့အမၩ့ဘဲၫၥိၭ အမိမၩဆၧၩ့ဆၧ
9 ဒဲဘဲၫၥိၭအမိဒုၭလၩ့ထံၩဖါဆၧလီၫ.- တၭစအၫမဇဲၫ အၫစံၭယွၩအၡၩ, စ့ၩအကံကၫလယၩလၧယဖ့ၪလၫ့ အံၫစရ့လၭအၡၩၥုၭမုနီၪ, ပမိမၩဘဲၫၥ့ၪလဲၪ. တၭ ယွၩအၡၩစံၭဆၧၫ့ဝ့ၫဒၪ, ယဟိဝၩဖ့ၪလၫ့နၧၩအၪနဲၪ့
10 အနီၪၥ့ၪလီၫ.- ထီးနီၪလဖၧၫ့စအၫမဇဲၫအၫမၩလၩ့မု လၩ့ဖၭၦၥုၭမုလၧအဂဲၫလၧအအီၪ လၧအံဖြံၫ့ဘဲၫၥိၭ အမိထဲၩ့ထဲၩ့လၧအလးဒၪဝ့ၫ, မၩအၥၭဘဲၫနီၪတၭ, အဝ့ၫၥံၪအၥၭထၪ့ခဲၩထၪ့ထၫ့ဒၩ ယုဒၫနၭနၭလ့ၬတၭ, ထဲၩ့ထဲၩ့ဝ့ၫလၧအလး လၧအၥၭထၪ့ဖၭဒိၪလီၫ.
11 စအၫမဇဲၫအၫမၩဆီၪ့ထၪ့အၥၭတၭ, ၥိၫ့ထၪ့အၡၩ ခမျၧးလ့ၩဝ့ၫ လၧထံၫလၪအခိၪလီၩ့ဆူၭတၭ, ကျီၪ့ၥံၫ
12 ခွံၬၦစံအၫဖိၪလလၬလီၫ.- တၭၦလၧအမၧၫ့ဒံၭလလၬ နီၪၦယုဒၫဖိၪဆိၬထၪ့ခွံၬဝ့ၫတၭ ဆိၬန့ဝ့ၫထီၩ့လၧလိး အဒၩ့ခိၪတၭ, ခွံၬလၩ့ခွံၬဝ့ၫလၧလိးအဒၩ့ခိၪနီၪ ၦလ ဖၪနီၪလၩ့ဘျ့ၭခွံၬဝ့ၫထီးအလူၬလီၫ.
13 ၦၥုၭဖိၪလဒီၪ့လၧစအၫမဇဲၫအၫအၪ့မၧၫ့အထဲၩ့ဘဲၫ ၥိၭအထီးလ့ၩဝ့ၫလၧအၥိၭ လၧဆၧဒုၭၥုၭလဂ့ၩနီၪ, ကျီၪ့ခွံၬယုဒၫအဒိၩ့လဖၪ လၧစမ့ရအၫဖိးလၧဘ့ၫၥဟိ ရၫ့,ကျီၪ့ခွံၬၦၥၧၫ့ထီၫ့လၧအကျၩတၭ, မၩန့ဆၧဖိၪဆၧ
14 လံၩအၪအၪလ့ၬလီၫ.- စအၫမဇဲၫအၫဂဲၫဝ့ၫလၧဆၧ မၩၥံၫၦအံဒၧၫ့ဖိၪ အလးခဲၫ့နီၪ, ဆၧမၩအၥၭလၧအ ဂဲၫဆိၬၦစံအၫဖိၪအယွၩလဖၪတၭ, အီၪက့ၪဝ့ၫလၧအ မ့ၬယၫတၭ, ဆူၭခဲၩထၪ့ဆၧနၧၫ့မၧၫ့လၧအဂးလီၫ.
