13
(ၥဎွၩ ၥ၅:ၥ-၈).
1 လၧစယ့ၫရဘိအၫ့ ကဲၪထၪ့စဎွၩလဆံၫဎိၭနံၪ့လနံၪ့ တၭ,စအဘဲယၫကဲၪၥၫ့စဎွၩ လၧယုဒၫအဖၧၩ့တၭ,
2 ပၧၩ့ဘၪဆၧလၧ ယရုစလံၫ့အဖၧၩ့နီၪၥၧၫ့နံၪ့လီၫ. အ မိအမံၩ့မွဲနးမံၫခ့ယၫ, ၦဂံဘအၫဖိၪစယုၫရအ့လၭအ ဖိၪမုၪလီၫ.
3 တၭဆၧဒုၭၥုၭအီၪထၪ့လၧစအဘဲယၫ ဒဲစယ့ၫရဘိ အၫ့လီၫ. စအဘဲယၫတဲၩ့ဝဲၩဆၧဒုၭၥုၭလၧၦၥုၭဖိၪ ခမျၧးအီၪလၧအၥၭဆီၪ့, လၧၦရွံန့ဝ့ၫၦၡၩလံကုၬလီၫ. တၭစယ့ၫရဘိအၫ့တဲၩ့ဝဲၩ ဆၧဒုၭၥုၭဆ့ထၫ့ဒၩအဝ့ၫ, လၧဆၧရွံန့ဝ့ၫၦၡၩဎိၭကုၬတၭ မွဲၦၥၭဆီၪ့ဒဲၥၭဒူၩဆ့ လီၫ.
4 တၭစအဘဲယၫ ဆၧၫ့ထုၪ့လၧခိၪလီၩ့ ဇံၫ့မရံၫ့အ လီၩ့,လၧအအီၪ လၧခိၪလီၩ့အံဖြံၫ့အဖၧၩ့နီၪ, စံၭဝ့ၫ ဒၪ,စယ့ၫရဘိအၫ့, ဒဲအံၫစရ့လၭထီးအလူၬၥံၪဧ့, ခိၭ
5 နၪယၧၩဘီၪၬ- ယဟိဝၩအံၫစရ့လၭအယွၩနီၪဖ့ၪလၫ့ ဘၩ့မုးလၧအံၫစရ့လၭအဖၫ့ခိၪ, လၧစဒၫဝံၭအစူၪဖၧၩ့ အဆိၩဆိၩအကၠၪကၠၪ လၧဆၧအုၩ့လၩ့ ထံၫလၪနီၪ,
6 နၥံၪကြၨၭၥ့ၪယၫ,မွဲအ့ၬဧၪ.- မွဲလါနၫ့ဘိၩစနံဘၭအ ဖိၪခွၫစယ့ၫရဘိအၫ့, စဒၫဝံၭအဖိၪခွၫစစီလမၧၫ့အခ့ၫ
7 အၡၩလဂၩနီၪ,ဂဲထုၪ့တၭ, ပိၩ့ထၪ့အကဆါလီၫ.-ၦ ဂၭဂီၩ့ဖိၪ လၧအမွဲၦဘၫအလၭဖိၪလဖၪ အီၪကီၪ့လၧ အအီၪတၭ, အဝ့ၫၥံၪမၩဆီၪ့ထၪ့အၥၭ ထၫ့ဒၩစစီလ မၧၫ့အဖိၪခွၫစရံၫဟဘိအၫ့လဂၩ, မွဲလၧစရံၫဟဘိအၫ့ အၥၭဘၪ့ဒဲၥၭဆါအဘိၩ့ဘၭတၭ မၩနၧၩ့မၩစၪအဝ့ၫ
8 ၥံၪၥ့ၪအ့ၬ.- တၭဘိၩ့နဲၪ့ယီၩ နၥံၪဆီၫ့မီၪ့လၧနၥံၪမိ ထၫ့ဒၩယဟိဝၩအဘၩ့အမုး လၧအအီၪလၧစဒၫဝံၭအ ဖိၪခွၫၥံၪအစူၪဖၧၩ့တၭ, မွဲကဒၪယူၭနၥံၪမွဲၦခမျၧးဖၭ ဒိၪ,ယွၩလဖၪလၧစယ့ၫရဘိအၫ့ တဲၩ့ဝဲၩချီဖိၪထီၫ့ၥံၪ
