15
1 တၭစဒၫဝံၭမၩအဂံၪ့ၥံၪ လၧစဒၫဝံၭအဒိၩ့ဖၧၩ့နီၪ, ဒဲတဲၩ့ဝဲၩအလးလၧယွၩအတလၫအဂးနီၪ, ဒဲမၩထၪ့
2 တဲၩလၧအဂးလီၫ.- ထီးနီၪလဖၧၫ့စဒၫဝံၭစံၭဝ့ၫ,အ့ၪ လမွဲဘၪၦလံဝဲၫဖိၪၥံၪ, ၦဆိၬယွၩအတလၫနီၪကြၨၭ ၦနးဂၩအ့ၬ. အဂဲးဘဲၫယီၩ ယဟိဝၩရွံန့အဝ့ၫၥံၪ ဘဲၫ ၥိၭအမိဆိၬယွၩအတလၫနီၪ, ဒဲမၩအခ့ၫအၡၩအဆၧ မၩအဆိၩဆိၩအကၠၪကၠၪလီၫ.
3 တၭစဒၫဝံၭကိၭကီၪ့အံၫစရ့လၭထီးအလူၬ လၧယ ရုစလံၫ့နီၪ, ဘဲၫၥိၭအမိဂဲၫထၪ့န့ယဟိဝၩအတလၫ ထီၩ့လၧအလး လၧအတဲၩ့ဝဲၩဝ့ၫ လၧအဂးနီၪလီၫ.
4 စဒၫဝံၭဒုၭအီၪကီၪ့စအၫရၧၫ့ ဒဲၦလံဝဲၫဖိၪလဖၪတၭး
5 လၧစကိဟၭအဖိၪခွၫၥံၪ, စခၩ့ယုၫရအ့လၭနီၪ,ဒဲအ
6 ထၧၫ့ဖုဝဲၥံၪလယၩနံၫဆံၫတၭး- လၧစမရၫရဲၫအဖိၪ ခွၫၥံၪး စခၩ့အၭစအဲအၫနီၪ, ဒဲအထၧၫ့ဖုဝဲၥံၪနံၫယၩနံၫ
7 ဆံၫတၭး- လၧစဂၧၡၧၫ့အဖိၪခွၫၥံၪး စခၩ့ယိၫအ့လၭ,
8 ဒဲအထၧၫ့ဖုဝဲလယၩၥၧၫ့ဆံၫတၭး- လၧစအံၫလံၭဇဖၫ့ အဖိၪခွၫၥံၪ, စခၩ့ၡ့ၫမအဲအၫ ဒဲအထၧၫ့ဖုဝဲၥံၪနံၫယၩ
9 တၭ,- လၧစဟံဘြၧၫ့အဖိၪခွၫၥံၪး စခၩ့အံၫလအ့လၭ,
10 ဒဲအထၧၫ့ဖုဝဲၥံၪဎိၭဆံၫတၭး- လၧစအၧၭဇဲၫအ့လၭ အဖိၪခွၫၥံၪစခၩ့အမံနဒၭ, ဒဲအထၧၫ့ဖုဝဲၥံၪလယၩလ ဆံၫနံၫဂၩလီၫ.
11 တၭစဒၫဝံၭကိၭန့ၦလုဆၧလဖၪ စဇၫဒီၭဒဲစအဘဲအ ၥၫနီၪ,ဒဲၦလံဝဲၫဖိၪၥံၪ,စယုၫရဲၫအ့လၭ, စအၭစအဲအၫ, ဒဲစယိၫအ့လၭ, စၡ့ၫမအဲအၫ,ဒဲစအံၫလဲၫအ့လၭ,ဒဲစ
12 အၫမံနဒၭတၭး- စံၭအဝ့ၫၥံၪ, နၥံၪဝ့ၫဒၪယီၩမွဲၦလံဝဲၫ ဖိၪအဖါၥံၪ အခိၪလဖၪတၭး နၥံၪဝ့ၫဒၪယီၩ ဒဲနၥံၪအ ထၧၫ့ဖုဝဲၥံၪ မၩဆံၫ့ထၪ့နၥံၪအၥၭ, ဘဲၫၥိၭနၥံၪမိဂဲၫ ထၪ့ဆိၬန့ယဟိဝၩအံၫစရ့လၭ အယွၩ အတလၫနီၪ,
13 ထီၩ့လၧအလး လၧယတဲၩ့ဝဲၩန့အဂးနီၪဘီၪ.- အဂဲး ဘဲၫယီၩမွဲနၥံၪလမၩဘၪလၧအခၪ့ထံၭလဘျၩ့အကၠီၩ့ နီၪ,ယဟိဝၩပယွၩမၩဖိးဆၧလၧပကျၩ, အဂဲးဘဲၫယီၩ မွဲလၧပလအၪ့ဎၬဘၪအဝ့ၫဒၪ ဘဲၫဖၧၩ့ၥၭလၧပကြၨၭ မၩအၥိၭနီၪလီၫ.
