1 ယစံၭယမိထီးန့ယဖၧၩ့ၥၭၥံၪ ဘဲၫၥိၭယထီးမၩဆၧ ဒဲၩဘၭလၧယဖျ့ၩလဂ့ၩ. ၦလတီၩလလီၩ့ဘၪအီၪလၧ ယမ့ၬယၫအဘိၩ့ဘၭနီၪတၭ, ယမိၥံၫ့ထၬယနိၭလီၫ. 2 ယအီၪလၩ့မါပံၭတၭယအီၪအုၭအၭလီၫ. ယအီၪက စုၩနီၪတၭ, လချဲၩ့ထၪ့ဘၪဆၧအဂ့ၩ ဒၪလ့ၬနီၪလီၫ. 3 တၭယၥုၪ့ခိၥၭဝီၩဂဲၩလိၬလီၫ.- ယၥၭခိထၪ့လၧယ ဖၧၩ့တၭ,လၧယဆီၫ့မီၪ့ဆၧအဘိၩ့ဘၭနီၪ, မ့ၪခဲၩထၪ့ 4 ဝ့ၫလီၫ. တၭယချဲၩ့ဆၧလၧယဖျ့ၩ,- ယဟိဝၩဧ့, ဒုၭ ၥ့ၪယၫယၧၩလၧ ယထုၬဒဲယမုနံၩလဖၪမိအီၪဎွ့ၩအံၩ ဎွ့ၩအိၩနီၪဆံၭ. ယဂဲးယဘၭဆါဖိၫဘဲၫၥ့ၪလဲၪ, ဒုၭ 5 ၥ့ၪယၫယၧၩဆံၭ.- ယိခွါ, နအီၪက့ၪယမုနံၩလဖၪဘဲၫ လစိၭအၥိၭ, ဒဲလဆိၩဒၪယၧၩမၩအၥၭဘဲၫ အလမွဲ ဘၪဆၧနးမံၩ့အၥိၭ လၧနမ့ၬယၫလီၫ. မွဲမၬ, ၦၡၩလ ဂၩလါလါအ့ၪအီၪလၧအလးဂ့ၩထုၬလါနၫ့, မွဲန့ၫဆၧ 6 ပျီၩပျီၩအဂးလီၫ.- မွဲမၬ, ကယဲၦၡၩကိၭဂၩဒ့ၭလ့ၩ လၧဆၧလၩၡုၪအဖၧၩ့တၭ, မွဲမၬ, အဝ့ၫၥံၪမၩခိထၪ့ အၥၭပျီၩပျီၩလီၫ. တၭအီၪက့ၪပိၩ့အစူၪလးခၪ့ခိၪနီၪ, မွဲပလၫမိအၪ့မၩန့ဝ့ၫလဂၩလဲၪနီၪ, ၥ့ၪယၫဝ့ၫဆ့အ့ၬ.

7 ယယိလါဆၧလၧနၧၩတၭ, ဘိၩ့နဲၪ့ယီၩ,ကဆါဧ့, 8 ယဘၪခိၭဒံၭ ဆၧနီၪလမံၩ့လဲၪ.- တၭမၩဖီၩ့မၩဖျ့ၭ ယၧၩလၧယဆၧအမၪထီးအလူၬနီၪဆံၭ. ထီးအီၪက့ၪ ယၧၩလၧၦဂၭဂီၩ့ဖိၪ အဆၧဒုၪဒွ့ၪ အလးနီၪလဂ့ၩ. 9 တၭယအီၪလၩ့မါပံၭ, ယမိအၩ့ထၪ့ယနိၭအ့ၬ. အဂဲး 10 ဘဲၫယီၩနမၩနဝ့ၫလီၫ.- ၥုၭခွံၬနထးဆၧလၧယလီၩ့ ဆံၭ.လၧနစူၪထးဆၧအကၠီၩ့နီၪ ယဂဲးယဘၭလူၬဖီၩ, 11 ထီးနအ့ၪအၪ့ၥီၪ့ၦၡၩ လၧဆၧအၪ့ၥီၪ့ၥံၪလၧအဆၧ ဆၧၩ့အကၠီၩ့တၭ, ဆၧလၧအမုၬလၩဝ့ၫလၧအဖၧၩ့နီၪ, နမၩလူၬခွံၬဘဲၫဆၧအဎိၩ့အဎါ အၥိၭနီၪလီၫ. မွဲမၬ, ၦၡၩလဂၩလါလါနီၪ, မွဲန့ၫဆၧပျီၩပျီၩလီၫ. (စ့လၫ.) 12 ခိၭနၪယဆၧဘၩဆိၪဖၪဆံၭ, ယဟိဝၩဧ့, ခိၭနၪယ အၪ့ယၫဆၧမၩဆၧၩ့အဂးဆံၭ. အီၪလၩ့မါပံၭလၧယ မ့ၬထံၫအကၠီၩ့လဂ့ၩ. အဂဲးဘဲၫယီၩ ဘဲၫယဖါၥံၪထီး အလူၬအၥိၭနီၪ, ယမွဲၦမွံၩလၧနမ့ၬယၫ,ၦဂဲၫအီၪဘဲၫ 13 နီၪၥိၭလီၫ.- ယလချႃၭထဲၩ့ဒံၭဘၪ, ဒဲလအီၪလၧၩ့ ဘၪနီၪ,ဖျါယၧၩ ဘဲၫၥိၭယမိမုၬထၪ့ထဲၩ့ ယဝ့ၫဆံၭ.