1 ယဟိဝၩ,ယဆၧထိးထဲၩ့တၩ့ထဲၩ့အယွၩဧ့, လၧမု 2 ဆၫဆၫ,မုနၩနၩနီၪ, ယကိၭထၪ့လၧနမ့ၬယၫလီၫ.- မွဲ ယဆၧဘၩဆိၪဖၪဂဲၫနုၬလါလၧနမ့ၬယၫဆံၭ. ဒိၭနနါ 3 လၧယကိၭထၪ့ဆၧဆံၭ.- အဂဲးဘဲၫယီၩယၥၭဎွ့ၩလၧ ဆၧမၩခိမၩဝီၩတၭ, ယၥၭမၧၫ့အီၪဘူၭလၧဖျႃဖၧၩ့လီၫ. 4 တၭဆၧအီၪက့ၪယၧၩ လၧၦလၧအလ့ၩလၩ့လၧ ဆၧဖၧၩ့နီၪအကျၩ, ယမၩယၥၭဘဲၫၦၡၩလဂၩလၧ အဂဲးအဘၭလအီၪဘၪအၥိၭနီၪလီၫ.

5 ယဘၪဆၧစဲၪ့ဒၪယၧၩ လၧၦၥံၫအကျၩတၭ,ဘဲၫၦ လၧအဘၪဆၧမၩၥံၫဝ့ၫလဖၪနီၪ အီၪဝ့ၫလၧဆၧၥွၫခိၪ ဖၧၩ့,လၧနလနၪ့ထၪ့ထဲၩ့လၧၩ့ဘၪတၭ, အဝ့ၫၥံၪဘၪ 6 ဆၧဒၪ့ထ့ၬခွံၬဝ့ၫလၧနစူၪဖၧၩ့နီၪလီၫ.- နအီၪက့ၪလၩ့ ယၧၩလၧဆၧဖၧၩ့ အယိၬထုၬလၧဆၧခံၭကျၩ,လၧထံၫ 7 ယိၬလဖၪအဖၧၩ့လီၫ.- တၭနဆၧၥၭထၪ့အီၪဎၧၫ့လၧ ယလီၩ့, နမၩၡၪ့မၩနၭယၧၩ လၧနလပီၩဘွၩခိၪထီး 8 အလူၬလီၫ.(စ့လၫ.)- ၦလၧအၥ့ၪယၫယၧၩလဖၪနီၪ, နဒုၭအီၪယဲၩ့လၧယၧၩး နအီၪက့ၪယၧၩ လၧဆၧၥၭ လိၪလၧအဝ့ၫၥံၪအမ့ၬယၫလီၫ. ယဘၪဆၧစၧၩ့ထၬ 9 တၭယဂဲၫထၪ့လၧခီၫၥ့ၪအ့ၬ.- ယမ့ၬၥၪလၩ့အိၫ့လၧ ဆၧၡၪ့ဆၧနၭအကၠီၩ့လီၫ. ယဟိဝၩဧ့,ယကိၭထၪ့နၧၩ 10 ၥံၫ့နံၩချီၩ့း ယယူၬထၪ့ယစူၪလၧနအီၪလီၫ.- မွဲနမိမၩ လၩ့လၭဆၧလၧၦၥံၫအမ့ၬယၫနီၪဆ့ဧၪ. တၭၦလၩ လဖၪမိဂဲထုၪ့ စံၭထၪ့အၪ့အူၭနၧၩဆ့ဧၪ. (စ့လၫ.)

11 တၭပမိလီၩလၩ့လၬလၩ့ နဆၧအဲၪအခိးအတၩလၧ ဆၧၥွၪခိၪဖၧၩ့, ဒဲနဆၧမွဲဆၧတီၩလၧဆၧဂၭဂီၩ့အဖၧၩ့ 12 နီၪဆ့ဧၪ.- တၭမွဲနဆၧလၩ့လၭလဖၪ မိအီၪဖျီၪလၧဆၧ ခံၭကျၩ, ဒဲနဆၧတီၩဆၧလီၩ့ လၧဆၧၥၭနၪ့အခးဖၧၩ့ 13 ဆ့ဧၪ.- ယဝ့ၫဒၪယီၩ,ယကိၭထၪ့နၧၩ, ယဟိဝၩဧ့, လၧဂီၩလခီၫ ယဆၧဘၩဆိၪဖၪနီၪမိထီၩ့လၧနမ့ၬယၫ 14 လီၫ.- ယဟိဝၩဧ့, မွဲဘၪနီၫလၧနခွံၬၡိၭယၥၭလဲၪ,ဒဲန 15 အီၪက့ၪၥူၪခွံၬနမ့ၬ လၧယၧၩမွဲဘၪလဲၪ.- ယဘၪဆၧ ၡၪ့ဆၧနၭတၭ, ခီၫလၧယၥၭဘၪ့ခီးဘိၩ့နဲၪ့ယီၩ လၩ့ ဘူၭလၧယမိၥံၫလီၫ. ယဘၪနဆၧမၩၥၭမဲၪၥၭဖျဲၩ့တၭ, 16 ယၥၭလူၬလီၫ.- တၭနၥၭထၪ့ဆီၪ့ လ့ၩဘၪယဖၫ့ခိၪ, 17 နဆၧၥၭမဲၪၥၭဖျဲၩ့နီၪမၩဂၭဂီၩ့ယၧၩလီၫ.- တၭအဝ့ၫ ၥံၪအီၪဝၬဖီၩ့ယၧၩ ဘဲၫထံၫအၥိၭ ၥံၫ့နံၩချီၩ့တၭ, ဝၩ့ 18 ထၬယၧၩလစီၪ့ဎးလီၫ.- တၭၦအဲၪယၧၩ, ဒဲယထံၩယ ၥိၭနီၪ နဒုၭအီၪယဲၩ့လၧယၧၩလီၫ. ၦၥ့ၪယၫယၧၩနီၪ အီၪဝ့ၫလၧဆၧခံၭကျၩလီၫ.