44
1 ယွၩဧ့, ပနါဂၧၫ့ယူၭလၧပနါ, ပဖါၥံၪလီၩလၩ့လၬ လၩ့ပၧၩ လၧဆၧမၩလၧနမၩလၧမုနံၩလဖၪ လၧဖျိၩ့
2 နီၪလီၫ.- နနၫ့ထၪ့ခွံၬၦဆၨၩၥံၪလၧနစူၪတၭ, နၥုၪ့လၩ့ ဖျၭလၩ့အဝ့ၫၥံၪ, နမၩဂၭဂီၩ့ၦခမျၧးလဖၪတၭ, ၦလ
3 ဖၪနီၪနဒုၭအၪထၪ့လီၫ.- အဂဲးဘဲၫယီၩ လမွဲဘၪအဝ့ၫ ၥံၪမၩန့ခးနီၪ လၧအနၭဒၪဝ့ၫအကၠီၩ့, ဒဲမွဲအစူၪဒၪဝ့ၫ မၩဖီၩ့မၩဖျ့ၭအဝ့ၫၥံၪဆ့အ့ၬ. အ့ၪမွဲနစူၪထွ့ၪဒဲနစူၪဒၪ နဝ့ၫဒဲနမ့ၬအဆၧဖၩ့လီၫ. အဂဲးဘဲၫယီၩနခိးနတၩအီၪ လၧအဝ့ၫၥံၪအဂးလီၫ.
4 နဝ့ၫဒၪယီၩနမွဲယစဎွၩ, ယွၩဧ့,မၪလူၬဆၧမၩဖီၩ့
5 မၩဖျ့ၭလၧစယၫကူၭအဂးဆံၭ.- တၭပမိဆၪ့လၩ့ ပဒုၪပဒၩလၧနကၠီၩ့ လၧနမံၩ့အကၠီၩ့နီၪတၭ, ပမိယဲး
6 ထဲးၦလၧအဂဲထုၪ့ထၫ့ဒုၪဒၩပၧၩလီၫ.- အဂဲးဘဲၫယီၩ ယမိဒိၭနဲၩ့ယၥၭလၧယချံၪအ့ၬ. တၭယနၭနီၪမိထိး
7 ထဲၩ့တၩ့ထဲၩ့ယၧၩဆ့အ့ၬ.- အ့ၪမွဲနမၩဖီၩ့မၩဖျ့ၭ ပၧၩလၧပဒုၪပဒၩအစူၪဖၧၩ့တၭ, ၦလဖၪလၧအမ့ၬ
8 လဲၩပၧၩနီၪ, နဒုၭမဲအဝ့ၫၥံၪအမ့ၬလီၫ.- ပအီၪက့ၪဖိၫ လိၫပၥၭၥံၫ့ၥံၫ့နံၩလၧယွၩအဖၧၩ့တၭ, ပမိစံၭထၪ့အၪ့ အူၭနမံၩ့လၩ့ဆိၩလၩ့ကၠၪလီၫ. (စ့လၫ.)
9 နဝ့ၫဒၪနခွံၬၡိၭပၧၩ, ဒဲဒုၭမ့ၬမဲပၧၩတၭ,နလ့ၩထၪ့
10 လၧပၥုၭမုၥံၪအၥိၭဆ့အ့ၬ.- နဒုၭထဲၩ့ထဲၩ့ပၧၩလၧပ လးခဲၫ့လၧပဒုၪပဒၩအမ့ၬယၫတၭ, ၦလၧအမ့ၬလဲၩ
11 ပၧၩလဖၪနီၪ အၪ့ဂူၬန့ဆၧလၧအဂးဒၪဝ့ၫလီၫ.- နအီၪ က့ၪပၧၩဘဲၫၥိၪလဖၪ လၧဆၧအၪ့အဂးအၥိၭတၭ, န မၩလၩ့ပြံၩလၩ့ပၩပၧၩ လၧၦဆၨၩၥံၪအကျၩလီၫ.
12 နအၪ့ဆၫခွံၬနၡၩခမျၧး လၧအလမွဲဘၪဆၧနးမံၩ့အဂး တၭ,နဆၧဒၪနဝ့ၫနီၪအၪထၪ့ လၧအဝ့ၫၥံၪအဎွ့ၩနီၪဆ့
13 အ့ၬ.- တၭနအီၪက့ၪပၧၩ လၧဆၧဒုၪဒွ့ၪအလးလၧၦ အီၪလၧပနဲၩ့ထံၭအဂး, ဆၧချဲၩ့ကြၩ့ထမးအလး, ဒဲ ဆၧနံဘၪဒုၪဒွ့ၪအလး လၧၦအီၪဝၬဖီၩ့ပၧၩအဂးလီၫ.
