86
1 ဒိၭနနါယဟိဝၩဧ့, ခိၭနၪယလူဆံၭ. အဂဲးဘဲၫယီၩ
2 ယဘၪၡၪ့ဘၪနၭ, ဒဲယန့ဘၪဆၧအလးအီၪလီၫ.- ယိ လၩ့ခွါလၩ့ယၥၭမၧၫ့ဆံၭး အဂဲးဘဲၫယီၩ ယမွဲၦလၧ ဆၧအဲၪဝ့ၫလဂၩး နဝ့ၫဒၪယယွၩဧ့, ထိးထဲၩ့တၩ့ထဲၩ့
3 နခ့ၫနၡၩလၧအဒိၭနဲၩ့အၥၭလၧနၧၩဆံၭ.- ယၫ့ၥုၪ့ ယၫ့ၥၭယၧၩဆံၭး ကဆါဧ့, အဂဲးဘဲၫယီၩယကိၭထၪ့
4 နၧၩကိၭမုနံၩမုနၩဒ့ၭလီၫ.- မၩၥၭထိၬနခ့ၫနၡၩအၥၭ ဆံၭ.အဂဲးဘဲၫယီၩ ယဆိၬထၪ့ယၥၭလၧနအီၪလီၫ.
5 အဂဲးဘဲၫယီၩ ကဆါဧ့, နဝ့ၫဒၪနမွဲဆၧဂ့ၩ, ဒဲနမၩဖီၩ့ မၩဖျ့ၭဆၧတၭ, နခိးနတၩအၪဝ့ၫ လၧကယဲၦလၧအ ကိၭထၪ့နၧၩထီးအလူၬအဂးလီၫ.
6 ယဟိဝၩဧ့,ခိၭနၪယဆၧဘၩဆိၪဖၪတၭ, ဒိၭနနါ
7 လၧယအၪ့ကံၩ့ဆၧအၥီၫနီၪဆံၭ.- လၧယဘၪဆၧခိ ဆၧဝီၩအမုလနံၩနီၪ, ယကိၭထၪ့နၧၩလီၫ. အဂဲးဘဲၫ ယီၩနမိခိၭနၪယလူလီၫ.
8 ကဆါဧ့, လၧယွၩလဖၪအကျၩနီၪ,ၦဘဲၫနၧၩအၥိၭ အီၪအ့ၬး တၭဆၧမၩလဖၪဘဲၫနမၩဆၧအၥိၭနီၪအီၪ ဝ့ၫနးမံၩ့အ့ၬ.
9 ကယဲၦဆၨၩလၧနမၩကဲၪထၪ့ဝ့ၫ ထီးအလူၬလဖၪ နီၪမိဂဲၫတၭ, ဘိၪ့ဆၧဘၩဆၧလၧနမ့ၬယၫ, ကဆါဧ့,
10 ဒဲမိမၩလၩမၩဖၩ့နမံၩ့လီၫ.- အဂဲးဘဲၫယီၩနမွဲဆၧအ ဒိၪ,ဒဲမၩဆၧလၩ့လၭၥံၪး နမွဲယွၩလဂၩဎးလီၫ.
11 နဲၪလိၪယၧၩလၧနဖၧၩ့ၥၭဆံၭး ယဟိဝၩဧ့း ယမိ လ့ၩဆၧလၧနဆၧမွဲဆၧတီၩအဖၧၩ့လီၫ. ဒုၭထံးယၥၭ
12 လဖျိၪ့ဎးဘဲၫၥိၭယမိၥၭမဲၪနမံၩ့နီၪဆံၭ.- ကဆါ,ယ ယွၩဧ့,ယမိစံၭထၪ့အၪ့အူၭနမံၩ့ လၧယၥၭထၧၫ့ဖျိၪ့ ယၫတၭ, ယမိမၩလၩမၩဖၩ့နမံၩ့ လၩ့ဆိၩလၩ့ကၠၪ
13 လီၫ.- အဂဲးဘဲၫယီၩ နမၩခိးမၩတၩယၧၩ ဒိၪမၬတၭ, နမၩဖီၩ့မၩဖျ့ၭယၧၩလၧဖျႃယိၬအဖၧၩ့လီၫ.
14 ယွၩဧ့, ၦအီၪက့ၪအၥၭထၪ့ထီၫလဖၪ ဂဲထုၪ့ထၫ့ဒုၪ ဒၩယၧၩတၭ, ၦမၩၥၭမဲၪၥၭဖျဲၩ့ဆၧအဆၧအီၪကီၪ့နီၪ အၪ့ဎၬယၥၭတၭ, အီၪက့ၪနၧၩလၧအမ့ၬယၫဆ့အ့ၬ.
15 အ့ၪမွဲနဝ့ၫဒၪ, ကဆါဧ့, နမွဲယွၩလဂၩလၧအၥၭအီၪ ဆၧ,ဒဲယၫ့ၥၭဆၧ, အွံၪၥၭဆၧၩ့ဆၧယံၬ, ဒဲအီၪလၧဆၧ ဂ့ၩဆၧဘွၩ, ဒဲဆၧမွဲဆၧတီၩ လၧအဒိၪအအၪလီၫ.
16 ကၠၪနၥၭလၧယအီၪတၭ, ယၫ့ၥၭယၧၩဆံၭ. ဖ့ၪလၫ့န ဂဲးနဘၭလၧနခ့ၫနၡၩတၭ, မၩဖီၩ့မၩဖျ့ၭနခ့ၫနၡၩမုၪ
17 အဖိၪခွၫဆံၭ.- တၭအီၪက့ၪဆၧမၩနဲၪ့ လၧဆၧဂ့ၩအ ဂးလၧယၧၩဆံၭ. ၦလၧအမ့ၬလဲၩယၧၩလဖၪနီၪ မိဒၪဘၪတၭ, အမ့ၬမိမဲဝ့ၫနီၪ, အဂဲးဘဲၫယီၩနဝ့ၫဒၪ, ယဟိဝၩဧ့, နမၩဆၧၩ့ယူၭယၧၩယူၭ, ဒဲမၩမုၬထၪ့ ထဲၩ့ယူၭယၧၩလီၫ.