61
1 ခိၭနၪယကိၭၡၭဆၧ, ယွၩဧ့, ဒိၭနနါလၧယဆၧဘၩ
2 ဆိၪဖၪဆံၭ.- ထီးယၥၭအ့ၪဘၪဆၧလုၬဘံၭဝ့ၫတၭ, ယကိၭထၪ့နၧၩလၧဂၪ့ခိၪအထုၬနီၪလီၫ. တၭၥိၫ့ယၧၩ
3 လၧလဲၫ့လၧအထီၫနဲၪ့ယၧၩလဖျိၪ့အအီၪနီၪဆံၭ.- အ ဂဲးဘဲၫယီၩ နမွဲဆၧဖီၩ့ဖျ့ၭအလးလၧယဂး, ဒဲထိၬအ
4 ထီၫဂုးခၧၫ့လၧယဒုၪယဒၩအမ့ၬယၫလီၫ.- ယမိအီၪ လၧနတဲၩဆံၫ့ဎံၪအဖၧၩ့ လၩ့ဆိၩလၩ့ကၠၪတၭ, ယမိ စဲၪ့ဖလ့ၬယၥၭ လၧနဒံၭအဖၫ့လၬနီၪလီၫ.(စ့လၫ.)
5 အဂဲးဘဲၫယီၩနဝ့ၫဒၪ, ယွၩဧ့, နနါဂၧၫ့ယူၭယဆၧ ဆိၪလၩ့ယၥၭယူၭတၭ, နဖ့ၪလၫ့ယူၭဆၧန့ၥၫလၧၦ လၧအၥၭမဲၪနမံၩ့ယူၭ.
6 တၭနမိအီၪက့ၪအၪထၪ့မုနံၩၥံၪ လၧစဎွၩအမုနံၩ လဖၪ, အနံၪ့အလၩမိအီၪဝ့ၫ ဘဲၫအၪဆိၩအၪကၠၪအၥိၭ
7 လီၫ.- တၭအဝ့ၫၥံၪမိအီၪလၧယွၩအမ့ၬယၫလၩ့ဆိၩလၩ့ ကၠၪလီၫ. တၭအီၪက့ၪလၩ့ ဆၧယၫ့ၥုၪ့ယၫ့ၥၭ, ဒဲဆၧ
8 မွဲဆၧတီၩ လၧအမိပၧၩ့ဘၪဝ့ၫနီၪဆံၭ.- အ့ၪမွဲဘဲၫနီၪ တၭ,ယမိၥံၫကျံၩထၪ့နမံၩ့ လၩ့ဆိၩလၩ့ကၠၪ ဘဲၫၥိၭ ယမိမၩဘိၪ့ဆၧဘၪဆဲၫ့ လၧယဆိၪလၩ့ယၥၭနီၪ လ နံၩဘၪလနံၩလီၫ.