9 အီၪလၧနၥံၪအၥိၭဆ့.- ယဟိဝၩ အၡၩလုဆၧလဖၪ စအၫရၧၫ့အဖိၪခွၫၥံၪ, ဒဲၦလံဝဲၫဖိၪလဖၪ, နၥံၪနၫ့ထၪ့ ခွံၬမွဲအ့ၬဧၪး ဒဲနၥံၪမၩထၪ့ၦလုဆၧလဖၪ ဘဲၫထံၫၥံၪ ခးၥံၪအဆၨၩလဖၪမၩဝ့ၫအၥိၭနီၪ, မွဲအ့ၬဧၪ. အခိးမွဲ ထီးဒၪၦလဂၩဂၩ လၧအဂဲၫအီၪက့ၪဆံၫ့ဎံၪ အနၫ့ဆါ ဒၪဝ့ၫ,အီၪလၧချီဖၫဖိၪဒဲၥိၪဖၫနွ့ၫဒုၩၥံၪ, အဝ့ၫဒၪလ ဂၩဂၩကဲၪထၪ့ၦလုဆၧ လၧအလမွဲဘၪ ယွၩလဖၪအ
10 ဂးလီၫ.- အ့ၪမွဲပဝ့ၫဒၪယီၩ, ယဟိဝၩမွဲပယွၩတၭ,ပဝ့ၫ ဒၪပစဲၪ့ဒၪအဝ့ၫနီၪဆ့အ့ၬ. ဒဲၦလုဆၧလဖၪလၧအမၩ ယဟိဝၩအဆၧမၩနီၪ, မွဲစအၫရၧၫ့အဖိၪခွၫၥံၪ, ဒဲၦလံ
11 ဝဲၫဖိၪလဖၪမၩအဝ့ၫၥံၪအဆၧမၩဆ့တၭး- လၧလဂီၩ ဘၪလဂီၩ, ဒဲလၧလဂၪဘၪလဂၪကိၭဖၧၫ့ဒ့ၭနီၪ, အဝ့ၫ ၥံၪလုထၪ့ယဟိဝၩ လၧဆၧလုမ့ၪ ဒဲဆၧနၧၫ့မၧၫ့နီၪ, ဆၧမ့ၬယၫအကိၪဆ့လၧစပွဲဆံၫ့ဎံၪအဖၫ့ခိၪ, ဒဲမ့ၪဒိၩ့ အလးထီၫ့အီၪလၧအမ့ၪဒိၩ့လဖၪ ဘဲၫအမိခဲၩဖၩ့ထၪ့ မုဂၪလၩ့လခီၫကိၭဖၧၫ့ဒ့ၭလီၫ. အဂဲးဘဲၫယီၩပဝ့ၫဒၪ ပထီးန့ယဟိဝၩပယွၩ အဆၧမၪလူၬလဖၪတၭ,နၥံၪဝ့ၫ
12 ဒၪနၥံၪစဲၪ့ဒၪခွံၬအဝ့ၫဒၪလီၫ.- တၭ,ယိခွါ, ယွၩအနၫ့ ဆါအီၪလၧပၥိၭ ကဲၪပၥုၭခိၪ, ဒဲအၡၩလုဆၧလဖၪ အူၪထၪ့ခွ့ၩၥံၪတၭ, ကိၭၡၭထၪ့ထၫ့ဒၩနၥံၪဆ့လီၫ. ၦ အံၫစရ့လၭဖိၪၥံၪဧ့, ထီးဒုၭၥုၭထၫ့ဒၩ ယဟိဝၩနၥံၪ အဖါလဖၪအယွၩနီၪလဂ့ၩ. အဂဲးဘဲၫယီၩ နၥံၪမိဘီၪ ထၪ့ယီၫထၪ့အ့ၬ.
