76
1 ၦၥ့ၪယၫယွၩလၧယုဒၫအကျၩတၭ, အမံၩ့ဒိၪဝ့ၫလၧ
2 အံၫစရ့လၭအဖၧၩ့,- တၭအတဲၩဆံၫ့ဎံၪအီၪဝ့ၫလၧ
3 စ့လံၫ့အဖၧၩ့,ဒဲအီၪအလးလၧဇံအိၫ့အလီၩ့လီၫ.- ထီး နီၪမွဲအမၩခါချံၪအဖျါၥံၪ , ထၩ့ဖံၭဒဲနၭၥံၪဖၩ့ၥံၪဒဲဆၧ ဒုၭၥုၭလီၫ.(စ့လၫ.)
4 နကယးကဖးဒိၪနဲၪ့, နလၩနဖၩ့အၪနဲၪ့ခိၪလီၩ့ထိၩ့
5 ချိၬအီၪလၧဆၧဖိၪဆၧဎါအဒူၩဒံၭလီၫ.- ၦလၧအၥၭ ဒူၩလဖၪနီၪ လၩ့မါယူၭ, အဝ့ၫၥံၪမံၫမၪယူၭ, ဒဲၦအ
6 ဆီၪ့လဖၪ ဒၪန့အစူၪနးဂၩအ့ၬ.- လၧနအၪ့ၥီၪ့ဆၧအ ကၠီၩ့နီၪ, စယၫကူၭအယွၩဧ့, လဲၪ့ၥုၭဒဲကၥ့ၪနီၪလၩ့ဘၪ ယူၭလၧဆၧမံၫမၪအဖၧၩ့ယူၭ.
7 နဝ့ၫဒၪယီၩ, နမွဲဆၧၥၭမဲၪဖၭဒိၪအလးလီၫ. ထီး နၥၭအ့ၪထၪ့တၭ, မွဲပလၫဆၧၫ့ထုၪ့ လၧနမ့ၬယၫမိ
8 ၥ့ၪလဂၩလဲၪ - ဒုၭနါဂၧၫ့ ဆၧစ့ၩရၫ့ လၧမူၭခိၪလီၫ.
9 ထီးယွၩဂဲထုၪ့စ့ၩရၫ့ဆၧ ဘဲၫၥိၭအမိမၩဖီၩ့မၩဖျ့ၭက ယဲၦအၥၭဆၧၩ့ လၧဂၪ့ခိၪချိၫ့ထီးအလူၬတၭ, ဂၪ့ခိၪ ၥၭမဲၪဝ့ၫတၭ, အီၪလၩ့မါပံၭလီၫ. (စ့လၫ.)
10 အဂဲးဘဲၫယီၩၦၡၩအၥၭထၪ့နီၪ မိစံၭထၪ့အၪ့အူၭ နၧၩတၭ, နခဲးထူၬနယးဒံၩ့လၧဆၧၥၭထၪ့ လၧအအီၪ
11 လၩ့ထးနီၪလီၫ.- ဆိၪလၩ့နၥၭတၭ,ဆၧလဖၪနီၪမၩ လၧၫ့ထၪ့ဎွ့ၩထၪ့လၧယဟိဝၩ နၥံၪအယွၩနီၪဆံၭ. မွဲ ကယဲၦလၧအအီၪဝၬဖီၩ့အဝ့ၫဒၪ ထီးအလူၬလဖၪနီၪ ဂဲၫဆိၬဆၧဖ့ၪလၫ့ လၧၦလၧအမွဲဆၧၥၭမဲၪ အလး
12 ဆံၭ.- တၭအဝ့ၫဒၪနီၪဒၪ့ထ့ၬခွံၬ ၦဒိၪဖၭဒိၪၥံၪအၥၭနီၪ, မွဲဝ့ၫလၧဆၧၥၭမဲၪအလးလၧဂၪ့ခိၪ အစဎွၩၥံၪအဂး လီၫ.