72
1 ဖ့ၪလၫ့နဆၧစ့ၩရၫ့လဖၪ လၧစဎွၩ, ယွၩဧ့, ဒဲနဆၧ
2 တီၩဆၧလီၩ့ လၧစဎွၩအဖိၪခွၫဆံၭ.- တၭအဝ့ၫဒၪမိ စ့ၩရၫ့နၡၩခမျၧးလၧအတီၩ, ဒဲနၡၩၡၪ့ဖိၪယၬဖိၪလၧ
3 ဆၧစ့ၩရၫ့တီၩလီၫ.- တၭခိၪလီၩ့ထိၩ့ချိၬမိဆိၬထၪ့ဆၧ မုၬဆၧဎၩ့လၧၦခမျၧးအအီၪ, ဒဲဆၧစီၩ့ခိၪလဖၪနီၪလၧ
4 ဆၧတီၩဆၧလီၩ့အကၠီၩ့လီၫ.- တၭအဝ့ၫနီၪမိစ့ၩရၫ့ ၦခမျၧးအၡၩဘၪၡၪ့ဘၪနၭ, ဒဲထိးထဲၩ့တၩ့ထဲၩ့ၦၡၪ့ ဖိၪယၬဖိၪအဖိၪၥံၪ, မိမၩလၩ့ဘျ့ၭ ၦလၧအမၩနၧၩ့
5 မၩစၪဆၧလီၫ.- မုဒဲလၩအီၪဝ့ၫအဘိၩ့ဘၭနီၪတၭ,ၦလ ဖၪမိၥၭမဲၪနၧၩ ထီးအဆိၩလဆိၩလဖၪမိလူၬဝ့ၫလီၫ.
6 တၭအဝ့ၫဒၪမိဂဲၫလၩ့ ဘဲၫဆၧဆၧၩ့လၧကူၭခွံၬဆၧ အလးအဖၫ့ခိၪအၥိၭနီၪ, ဘဲၫဆၧဆၧၩ့ဎွံၪလၩ့လၧအ
7 မၩဘၪစီၪဂၪ့ခိၪအၥိၭနီၪလီၫ.- လၧအမုနံၩလဖၪနီၪ, ၦတီၩၦလီၩ့မိဘီၪထၪ့ယီၫထၪ့, ဒဲဆၧမုၬဆၧဎၩ့လၧၫ့ လၧၫ့ဎွ့ၩဎွ့ၩ, ထီးလၩလအီၪလၧၩ့ဘၪလီၫ.
8 အဝ့ၫဒၪမိပၧၩ့ဆၧ လၧမၫဆမံၭ ထီၩ့လၧမၫဆမံၭ တၭ, လၧထံၫမိၡါဖိးလၧဂၪ့ခိၪအထုၬလဖၪနီၪလီၫ.
9 ၦမံၩ့လၬကျၩဖိၪနီၪ မိကူၭလၩ့အၥၭလၧအမ့ၬယၫတၭ,
10 အဒုၪအဒၩၥံၪ မိဘၪအၪ့လဲၪ့ဂၪ့ခိၪအမုၬလီၫ.- တၫ ၡံၭ,ဒဲကျိၩ့ၥံၪအစဎွၩလဖၪ မိဂဲၫဆိၬအဆၧဖ့ၪလၫ့,ၡ့ ဘၫဒဲစံဘၫအစဎွၩၥံၪမိဂဲၫဆိၬအဆၧဖ့ၪလၫ့လီၫ.
