145
1 ယယွၩစဎွၩဧ့, ယမိအီၪက့ၪထၪ့ထီၫနၧၩတၭ,ယမိ
2 စံၭထၪ့အၪ့အူၭနမံၩ့လၩ့ဆိၩလၩ့ကၠၪလီၫ.- ယမိစံၭ ထၪ့အၪ့အူၭနၧၩ ကိၭမုနံၩကိၭမုနၩဒ့ၭတၭ, ယမိၥံၫ
3 ကျံၩထၪ့နမံၩ့လၩ့ဆိၩလၩ့ကၠၪလီၫ.- ယဟိဝၩလဂၩ နီၪဒိၪဝ့ၫတၭ, ဂ့ၩၦစံၭထၪ့အၪ့အူၭဝ့ၫအၪအၪလ့ၬလီၫ. တၭမွဲအဆံၭဒိၪလဲၪ,ဆံၭဒိၪလဲၪနီၪ, ပအၪ့ဎူၫအၪ့ဎၬ
4 ၥ့ၪအ့ၬ.- ၦလဆိၩဘၪလဆိၩမိစံၭထၪ့အၪ့အူၭနဆၧ မၩတၭ, မိဒုၭနဲၪနဆၧမၩအဒိၪလီၫ.
5 တၭယမိၥံၫကျံၩထၪ့ လၧနကယးကဖးအစီၩ့အမၩ့ အလၩအဖၩ့, ဒဲနမၩဆၧလၩ့လၭလဖၪ အဂဲးအကၠီၪ့
6 လီၫ.- တၭၦၡၩမိချဲၩ့လၧနမၩလၩ့လၭဆၧ အစီၩ့အ မၩ့အဂဲးအကၠီၪ့တၭ, ယမိလီၩ့လၩ့လၬလၩ့နမၩဆၧ
7 အဒိၪအထီၫလဖၪနီၪလီၫ.- ဆၧနၪ့ထၪ့ထဲၩ့နမၩဂ့ၩ ဆၧဖၭဒိၪနီၪမိထၪ့ဖျ့ၭလၧအနိၭး ဒဲအဝ့ၫၥံၪမိၥံၫကျံၩ ထၪ့ထဲၩ့နဆၧတီၩဆၧလီၩ့လီၫ.
8 ယဟိဝၩယၫ့ၥုၪ့ဆၧယၫ့ၥၭဆၧ, ဒဲၥုၪ့အီၪၥၭအီၪ
9 ဆၧဒဲၥၭထၪ့ကၪတၭ, အခိးအတၩဒိၪမၬလီၫ.- ယဟိ ဝၩမၩဂ့ၩၦကိၭဂၩဒ့ၭတၭ, အၥၭအီၪကယဲဆၧလၧ
10 အတဲၩ့လၩ့ဝ့ၫထီးအလူၬလီၫ.- ယဟိဝၩဧ့, နမၩဆၧ ထီးအလူၬလဖၪနီၪ စံၭထၪ့အၪ့အူၭနၧၩ, ဒဲနၡၩဆံၫ့
11 ဎံၪၥံၪမိဆိၪဂ့ၩနၧၩလီၫ.- အဝ့ၫၥံၪမိချဲၩ့ဆၧလၧနဘၩ့ နမုးအလၩအဖၩ့အဂဲးအကၠီၪ့တၭ, မိလီၩဘၪဆၧလၧ
12 နစီၩ့နမၩ့အဂဲးအကၠီၪ့နီၪ,- ဘဲၫၥိၭအမိဒုၭၥ့ၪယၫၦ ၡၩအဖိၪၥံၪလၧအမၩဆၧအဒိၪ, ဒဲအဘၩ့အမုးနီၪအ
13 ကယးအကဖးအီၪလၧအလၩအဖၩ့လီၫ.- တၭနဘၩ့ နမုးနီၪ, မွဲအဘၩ့အမုးအဆိၩအကၠၪ, ဒဲနပၧၩ့ဆၧနီၪ အီၪဝ့ၫအဆိၩဆိၩအကၠၪကၠၪလီၫ.
14 ယဟိဝၩမၩဆၧၩ့ ကယဲၦလၧအလၩ့ထံၩဖါဝ့ၫတၭ, ဘိၭဂဲထုၪ့ကယဲၦလၧအလၩ့ကူၭဝ့ၫလဖၪ ထီးအလူၬ လီၫ.
15 ကယဲဆၧအမ့ၬၥၪယိလါဆၧလၧနၧၩတၭ, လၧအ ဆၧၫ့အထီဘၪနီၪ, နဖ့ၪလၫ့အဝ့ၫၥံၪအဆၧအၪ့လီၫ.
16 နပၠၪလၩ့နစူၪတၭ, ကယဲၥၭအဆၧဆိၫ့နီၪနဖ့ၪလၫ့လၧၫ့
17 ဎွ့ၩလီၫ.- ယဟိဝၩတီၩဝ့ၫလီၩ့ဝ့ၫလၧအဖၧၩ့ၥၭထီး အလူၬအဖၧၩ့တၭ, ဆံၫ့ဎံၪဝ့ၫလၧအမၩဆၧ ထီးအ လူၬအဖၧၩ့လီၫ.
18 တၭယဟိဝၩအီၪဘူၭ လၧကယဲၦလၧအကိၭထၪ့ ဝ့ၫ,ကယဲၦလၧအကိၭထၪ့ဝ့ၫ လၧဆၧမွဲဆၧတီၩအဖၧၩ့
19 ကိၭဂၩဒ့ၭလီၫ.- မိမၩဝ့ၫထီးဒၪၦလၧအၥၭမဲၪဝ့ၫလ ဖၪအၥၭတၭ, မိခိၭနၪအအၪ့ယၫဆၧတၭ, မိထိးထဲၩ့
20 တၩ့ထဲၩ့အဝ့ၫၥံၪလီၫ.- ယဟိဝၩယိထဲၩ့ခွါထဲၩ့ၦလၧ အအဲၪဝ့ၫထီးအလူၬတၭ, မိမၩဂၭဂီၩ့ကယဲၦလတီၩ
21 လလီၩ့ဘၪလဖၪနီၪလီၫ.- ယနိၭမိချဲၩ့ယဟိဝၩအဆၧ စံၭထၪ့အၪ့အူၭတၭ, ကယဲဆၧဖံၭဆၧယၪထီးအလူၬ နီၪ,မွဲအဆိၪဂ့ၩအမံၩ့ဆံၫ့ဎံၪ အဆိၩဆိၩအကၠၪကၠၪ ဆံၭ.