လံၬကွ့ၭနဲၪ့ဆၧနံၫဘံၪ့လဘံၪ့.
1
(ၥဎွၩ ၃:ၥ-ၥ၅).
1 တၭစဒၫဝံၭအဖိၪခွၫ စစီလမၧၫ့ ဂုးထၪ့ခၧၫ့ထၪ့လၧ အဘၩ့အမုးအဖၧၩ့နီၪ, ဒဲယဟိဝၩ, အဝ့ၫဒၪအယွၩ အီၪလၧအၥိၭတၭ, မၩဒိၪထၪ့ထီၫထၪ့အဝ့ၫ အၪအၪ
2 လ့ၬလီၫ.- ထီးနီၪလဖၧၫ့ စစီလမၧၫ့ချဲၩ့ထၪ့လၧအံၫစ ရ့လၭထီးအလူၬ, ဒဲၦအထီၫ့ၥံၪ အခိၪလဖၪ, ဒဲၦအ ယၩၥံၪအခိၪလဖၪ, ဒဲၦစ့ၩရၫ့ခွးလဖၪ, ဒဲလၧကယဲၦ ဒိၪၥံၪလၧအံၫစရ့လၭထီးအလူၬအကျၩ, လၧအမွဲဖါ
3 လဖၪအခိၪၥံၪလီၫ.- တၭစစီလမၧၫ့, ဒဲဆၧအီၪကီၪ့ ထီးအလူၬလၧအၥိၭ, လ့ၩထၪ့လၧဆၧထၪ့ထီၫအလး လၧဂံဘအၧၫ့အဖၧၩ့နီၪ, အဂဲးဘဲၫယီၩယဟိဝၩယွၩ အဆၧအီၪကီၪ့အတဲၩဆံၫ့ဎံၪ လၧယဟိဝၩအခ့ၫအ ၡၩစမိစ့ၭ မၩထၪ့ဝ့ၫ လၧၡါမုနၧၫ့ဖၫ, အီၪဝ့ၫထီးနီၪ
4 လီၫ.- အ့ၪမွဲယွၩအတလၫနီၪ စဒၫဝံၭဂဲၫဆိၬထၪ့ခွံၬ ယူၭလၧကၧၫယၭယံအရံၫ့ထီၩ့လၧ အလးလၧစဒၫဝံၭ တဲၩ့ဝဲၩဝ့ၫလၧအဂး အဂဲးဘဲၫယီၩ အဝ့ၫဒၪမၩထၪ့
5 ယူၭတဲၩလၧအဂးလၧယရုစလံၫ့အဖၧၩ့နီၪလီၫ.- တၭ ဆၧလုအလးထီးဝီၩလၧ စဟၧၫအဖိၪခွၫစယုရဲၫအဖိၪ ခွၫ,စဘ့ၫဇလံလၭမၩထၪ့ဝ့ၫနီၪ, အီၪဝ့ၫထီးနီၪလၧယ ဟိဝၩအတဲၩဆံၫ့ဎံၪအမ့ၬယၫတၭ, စစီလမၧၫ့ဒဲဆၧ
6 အီၪကီၪ့နီၪအၪ့ဎၬဆၧလၧအနီၪလီၫ.- တၭစစီလမၧၫ့ လ့ၩထီၩ့ဝ့ၫလၧဆၧလုအလး ထီးဝီၩအအီၪလၧယဟိ ဝၩအမ့ၬယၫလၧဆၧအီၪကီၪ့ အတဲၩဆံၫ့ဎံၪအအီၪနီၪ, ဒဲလုထၪ့ဆၧလုမ့ၪ လထီၫ့လၧအလီၩ့လီၫ.
7 လၧမုလနၩဎးနီၪ ယွၩမၩဖျီၪထၪ့အၥၭ လၧစစီလ မၧၫ့တၭ,စံၭအဝ့ၫ, ဆၧလၧယမိဖ့ၪလၫ့နၧၩလမံၩ့နီၪ,
8 အၪ့ကံၩ့ဆံၭ.- စစီလမၧၫ့စံၭဆၧၫ့ယွၩ, နဝ့ၫဒၪနဒုၭနဲၪ ဆၧယၫ့ၥၭဖၭဒိၪ လၧယဖါစဒၫဝံၭ, ဒဲဒုၭကဲၪထၪ့
9 ယၧၩလၧစဎွၩလၧအဝ့ၫဒၪအလးလီၫ.- ဘိၩ့နဲၪ့ယီၩ, ယဟိဝၩယွၩဧ့, နဆၧချဲၩ့ဝဲၩလၧယဖါစဒၫဝံၭနီၪ, မွဲအ ဂုးထၪ့ဝ့ၫဆံၭ. အဂဲးဘဲၫယီၩ နအီၪက့ၪထၪ့ယူၭယၧၩ လၧၦခမျၧးလၧအအၪဝ့ၫ ဘဲၫဂၪ့ခိၪမုၬအၥိၭနီၪအဖၫ့
10 ခိၪလီၫ.- ဘိၩ့နဲၪ့ယီၩ ဖ့ၪလၫ့လါယၧၩ လၧဆၧကိၪ့ၥ့ၪ ကိၪ့ဘၪဒဲဆၧၥ့ၪယၫ, ဘဲၫၥိၭယမိလ့ၩထၪ့ ဒဲဂဲၫနုၬ လၧၦခမျၧးယီၩအမ့ၬယၫဆံၭ. အဂဲးဘဲၫယီၩၦခမျၧး ဖၭဒိၪယီၩမွဲပလၫစ့ၩရၫ့မိၥ့ၪလဂၩလဲၪ.
