94
1 ယဟိဝၩဧ့, ယွၩလၧအမၩဆၧၫ့ထဲၩ့ဆၧအၧၩ့,ၦ
2 လၧအမၩဆၧၫ့ထဲၩ့ဆၧအၧၩ့, ယွၩဧ့, ဖၩ့ထၪ့ဆံၭ.-ဂဲ ထုၪ့ဆံၭး ၦလၧအစ့ၩရၫ့ဂၪ့ခိၪဧ့,ဖ့ၪထဲၩ့ၦၡၩအီၪက့ၪ ထၪ့ထီၫအၥၭလၧဆၧလၧအမၩဝ့ၫအကၠီၩ့နီၪဆံၭ.
3 ယဟိဝၩဧ့, ၦၡၩလတီၩလလီၩ့ဘၪနီၪဆံၭယံၬလဲၪ, ၦၡၩလတီၩလလီၩ့ဘၪမိၥုၪ့ဎွံၫၥၭယီၫ လၧဆၧအဖၫ့
4 ခိၪဆံၭယံၬလဲၪၬ- အဝ့ၫၥံၪဒုၭထၪ့ဖျ့ၭဆၧလၧအနိၭ တၭ,ချဲၩ့ဆၧကၪလဖၪး ၦမၩဆၧအၧၩ့ထီးအလူၬလ
5 ဖၪနီၪအီၪက့ၪဖိၫလိၫအၥၭလီၫ.- အဝ့ၫၥံၪဂူၬလၩ့ဘျ့ၭ နၡၩခမျၧး,ယဟိဝၩဧ့, တၭမၩနၧၩ့မၩစၪနဆၧန့ၥၫ
6 လီၫ.- မွဲအကျီၪ့ၥံၫခွံၬၦမုၪမဲၫ, ဒဲၦမွံၩတၭမၩၥံၫၦဖိၪ
7 ဎွ့ၪလီၫ.- တၭအဝ့ၫၥံၪစံၭဝ့ၫ, ယဟိဝၩလဒၪဘၪတၭ, စယၫကူၭအယွၩယိဝ့ၫဆ့အ့ၬ.
8 ၦၡၩလၧၦခမျၧးအကျၩအီၪ လၧဆၧဖိၪဆၧဎါအ ၥၭၥံၪဧ့,နၪၥ့ၪဆၧဆံၭ. ၦအဂီၩ့ၥံၪဧ့, နၥံၪမိန့ဘၪဆၧ
9 ကိၪ့ၥ့ၪဆံၭယံၬခိၬလဲၪ.- တၭၦလဂၩလၧအၥုၪ့လၩ့ နါနီၪ,မွဲအနါဂၧၫ့ဆၧအ့ၬဧၪ. ၦလၧအတဲၩ့လၩ့ၦမ့ၬ
10 ၥၪလဂၩနီၪ, မွဲအဒၪဘၪဆၧအ့ၬဧၪ.- ၦလၧအအၪ့ၥီၪ့ ၦဆၨၩၥံၪလဂၩနီၪ, ဒဲၦလၧအၥီၪ့လိၪၦၡၩလၧဆၧၥ့ၪ
11 ယၫလဂၩနီၪ, မွဲအဖ့ၪလၫ့ဆၧဒဲၩဘၭအ့ၬဧၪ.- ယဟိ ဝၩၥ့ၪယၫ ၦၡၩကိၪ့ထၪ့ဖၭလၩ့ဆၧနီၪ မွဲဆၧပျီၩပျီၩ
12 လီၫ.- ယဟိဝၩဧ့, ၦလဂၩလၧနနၭအၪ့ၥီၪ့ဝ့ၫ, ဒဲၥီၪ့လိၪ ဝ့ၫလၧနဆၧၥီၪ့ဆၧၥၫ့အဖၧၩ့နီၪ, ဘၪဆိၪဂ့ၩဝ့ၫတၭး
13 မွဲဘဲၫၥိၭနမိဒုၭအီၪပွံၭဝ့ၫ လၧဆၧအၧၩ့အမုနံၩလဖၪ နီၪ,ထီးဆၧခုၪ့လၩ့ ၦၡၩလတီၩလလီၩ့ဘၪအဆၧဖၧၩ့
14 နီၪလီၫ.- အဂဲးဘဲၫယီၩ ယဟိဝၩလခွံၬၡိၭဘၪအၡၩ
15 ခမျၧးတၭ, စဲၪ့ဒၪအဆၧန့ၥၫနီၪဆ့အ့ၬ.- အဂဲးဘဲၫယီၩ ဆၧစ့ၩရၫ့မိထဲၩ့ထဲၩ့ လၧဆၧတီၩဆၧလီၩ့အအီၪ, ဒဲ ကယဲၦလၧအၥၭလီၩ့ ထီးအလူၬလဖၪမိဖိၬအခဲၫ့လီၫ.
16 တၭမွဲပလၫမိဂဲထုၪ့လၧယဂး ထၫ့ဒုၪဒၩၦအအၧၩ့ လဖၪနီၪလဲၪ. မွဲပလၫမိအီၪက့ၪဆၧၫ့ထုၪ့အၥၭလၧယ
17 ဂးထၫ့ဒုၪဒၩၦမၩဆၧအၧၩ့လဖၪလဲၪ.- ယဟိဝၩအ့ၪ လမွဲဘၪယဆၧမၩဆၧၩ့တၭ, ယၥၭမိအီၪထၪ့ချဲၫ့ချံၭ
18 လၧဆၧလၩ့မါပံၭအဖၧၩ့လီၫ.- ထီးယအ့ၪစံၭယခၪ့ ဖျၬနီၪးယဟိဝၩဧ့, နခိးနတၩ မၩဂုးမၩခၧၫ့ယၧၩ
19 လီၫ.- လၧယဆီၫ့မီၪ့ဆၧအၪ လၧယၥၭခံဖၧၩ့အကျၩ နီၪနဆၧမုၬလၩလဖၪဒုၭမုၬယၥၭလီၫ.
20 တၭဆၧအၧၩ့အလးဆီၩ့ဆီ လၧအထၫ့ဒုၪဒၩဆၧ
21 ၥီၪ့ဆၧၥၫ့နီၪ, မိဖံၭၥိၭလိၬအၥၭ လၧနၧၩဆ့ဧၪ.- အ ဝ့ၫၥံၪအီၪကိၩ့အီၪကီၪ့ ထၫ့ဒုၪဒၩ ၦတီၩၦလီၩ့ အၥၭ တၭ,စ့ၩရၫ့စၪဆၧၥွံၪ လၧအဆၧဒဲၩဘၭလအီၪဘၪနီၪ လီၫ.
22 အ့ၪမွဲယထိၬထၪ့ထီၫလဖျိၪ့နီၪ, မွဲယဟိဝၩ, ဒဲ
23 ဆၧဖလ့ၬအလဲၫ့လဖျိၪ့နီၪမွဲယယွၩလီၫ.- တၭယွၩမိ ဒုၭဘၪအဝ့ၫၥံၪလၧအဆၧအၧၩ့ဒၪဝ့ၫတၭ, မိဒၪ့ထ့ၬ ခွံၬဝ့ၫလၧအဆၧအၧၩ့ဒၪဝ့ၫအဖၧၩ့လီၫ. ယဟိဝၩပ ယွၩမိဒၪ့ထ့ၬခွံၬအဝ့ၫၥံၪလီၫ.