14 တၭနအီၪက့ၪပၧၩ လၧဆၧချဲၩ့ဒီၩ့ လၧၦဆၨၩၥံၪအ ကျၩ,ဆၧဂံၩဂုအခိၪအလး လၧၦခမျၧးအကျၩလီၫ.
15 ဆၧအီၪက့ၪမဲယမ့ၬအီၪဝ့ၫ လၧယမ့ၬယၫကိၭမုနံၩမု
16 နၩဒ့ၭတၭ, ယဆၧမ့ၬမဲလုၬဘံၭခွံၬယၧၩ,- လၧၦဒုၪ ဒွ့ၪဆၧဒဲၦချဲၩ့အၧၩ့ဆၧအလူအကၠီၩ့, လၧဆၧအဒုၪအ ဒၩဒဲၦမၩဆၧၫ့ဆၧအၧၩ့အကၠီၩ့နီၪလီၫ.
17 ကယဲဆၧထီးအလူၬနီၪ လၩ့ဘၪပၧၩလါနၫ့ဘိၩပ ၥၭနၪ့နၧၩအ့ၬ. တၭပမၩနဆၧအုၩ့လၩ့ လၧဆၧအ
18 ဘျံၭအဘျၪဆ့အ့ၬ.- တၭပၥၭဂၧၩ့ထဲၩ့အ့ၬ. တၭပခၫ
19 ထၪ့ဆၧလဖၪနီၪ လ့ၩခၫ့ဖၬနဖၧၩ့ၥၭနီၪဆ့အ့ၬ.- မွဲလါ နၫ့ဘဲၫနီၪတၭ, နမၩလၩ့ဘျ့ၭပၧၩလၧထွံၪမံၩ့အိၩ့ယိၩ့ အလးဖၧၩ့တၭ, နလုၬဘံၭပၧၩလၧဆၧၥံၫအလၩၡုၪ
20 လီၫ.- ပအ့ၪၥၭနၪ့ပယွၩအမံၩ့တၭ, ယူၬထၪ့ပစူၪလၧ
21 ၦလခီၫဘၩ့မုးဖိၪ အယွၩတၭ,- ယွၩမိအၪ့ဎၬန့ဆၧ ယီၩမွဲအ့ၬဧၪ. အဂဲးဘဲၫယီၩ မွဲအၥ့ၪယၫပၥၭအဆၧ
22 အီၪၥူၪလဖၪနီၪလီၫ.- အဂဲးဘဲၫယီၩ ပဘၪဆၧမၩၥံၫ ပၧၩၥံၫ့ၥံၫ့နံၩ လၧနကၠီၩ့တၭ, ဆၧအီၪက့ၪပၧၩဘဲၫၥိၪ ၥံၪလၧအမိဘၪဆၧမၩၥံၫဝ့ၫအၥိၭနီၪလီၫ.
23 နၪ့ထၪ့ထဲၩ့ဆံၭ,မွဲဘၪနီၫလၫလၧနမံၫမၪလဲၪ, ကဆါ ဧ့, ဂဲထုၪ့ဆံၭ. ထီးခွံၬၡိၭပၧၩ လၩ့ဆိၩလၩ့ကၠၪလ
24 ဂ့ၩ.- မွဲဘၪနီၫလၫလၧနအီၪက့ၪၥူၪခွံၬနမ့ၬ, ဒဲၥၭနၪ့ပ
25 ဆၧၡၪ့ဆၧနၭ, ဒဲဆၧမၩနၧၩ့ပၧၩနီၫလဲၪ.- အဂဲးဘဲၫ ယီၩပၥၭကူၭလၩ့ဝ့ၫ ထီၩ့လၩ့လၧဂၪ့ခိၪအမုၬလီၫ.ပ
26 ဂူၭဖိၫ့ဘုၭထၬလၧဂၪ့ခိၪလီၫ.- ဂဲထုၪ့မၩဘိၭမၩဆၧၩ့ ပၧၩတၭ, ဎွ့ၩန့ထဲၩ့ပၧၩ လၧဆၧယၫ့ၥုၪ့ယၫ့ၥၭအကၠီၩ့ နီၪဆံၭ.