11 တၭယွၩစံၭစစီလမၧၫ့, မွဲဆၧလမံၩ့ယီၩ အီၪလၧန ၥၭခံဖၧၩ့အကၠီၩ့နီၪ, နလအၪ့ကံၩ့ဘၪ စူၪလးခၪ့ခိၪ, ဆၧအဎၧၩ့အဎီ, ဆၧလၩဆၧဖၩ့မွဲဂ့ၩ, နဒုၪနဒၩၥံၪအ ၥၭမၧၫ့မွဲဂ့ၩ, ဒဲနအၪ့ကံၩ့လၧနၥၭမိမၧၫ့ယံၬနီၪဆ့အ့ၬး အ့ၪမွဲနအၪ့ကံၩ့ဆၧကိၪ့ၥ့ၪကိၪ့ဘၪ ဒဲဆၧၥ့ၪယၫလၧ နနၫ့ဆါအဂး, ဘဲၫၥိၭနမိစ့ၩရၫ့ယၡၩခမျၧးၥံၪ, လၧယ
12 အီၪက့ၪထၪ့နၧၩ ကဲၪစဎွၩလၧအဖၫ့ခိၪတၭ,- နမိန့ဘၪ ဆၧကိၪ့ၥ့ၪကိၪ့ဘၪ ဒဲဆၧၥ့ၪယၫ, ဒဲယမိဖ့ၪလၫ့နၧၩ လၧစူၪလးခၪ့ခိၪ, ဒဲဆၧအဎၧၩ့အဎီ,ဒဲဆၧလၩဆၧဖၩ့, ဘဲၫစဎွၩၥံၪလၧအအီၪထၪ့ဆိၫနဲၪ့နၧၩနီၪ လန့ဘၪဝ့ၫ နးဂၩအၥိၭ, ဒဲၦလၧအအီၪထၪ့ဝ့ၫလၧနလးခဲၫ့လဖၪမိ န့ဘၪဘဲၫနီၪၥိၭနးဂၩဆ့အ့ၬ.
(ၥဎွၩ ၥဝ;၂၆-၂၉).
13 ထီးနီၪလဖၧၫ့စစီလမၧၫ့ ဂဲၫထဲၩ့လၩ့လၧလးထၪ့ထီၫ နီၪလၧဂံဘအၧၫ့အဖၧၩ့ ထီၩ့လၧယရုစလံၫ့. လၧဆၧ အီၪကီၪ့အတဲၩဆံၫ့ဎံၪအအီၪတၭ, ကဲၪထၪ့စဎွၩလၧ အံၫစရ့လၭအဖၫ့ခိၪလီၫ.
14 တၭစစီလမၧၫ့ အီၪက့ၪကီၪ့လဲၪ့ၥုၭလဖၪ, ဒဲၦလၧ အထူၬကၥ့ၪလဖၪ, အလဲၪ့ၥုၭလဖၪ အီၪဝ့ၫလထီၫ့လံ ယၩ,ဒဲၦလၧအထူၬကၥ့ၪလဖၪ အီၪဝ့ၫလလၬနံၫထီၫ့, လၧအအီၪက့ၪဝ့ၫလၧဒိၩ့ၥံၪ ဘၪဆဲၫ့လၧလဲၪ့ၥုၭအဖၧၩ့ နီၪ,ဒဲလၧစဎွၩအၥိၭလၧ ယရုစလံၫ့အဖၧၩ့ဆ့လီၫ.
15 စဎွၩဒုၭအီၪထၪ့ကျိၪၥံၪစ့ၩၥံၪ, ထီၫ့ၥံၪလွ့ၫၥံၪလၧ ယရုစလံၫ့အဖၧၩ့နီၪ, ဘဲၫလိးလဖၪအၥိၭ, ဒဲၥံၪ့ၡိၫအ့ ရ့ၭအၪအၪလ့ၬ ဘဲၫၥံၪ့ကူၪလဖၪ လၧခိၪလီၩ့ ဆူၭဖၧၩ့
16 အၥိၭနီၪလီၫ.- တၭၦၡၩဂဲၫဆိၬကၥ့ၪလဖၪလၧအံဇံၭ ဒဲလၧကိအၫလၧစစီလမၧၫ့အဂးလီၫ. စဎွၩအၡၩဖနံၬ
17 ဖိၪဒိၭန့ဝ့ၫလၧကိအၫနီၪ လၧအဎွ့ၩလီၫ.- ၦလ့ၩဆၧ, ဂဲၫထဲၩ့ဆိၬလၧအံဇံၭအလဲၪ့ၥုၭလဖျိၪ့ လၧစ့ၩၡက့လၭ ဎူၫယၩအဂး, ဒဲကၥ့ၪလဒုၩ လၧလယၩယဲဆံၫအဂး လီၫ. အဝ့ၫၥံၪလ့ၩထၪ့တၭ, ဂဲၫထဲၩ့န့ကၥ့ၪလဖၪလၧ ၦဟံၥၭဖိၪအစဎွၩထီးအလူၬလဖၪအဂး, ဒဲလၧစံရအၫ အစဎွၩလဖၪအဂး, ဘဲၫအဆၧအီၪဝ့ၫအၥိၭနီၪလီၫ.