23
1 ထီးစဒၫဝံၭၥၭၡါထၪ့ဒဲအမုနံၩလဖၪ လၧၫ့ဎွ့ၩဝ့ၫဒၪ တၭ,အီၪက့ၪထၪ့အဖိၪခွၫစစီလမၧၫ့ လၧစဎွၩလၧအံၫ စရ့လၭအဖၫ့ခိၪလီၫ.
2 တၭမွဲအဒုၭအီၪကီၪ့ကယဲအံၫစရ့လၭ အၦဒိၪဖၭဒိၪ လဖၪထီးအလူၬနီၪ, ဒဲၦလုဆၧလဖၪ ဒဲၦလံဝဲၫဖိၪလ
3 ဖၪဆ့လီၫ.- ၦလံဝဲၫဖိၪၥံၪဘၪဆၧဝံထၪ့ဝ့ၫၦလၧအနံၪ့ ၥၧၫ့ဆံၫ ဒဲၥၧၫ့ဆံၫအဖၫ့ခိၪတၭး အဝ့ၫၥံၪအဆၧဝံဆၧ
4 နၬ,လဂၩဘၪလဂၩနီၪ, မွဲၥၧၫ့လၬဎိၭထီၫ့လီၫ.- လၧ အဝ့ၫၥံၪအကျၩ, ၦနံၫလၬလံထီၫ့ၥံၪဘၪအီၪလၧယ ဟိဝၩအဂံၪ့အဆၧမၩအဖၫ့ခိၪနီၪလီၫ. ဒဲဎူၫထီၫ့ၥံၪမိ
5 ကဲၪၦဒိၪ ဒဲၦစ့ၩရၫ့ဆၧၥံၪလီၫ.- လၧနီၪအမ့ၬယၫလံ ထီၫ့ဘၪပၧၩ့တရၫ့လဖၪ, ဒဲလံထီၫ့ၥံၪအၪ့အူၭ ယဟိ ဝၩလၧနါဒံၩ့ၥံၪၥၫ့ထီးၥံၪလၧယမၩကဲၪထၪ့ယဝ့ၫ, ဘဲၫ ၥိၭဆၧမိအၪ့အူၭထၪ့ဝ့ၫဒၪနီၪလီၫ.
6 တၭစဒၫဝံၭအၪ့နၩ့ဖၭအဝ့ၫၥံၪ လၧလဒီၪ့လဒီၪ့နီၪ လၧစဒၫဝံၭအဖိၪခွၫၥံၪအကျၩ, စဂၧၡၧၫ့,စကိဟၭ,ဒဲစ မရၫရဲၫၥံၪလီၫ.
7 ၦဘၪဆဲၫ့လၧၦဂၧၡၧၫ့ဖိၪနီၪ မွဲစလၫအဒၫ့, ဒဲစၡံမ
8 အဲၫၥံၪလီၫ.- စလၫအဒၫ့အဖိၪခွၫလဖၪ, အခိၪမွဲစယ
9 ဟဲၫအ့လၭ,ဒဲစဇံၥၫ့, ဒဲစယိၫအ့လၭ,ၥၧၫ့ဂၩလီၫ.- စၡံ မအဲၫအဖိၪခွၫလဖၪ, စၡံလိၫမ့ၭ, ဒဲစဟၫဇအ့လၭ,ဒဲ စဟၫရၫ့,ၥၧၫ့ဂၩလီၫ. အယီၩလဖၪမွဲစလၫအဒၫ့အဖါ
10 ၥံၪအခိၪလဖၪလီၫ.- တၭစၡံမအဲၫအဖိၪခွၫလဖၪ,မွဲ စယၫဟၭ,စဇဲနၫ, ဒဲစဇံအၧၭ,ဒဲစဘရဲအၫၥံၪလီၫ. ၦ
11 လံဂၩယီၩမွဲစၡံမအဲၫအဖိၪခွၫၥံၪလီၫ.- တၭအခိၪနီၪမွဲ စယၫဟၭ, ဒဲစဇံဇၫမွဲနံၫဂၩလဂၩတၭ, စဇံအၧၭ,ဒဲစ ဘရဲအၫၥံၪအဖိၪခွၫလဖၪ အီၪအၪဂၩအ့ၬ. အခိးမွဲဆ ရၫ့နီၪအီၪစီၪ့ဎး ဘဲၫအဝ့ၫၥံၪအဖါအဂံၪ့အၥိၭနီၪလီၫ.