14 အခိးမွဲၦလုဆၧ ဒဲၦလံဝဲၫဖိၪၥံၪ မၩဆံၫ့ထၪ့အၥၭ ဘဲၫၥိၭအမိဂဲၫထၪ့ဆိၬ ယဟိဝၩအံၫစရ့လၭအယွၩ
15 အတလၫနီၪလီၫ.- တၭၦလံဝဲၫဖိၪလဖၪယိၭန့ယွၩအ တလၫနီၪလၧအနိၪယိၭဘီၩ့ လၧအဝ့ၫၥံၪအခိၬထံၭ ခိၪနီၪ,ဘဲၫစမိစ့ၭမၪလူၬဝ့ၫ ဘဲၫယဟိဝၩအလူအထၫ အၥိၭနီၪလီၫ.
16 တၭစဒၫဝံၭလီၩဘၪၦလံဝဲၫဖိၪၥံၪအခိၪလဖၪ, ဘဲၫ ၥိၭအဝ့ၫၥံၪမိအီၪက့ၪထၪ့ အထၧၫ့ဖုဝဲလဖၪ လၧၦၥံၫ ကျံၩဆၧလၧအဒံၩ့ဆၧလဖၪ, အီၪလၧၥၫ့ထီးၥံၪ နါဒံၩ့ ၥံၪ,စံၩ့စံၩ့ၥံၪ,ၥီၫထၪ့ဝ့ၫ, လၧအထုၭထၪ့အလူလၧဆၧ
17 ၥုၪ့ထိၬၥၭထိၬနီၪလီၫ.- အခိးမွဲၦလံဝဲၫဖိၪၥံၪ, အီၪက့ၪ စယိၫအ့လၭအဖိၪခွၫစဟံမၫ့နီၪး ဒဲအထၧၫ့ဖုဝဲလဖၪ, စဘ့ၫရခဲအၫအဖိၪခွၫစအၫစၭး ဒဲအဝ့ၫၥံၪအထၧၫ့ဖုဝဲ လဖၪစမရၫရဲၫအဖိၪခွၫၥံၪ, စကုၫၡဲယၫအဖိၪခွၫစအံၫၥၫ့,
18 ဒဲအဝ့ၫၥံၪအထၧၫ့ဖုဝဲလဖၪ လၧအၥိၭနံၫဆၫ့လ ဆၫ့နီၪး စဇ့ၭခရဲအၫ,စဘံၫ့,ဒဲစယအၫဇအ့လၭ,ဒဲစၡ မံၫရမီၭ,ဒဲစယဟဲၫအ့လၭ, ဒဲစအၧနဲၫ,ဒဲစအံၫလဲအၭ, ဒဲစဘံၫ့နအဲအၫဒဲစမၫအစဲအၫ, ဒဲစမၭတၥဲအၫ,ဒဲစအံၫ လံၭဖလ့ၬ,ဒဲစမံၭကနဲအၫ, ဒဲစအိၫဘဒံဒၧၫ့,ဒဲစယအဲၫ
19 အ့လၭ,ၦခိၭတရၫ့လဖၪလီၫ.- ဘဲၫနီၪအၥိၭၦၥံၫကျံၩ ဆၧလဖၪ,စဟံမၫ့, စအၫစၭ,ဒဲစအံၥၫ့,ၦမၩၥီၫဆၧလၧ
20 စံၩ့စံၩ့ထီးဘၩ့း- ဒဲဇ့ၭခရဲအၫ,ဒဲစအၫဇအ့လၭ, ဒဲၡ မံၫရမီၭ,ဒဲစယဟဲၫအ့လၭ, ဒဲစအၧနဲၫ,ဒဲစအံၫလဲအၭ, ဒဲစမၫအစဲအၫ ဒဲစဘံၫ့နအဲအၫ,လၧၥၫ့ထီးအၫလမီၭ
21 ၥံၪး- ဒဲစမၭတၥဲအၫ, ဒဲစအံၫလံၭဖလ့ၭ, ဒဲစမံၭကနဲ အၫ,ဒဲစအိၫဘဒံဒၧၫ့, ဒဲစယအဲၫအ့လၭ, ဒဲစအၭဇဇဲ အၫလၧနါဒံၩ့ ၡ့ၫမနံၭၥံၪ ဘဲၫဆၧဂ့ၩထုၬ အၥိၭနီၪ လီၫ.
