13
(၂စၫ ၆းၥ-ၥၥ)
1 တၭစဒၫဝံၭကၩ့ကၩလိၬအၥၭ လၧၦအထီၫ့ၥံၪအခိၪ, ဒဲၦအယၩၥံၪအခိၪလဖၪ, ဒဲလၧကယဲၦလ့ၩၥိၫ့ဆၧလ
2 ဂၩလါလါကိၭဂၩဒ့ၭလီၫ.- တၭစဒၫဝံၭစံၭၦအံၫစရ့ လၭအဆၧအီၪကီၪ့ထီးအလူၬၥံၪ, အ့ၪဘၪနၥံၪအၥၭ ဒဲအ့ၪဂဲၫဝ့ၫလၧယဟိဝၩပယွၩဆ့တၭး မွဲပအၪ့မၧၫ့လၩ့ ဆၧလၧပထၧၫ့ဖုဝဲၥံၪအအီၪဎံၩ့ဎံၩ့လ့ၬတၭ, ကယဲၦ အီၪလၩ့ထးလၧအံၫစရ့လၭအခးဖၧၩ့ ကိၭစီၪ့ဒ့ၭနီၪ, ၦလုဆၧၥံၪဒဲၦလံဝဲၫဖိၪၥံၪ အီၪလၧအဝ့ၫၥံၪအၥိၭလၧ အဝ့ၫၥံၪအဒိၩ့လဖၪအဖၧၩ့ ဒဲအီၪလၧအနဲၩ့ထံၭဝၬဝၬ ဘဲၫၥိၭအဝ့ၫၥံၪ မိဂဲၫအီၪကိၩ့အီၪကီၪ့ လၧပအီၪယီၩ
3 လီၫ.- တၭမွဲပဂဲၫဆိၬၡီၩ့ပယွၩအတလၫလၧပအီၪယီၩ ဘီၪ. အဂဲးဘဲၫယီၩလၧစစီလူၫအမုနံၩလဖၪနီၪပအၪ့
4 ကံၩ့အၪ့ယၫဆၧလၧအဝ့ၫနီၪဆ့အ့ၬ.- တၭဆၧအီၪကီၪ့ ထီးအလူၬၥံၪစံၭလၧအမိမၩဝ့ၫဘဲၫနီၪၥိၭဆ့း အဂဲးဘဲၫ ယီၩဆၧနီၪလမံၩ့ဂ့ၩဝ့ၫလၧ ၦခမျၧးၥံၪထီးအလူၬအမ့ၬ ၥၪဖၧၩ့လီၫ.
5 အခိးမွဲစဒၫဝံၭ ကိၭကီၪ့အံၫစရ့လၭထီးအလူၬလၧ ၡဲဟီၫဘၪဆဲၫ့လၧအံဇံၭ, ထီၩ့လၧဆၧလ့ၩနုၬလၧဟ့ မၭအဖၧၩ့နီၪ, ဘဲၫၥိၭအမိဂဲၫဆိၬယွၩအတလၫလၧအ
6 အီၪဝ့ၫလၧကၧယၭယံအရံၫ့နီၪလီၫ.- တၭစဒၫဝံၭလ့ၩ ထၪ့,ဒဲအံၫစရ့လၭထီးအလူၬဆ့ ထီၩ့လၧဘၫအလၫ, မွဲကၧယၭယံအရံၫ့, လၧအဘၪဆဲၫ့လၧယုဒၫဘဲၫၥိၭ အမိဂဲၫထဲၩ့ဆိၬခွံၬယဟိဝၩယွၩအတလၫလၧအအီၪ ဝ့ၫလၧခ့ၫရူၬၥံၪအဘိၩ့ဆၧၩ့, လၧအမံၩ့အီၪဝ့ၫလၧအ
7 လီၩ့နီၪလီၫ.- တၭအဝ့ၫၥံၪဆိၬထၪ့ခွံၬ ယွၩအတလၫ လၧစအဘံနဒၭအဂံၪ့နီၪ လၧလဲၪ့ချီအၥၫ့အဖၧၩ့တၭ,
8 စအၭဇၫဒဲစအဟဲအိၫၥံၪနၫ့လဲၪ့နီၪလီၫ.- တၭစဒၫဝံၭ ဒဲအံၫစရ့လၭထီးအလူၬဒံၩ့ဆၧဆီၪ့ဆီၪ့လ့ၬ, ဒဲၥံၫကျံၩ ဆၧ,ဒဲအီၪလၧနါဒံၩ့ၥံၪ, ဒဲလၧၥၫ့ထီးၥံၪ,ဒဲလၧစံၩ့စံၩ့
9 ၥံၪ,ဒဲလၧခွ့ၩၥံၪလီၫ.- ထီးအဝ့ၫၥံၪဂဲၫထီၩ့လၧစနၫခၧၫ့ အခရဲးဖၧၩ့နီၪ, စအၧဇၫယူၬစိၩအစူၪဘဲၫၥိၭအမိမၩ ဂုးတလၫနီၪး အဂဲးဘဲၫယီၩ ချီၥံၪမၩဝၭဝ့ၫဒၪလီၫ.
10 တၭယဟိဝၩအၥၭထၪ့ခဲၩထၪ့ထၫ့ဒၩ စအၧဇၫနီၪကျီၪ့ ဝ့ၫ,အဂဲးဘဲၫယီၩမွဲလၧအယူၬထၪ့အစူၪ လၧတလၫနီၪ
11 အကၠီၩ့တၭ, ၥံၫဝ့ၫထီးနီၪလၧယွၩအမ့ၬယၫလီၫ.- လၧ ယဟိဝၩမၩဖိးလၧစအၧဇၫအကၠီၩ့နီၪ, စဒၫဝံၭအၥၭ ဆၫတၭ, ဆၧကိၭအလးထီးနီၪလၧဖ့ရ့ၭအၧဇၫထီးမု
12 ဆၫလနံၩယီၩလီၫ.- တၭမုလနံၩနီၪစဒၫဝံၭၥၭမဲၪယွၩ, စံၭဝ့ၫဒၪ, မွဲယဂဲၫဆိၬယွၩအတလၫလၧယအီၪမိၥ့ၪဘဲၫ
13 ၥ့ၪလဲၪ.- အခိးမွဲစဒၫဝံၭလဂဲၫဆိၬဘၪတလၫလၧအနၫ့ ဆါအအီၪလၧစဒၫဝံၭအဒိၩ့ဖၧၩ့နီၪ, အ့ၪမွဲအဆိၬထၪ့ ဝ့ၫလၧၦဂံတဲၭဖိၪ, စအိၫဘဒံဒၧၫ့အဂံၪ့ဖၧၩ့နီၪလီၫ.
14 တၭယွၩအတလၫနီၪ အီၪလၧစအိၫဘဒံဒၧၫ့အဂံၪ့ ဖၧၩ့လၧအဂံၪ့ဒီၪ့အၥိၭလၩၥၧၫ့ဘံၪ့လီၫ. တၭယဟိ ဝၩဆိၪဂ့ၩစအိၫဘဒံဒၧၫ့အဂံၪ့ ဒဲကယဲအဆၧအီၪထီး အလူၬနီၪဆ့လီၫ.