12 စကိဟၭအဖိၪခွၫလဖၪ, စအၫမရၫ့, စအံၭဇဟၫ,
13 စဟံဘြၧၫ့,ဒဲစအၧၭဇဲၫအ့လၭၥံၪ,လံဂၩလီၫ.- စအၫ မရၫ့အဖိၪခွၫလဖၪး စအၫရၧၫ့, ဒဲစမိစ့ၭ, တၭစအၫ ရၧၫ့ဘၪဆၧအီၪက့ၪဖၭဝ့ၫဘဲၫၥိၭ အမိမၩဆံၫ့ဎံၪဆၧ ဆံၫ့ဎံၪထုၬလဖၪ, အဝ့ၫဒၪဒဲအဖိၪခွၫလဖၪအဆိၩအ ကၠၪနီၪ,လၧအမိဆူၭခဲၩထၪ့ဆၧနၧၫ့မၧၫ့ လၧယဟိဝၩ အမ့ၬယၫ, ဒဲမၩအဆၧဖံၭဆၧမၩ, ဒဲစံၭထၪ့အၪ့အူၭအ
14 မံၩ့အဆိၩအကၠၪနီၪလီၫ.- တၭလၧယွၩအၡၩစမိစ့ၭ နီၪ,အဖိၪခွၫလဖၪဘၪဆဲၫ့ လၧစလံဝဲၫအဒီၪ့နီၪလီၫ.
15 စမိစ့ၭအဖိၪခွၫလဖၪမွဲစဂၧၡၧၫ့, ဒဲစအံၫလအ့ဇၧၫၥံၪ
16 လီၫ.- ၦဘၪဆဲၫ့လၧစဂၧၡၧၫ့အဖိၪခွၫၥံၪ, စၡ့ၫဘုၫအ့ လၭမွဲအခိၪလီၫ. တၭစအံၫလအ့ဇၧၫအဖိၪခွၫလဖၪ,
17 စရံၫဟဘဲအၫမွဲအခိၪလီၫ.- တၭစအံၫလအ့ဇၧၫအဖိၪ ခွၫဂူၫဂၩၥံၪအီၪအ့ၬး အ့ၪမွဲစရံၫအဘဲအၫအဖိၪခွၫၥံၪ
18 အီၪအၪဂၩလီၫ.- လၧစအံၭဇဟၫအဖိၪခွၫၥံၪ, စၡံၫလိ
19 မ့ၭမွဲအခိၪလီၫ.- လၧစဟံဘြၧၫ့အဖိၪခွၫလဖၪနီၪ,အ ခၪ့ထံၭမွဲစယ့ၫရဲအၫ, နံၫဂၩလဂၩစအၫမရဲအၫ, ၥၧၫ့ ဂၩလဂၩစယဟၫဇအ့လၭ, လံဂၩလဂၩ စယ့ၭကမံ
20 အၫ့ၥံၪလီၫ.- လၧစအၧၭဇဲအ့လၭ အဖိၪခွၫလဖၪနီၪ အခၪ့ထံၭမွဲစမဲခၫ, ဒဲနံၫဂၩလဂၩစယ့ၫစဲအၫၥံၪလီၫ.
21 စမရၫရဲၫအဖိၪခွၫၥံၪနီၪ, မွဲစမၫလံၫ, ဒဲစမုၫၡဲၫၥံၪ လီၫ.စမၫလံၫအဖိၪခွၫလဖၪ, စအံၫလအ့ဇၧၫ,ဒဲစကံၭ
22 ၥံၪလီၫ.- စအံၫလအ့ဇၧၫၥံၫဝ့ၫဒၪတၭ, အဖိၪခွၫလဖၪ အီၪအ့ၬ, အီၪန့ၫအဖိၪမုၪၥံၪတၭး အထၧၫ့ဖုဝဲၥံၪစကံၭ
23 အဖိၪခွၫၥံၪမၩန့အဝ့ၫၥံၪလီၫ.- စမုၫၡဲၫအဖိၪခွၫလဖၪး စမၫလံၫ,ဒဲစအံဒၧၫ, ဒဲစယ့ၫရမီၭနီၪ, ၥၧၫ့ဂၩလီၫ.
