2
1 တၭမွဲဘၪနီၫလၫလၧ ၦဆၨၩလဖၪတုၩ့ထၪ့တုၩ့လၩ့
2 ဒဲၦခမျၧးၥံၪကိၪ့ထၪ့ဖၭလၩ့ ဆၧပျီၩပျီၩနီၪလဲၪ.- ဂၪ့ခိၪ အစဎွၩၥံၪအီၪက့ၪဆၧၫ့ထုၪ့အၥၭ, ဒဲၦဒိၪၦၡါၥံၪကိၪ့
3 လိၬအၥၭထၫ့ဒုၪဒၩယဟိဝၩ, ဒဲအဎရံၬနီၪလီၫ.- မွဲပ ဖ့ၬထ့ၬခွံၬၡီၩ့အဝ့ၫၥံၪအဆၧစၧၩ့ထၬတၭ, မွဲပခွံၬၡိၭ ခွံၬၡီၩ့အဖျံၩၥံၪနီၪဆံၭ. ဎစံၭဝ့ၫဒၪ,ၭ
4 ၦလၧအဆၧၫ့နၩ့လၧ မူၭခိၪလဂၩနီၪမိနံဘၪဝ့ၫလီၫ.
5 ကဆါမိမၩကြၩ့ထမးအဝ့ၫၥံၪလီၫ.- ထီးနီၪလဖၧၫ့အ ဝ့ၫဒၪမိချဲၩ့ဆၧလၧအဝ့ၫၥံၪ လၧအၥၭထၪ့တၭ, လၧအ
6 ၥၭခဲၩထၪ့နီၪ မိမၩၥၭမဲၪၥၭဖျဲၩ့အဝ့ၫၥံၪလီၫ.- မွဲလါ နၫ့ယဝ့ၫဒၪယီၩ ယအီၪက့ၪထၪ့ယူၭယစဎွၩလၧယခိၪ လီၩ့ဆံၫ့ဎံၪဇံအိၫ့အလီၩ့ယူၭ.
7 ယမိလီၩဘၪဆၧစ့ၩရၫ့ဝဲၩနီၪလီၫ. ယဟိဝၩစံၭ ယၧၩ, နဝ့ၫဒၪယီၩ, နမွဲယဖိၪခွၫလီၫ. ယထၪ့ဖိၪယူၭ
8 နၧၩလၧမုဆၫလနံၩယီၩယူၭ.- အၪ့ကံၩ့ဆၧလၧယၧၩ ဆံၭ,တၭယမိဖ့ၪလၫ့ၦဆၨၩလဖၪ လၧနန့ၥၫဆၧအဂး, ဒဲဂၪ့ခိၪအထုၬလဖၪ လၧနစူၪလးနခၪ့ခိၪ အဂးလီၫ.
9 တၭနမိဒိၪခါအဝ့ၫၥံၪ လၧနိၪထးထၭတၭ,ဘဲၫဖၧၩ့ဂၪ့ ခိၪအၥိၭနီၪ, နမိဒိၪလၩ့ဘျ့ၭဆံၫ့ခွံၬ အဝ့ၫၥံၪလီၫ.
10 အခိးမွဲဘဲၫနီၪတၭ, ဘိၩ့နဲၪ့ယီၩ, စဎွၩၥံၪဧ့,အီၪလၧ ဆၧကိၪ့ၥ့ၪကိၪ့ဘၪဆံၭ. ဂၪ့ခိၪအၡၩစ့ၩရၫ့ခွးနၥံၪဝ့ၫ
11 ဧ့,ဒိၭန့ဆၧၥီၪ့ဆၧၥၫ့ဆံၭ.- မၩယဟိဝၩ အဆၧမၩ လၧနၥံၪအဆၧၥၭမဲၪၥၭဖျဲၩ့တၭ, ၥုၪ့ဎွံၫၥၭယီၫ လၧန
12 ၥံၪၥုၪ့ဝၭထိၬ ၥၭဝၭထိၬဆံၭ.- အဲၪဂါဖိၪခွၫနီၪဆံၭ, အဝ့ၫမိၥၭထၪ့ဘၪခိၬတၭ, နၥံၪမိဂၭဂီၩ့လၧဖၧၩ့ၥၭအ ဖၧၩ့လီၫ. အဂဲးဘဲၫယီၩအၥၭထၪ့နီၪ မိဆူၭခဲၩထၪ့ဘၪ ၡုၭဆၧလီၫ. ကယဲၦလၧအဒိၭနဲၩ့အၥၭ လၧအဝ့ၫနီၪ ဘၪဆိၪဂ့ၩဝ့ၫထီးအလူၬလီၫ.