13 မွဲလါနၫ့တၭ, စယ့ၫရဘိအၫ့ဒုၭအီၪထၪ့ ၦခိၭၥူၪဆၧ ဂဲၫထၪ့လၧအဝ့ၫၥံၪအလးခဲၫ့လခီၫ, အခိးမွဲအဝ့ၫၥံၪ အီၪလၧၦယုဒၫဖိၪအမ့ၬယၫ, ဒဲၦခိၭၥူၪဆၧအီၪလၧအ
14 ချိၫ့လခီၫနီၪလီၫ.- ထီးၦယုဒၫဖိၪၥံၪယိထဲၩ့လၧအလး ခဲၫ့တၭ,ယိခွါ, ဆၧဒုၭၥုၭအီၪလၧအမ့ၬယၫဒဲလၧအ ချိၫ့လခီၫဆ့လီၫ. တၭအဝ့ၫၥံၪကိၭထၪ့ယဟိဝၩဒဲၦလု
15 ဆၧလဖၪအူၪထၪ့ခွ့ၩၥံၪလီၫ.- ထီးနီၪလဖၧၫ့ၦယုဒၫ ဖိၪၥံၪကိၭၡၭထၪ့တၭ, လၧၦယုဒၫဖိၪကိၭၡၭထၪ့အ ဘိၩ့ဘၭနီၪ, ဆၧမၩအၥၭလၧယွၩကျီၪ့စယ့ၫရဘိအၫ့ ဒဲအံၫစရ့လၭထီးအလူၬ လၧစအဘဲယၫ ဒဲယုဒၫအမ့ၬ
16 ယၫလီၫ.- တၭၦအံၫစရ့လၭဖိၪလဖၪစဲၪ့ဖျိၭလၧယုဒၫ အမ့ၬယၫနီၪ, ဒဲယွၩဖ့ၪလၫ့ဝ့ၫလၧ အဝ့ၫၥံၪအစူၪဖၧၩ့
17 လီၫ.- တၭစအဘဲယၫဒဲ အၡၩခမျၧးၥံၪမၩၥံၫအဝ့ၫၥံၪ လၧဆၧၥံၫဖၭဒိၪနီၪဆ့လီၫ. အခိးမွဲၦအံၫစရ့လၭဖိၪ လၩ့ထံၩဖါၥံၫဝ့ၫၦၡၩ ရွံန့ဖိၪလဖၪယဲကုၬလီၫ.
18 အဆၧၫ့အထီနီၪ ၦအံၫစရ့လၭဖိၪ ဘၪဆၧမၩနၧၩ့ မၩစၪတၭ, ၦယုဒၫဖိၪနၧၩ့ဝ့ၫ, အဂဲးဘဲၫယီၩအဝ့ၫၥံၪ ဒိၭနဲၩ့အၥၭလၧယဟိဝၩ အဝ့ၫၥံၪအဖါလဖၪအယွၩ
19 လီၫ.- စအဘဲယၫလီၩ့ဆီးစယ့ၫရဘိအၫ့တၭ, မၩန့ခွံၬ ဒိၩ့လဖၪ, လၧအစူၪဖၧၩ့, ဘ့ၫၥလၭ ဒဲအတဝၫ့လဖၪ, ယ့ၫၡါနၫ ဒဲအတဝၫ့လဖၪ, ဒဲအံဖြံၫ့ဒဲအတဝၫ့လဖၪ
20 လီၫ.- လၧစအဘဲယၫအမုနံၩလဖၪနီၪ, စယ့ၫရဘိအၫ့ န့ထဲၩ့ဒီၭအစီၩ့အမၩ့ နးဆိၭအ့ၬ. ယွၩကျီၪ့ဝ့ၫတၭ, ၥံၫဝ့ၫဒၪလီၫ.
21 တၭစအဘဲယၫ ဆီၪ့ထၪ့လခီၫဒိၪဒိၪလ့ၬ, ဒဲန့အမၫ ၥံၪလဆံၫလံဂၩတၭ, ထၪ့ဖိၪအဖိၪခွၫနံၫဆံၫနံၫဂၩ,ဒဲ အဖိၪမုၪၥံၪလဆံၫဎူၫဂၩလီၫ.
22 တၭစအဘဲယၫအဆၧမၩဂူၫဂၩလဖၪ, ဒဲအဖၧၩ့ၥၭ ၥံၪ,ဒဲအဆၧချဲၩ့ၥံၪနီၪ, အီၪကွ့ၭအၥၭလၧစအံဒိၫအ လံၬလီၩဖျီၪထၪ့ဆၧအဖၧၩ့နီၪ, မွဲအ့ၬဧၪ. တၭစအဘဲ ယၫမံၫဝ့ၫ လၧအဖါၥံၪအၥိၭတၭ, ၦၡၩခုၪ့လၩ့ဘၧၩ့ ဝ့ၫလၧစဒၫဝံၭအဒိၩ့ဖၧၩ့နီၪလီၫ.