28
1 ယမိကိၭထၪ့နၧၩယဟိဝၩဧ့, ယလဲၫ့လဖျိၪ့ဧ့, ဒိၭ အၧၩ့နနါ လၧယၧၩလဂ့ၩ. နအ့ၪအီၪလၩ့မါပံၭ လၧ ယၧၩတၭ, ယမိမၩဘၪခိၬယၥၭ ဘဲၫၦလၧအလ့ၩလၩ့ လၧဖျႃဖၧၩ့ အၥိၭနီၪလီၫ.
2 ထီးယအ့ၪအၪ့ယၫနၧၩ ထီးယယူၬထၪ့ယစူၪလၧ နဒုၭချဲၩ့ဆၧဆံၫ့ဎံၪအအီၪတၭ, ခိၭနၪယအၪ့ယၫဆၧ
3 အလူဆံၭ.- မွဲနထီးထုၭထၪ့ခွံၬယၧၩအီၪလၧၦလတီၩ လလီၩ့ဘၪအၥိၭလဂ့ၩ, အဝ့ၫၥံၪမၩဆၧအၧၩ့ လါနၫ့ တၭ,ချဲၩ့မုၬဆၧလၧၦအီၪလၧအနဲၩ့ထံၭၥံၪတၭ, ဆၧ
4 အၧၩ့အီၪလၧအၥၭခံဖၧၩ့လီၫ.- ဖ့ၪလၫ့ဆၧလၧအဝ့ၫ ၥံၪဘဲၫအမၩဆၧအၥိၭ ဒဲဘဲၫအမၩဆၧအၧၩ့အၥိၭနီၪ ဆံၭ.ဖ့ၪလၫ့အဝ့ၫၥံၪ ဘဲၫအမၩဆၧ လၧအစူၪအၥိၭ နီၪ,ဒုၭန့ထဲၩ့အဝ့ၫၥံၪလၧဆၧအကြၨၭန့ဘၪနီၪဆံၭ.
5 အဝ့ၫၥံၪလဒူၩလယၪ့ဘၪ ယဟိဝၩအဆၧမၩ, ဒဲအမၩ ဆၧလၧအစူၪနီၪဒူၩယၪ့ဆ့အ့ၬ. မၩအၥၭဘဲၫနီၪတၭ, အဝ့ၫဒၪမိမၩဂၭဂီၩ့ခွံၬ အဝ့ၫၥံၪတၭ, မၩထၪ့ထဲၩ့ဝ့ၫ ဆ့အ့ၬ.
6 မွဲယဟိဝၩဘၪဆၧစံၭထၪ့အၪ့အူၭဝ့ၫဆံၭ, အဂဲးဘဲၫ ယီၩ အဆၧခိၭနၪယူၭယအၪ့ကံၩ့ဆၧအၥီၫယူၭ,တၭ
7 ယဟိဝၩမွဲယဂဲးယဘၭ,ဒဲယထၩ့ဖံၭလဘံၪ့လီၫ.- ယ ၥၭဒိၭနဲၩ့အၥၭ လၧအစူၪဖၧၩ့တၭ, ယန့ဘၪဆၧမၩ ဆၧၩ့ယၧၩ, မၩအၥၭဘဲၫနီၪတၭ,ယၥုၪ့ဎွံၫၥၭယီၫလၧ ယၥၭတၭ, ယမိစံၭထၪ့အၪ့အူၭအဝ့ၫ လၧယဆၧၥံၫ
8 ကျံၩနီၪလီၫ.- ယဟိဝၩမွဲအဝ့ၫၥံၪ အဆၧဂဲးဆၧဘၭ ဒဲအၡၩဒိၭဂုၪအၥၭ အဆၧထိးထဲၩ့တၩ့ထဲၩ့ အထိၬ
9 လီၫ.- ထိးထဲၩ့တၩ့ထဲၩ့နၡၩခမျၧးဆံၭ, ဆိၪဂ့ၩနဆၧ န့ၥၫဆံၭ, ယိထဲၩ့ခွါထဲၩ့ဝ့ၫ, ဒဲဆိၬထၪ့အဝ့ၫၥံၪအဆိၩ ဆိၩအကၠၪကၠၪဆံၭ.