1 ယွၩဧ့,မွဲဘၪနီၫလၧနခွံၬၡိၭပၧၩ လၩ့ဆိၩလၩ့ကၠၪ နီၪလဲၪ.တၭနၥၭထၪ့ခူၪထၪ့ဘၪ နဆၧအၪ့ဆၪအလး 2 အၥိၪလဒီၪ့နီၪဆ့ဧၪ.- နၪ့ထၪ့ထဲၩ့နဆၧအီၪကီၪ့လၧ နဎွ့ၩန့လၧဖျိၩ့နဆၧန့ၥၫ လၧနဎွ့ၩန့ထဲၩ့ဝ့ၫ, ခိၪလီၩ့ဇံ 3 အိၫ့ယီၩလၧနအီၪယူၭ လၧအလီၩ့နီၪဆံၭ.- ခၫထၪ့လၧ ဆၧအီၪယူအဆိၩအကၠၪလဖၪနီၪဆံၭ. ဆၧအဒုၪအ ဒၩမၩဂၭဂီၩ့ ကယဲဆၧအီၪ လၧအလးဆံၫ့ဎံၪအဖၧၩ့ 4 လီၫ.- နဒုၪနဒၩလဖၪနီၪ ကိၭၡၭယုၩ့ဆၧလၧနဆၧအီၪ ကီၪ့အၥၭကျၩတၭ, အဝ့ၫၥံၪဘီၩ့ထၪ့အၥုၭဖိၪအလၫ့ 5 လၧဆၧမၩနဲၪ့အလးလီၫ.- တၭဆၧမၩအၥၭဘဲၫၦလၧ အယၩ့ထၪ့အကွၩ လၧၥံၪ့တၪ့အကျၩအၥိၭနီၪလီၫ. 6 တၭဘိၩ့နဲၪ့ယီၩ အဝ့ၫၥံၪမၩခါခွံၬ ဆၧဒ့ၭကံၪအၥၭ 7 လစီၪ့ဎးလၧကွၩ ဒဲစၭခုၪလီၫ.- အဝ့ၫၥံၪဆူၭထၪ့ခွံၬ နလးဆံၫ့ဎံၪလၧမ့ၪတၭ, မၩၥၭလိၪနမံၩ့အီၪဝ့ၫအလး 8 ထီၩ့လၩ့လၧဂၪ့ခိၪလီၫ.- တၭအဝ့ၫၥံၪစံၭလၧအၥၭခံ ဖၧၩ့,မွဲပမၩဂၭဂီၩ့အဝ့ၫၥံၪလစီၪ့ဎးဆံၭ. တၭကယဲ ယွၩအဆၧအီၪကီၪ့အလး လၧအထံၫအခးအဖၧၩ့နီၪ 9 အဝ့ၫၥံၪဒုၭအၪ့ခွံၬယူၭလၧမ့ၪလီၫ.- ပဆၧမၩနဲၪ့လ ဖၪပဒၪဘၪအ့ၬ. မီၪလအီၪလၧၩ့ဘၪတၭ, ၦလၧအၥ့ၪ ယၫဝ့ၫဆံၭယံၬဆံၭယံၬလဲၪနီၪ, အီၪဝ့ၫလၧပကျၩဆ့ အ့ၬ.