11 တၭကယဲစဎွၩထီးအလူၬလဖၪ မိဘိၪ့ထၪ့ဘၩထၪ့ အဝ့ၫဒၪလီၫ. ကယဲၦအဆၨၩထီးအလူၬလဖၪ မိမၩ
12 အဆၧလီၫ.- အဂဲးဘဲၫယီၩအဝ့ၫဒၪမိမၩဖီၩ့မၩဖျ့ၭၦ ၡၪ့ဖိၪယၬဖိၪလၧအအၪ့ကံၩ့အၪ့ယၫဆၧ, ဒဲၦဘၪၡၪ့
13 ဘၪနၭ,ၦလၧဆၧမၩဆၧၩ့ဝ့ၫ လအီၪဘၪနီၪလီၫ.- အ ဝ့ၫဒၪမိယၫ့ၥုၪ့ယၫ့ၥၭၦဘၪၡၪ့ဘၪနၭ, ဒဲၦၡၪ့ဖိၪတၭ,
14 မိထိးထဲၩ့တၩ့ထဲၩ့ၦၡၪ့ဖိၪအၥၭ,- မိဎွ့ၩန့ထဲၩ့အဝ့ၫ ၥံၪအၥၭလၧဆၧမၩအၧၩ့အစူၪဖၧၩ့, ဒဲလၧဆၧမၩၡၪ့ မၩနၭအစူၪဖၧၩ့တၭ, အဝ့ၫၥံၪအၥွံၪကဲၪထၪ့ဆၧလူ ဒိၪဎွ့ၩဒိၪလၧအမ့ၬယၫလီၫ.
15 အဝ့ၫဒၪမိမၧၫ့ဝ့ၫတၭ, ၦမိဖ့ၪလၫ့အဝ့ၫၡ့ဘၫအထီၫ့, ဒဲဆၧမိဘၩဆိၪဖၪန့အဂးလထံၪဎးလီၫ. တၭအဝ့ၫဒၪ မိဘၪဆၧစံၭထၪ့အၪ့အူၭဝ့ၫ ကိၭမုနံၩမုနၩဒ့ၭလီၫ.
16 တၭဘုၪၥံၪဂူၫၥံၪအၪအၪလ့ၬ မိအီၪလၧဂၪ့ခိၪအဖၧၩ့ လၧခိၪလီၩ့ခိၪတၭ, အၥၪမိဝၭဘဲၫလ့ၭဘနၧၫ့အၥိၭနီၪ လီၫ.တၭလၧဒိၩ့ဖၧၩ့လဖၪနီၪ မိဘီၪထၪ့ယီၫထၪ့ဘဲၫ
17 ဂၪ့ခိၪအနၪ့ၥံၪမံၩ့ၥံၪအၥိၭနီၪလီၫ.- အဝ့ၫဒၪအမံၩ့မိ အီၪလၩ့ဆိၩလၩ့ကၠၪတၭ, လၧမုအီၪဝ့ၫအဘိၩ့ဘၭနီၪ အမံၩ့မိအၪထၪ့ဂီထၪ့လီၫ. တၭၦၡၩမိဆိၪဂ့ၩလၩ့အ ၥၭလၧအဝ့ၫနီၪအကၠီၩ့လီၫ. ကယဲၦအဆၨၩၥံၪ မိစံၭ ထၪ့အၪ့အူၭအဝ့ၫနီၪထီးအလူၬလီၫ.
18 တၭယဟိဝၩ,ယွၩ, အံၫစရ့လၭအယွၩလၧအမၩ ဆၧလၩ့လၭန့ၫလဂၩနီၪ, မွဲအဘၪဆၧစံၭထၪ့အၪ့အူၭ
19 ဝ့ၫဆံၭ.- တၭအမံၩ့လၩဖၩ့နီၪ မွဲအဘၪဆၧစံၭထၪ့ အၪ့အူၭလၩ့ဆိၩလၩ့ကၠၪဆံၭ. တၭမွဲဂၪ့ခိၪထၧၫ့ဖျိၪ့ ယၫယီၩဎွ့ၩထၪ့ဝ့ၫလၧအလၩအဖၩ့ဆံၭ.
20 စယ့ၭစံၫအဖိၪခွၫစဒၫဝံၭ အဆၧဘၩဆိၪဖၪနီၪဂီၩ့ ယူၭ.