55
1 ယွၩဧ့, ခိၭနၪယဆၧဘၩဆိၪဖၪဆံၭ. တၭအီၪက့ၪ
2 ၥူၪနၥၭလၧယအၪ့ယၫဆၧလဂ့ၩ.- ခိၭနၪယလူတၭ, ဒိၭနနါဆံၭ, ယအၪ့ယၫဆၧလၧယၥၭအုၭတၭ, ယ
3 ကိၭၡၭထၪ့ဆၧ, လၧဆၧအဒုၪအဒၩအလူအကၠီၩ့, လၧ ၦလတီၩလလီၩ့ဘၪ အမၩအၧၩ့ဆၧအကၠီၩ့လီၫ. အဂဲး ဘဲၫယီၩမွဲအဒုၭဘၪယၧၩ လၧဆၧအၧၩ့တၭ, လၧအ
4 ၥၭထၪ့ဆၧအဖၧၩ့နီၪ, မွဲအမ့ၬလဲၩယၧၩလီၫ.- တၭ ယၥုၪ့ဝၭထိၬယၥၭဝၭထိၬလၧအဖၧၩ့, ဒဲဆၧၥံၫအဆၧ
5 မၩၥၭမဲၪၥၭဖျဲၩ့နီၪလၩ့ဘၪယၧၩလီၫ.- တၭဆၧၥၭမဲၪ ဒဲဆၧဝၭထိၬလၩ့ဘၪယၧၩတၭ, ယဆၧဝၭထိၬလုၬ
6 ဘံၭခွံၬယၧၩလီၫ.- တၭယစံၭ, မွဲယအီၪလါလၧယဒံၭ ဘဲၫထိၪလွံအၥိၭနီၪဆံၭ. အ့ၪမွဲဘဲၪနီၪ, ယမိယူၩထၪ့
7 ခွံၬတၭ,အီၪပွံၭဝ့ၫလီၫ.- ယိခွါ, ယမိဂၭလၧအယဲၩ့
8 တၭယမိအီၪ လၧၡါမုနၧၫ့ဖၫလီၫ.(စ့လၫ.) - တၭ ယမိမၩဖီၩ့မၩဖျ့ၭ ယၥၭချဲၫ့ချဲၫ့ လၧလံၩမုဒဲလဖုၬနီၪ လီၫ.
9 မၩဂၭဂီၩ့ခွံၬ, ကဆါဧ့, မၩထဲၩ့ဖၭအဝ့ၫၥံၪအဖျ့ၩ ဆံၭ.အဂဲးဘဲၫယီၩ ယဒၪဘၪဆၧမၩအၧၩ့, ဒဲဆၧအဲၪ့
10 လိၬဆိၭချဲၩ့လၧဒိၩ့ဖၧၩ့လီၫ.- လၧမုဆၫလခီၫ ဒဲလၧ မုနၩလခီၫနီၪ, အဝ့ၫၥံၪလ့ၩဝၬဖီၩ့ဝ့ၫ လၧဒိၩ့ခိၪဒၧၩ့အ ဒၩ့ခိၪ, ဒဲဆၧမၩဂၭဂီၩ့, ဒဲဆၧၡၪ့ဆၧနၭအီၪဝ့ၫ လၧအ ဖၧၩ့လခီၫလီၫ.
11 တၭဆၧအၧၩ့ဆၧၥၫ့အီၪဝ့ၫလၧအၥၭခံဖၧၩ့, ဆၧ မၩအၧၩ့ဒဲဆၧအၪ့လီၫဆၧနီၪ လစဲၪ့ထၪ့ခွံၬဘၪလၧဖၠါဖၧၩ့ နီၪလီၫ.
12 အဂဲးဘဲၫယီၩလမွဲဘၪဆၧအဒုၪ အဒၩဒုၪဒွ့ၪယၧၩ, အ့ၪမွဲဘဲၫနီၪတၭ, ယထိးနၧၩ့လီၫ. တၭလမွဲဘၪၦမ့ၬ လဲၩယၧၩလၧအအီၪက့ၪဒိၪအၥၭ လၧယဖၫ့ခိၪ, အ့ၪမွဲ ဘဲၫနီၪတၭ, ယမိအီၪက့ၪၥူၪခွံၬ ယၥၭလၧအအီၪလီၫ.