24 ၦလဖၪနီၪမွဲစလံဝဲၫအဖိၪခွၫလဖၪ ဘဲၫအဝ့ၫၥံၪအဖါ လဖၪအဂံၪ့အၥိၭနီၪ, ဖါၥံၪအခိၪ, ဘဲၫဆၧဝံထၪ့နၬထၪ့ ဝ့ၫအမံၩ့လဂၩဘၪလဂၩအၥိၭနီၪ, ၦလၧအမၩယဟိ ဝၩအဂံၪ့အဆၧမၩ, လၧအနံၪ့ထၪ့ဘၭနံၫဆံၫဒဲနံၫဆံၫ
25 အဖၫ့ခိၪလီၫ.- အဂဲးဘဲၫယီၩစဒၫဝံၭစံၭဝ့ၫ, ယဟိဝၩ အံၫစရ့လၭအယွၩဖ့ၪလၫ့အၡၩခမျၧးၥံၪ လၧဆၧအီၪ ပွံၭ,ဘဲၫၥိၭအဝ့ၫၥံၪ မိအီၪလၧယရုစလံၫ့အဖၧၩ့အဆိၩ
26 အကၠၪလီၫ.- ဒဲလၧၦလံဝဲၫဖိၪလဖၪနီၪဆ့တၭး တဲၩ ဆံၫ့ဎံၪနီၪမွဲဂ့ၩ, ထွ့ၫၥံၪဘၪဆဲၫ့ လၧအဆၧဖံၭဆၧမၩ
27 နီၪမွဲဂ့ၩ, အဝ့ၫၥံၪမိဘၪဆိၬလၧၩ့အ့ၬ.- အဂဲးဘဲၫယီၩ လၧစဒၫဝံၭအဆၧချဲၩ့ လၧခဲၫ့ထုၬလဖၪအကၠီၩ့နီၪ,ၦ လံဝဲၫဖိၪၥံၪဘၪဆၧဝံထၪ့နၬထၪ့ဝ့ၫ လၧအနံၪ့ထၪ့ဘၭ
28 နံၫဆံၫဒဲနံၫဆံၫအဖၫ့ခိၪလီၫ.- အဂဲးဘဲၫယီၩအဝ့ၫၥံၪ အလးမွဲလၧအဘၪမၩ စအၫရၧၫ့အဖိၪခွၫလဖၪအဆၧ မၩလၧယဟိဝၩအဂံၪ့အဆၧမၩအဂး, လၧအဝၩ့ဖၧၩ့, ဒဲလၧဒူၭဖၧၩ့ၥံၪ, ဒဲလၧအမၩဆံၫ့ ကယဲဆၧဆံၫ့ဎံၪလ ဖၪထီးအလူၬ, ဒဲဆၧမၩဘၪဆဲၫ့လၧယွၩအဂံၪ့အဆၧ
29 ဖံၭဆၧမၩနီၪး- လၧဆၧမ့ၬယၫအကိၪနီၪ အဂးမွဲဂ့ၩ, လၧကိၪမုၬလၧဆၧဘိၪ့ကိၪမုၬအဂးမွဲဂ့ၩ, ဒဲလၧကိၪပၪ ပဲၪမံၪလအီၪဘၪမွဲဂ့ၩ, ဒဲလၧဆၧလၧဖၧၩ့ ဖၧၩ့အဂးမွဲ ဂ့ၩ,ဒဲဆၧလၧအဘၪအၪ့ဆ့ၭအဂးမွဲဂ့ၩ, ဒဲကယဲဆၧ
30 လၧဆၧတိၪ့မွဲဂ့ၩ, ဒဲဆၧထိၪဆၧလၧအဂး- ဒဲဆၧၫ့ထုၪ့ ကိၭဂီၩဒ့ၭဘဲၫၥိၭ အမိစံၭထၪ့အၪ့အူၭ ဒဲၥံၫကျံၩထၪ့ ယဟိဝၩနီၪ, ဒဲလၧမုဂၪလၩ့လခီၫဘဲၫနီၪၥိၭဆ့လီၫ.
31 ဒဲလၧအမိလုထၪ့ယဟိဝၩ လၧကယဲဆၧလုမ့ၪၥံၪထီး အလူၬလၧမးၥံၫအနံၩ, လၧလၩၥံၫ, ဒဲလၧဆၧဘိၪ့ဖၭ ဝဲၩဝ့ၫ,ဘဲၫအဆၧဝံထၪ့အၥိၭ, ဘဲၫအထူၫအရူၫလၧ ဆၧမၪလူၬအဝ့ၫၥံၪအဂးအၥိၭ, လၧယဟိဝၩအမ့ၬ ယၫလထံၪဎးလဘီၩ့ဎးအၥိၭနီၪး
32 ဒဲလၧအဝ့ၫၥံၪဘၪ ယိထဲၩ့ခွါထဲၩ့တဲၩဆံၫ့ဎံၪအဆၧအီၪကီၪ့, ဒဲယိအလး ဆံၫ့ဎံၪနီၪ, ဒဲယိအဝ့ၫၥံၪအထၧၫ့ဖုဝဲစအၫရၧၫ့အဖိၪခွၫ လဖၪ,လၧယဟိဝၩ အဂံၪ့အဆၧမၩနီၪအဖၧၩ့လီၫ.