15 တၭယဟိဝၩအၥၭထၪ့ခဲၩထၪ့ထၫ့ဒၩ စအၫမဇဲအၫ တၭ,အၪ့မၧၫ့လၩ့မီၪလဂၩ လၧအအီၪလၧအစံၭဝ့ၫ,န အၪ့ဎၬဆၧလၧၦဆၨၩအယွၩၥံၪလၧ အမၩဖီၩ့မၩဖျ့ၭ အၡၩခမျၧးဒၪဝ့ၫ လၧနစူၪဖၧၩ့လၥ့ၪဘၪနီၪ, မွဲဘၪ
16 လဲၪ.- အဆၧချဲၩ့ဒုၪ့အဝ့ၫဒၪအဘိၩ့ဘၭနီၪတၭ, ဆၧ မၩအၥၭလၧစဎွၩစံၭဝ့ၫ, မွဲနကဲၪထၪ့ၦကိၪ့လိၬဆၧလၧ စဎွၩနီၪဆ့ဧၪ, အီၪလၩ့မါပံၭဆံၭ. နမိဘၪဆၧကျီၪ့ နၧၩမွဲဘၪလဲၪ တၭမီၪလဂၩနီၪအီၪလၩ့မါပံၭတၭ, စံၭ ဝ့ၫဒၪ,ယၥ့ၪယၫလၧယွၩဖၭဝဲၩဝ့ၫ လၧအမိမၩဂၭဂီၩ့ နၧၩလီၫ. အဂဲးဘဲၫယီၩနမၩဆၧလမံၩ့ယီၩ, လခိၭနၪ ဘၪဆၧၥီၪ့လီၫ.
(၂ဎွၩ ၥ၄;၈-၂ဝ).
17 ထီးနီၪလဖၧၫ့ယုဒၫအစဎွၩ စအၫမဇဲၫအၫထီးန့ဆၧ ၥီၪ့တၭ,အၪ့မၧၫ့လၩ့အၥီၫ့လဂၩ လၧအံၫစရ့လၭအစ ဎွၩယံဟုၫအဖိၪခွၫ စယဟိအဟၭအဖိၪခွၫ စယိအၭ
18 တၭ,စံၭဝ့ၫဒၪဂဲၫဘီၪၬ မွဲပယိလိၬပမ့ၬဆံၭ.- တၭအံၫ စရ့လၭအစဎွၩယိအၭ အၪ့မၧၫ့လၩ့ဆၧလၧယုဒၫအစ ဎွၩအၫမဇဲၫအၫတၭ, စံၭဝ့ၫဒၪ, ဆၧဆူၪလၧလ့ၭဘ နၧၫ့အလီၩ့,အၪ့မၧၫ့လၩ့ဆၧလၧၥံၪ့ၡိၫအ့ရ့ၭလၧလ့ၭ ဘနၧၫ့အလီၩ့စံၭဝ့ၫဒၪ, ဖ့ၪလၫ့နဖိၪမုၪလၧယဖိၪခွၫအ မၫအဂးဆံၭ. တၭဆၧဖိၪဆၧဎါအမံၩ့လၧလ့ၭဘနၧၫ့ အလီၩ့လဒုၩလ့ၩဖီၩ့ဝ့ၫတၭ ယဲးထဲးလၩ့ဆၧဆူၪနီၪ
19 လီၫ.- နစံၭ,ယိခွါ, နကျီၪ့ခွံၬယူၭၦအံဒၧၫ့ဖိၪယူၭတၭ, နၥၭအီၪက့ၪထၪ့ထီၫနၧၩ ဘဲၫၥိၭနမိအီၪက့ၪဖိၫလိၫန ၥၭလီၫ. အီၪလၧနဂံၪ့ဆံၭ. နအၪ့ဎၬန့နလးလၧနမိဘၪ ထံၭအဂးဘဲၫၥိၭနမိလၩ့ထံၩဖါ, နဝ့ၫဒၪ,ဒဲယုဒၫလၧန
20 ၥိၭဆ့,မွဲဘၪလဲၪ.- မွဲလါနၫ့ဘိၩစအၫမဇဲၫအၫခိၭနၪ ဝ့ၫအ့ၬ. အဂဲးဘဲၫယီၩမွဲဝ့ၫလၧယွၩလခီၫး ဘဲၫၥိၭအ မိဖ့ၪလၫ့ခွံၬအဝ့ၫၥံၪလၧအဒုၪအဒၩ အစူၪဖၧၩ့လၧအ အၪ့ဎၬဆၧလၧအံဒၧၫ့ အယွၩလဖၪ အကၠီၩ့နီၪလီၫ.