10 ယွၩဧ့,ဆၧအဒုၪအဒၩမိဒုၪဒွ့ၪဒံၭ ဆၧဆံၭယံၬလဲၪ. တၭဆၧအဒုၪအဒၩနီၪ မိအီၪက့ၪနမံၩ့လၧဆၧပျီၩပျီၩ 11 လၩ့ဆိၩလၩ့ကၠၪဆ့ဧၪ.- တၭနထုၭထဲၩ့စူၪနစူၪထွ့ၪ နီၪမွဲဘၪလဲၪ. ထုၭထၪ့ခွံၬ လၧနၥၭနၫၡါ အဖၧၩ့နီၪ 12 တၭမၩဂၭဂီၩ့ဆၧဆံၭ.- တၭယွၩမွဲယစဎွၩလၧဖျိၩ့ လၧအမၩဖီၩ့မၩဖျ့ၭ ဆၧလၧထံၫၥံၪခးၥံၪအဖၧၩ့လီၫ. 13 နမၩထ့ဖၭမၫဆမံၭ လၧနဂဲးနဘၭလီၫ. တၭနဖ့ၬခါ ခွံၬဆၧမိၡါဖၭဒိၪၥံၪ အခိၪဎွံၪလဖၪ လၧထံၫကျၩ, 14 နမၩလၩ့ဘျ့ၭမၪ အခိၪဎွံၪၥံၪတၭ, အီၪက့ၪဝ့ၫလၧဆၧ 15 အၪ့လၧၦခမျၧးအီၪ လၧမံၩ့လၬကျၩအဂးလီၫ.- တၭ နဖ့ၬထံၫထၪ့ဖျိၭဒဲထံၫချိၬတၭ, နဒုၭလၩ့ၥံၭခွံၬထံၫမိၡါ 16 အဆီၪ့လဖၪလီၫ.- တၭမုနံၩမွဲနဆၧ, မုနၩမွဲနဆၧဆ့ လီၫ.နဝ့ၫဒၪယီၩနတဲၩ့ဝဲၩဆၧဖၩ့, ဒဲမုၥံၪလၩၥံၪလီၫ. 17 တၭနဝ့ၫဒၪယီၩနအီၪက့ၪဂၪ့ခိၪ အနဲၩ့ထံၭလဖၪထီးအ 18 လူၬ,နမၩဝဲၩဆၧခိအခၫဒဲဆၧဂီးအခၫဆ့လီၫ.- တၭ နၪ့ထၪ့ထဲၩ့ဆၧယီၩ, ဆၧအဒုၪအဒၩဒုၪဒွ့ၪယူၭယဟိ ဝၩတၭ, ၦခမျၧးအဂီၩ့ မၩကြၩ့ထမးယူၭနမံၩ့လီၫ. 19 ဖ့ၪလၫ့ခွံၬနထိၪလွံအၥၭ လၧဆၧဖိၪဆၧဎါအဒူၩလဂ့ၩ, တၭထီးၥၭနၪ့နၡၩ ၡၪ့ဖိၪယၬဖိၪ အဆၧအီၪကီၪ့နီၪ 20 လၩ့ဆိၩလၩ့ကၠၪလဂ့ၩ.- ယိဆၧအုၩ့လၩ့နီၪဆံၭ. အ ဂဲးဘဲၫယီၩဂၪ့ခိၪအလးခံၭလဖၪနီၪ ဎွ့ၩဝ့ၫလၧဆၧမၩ 21 အၧၩ့မၩနၭအီၪဝ့ၫအလးလဖၪနီၪလီၫ.- ၦလၧအဘၪ ဆၧမၩနၧၩ့ဝ့ၫလဖၪနီၪ, မွဲအထီးထဲၩ့ထဲၩ့ လၧဆၧမ့ၬ မဲလဂ့ၩ. မွဲၦဘၪၡၪ့ဘၪနၭ, ဒဲၦၡၪ့ဖိၪယၬဖိၪနီၪ စံၭ ထၪ့အၪ့အူၭနမံၩ့ဆံၭ.

22 ဂဲထုၪ့ယွၩဧ့, စ့ၩရၫ့နခွးဒၪနဝ့ၫဆံၭ. ၦအဂီၩ့ဒုၪဒွ့ၪ 23 နၧၩကိၭမုနံၩမုနၩဒ့ၭနီၪ နၪ့ထၪ့ထဲၩ့ဆံၭ.- ထီးၥၭနၪ့ နဒုၪနဒၩၥံၪအလူလဂ့ၩ. တၭၦလၧအဂဲထုၪ့ထၫ့ဒုၪဒၩ နၧၩအၥီၫနီၪထၪ့ဝ့ၫလထံၪဎးလဘီၩ့ဎးလီၫ.