46
1 ယွၩမွဲဆၧဖလ့ၬအလးလၧပဂး, ဒဲပဂဲးပဘၭဆ့လီၫ. လၧဆၧမၩခိမၩဝီၩအဖၧၩ့နီၪ, ပဒၪန့အဝ့ၫလၧအမွဲ
2 ဆၧမၩဆၧၩ့ဖၭဒိၪလီၫ.- မၩအၥၭဘဲၫနီၪတၭ, ဂၪ့ခိၪ အ့ၪအၪ့လဲၩအလးလါနၫ့ဘိၩ, ခိၪလီၩ့ထိၩ့ချိၬအ့ၪ ဘၪဆၧဆိၬထၪ့ခွံၬ လၧမၫဆမံၭ အၥၭခံဖၧၩ့လါနၫ့
3 ဘိၩပၥၭမဲၪဆၧအ့ၬ.- မွဲအထံၫလဖၪၥီၫထၪ့ ဧီၫဧီၫဒဲအ ပၠူၭထၪ့နီၪ မွဲခိၪလီၩ့ထိၩ့ချိၬၡိၩ့ၡိၬ လၧအထၪ့ထီၫအ ကၠီၩ့နီၪဆံၭ.(စ့လၫ.)
4 တၭထံၫမိၡါအီၪလဘီၩ့နီၪ, အထံၫထဲၩ့ဖၭလဖၪနီၪ ဒုၭၥၭထိၬယွၩအဒိၩ့, ဆၧထီၫထုၬလဂၩအအီၪအလး
5 ဆံၫ့ဎံၪလီၫ.- ယွၩအီၪဝ့ၫလၧအၥၭခံဖၧၩ့တၭ, မိဝၭ ထိၬဝ့ၫဆ့အ့ၬ. လၧဆၧဖၩ့ထၪ့နီၪ ယွၩမိမၩဆၧၩ့ဝ့ၫ
6 ဒၪလီၫ.- ၦဆၨၩၥံၪတုၩ့ထၪ့တုၩ့လၩ့တၭ, ဘၩ့မုးၥံၪ ဝၭဝ့ၫလီၫ. အဝ့ၫအလူၥီၫထၪ့နီၪ ဂၪ့ခိၪဖံထၪ့ဝ့ၫဒၪလီၫ.
7 ဆၧၥုၭမုခမျၧး အယဟိဝၩ အီၪလၧပၥိၭတၭ, စ ယၫကူၭအယွၩနီၪ, မွဲဆၧဖလ့ၬအလးလၧပဂးလီၫ. (စ့လၫ.)
8 ဂဲၫဘီၪ,ယိခွါ, ယဟိဝၩအဆၧမၩလဖၪ,လၧအအီၪ
9 က့ၪလၩ့ဆၧအီၪယူလဖၪ လၧဂၪ့ခိၪချိၫ့ယီၩဆံၭ.- တၭ မွဲအဒုၭအီၪထီလၧဆၧဒုၭၥုၭလဖၪ ထီၩ့လၧဂၪ့ခိၪအ ထုၬလီၫ. မၩခါချံၪၥံၪဖျါၥံၪနီၪ, ဒဲဒၪ့ထ့ၬခွံၬဖၩ့ၥံၪနၭ
10 ၥံၪဒဲဆူၭထၪ့ခွံၬ လဲၪ့ၥုၭလဖၪလၧမ့ၪလီၫ.- အီၪလၩ့မါ ပံၭတၭ, ၥ့ၪယၫလၧယမွဲယွၩဆံၭ. ယမိဘၪဆၧအီၪ က့ၪထၪ့ထီၫယၧၩ လၧၦဆၨၩၥံၪအကျၩတၭ, ယမိဘၪ ဆၧအီၪက့ၪထၪ့ထီၫယၧၩလၧဂၪ့ခိၪချိၫ့လီၫ.
11 ဆၧၥုၭမုခမျၧးအယဟိဝၩ အီၪလၧပၥိၭတၭ, စယၫ ကူၭအယွၩနီၪ မွဲဆၧဖလ့ၬအလးလၧပဂးလီၫ.