21 အခိးမွဲအံၫစရ့လၭအစဎွၩ ယိအၭလ့ၩထၪ့တၭ,အဝ့ၫ ဒၪဒဲယုဒၫအစဎွၩအၫမဇဲၫအၫယိလိၬအမ့ၬ လၧဘ့ၭၥ
22 ၡံမ့ၭ,ဘၪဆဲၫ့လၧယုဒၫလီၫ.- ယုဒၫစၪဝ့ၫလၧအံၫစရ့ လၭအမ့ၬယၫတၭ, ၦစဲၪ့ခွံၬဝ့ၫလဂၩ လၧအတဲၩဒၪ
23 ဝ့ၫ,လဂၩလၧအတဲၩဒၪဝ့ၫနီၪလီၫ.- တၭအံၫစရ့လၭအ စဎွၩယိအၭမၩန့ယုဒၫအစဎွၩယဟိအဟၭအဖိၪခွၫ, စယိအၭအဖိၪခွၫစအၫမဇဲၫအၫ လၧဘ့ၭၥၡံမ့ၭအဖၧၩ့ တၭဂဲၫဆိၬဝ့ၫလၧယရုစလံၫ့တၭ, မၩလၩ့ဎီးခွံၬယရု စလံၫ့အခိၪဒၧၩ့အဖျါလံယၩလၧ တရၫ့အံဖြံၫ့ထီၩ့လၧ
24 ဆၧအနိၪ့အတရၫ့လီၫ.- တၭမၩန့ထီၫ့ဒဲစ့ၩ ထီးအ လူၬ,ဒဲဆၧအဎၧၩ့အဎီ လၧအဒၪန့ဝ့ၫ လၧယွၩအဂံၪ့ ဖၧၩ့,အီၪလၧစအိၫဘဒံဒၧၫ့အစူၪဖၧၩ့ထီးအလူၬ, ဒဲဆၧ လူဒိၪဎွ့ၩဒိၪလၧစဎွၩအဂံၪ့ဖၧၩ့, ဒဲၦထိးအၥၭလဖၪ ဆ့တၭ,ထဲၩ့ကဒၩထဲၩ့ဝ့ၫလၧစမ့ရအၫနီၪလီၫ.
25 လၧအံၫစရ့လၭအစဎွၩ ယဟိအဟၭအဖိၪခွၫစယိ အၭၥံၫဝ့ၫအလးခဲၫ့နီၪ, ယုဒၫအစဎွၩယိအၭအဖိၪခွၫ
26 စအၫမဇဲၫအၫမၧၫ့ဒံၭလဆံၫယဲနံၪ့လီၫ.- ဆၧအီၪလၩ့ ထးဘၪဆဲၫ့လၧစအၫမဇဲၫအၫ အခၪ့ထံၭ ဒဲအထုၬနီၪ, ယိခွါ,ကွ့ၭအၥၭလၧယုဒၫဒဲ အံၫစရ့လၭအစဎွၩၥံၪအ
27 လံၬဖၧၩ့နီၪ,လမွဲဘၪဧၪ.- တၭလၧအဆၧၫ့အထီလၧ စအၫမဇဲၫအၫကၠၪကဒၩခွံၬအၥၭ လၧအဖိၬယဟိဝၩ အခဲၫ့နီၪ, ၦကိၪ့ဆၧအၧၩ့ထၫ့ဒၩအဝ့ၫ လၧယရုစလံၫ့ အဖၧၩ့တၭ, အဝ့ၫစဲၪ့ဖျိၭဖိးလၧလၫခံၭ, အ့ၪမွဲဆၧအၪ့ မၧၫ့လၩ့ၦလီၩ့ဆီးအဝ့ၫ ထီၩ့လၧလၫခံၭတၭ, မၩၥံၫ ဝ့ၫထီးနီၪလီၫ.
28 တၭၦဂဲၫဆိၬဝ့ၫလၧကၥ့ၪအလီၩ့ ခုၪ့လၩ့ဘၧၩ့ခွံၬ ဝ့ၫလၧအဖါၥံၪအၥိၭ လၧယုဒၫအဒိၩ့ဖၧၩ့လီၫ.