22 တၭၦလံဝဲၫဖိၪအခိၪ, စခ့ၫနနဲအၫနီၪမွဲလၧၥံၫကျံၩ ဆၧအဂးလီၫ. တၭအဝ့ၫဒၪနၪၥ့ၪဆၧၥံၫကျံၩအဂဲးအ
23 ကၠီၪ့နီၪ,မွဲအၥီၪ့လိၪဆၧဘဲၫနီၪလီၫ.- တၭစဘ့ၫရခဲအၫ ဒဲစအ့လကနၫၥံၪမွဲၦပၧၩ့တရၫ့လၧတလၫနီၪအဂးလီၫ.
24 တၭစၡ့ၭဘနဲအၫ, ဒဲစယဟီၡဖၭ,ဒဲစနၥၫ့နအ့လၭ, ဒဲစအၫမစ့အဲၫ,ဒဲစဇ့ၭခရဲအၫ, ဒဲစဘံၫ့နအဲအၫ,ဒဲစအံၫ လအ့ဇၫၥံၪ,မွဲၦလုဆၧနီၪ, ဒဲအူၪထၪ့ခွ့ၩၥံၪလၧယွၩ အတလၫအမ့ၬယၫလီၫ. စအိၫဘဒံဒၧၫ့, ဒဲစယဟဲအၫ ၥံၪမွဲၦပၧၩ့တရၫ့လၧတလၫနီၪအဂးလီၫ.
(၂စၫ ၆:ၥ၂-၂၂).
25 ဘဲၫနီၪၥိၭစဒၫဝံၭ, ဒဲအံၫစရ့လၭအၥုၪ့က့ၭၥၭၡါလ ဖၪ,ဒဲၦအထီၫ့ၥံၪအခိၪလဖၪလ့ၩမၩန့ယဟိဝၩအဆၧ အုၩ့လၩ့အတလၫအီၪဝ့ၫ လၧစအိၫဘဒံဒၧၫ့အဂံၪ့နီၪ
26 လၧဆၧၥုၪ့ထိၬၥၭထိၬဆ့လီၫ.- တၭဆၧမၩအၥၭထီး ယွၩမၩဆၧၩ့ၦလံဝဲၫဖိၪၥံၪ လၧအယိၭန့ ယဟိဝၩအ ဆၧအုၩ့လၩ့အတလၫနီၪတၭ, အဝ့ၫၥံၪလုထၪ့ ချီဖၫ
27 နွ့ၫဒုၩဒဲၥိၪဖၫနွ့ၫဒုၩဆ့လီၫ.- တၭစဒၫဝံၭၥိၭထၪ့ဝိၬ လိၫ့လၧဆၧဘွၩဖျ့ၫလံၬကံၭ, ဒဲၦလံဝဲၫဖိၪ ထီးအလူၬ ဆ့လၧအယိၭန့တလၫနီၪ ဒဲၦၥံၫကျံၩဆၧလဖၪ,ဒဲၦၥံၫ ကျံၩဆၧလဖၪအခိၪ စခ့ၫနနဲအၫလၧအဝ့ၫၥံၪအၥိၭ လီၫ. စဒၫဝံၭအီၪလၧအ့ဖိၭဆ့လၧ ဆၧဘွၩဖျ့ၫလံၬကံၭ
28 လဘံၪ့လီၫ.- ဘဲၫနီၪၥိၭအံၫစရ့လၭထီးအလူၬဂဲၫထၪ့ ဆိၬယဟိဝၩအဆၧအုၩ့လၩ့အတလၫနီၪ, လၧဆၧကိၭ ၡၭထၪ့,ဒဲလၧခဲၫၥံၪအၥီၫ, ဒဲခွ့ၩၥံၪ,ဒဲလၧစံၩ့စံၩ့ၥံၪ,မၩ ၥီၫထၪ့ဆၧလၧၥၫ့ထီးၥံၪ, ဒဲလၧနါဒံၩ့ၥံၪလီၫ.
29 ဆၧမၩအၥၭလၧယဟိဝၩ, အဆၧအုၩ့လၩ့အတ လၫနီၪဂဲၫထီၩ့လၧစဒၫဝံၭအဒိၩ့တၭ, စစီလူၫအဖိၪမုၪ နးမဲၫခၫလၭ ယိလၩ့ဆၧလၧတရၫ့လံၩတၭ, ဒၪဘၪ စဎွၩဒၫဝံၭနီၪဂဲထုၪ့လံ, ဒဲဒံၩ့ဆၧတၭး မွဲအအီၪက့ၪၥၭ လိၪအဝ့ၫဒၪလၧအၥၭခံဖၧၩ့လီၫ.