13 အ့ၪမွဲနဝ့ၫဒၪ, နမွဲၦလၧယအီၪက့ၪဘဲၫယနၫ့ဆါဒၪယ ဝ့ၫအၥိၭ ယထံၩယၥိၭဒဲၦလၧပၥ့ၪယၫလိၬပၥၭလီၫ.
14 ပဖံၭၥိၭလိၬပၥၭ လစီၪ့ဎးမုၬမုၬတၭ, ပလ့ၩထၪ့လၧ
15 ယွၩအဂံၪ့လၧၦခမျၧးအၥိၭလီၫ.- မွဲဆၧအီၪယူလၩ့ ဘၪဝ့ၫဆံၭ, လၧအဝ့ၫၥံၪမၧၫ့ဒံၭနီၪ, မွဲအမိလ့ၩလၩ့လၧ ဖျႃဖၧၩ့လီၫ. အဂဲးဘဲၫယီၩဆၧအၧၩ့အီၪဝ့ၫ လၧအ လးဖၧၩ့လၧအဝ့ၫၥံၪအကျၩနီၪဆ့လီၫ.
16 တၭယဝ့ၫဒၪယီၩယမိကိၭထၪ့ယွၩလီၫ. တၭယဟိ
17 ဝၩမိထိးထဲၩ့တၩ့ထဲၩ့ယၧၩလီၫ.- လၧဂၪလခီၫ, ဒဲလၧ ဂီၩလခီၫ, ဒဲလၧမုထုၪ့နီၪ ယမိၥုၪ့ခါၥၭလၩ့ဒဲဘၩဆိၪ
18 ဖၪဆၧတၭ,ယွၩမိနါဂၧၫ့ယလူလီၫ.- တၭဆၧမိဎွ့ၩန့ ထဲၩ့ယၥၭလၧဆၧဘၪလိၬအိၭလိၬအဂး, လၧဆၧဒုၭ ၥုၭထၫ့ဒုၪဒၩယၧၩအဖၧၩ့လီၫ. အဂဲးဘဲၫယီၩ ၦအီၪ
19 လၧယၥိၭအၪဂၩလီၫ.- ယွၩဒၪလ့ၬ လၧအဆၧၫ့နၩ့ ဎဘဲၫၦစ့ၩရၫ့ဆၧအၥိၭၭ ခီၫလၧဖျိၩ့လဂၩ မိခိၭနၪဆၧ တၭ,မိစံၭဆၧၫ့အဝ့ၫၥံၪလီၫ. (စ့လၫ.) မွဲဆၧအၪ့လဲၩ လအီၪဘၪလၧအဝ့ၫဒၪတၭ, အဝ့ၫၥံၪၥၭမဲၪယွၩအ့ၬ.
20 ယၩ့ထၪ့အစူၪထၫ့ဒုၪဒၩ ၦလၧအမၩဘၪလိၬအိၭလိၬ ဆၧလၧအၥိၭတၭ, မၩဂၭဂီၩ့အဆၧအုၩ့လၩ့နီၪလီၫ.
21 အနိၭဖျ့ၫနဲၪ့ထီပၭလါနၫ့တၭ, ဆၧဒုၭၥုၭအီၪဝ့ၫလၧအ ၥၭခံဖၧၩ့လီၫ. အဆၧချဲၩ့ၥံၪဖူၬနဲၪ့ၥိၪဒံၭ လါနၫ့တၭ, မွဲနၭလၧအထုၭထၪ့အၥၭလဖၪလီၫ.
22 တၭအီၪက့ၪနဆၧအွံၪဆၧယိၭနီၪ လၧယဟိဝၩအ လီၩ့ဆံၭ, အဝ့ၫမိမၩဆၧၩ့နၧၩလီၫ. တၭၦအတီၩအ လီၩ့လဖၪနီၪအဝ့ၫဒၪဖ့ၪလၫ့အဝၭနးဖၧၫ့အ့ၬ.
23 တၭနဝ့ၫဒၪ, ယွၩဧ့, နမိဒုၭလ့ၩလၩ့ၦလဖၪနီၪလၧ ဆၧဂၭဂီၩ့ အဆၧဖၧၩ့လီၫ. ၦမၩၥံၫၦၡၩ, ဒဲအၪ့လီၫ ဆၧလဖၪနီၪ မိမၧၫ့ဖိၭဖၫ့ အမုနံၩလဖၪအ့ၬ, အ့ၪမွဲယ ဝ့ၫဒၪယီၩ, ယဒိၭနဲၩ့ယၥၭလၧနၧၩလီၫ.