65
1 ဆၧစံၭထၪ့အၪ့အူၭအီၪခိၭလၧနဂး လၧဇံအိၫ့အ ဖၧၩ့,ယွၩဧ့, ဒဲၦမၩဘိၪ့နၧၩ လၧဆၧဘၪဆဲၫ့လၧဆၧ
2 ဆိၪလၩ့အၥၭနီၪလီၫ.- ၦလၧအနါဂၧၫ့ဆၧဘၩဆိၪဖၪ, နဝ့ၫဒၪလဂၩဧ့, ဆၧယၪထီးအလူၬမိဂဲၫထီၩ့လၧနအီၪ
3 လီၫ.- ဆၧအၧၩ့ဆၧၥၫ့နီၪမၩနၧၩ့မၩစၪယၧၩလီၫ. ပဆၧမၪလဖၪနီၪ နနၫ့ဆါဒၪနဝ့ၫ နမိလုၬဘံၭခွံၬလီၫ.
4 ၦလၧနရွံန့ဝ့ၫ ဒဲဒုၭၥုၭဘူၭဝ့ၫ လၧနအီၪလဂၩနီၪ,အဝ့ၫ ဒၪ မိအီၪလၧနဝၩ့ လဖၪအဖၧၩ့ ဒဲဘၪဆိၪဂ့ၩဝ့ၫလီၫ. တၭပမိမံၫ့ၥုၪ့မံၫ့ၥၭ လၧနဂံၪ့, နနီးဆံၫ့ဎံၪ အဆၧထူၭ ဆၧလၧၫ့လဖၪနီၪလီၫ.
5 ဆၧထိးထဲၩ့တၩ့ထဲၩ့ပၧၩအယွၩဧ့, နမိစံၭဆၧၫ့ပၧၩ လၧဆၧဒုၭၥၭမဲၪဆၧလဖၪ လၧဆၧတီၩဆၧလီၩ့အဖၧၩ့ နီၪ,နမွဲဆၧဒိၭနဲၩ့အလး လၧၦအီၪလၧဂၪ့ခိၪအထုၬ ထီးအလူၬ, ဒဲၦလၧမၫဆမံၭဖၧၩ့ အီၪလၧအယဲၩ့လဖၪ
6 အဂးလဂၩနီၪလီၫ.- နမွဲၦလၧအမၩဂုးမၩခၧၫ့ခိၪလီၩ့ ထိၩ့ချိၬလၧအဂဲးအဘၭ လၧအယးဒံၩ့ခဲးထူၬအၥၭလၧ
7 အစီၩ့အမၩ့,- ၦလၧအဒုၭအီၪလၩ့မါပံၭမၫဆမံၭအ ၥီၫ,လပီၩလဖၪအၥီၫ, ဒဲၦခမျၧးအဆၧတုၩ့ထၪ့တုၩ့
8 လၩ့လီၫ.- ထီးနီၪလဖၧၫ့ ၦလၧအအီၪဝ့ၫ လၧအထုၬ လဖၪနီၪၥၭမဲၪနဆၧလၩ့လၭလီၫ. တၭနဒုၭၥုၪ့ဎွံၫၥၭ ယီၫဆၧလၧအစဲၪ့ထၪ့လၧဂီၩဒဲလၧဂၪလီၫ.
9 နအီၪၡီၩ့ဂၪ့ခိၪဒဲနမၩဘၪစီၪဂ့ၩ နမၩထူၭမၩလၧၫ့ ဝ့ၫအၪအၪလ့ၬတၭ, ယွၩအထံၫမိဎွါဎွ့ၩဝ့ၫ လၧထံၫ လီၫ.ထီးနတဲၩ့ဝဲၩဂၪ့ခိၪဂီၩ့တၭ, နတဲၩ့ဝဲၩဘုၪၥံၪဂူၫ
10 ၥံၪလၧအဂးလီၫ.- တၭနမၩဘၪစီၪအကၠီၪ့လဖၪလၧၫ့ လၧၫ့ဎွ့ၩဎွ့ၩ, နမၩလၩ့ဒၩဂၪ့ခိၪအဂဲးၥံၪတၭ, နမၩဖျ့ၭ ဝ့ၫလၧဆၧဆၧၩ့လၩ့နီၪ, နဆိၪဂ့ၩအဆၧမဲၪထၪ့လဖၪ
11 လီၫ.- တၭနဒုၭချႃၬနံၪ့နီၪ လၧနဆၧဂ့ၩအၥရဖူၩလီၫ.
12 နခၪ့လးၥံၪ ဒုၭလၩ့ဆၩ့ၥိၪလီၫ.- ဒုၭလၩ့ဆၩ့ဝ့ၫလၧ ဆၧအၪ့အဆၪအလးအဖၫ့ခိၪ လၧမံၩ့လၬကျၩ, ဒဲဆၧ စီၩ့ခိၪလဖၪခဲးထူၬအယးဒံၩ့ လၧဆၧၥုၪ့ဎွံၫၥၭယီၫလီၫ.
13 ဆၧအၪ့အဆၪအလးၥံၪ ဘၪဆၧဒုၭကီၩ့ဒုၭၥိၭဝ့ၫ လၧၥိၪအဒီၪ့လဖၪတၭ, ဆၧဒၩဖၧၩ့နီၪဘၪဆၧဒုၭလုၬ ဝ့ၫလၧဘုၪၥံၪဂူၫၥံၪလီၫ. အဝ့ၫၥံၪကိၭၡၭထၪ့ၡီၩ့တၭ, ၥံၫကျံၩဆၧဆ့လီၫ.